02019D1119 — MT — 25.02.2021 — 002.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

DEĊIŻJONI TA' IMPLIMENTAZZJONI TAL-KUMMISSJONI (UE) 2019/1119

tat-28 ta' Ġunju 2019

dwar l-approvazzjoni ta' illuminazzjoni esterna effiċjenti tal-vetturi permezz ta' dijodi li jemettu d-dawl għall-użu f'vetturi b'magna ta' kombustjoni interna u f'vetturi elettriċi ibridi li ma jistgħux jiġu ċċarġjati esternament bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill

(Test b'rilevanza għaż-ŻEE)

(ĠU L 176 1.7.2019, p. 67)

Emendata bi:

		Il-Ġurnal Uffiċjali
		Nru	Paġna	Data
►M1	DEĊIŻJONI TA’ IMPLIMENTAZZJONI TAL-KUMMISSJONI (UE) 2020/1714 tas-16 ta’ Novembru 2020	L 384	9	17.11.2020
M2	ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2021/136 tal-4 ta’ Frar 2021	L 42	13	5.2.2021

▼B

DEĊIŻJONI TA' IMPLIMENTAZZJONI TAL-KUMMISSJONI (UE) 2019/1119

tat-28 ta' Ġunju 2019

(Test b'rilevanza għaż-ŻEE)

Artikolu 1

Approvazzjoni

It-teknoloġija użata f'illuminazzjoni b'dijodi li jemettu d-dawl (LED) effiċjenti hija approvata bħala teknoloġija innovattiva fis-sens tat-tifsira tal-Artikolu 12 tar-Regolament (KE) Nru 443/2009, fejn din it-teknoloġija innovattiva tintuża għall-finijiet ta' illuminazzjoni esterna f'karozzi tal-passiġġieri b'magna tal-kombustjoni interna u f'karozzi tal-passiġġieri elettriċi ċċertifikati ibridi li ma jistgħux jiġu ċċarġjati esternament.

Artikolu 2

Definizzjoni

Għall-finijiet ta' din id-Deċiżjoni, illuminazzjoni LED effiċjenti tfisser teknoloġija li tikkonsisti minn modulu ta' illuminazzjoni li huwa mgħammar b'sorsi ta' dijodi li jemettu d-dawl (LED) li jintużaw għall-illuminazzjoni esterna ta' vettura u li għandha konsum tal-enerġija aktar baxx minn illuminazzjoni bl-aloġenu konvenzjonali.

Artikolu 3

Applikazzjoni għaċ-ċertifikazzjoni tal-iffrankar tas-CO2

Kull manifattur jista' japplika għaċ-ċertifikazzjoni tal-iffrankar tas-CO2 minn sistema ta' illuminazzjoni LED effiċjenti esterna waħda jew aktar fejn dawn jintużaw għall-illuminazzjoni esterna ta' vetturi M1 b'magna tal-kombustjoni interna u ta' vetturi M1 elettriċi ibridi li ma jistgħux jiġu ċċarġjati esternament. L-illuminazzjoni LED effiċjenti għandha tinkludi waħda jew kombinazzjoni tad-dwal LED li ġejjin:

(a)

fanal b'raġġ baxx (inkluża sistema ta' dawl ta' quddiem adattiva);

(b)

fanal b'raġġ qawwi;

(c)

fanal ta' pożizzjoni ta' quddiem;

(d)

fanal ta' quddiem kontra ċ-ċpar;

(e)

fanal ta' wara kontra ċ-ċpar;

(f)

lampa indikatur ta' quddiem;

(g)

lampa indikatur ta' wara;

(h)

id-dwal tal-pjanċi;

(i)

id-dwal tar-rivers;

(j)

fanal tad-dwal għall-kantunieri;

(k)

fanal ta' liwi statiku.

Id-dawl LED jew il-kombinazzjoni ta' dwal LED li jiffurmaw l-illuminazzjoni LED effiċjenti għandu, bħala minimu, jipprovdi t-tnaqqis ta' CO2 speċifikat fl-Artikolu 9(1)(b) tar-Regolament ta' Implimentazzjoni (UE) Nru 725/2011 kif muri permezz tal-metodoloġija ta' ttestjar stabbilita fl-Anness ta' din id-Deċiżjoni.

Applikazzjoni għaċ-ċertifikazzjoni tal-iffrankar minn sistema waħda jew kombinazzjoni ta' illuminazzjoni LED effiċjenti għandha tiġi akkumpanjata minn rapport ta' verifika indipendenti li jikkonferma li l-kundizzjonijiet stabbiliti fil-paragrafu 1 huma ssodisfati.

L-awtorità tal-approvazzjoni tat-tip għandha tiċħad l-applikazzjoni għal ċertifikazzjoni jekk issib li l-kundizzjonijiet stabbiliti fil-paragrafu 1 mhumiex issodisfati.

Artikolu 4

Ċertifikazzjoni tal-iffrankar tas-CO2

It-tnaqqis tal-emissjonijiet tas-CO2 mill-użu ta' illuminazzjoni LED effiċjenti msemmija fl-Artikolu 3(1) għandu jiġi ddeterminat permezz tal-metodoloġija stabbilita fl-Anness.

Meta manifattur japplika għaċ-ċertifikazzjoni tal-iffrankar tas-CO2 minn aktar minn sistema waħda ta' illuminazzjoni LED effiċjenti msemmija fl-Artikolu 3(1) fir-rigward ta' verżjoni waħda ta' vettura, l-awtorità tal-approvazzjoni tat-tip għandha tiddetermina liema mis-sistemi ta' illuminazzjoni LED effiċjenti li ġiet ittestjata trendi l-inqas iffrankar tas-CO2, u għandha tirreġistra l-aktar valur baxx fid-dokumentazzjoni tal-approvazzjoni tat-tip rilevanti. Dan il-valur għandu jiġi indikat fiċ-ċertifikat ta' konformità skont l-Artikolu 11(2) tar-Regolament ta' Implimentazzjoni (UE) Nru 725/2011.

▼M1

2a.

Meta t-teknoloġija innovattiva tiġi installata f’vettura bifjuwil jew flex fjuwil, l-awtorità tal-approvazzjoni għandha tirreġistra l-iffrankar ta’ CO2 kif ġej:

(a)

għal vettura bifjuwil li tuża l-petrol u l-fjuwils gassużi, l-iffrankar ta’ CO2 fir-rigward tal-fjuwils LPG jew CNG;

(b)

għal vettura flex fjuwil li tuża l-petrol u l-E85, l-iffrankar ta’ CO2 fir-rigward tal-petrol.

▼B

L-awtorità tal-approvazzjoni tat-tip għandha tirreġistra r-rapport ta' verifika u r-riżultati tal-ittestjar li fuq il-bażi tagħhom ikun ġie ddeterminat l-iffrankar, u fuq talba tal-Kummissjoni għandha tqiegħed dik l-informazzjoni għad-dispożizzjoni tagħha.

▼M1

Artikolu 5

Perjodu tranżitorju u kodiċijiet tal-ekoinnovazzjoni

Sal-24 ta’ Marzu 2021, manifattur jista’ japplika għaċ-ċertifikazzjoni tal-iffrankar ta’ CO2 mill-awtorità tal-approvazzjoni tat-tip skont din id-Deċiżjoni fil-verżjoni tagħha tat-28 ta’ Ġunju 2019. Meta dak ikun il-każ, il-kodiċi tal-ekoinnovazzjoni Nru 28 għandu jiddaħħal fid-dokumentazzjoni tal-approvazzjoni tat-tip.

Meta l-manifattur japplika għaċ-ċertifikazzjoni tal-iffrankar ta’ CO2 mill-awtorità tal-approvazzjoni tat-tip skont din id-Deċiżjoni mingħajr ma jagħmel referenza għall-verżjoni tagħha tat-28 ta’ Ġunju 2019, il-kodiċi tal-ekoinnovazzjoni Nru 37 għandu jiddaħħal fid-dokumentazzjoni tal-approvazzjoni tat-tip.

L-iffrankar ta’ CO2 irreġistrat skont ir-referenza għall-kodiċi tal-ekoinnovazzjoni Nru 28 jew Nru 37 jista’ jitqies għall-kalkolu tal-emissjonijiet speċifiċi medji ta’ manifattur mis-sena kalendarja 2021.

▼B

Artikolu 6

Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

ANNESS

Metodoloġija għad-determinazzjoni tal-iffrankar tas-CO2 ta' illuminazzjoni LED effiċjenti skont referenza għall-Proċedura ta' Ttestjar armonizzata fuq Livell Dinji għall-vetturi ħfief

1. INTRODUZZJONI

Sabiex jiġi ddeterminat it-tnaqqis tal-emissjonijiet tas-CO2 li jista' jiġi attribwit lil illuminazzjoni LED effiċjenti li tikkonsisti minn kombinazzjoni xierqa ta' dwal LED esterni ta' vettura għall-użu f'vetturi M1 b'magna tal-kombustjoni interna u f'vetturi M1 elettriċi ibridi li ma jistgħux jiġu ċċarġjati esternament, jeħtieġ li jiġu stabbiliti dawn li ġejjin:

(1)

il-kundizzjonijiet tat-test;

(2)

it-tagħmir tat-test;

(3)

il-proċedura biex jiġi ddeterminat l-iffrankar tal-enerġija;

(4)

il-proċedura biex jiġi ddeterminat l-iffrankar tas-CO2;

(5)

il-proċedura biex tiġi ddeterminata l-inċertezza tal-iffrankar tas-CO2.

2. SIMBOLI, PARAMETRI U UNITAJIET

Simboli bil-Latin

AFS

—

Sistema Adattiva tad-Dawl ta' Quddiem

—

Linja bażi

CO2

—

Diossidu tal-karbonju

—

Iffrankar tas-CO2 [g CO2/km]

—

Numru ta' klassijiet tas-sistema ta' illuminazzjoni ta' quddiem adattiva

▼M1

—

Fattur ta’ konverżjoni kif iddefinit fit-Tabella 5

▼B

—

Ekoinnovattiv

HEV

—

Vettura Elettrika Ibrida

—

Fattur ta' korrezzjoni tas-CO2,
kif definit fir-Regolament (UE) 2017/1151 is-Subanness 8, l-Appendiċi 2

—

Medja tal-valuri T ta'

—

Numru ta' dwal LED esterni effiċjenti li jiffurmaw il-pakkett

—

limitu minimu [g CO2/km]

—

Numru ta' kejlijiet tal-kampjun

NOVC

—

Iċċarġjar Fuq il-Vettura

—

Konsum tal-enerġija mid-dwal tal-vettura [W]

—

Konsum tal-enerġija tad-dawl i korrispondenti f'vettura tal-linja bażi [W]

—

Konsum tal-enerġija tal-kampjun n korrispondenti għal kull vettura tal-klassi [W]

—

Konsum tal-enerġija għal kull klassi ta' vetturi (medja tal-kejlijiet n) [W]

—

Konsum tal-enerġija tal-AFS b'Raġġ baxx [W]

—

Medja tal-konsum tal-enerġija tad-dawl tal-vettura ekoinnovattiv korrispondenti [W]

ΔPi

—

Iffrankar tal-enerġija ta' kull dawl LED estern effiċjenti [W]

—

Devjazzjoni standard tal-iffrankar totali tas-CO2 [g CO2/km]

—

Devjazzjoni standard tal-

—

Devjazzjoni standard tal-medja tal-valuri T ta'

—

Devjazzjoni standard tal-medja tal-konsum tal-enerġija għal kull klassi ta' vetturi [W]

—

Devjazzjoni standard tal-konsum tal-enerġija mid-dwal LED fil-vettura ekoinnovattiva [W]

—

Devjazzjoni standard tal-medja tal-konsum tal-enerġija mid-dwal LED fil-vettura ekoinnovattiva [W]

—

Inċertezza jew Devjazzjoni standard tal-medja tal-enerġija tal-AFS b'Raġġ baxx [W]

—

Numru ta' kejlijiet mwettqa mill-manifattur għall-estrapolazzjoni tat-

—

Tul ta' sewqan tal-vetturi taċ-Ċiklu ta' Ttestjar għall-vetturi Ħfief fuq Livell Dinji (WLTC) [s], li huwa 1 800 s

—

Fattur tal-użu għad-dawl tal-vettura [-] kif definit fit-Tabella 6

—

Veloċità medja tas-sewqan taċ-Ċiklu ta' Ttestjar għall-vetturi Ħfief fuq Livell Dinji (WLTC) [km/h]

▼M1

Vpe

—

Konsum tal-enerġija effettiva kif iddefinit fit-Tabella 4

▼B

share c

—

Perċentwal ta' żmien għal kull medda ta' veloċità f'kull klassi ta' vetturi

—

Sensittività tal-iffrankar tas-CO2 ikkalkulat b'rabta mal-konsum tal-enerġija mid-dwal LED

—

Sensittività tal-iffrankar tas-CO2 ikkalkulat b'rabta mal-fattur tal-korrezzjoni tas-CO2

ηA

—

Effiċjenza tal-alternatur [-]

ηDCDC

—

Effiċjenza tal-konvertitur DC-DC [-]

Simboli miktubin taħt il-vers

L-indiċi (c) jirreferi għan-numru tal-klassi tal-kejl tas-sistema adattiva tad-dawl ta' quddiem tal-kampjun

L-indiċi (i) jirreferi għal kull dawl tal-vettura

L-indiċi (j) jirreferi għall-kejl tal-kampjun

L-indiċi (t) jirreferi għal kull numru ta' kejlijiet ta' T

3. KUNDIZZJONIJIET TAL-ITTESTJAR

Il-kundizzjonijiet tal-ittestjar għandhom jissodisfaw ir-rekwiżiti tar-Regolamenti UN/ECE Nru 4 ( 1 ), 6 ( 2 ), 7 ( 3 ), 19 ( 4 ), 23 ( 5 ), 38 ( 6 ), 48 ( 7 ), 100 ( 8 ), 112 ( 9 ), 119 ( 10 ) u 123 ( 11 ). Il-konsum tal-enerġija għandu jiġi ddeterminat skont il-punt 6.1.4 tar-Regolament UN/ECE Nru 112 u l-punti 3.2.1 u 3.2.2 tal-Anness 10 tal-istess Regolament.

Għas-sistema adattiva tad-dawl ta' quddiem (AFS) b'raġġ baxx li taqa' tal-inqas taħt tnejn mill-Klassijiet C, E, V jew W kif definit fir-Regolament UN/ECE Nru 123, sakemm ma jintlaħaqx ftehim mas-servizz tekniku li l-Klassi C hija l-intensità ta' LED rappreżentattiva/medja għall-applikazzjoni tal-vettura, il-kejlijiet tal-enerġija għandhom isiru fl-intensità ta' LED ta' kull klassi (Pc) kif definit fir-Regolament UN/ECE Nru 123. Jekk il-Klassi C hija l-intensità ta' LED rappreżentattiva/medja għall-applikazzjoni tal-vettura, il-kejlijiet tal-enerġija għandhom isiru bl-istess mod bħal għal kwalunkwe dawl LED estern ieħor inkluż fil-kombinazzjoni.

Tagħmir tat-test

Għandu jintuża t-tagħmir li ġej, kif muri fil-Figura hawn taħt:

—

unità tal-provvista tal-enerġija (jiġifieri provvista ta' vultaġġ varjabbli);

—

żewġ multimiters diġitali, wieħed għall-kejl tal-kurrent dirett, u l-ieħor għall-kejl tal-vultaġġ tal-kurrent dirett. Fil-Figura 1, tintwera konfigurazzjoni possibbli ta' test, fejn il-miter tal-vultaġġ tal-kurrent dirett huwa integrat fl-unità għall-provvista tal-enerġija.

Konfigurazzjoni tat-test

Kejlijiet u determinazzjoni tal-iffrankar tal-enerġija

Għal kull dawl LED estern effiċjenti inkluż fil-kombinazzjoni, il-kejl tal-kurrent għandu jsir kif muri fil-Figura b'vultaġġ ta' 13,2 V. Il-modulu(i) LED imħaddem(imħaddma) b'ger tal-kontroll ta' sors tad-dawl elettroniku għandu(għandhom) jitkejjel(jitkejlu) kif speċifikat mill-applikant.

Il-manifattur jista' jitlob li jsiru kejlijiet oħra tal-kurrent f'vultaġġi addizzjonali oħra. F'dak il-każ, il-manifattur għandu jgħaddi lill-awtorità tal-approvazzjoni tat-tip dokumentazzjoni verifikata dwar il-ħtieġa li jitwettaq dawn il-kejlijiet addizzjonali. Il-kejlijiet tal-kurrenti f'kull wieħed minn dawn il-vultaġġi addizzjonali għandhom isiru b'mod konsekuttiv għal mill-inqas ħames darbiet. Il-vultaġġi installati eżatti u l-kurrent imkejjel iridu jitniżżlu f'erba' ċifri deċimali.

Il-konsum tal-enerġija għandu jiġi ddeterminat billi l-vultaġġ installat jiġi mmultiplikat bil-kurrent imkejjel. Il-medja tal-konsum tal-enerġija għal kull dawl LED estern effiċjenti (

) għandha tiġi kkalkulata. Kull valur għandu jitniżżel f'erba ċifri deċimali. Meta mutur ta' veloċità gradwali jew kontrollur elettroniku jintuża għall-provvista tal-elettriku fid-dwal LED, it-tagħbija elettrika ta' dik il-parti tal-komponent għandha tiġi eskluża mill-kejl.

Kejlijiet addizzjonali għal Sistema Adattiva tad-Dawl ta' Quddiem (AFS) b'Raġġ Baxx

Tabella 1

Klassijiet ta' AFS b'Raġġ baxx

Klassi	Ara l-punt 1.3 u n-nota f'qiegħ il-paġna 2 tar-Regolament UN/ECE Nru 123	% Intensità tal-LED	Modalità ta' Attivazzjoni (*1)
C	Mogħdija tar-Raġġi Bażi (Pajjiż)	100 %	50 km/h < veloċità < 100 km/h Jew meta ma tiġi attivata l-ebda klassi ta' mogħdija tar-raġġi oħra (V, W, E)
V	Belt	85 %	Veloċità < 50 km/h
E	Awtostrada	110 %	Veloċità > 100 km/h
W	Kundizzjonijiet Avversi	90 %	Wajper tal-windscreen attiv > 2 min
(*1) Veloċitajiet tal-attivazzjoni li għandhom jiġu ċċekkjati għal kull applikazzjoni ta' vettura skont ir-Regolament UN/ECE Nru 48 it-Taqsima 6, il-Kapitolu 6.22, il-paragrafi 6.22.7.4.1 (klassi C), 6.22.7.4.2 (klassi V), 6.22.7.4.3 (klassi E), 6.22.7.4.4 (klassi W).

Meta jkunu meħtieġa l-kejlijiet tal-enerġija fl-intensità tal-LED ta' kull klassi, wara li jsiru l-kejlijiet ta' kull Pc, l-enerġija tal-AFS b'Raġġ baxx (
) għandha tiġi kkalkulata bħala medja ponderata tal-Enerġija tal-LED waqt il-meded tal-veloċità tad-WLTC, bil-Formula 1 li ġejja.

Formula 1

Fejn:

hija l-konsum tal-enerġija (medja tal-kejlijiet n) għal kull klassi;

hija l-perċentwal ta' żmien tad-WLTC għal kull medda ta' veloċità f'kull klassi (WLTC idum 1 800 s b'kollox):

Tabella 2

Medda tal-veloċità	Żmien	WLTC_sharec (%)
< 50 km/h:	1 058 s	0,588 (58,8 %)
50–100 km/h	560 s	0,311 (31,1 %)
> 100 km/h	182 s	0,101 (10,1 %)

Meta l-AFS b'Raġġ baxx ikollha biss 2 klassijiet li ma jkoprux il-veloċitajiet kollha tad-WLTC (eż. C u V), il-ponderazzjoni tal-enerġija tal-Klassi C għandha tinkludi wkoll iż-żmien tad-WLTC mhux kopert mit-tieni klassi (eż. ħin tal-Klassi C “t” = 0,588 + 0,101)

L-iffrankar tal-enerġija li jirriżulta ta' kull dawl LED estern effiċjenti (ΔPi) għandu jiġi kkalkulat billi tintuża l-Formula 2 li ġejja:

Formula 2

fejn il-konsum tal-enerġija tad-dawl tal-vettura tal-linja bażi korrispondenti huwa definit fit-Tabella 3:

Tabella 3

Konsum tal-enerġija għad-dwal differenti tal-vetturi fil-linja bażi

Dawl tal-vettura	Enerġija elettrika totali (PB) [W]
Fanal b'raġġ baxx	137
Fanal b'raġġ qawwi	150
Fanal ta' pożizzjoni ta' quddiem	12
Pjanċa ta' reġistrazzjoni	12
Fanal ta' quddiem kontra ċ-ċpar	124
Fanal ta' wara kontra ċ-ċpar	26
Lampa indikatur ta' quddiem	13
Lampa indikatur ta' wara	13
Fanal tad-dwal tar-rivers	52
Fanal tad-dwal għall-kantunieri	44
Fanal ta' Liwi Statiku	44

4. KALKOLU TAL-IFFRANKAR TAS-CO2 U L-MARĠNI TAL-ISTATISTIKA

4.1. Kalkolu tal-iffrankar tas-CO2

L-iffrankar totali tas-CO2 tal-pakkett tal-illuminazzjoni għandu jiġi kkalkulat skont is-sistema tal-motopropulsjoni speċifika tal-vettura (eż. Konvenzjonali, NOVC-HEV).

▼M1

4.1.1. Karozzi tal-passiġġieri li jaħdmu b’magna tal-kombustjoni interna u NOVC-HEVs tal-kategorija M1 li għalihom jistgħu jintużaw valuri mkejla u mhux ikkoreġuti tal-konsum tal-fjuwil u tal-emissjonijiet ta’ CO2 f’konformità mal-paragrafu 1.1.4 tal-Appendiċi 2 tas-Sub Anness 8 tal-Anness XXI tar-Regolament (UE) 2017/1151

▼B

L-iffrankar tas-CO2 għandu jiġi kkalkulat skont il-Formula 3 li ġejja:

Formula 3

Fejn:

v : Veloċità medja tas-sewqan tad-WLTC [km/h], li hija 46,60 km/h

ηA : Effiċjenza tal-alternatur, li hija 0,67

Konsum tal-enerġija effettiva kif speċifikat fit-Tabella 4

▼M1

Tabella 4

Konsum tal-enerġija effettiva

Tip ta’ Magna	Konsum tal-enerġija effettiva (Vpe) [l/kWh]
Petrol/E85	0,264
Petrol/E85 Turbo	0,280
Diżil	0,220
L-LPG	0,342
LPG Turbo	0,363
	Konsum tal-enerġija effettiva (Vpe) [m3/kWh]
CNG (G20)	0,259
CNG (G20) Turbo	0,275

CF :

fattur ta’ konverżjoni kif definit fit-Tabella 5.

Tabella 5

Fattur ta’ konverżjoni tal-fjuwil

Tip ta’ fjuwil	Fattur ta’ konverżjoni (CF) [gCO2/l]
Petrol/E85	2 330
Diżil	2 640
L-LPG	1 629
	Fattur ta’ konverżjoni (CF) [gCO2/m3]
CNG (G20)	1 795

▼B

Fattur tal-użu tad-dawl tal-vettura [-] kif definit fit-Tabella 6.

Tabella 6

Fattur tal-użu għal tipi differenti ta' dwal tal-vetturi

Dawl tal-vettura	Fattur tal-użu (UF) [-]
Fanal b'raġġ baxx	0,33
Fanal b'raġġ qawwi	0,03
Fanal ta' pożizzjoni ta' quddiem	0,36
Pjanċa ta' reġistrazzjoni	0,36
Fanal ta' quddiem kontra ċ-ċpar	0,01
Fanal ta' wara kontra ċ-ċpar	0,01
Lampa indikatur ta' quddiem	0,15
Lampa indikatur ta' wara	0,15
Fanal tad-dwal tar-rivers	0,01
▼M1
Fanal tad-dwal għall-kantunieri	0,019
Fanal ta’ Liwi Statiku	0,039

4.1.2. NOVC-HEVs li ma jaqgħux fil-kamp ta’ applikazzjoni tal-punt 4.1.1

▼B

L-iffrankar tas-CO2 għandu jiġi kkalkulat skont il-Formula 4 li ġejja:

Formula 4

Fejn:

ηDCDC : Effiċjenza tal-konvertitur DC-DC

: fattur ta' korrezzjoni tas-CO2
, kif definit fil-paragrafu 2.2 tal-Appendiċi 2 tas-Subanness 8 tal-Anness XXI tar-Regolament (UE) 2017/1151.

L-effiċjenza tal-konvertitur DC-DC (ηDCDC ) għandha tiġi evalwata skont l-arkitettura xierqa tal-vettura, kif speċifikat fit-Tabella 7:

Tabella 7

▼M1

Effiċjenza tal-konvertitur DC-DC għal arkitetturi differenti tad-dawl tal-vetturi

▼B

#	Arkitettura	ηDCDC
1	Dwal imqabbda b'mod parallel mad-dwal tal-batterija ta' vultaġġ baxx (alimentati direttament mill-batterija ta' vultaġġ għoli permezz tal-konvertitur DCDC)	0,xx
2	Dwal imqabbda f'serje wara l-batterija ta' vultaġġ baxx, u l-batterija ta' vultaġġ baxx imqabbda f'serje mal-Batterija ta' vultaġġ għoli	1
3	Batteriji ta' Vultaġġ Għoli u vultaġġ baxx għandhom eżattament l-istess vultaġġ (12 V, 48 V,…) bħad-dwal	1

Għall-arkitettura #1, l-effiċjenza tal-konvertitur DC-DC (ηDCDC ) għandha tkun l-ogħla valur li jirriżulta mit-testijiet ta' effiċjenza mwettqa fil-medda ta' kurrent elettriku operattiva. L-intervall tal-kejl għandu jkun daqs jew anqas minn 10 % tal-medda ta' kurrent elettriku operattiva.

4.2. Kalkolu tal-marġni tal-istatistika

Il-marġni tal-istatistika tal-pakkett tal-illuminazzjoni għandu jiġi kkalkulat skont is-sistema tal-motopropulsjoni speċifika tal-vettura (eż. Konvenzjonali, NOVC-HEV).

▼M1

4.2.1. Karozzi tal-passiġġieri li jaħdmu b’magna tal-kombustjoni interna u NOVC-HEVs tal-kategorija M1 li għalihom jistgħu jintużaw valuri mkejla u mhux ikkoreġuti tal-konsum tal-fjuwil u tal-emissjonijiet ta’ CO2 f’konformità mal-paragrafu 1.1.4 tal-Appendiċi 2 tas-Sub Anness 8 tal-Anness XXI tar-Regolament (UE) 2017/1151

▼B

Il-marġni tal-istatistika tar-riżultati tal-metodoloġija tal-ittestjar li jirriżulta mill-kejlijiet għandu jiġi kkwantifikat. Għal kull dawl LED estern effiċjenti inkluż fil-pakkett, għandha tiġi kkalkulata d-devjazzjoni standard skont il-Formula 5:

Formula 5

Fejn:

n : Numru ta' kejlijiet tal-kampjun, li huwa mill-inqas 5

Meta d-devjazzjoni standard tal-konsum tal-enerġija ta' kull dawl LED estern effiċjenti (
) twassal għal żball fl-iffrankar tas-CO2 (
), dan l-iżball għandu jiġi kkalkulat permezz tal-Formula 6:

Formula 6

▼M1

4.2.2. NOVC-HEVs li ma jaqgħux fil-kamp ta’ applikazzjoni tal-punt 4.2.1

▼B

Formula 7

Fejn:

n : Numru ta' kejlijiet tal-kampjun, li huwa mill-inqas 5

Il-fattur ta' korrezzjoni tal-emissjonijiet tas-CO2
għandu jiġi ddeterminat minn sett ta' kejlijiet T li jsir mill-manifattur, skont il-paragrafu 2.2 tal-Appendiċi 2 tas-Subanness 8 tal-Anness XXI tar-Regolament (UE) 2017/1151. Għal kull kejl, il-bilanċ elettriku matul it-test u l-emissjonijiet imkejla tas-CO2 għandhom jiġu rreġistrati.

Sabiex issir l-evalwazzjoni tal-iżball statistiku ta'

, il-kombinazzjonijiet T kollha mingħajr ripetizzjonijiet tal-kejlijiet T-1 għandhom jintużaw biex jiġu estrapolati l-valuri differenti T ta'

(jiġifieri

). L-estrapolazzjoni għandha ssir skont il-metodu definit fil-paragrafu 2.2 tal-Appendiċi 2 tas-Subanness 8 tal-Anness XXI tar-Regolament (UE) 2017/1151.Id-devjazzjoni standard ta'

għandha tiġi kkalkulata skont il-Formula 8.

Formula 8

Fejn:

T : Numru ta' kejlijiet li jsir mill-manifattur għall-estrapolazzjoni tal-

kif definit fil-paragrafu 2.2 tal-Appendiċi 2 tas-Subanness 8 tal-Anness XXI tar-Regolament (UE) 2017/1151.

: medja tal-valuri T ta'

Meta d-devjazzjoni standard tal-konsum tal-enerġija ta' kull dawl LED estern effiċjenti (
) u d-devjazzjoni standard tal-

twassal għal żball fl-iffrankar tas-CO2 (
), dan l-iżball għandu jiġi kkalkulat permezz tal-Formula 9.

Formula 9

▼B

4.3. Marġni tal-istatistika għal AFS b'Raġġ baxx

Meta tkun preżenti AFS b'Raġġ baxx, il-formuli 9 għandhom jiġu adattati biex iqisu l-kejlijiet addizzjonali meħtieġa.

Il-valur tal-inċertezza (

) li għandu jintuża għall-AFS b'Raġġ baxx għandu jiġi kkalkulat bil-formuli 10 u 11 li ġejjin:

Formula 10

Formula 11

Fejn:

n : Numru ta' kejlijiet tal-kampjun, li huwa mill-inqas 5

: medja tal-valuri n ta' Pc

5. AĠĠUSTAMENT

Il-valur ikkalkulat tal-iffrankar tas-CO2 (
) u l-marġni tal-istatistika tal-iffrankar tas-CO2 (
) għandu jiġi aġġustat għal massimu ta' żewġ punti deċimali.

Kull valur użat fil-kalkolu tal-iffrankar tas-CO2 jista' jiġi applikat mingħajr aġġustament jew għandu jiġi aġġustat sal-għadd minimu ta' punti deċimali li jippermetti li l-impatt ikkombinat tal-valuri aġġustati kollha fuq l-iffrankar ikun inqas minn 0,25 gCO2/km.

6. SINIFIKAT STATISTIKU

Għal kull tip, varjant u verżjoni ta' vettura mgħammra bid-dwal LED effiċjenti għandu jintwera li l-inċertezza tal-iffrankar tas-CO2 ikkalkulata skont il-Formula 6 jew il-Formula 9 ma tkunx ikbar mid-differenza bejn l-iffrankar totali tas-CO2 u l-limitu minimu tal-iffrankar speċifikat fl-Artikolu 9(1) tar-Regolament ta' Implimentazzjoni (UE) Nru 725/2011 (ara l-Formula 12).

Formula 12

Fejn:

limitu minimu [g CO2/km]

iffrankar totali tas-CO2 [g CO2/km]

devjazzjoni standard tal-iffrankar totali tas-CO2 [gCO2/km]

Meta t-total tal-iffrankar ta' emissjonijiet tas-CO2 tal-illuminazzjoni LED effiċjenti kif iddeterminat skont il-metodoloġija ta' ttestjar stabbilita f'dan l-Anness ikun taħt il-limitu speċifikat fl-Artikolu 9(1)(b) tar-Regolament ta' Implimentazzjoni (UE) Nru 725/2011, japplika t-tieni subparagrafu tal-Artikolu 11(2) ta' dan ir-Regolament.

( 1 ) ĠU L 4, 7.1.2012, p. 17.

( 2 ) ĠU L 213, 18.7.2014, p. 1.

( 3 ) ĠU L 285, 30.9.2014, p. 1.

( 4 ) ĠU L 250, 22.8.2014, p. 1.

( 5 ) ĠU L 237, 8.8.2014, p. 1.

( 6 ) ĠU L 148, 12.6.2010, p. 55.

( 7 ) ĠU L 323, 6.12.2011, p. 46.

( 8 ) ĠU L 302, 28.11.2018, p. 114.

( 9 ) ĠU L 250, 22.8.2014, p. 67.

( 10 ) ĠU L 89, 25.3.2014, p. 101.

( 11 ) ĠU L 222, 24.8.2010, p. 1.