02014O0015 — MT — 02.10.2019 — 005.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

Emendat bi:

▼B

LINJA GWIDA TAL-BANK ĊENTRALI EWROPEW

tal-4 ta’ April 2014

dwar statistika monetarja u finanzjarja

(riformulazzjoni)

(BĊE/2014/15)

(2014/810/UE)

Artikolu 1

Kamp ta' applikazzjoni

1.    Ġenerali

Din il-Linja Gwida tistabbilixxi l-obbligi tal-BĊNi biex jirrapportaw statistika monetarja u finanzjarja lill-BĊE.

▼M2

2.    Skemi ta' rapportar, standards u dati ta' trażmissjoni

Il-BĊNi għandhom jirrapportaw l-partiti msemmijin fl-Artikoli 3 sa 26a skont l-iskemi li jidhru fl-Anness II u skont l-istandards tar-rapportar elettroniku stabbiliti fl-Anness III. Sa l-aħħar ta' Settembru ta' kull sena, il-BĊE għandu jikkomunika d-dati eżatti tat-trażmissjoni lill-BĊNi fil-forma ta' kalendarju ta' rapportar għas-sena ta' wara.

▼B

3.    Rekwiżiti ta’ rapportar ta’ dejta b’lura fil-każ tal-adozzjoni tal-euro

Fil-każijiet tal-adozzjoni tal-euro, għandhom japplikaw ir-regoli li ġejjin:

▼M4 —————

▼B

Artikolu 2

Definizzjonijiet

Għall-finijiet ta’ din il-Linja Gwida:

▼M5

▼B

Artikolu 3

Statistika fuq il-partiti tal-karta tal-bilanċ dwar MFIs

1.    Kamp ta' applikazzjoni tar-rapportar

(a)   Ġenerali

Il-BĊNi għandhom jikkompilaw u jirrapportaw żewġ karti tal-bilanċ aggregati, it-tnejn fuq bażi grossa, skont l-iskemi stabbiliti fl-Anness I għar-Regolament (UE) Nru 1071/2013 (BĊE/2013/33): waħda li tirreferi għas-subsettur tal-MFI "bank ċentrali" u oħra li tirreferi għas-subsettur "MFIs oħra".

Il-BĊNi għandhom iġibu t-tagħrif statistiku meħtieġ dwar il-karta tal-bilanċ tagħhom stess mis-sistema ta’ kontabbiltà permezz ta’ bridging tables iddedikati disponibbli fil-websajt tal-BĊE ( 3 ). It-tabelli sejrin jiġu emendati kif meħtieġ b'kooperazzjoni mal-BĊNi biex jirriflettu s-sitwazzjonijiet li jevolvu, pereżempju sabiex tiġi żgurata konsistenza mar-regoli tal-kontabilità aġġornati. Il-BĊE, għal finijiet ta' rapportar statistiku, għandu jġib id-dejta mill-karta tal-bilanċ tiegħu stess, li tikkorrispondi għad-dejta derivata mill-BĊNi mill-karti tal-bilanċ tagħhom stess.

Il-BĊNi għandhom iġibu t-tagħrif statistiku meħtieġ dwar il-karti tal-bilanċ ta' MFIs oħrajn permezz tal-aggregazzjoni tad-dejta tal-BSI miġbura minn MFIs individwali residenti ħlief għall-BĊN residenti.

Dawn ir-rekwiżiti għandhom ikopru ammonti pendenti tal-aħħar tax-xahar u tal-aħħar tat-trimestru (stokks) dejta tal-aġġustament tal-fluss ta’ kull xahar u trimestrali, u dejta ta' kull xahar u trimestrali dwar titolizzazzjoni ta' self u trasferimenti oħra ta’ self. Il-karta tal-bilanċ għandha titfassal sal-aħħar jum kalendarju tax-xahar/trimestru mingħajr ma jitqiesu l-vaganzi lokali tal-bank; jekk dan ma jkunx possibbli, għandha tintuża dejta relatata mal-aħħar jum tax-xoghol, skont is-suq nazzjonali jew ir-regoli ta’ kontabilità.

▼M4

Il-partiti kollha huma obbligatorji; madankollu, b'referenza għaċ-ċelloli fit-Tabelli 3 u 4 tal-Parti 3 tal-Anness I għar-Regolament (UE) Nru 1071/2013 (BĊE/2013/33) li jikkorrispondu mal-Istati Membri mhux fiż-żona tal-euro, japplikaw ċerti dispożizzjonijiet speċjali, kif deskritt fil-paragrafu 8. B'referenza wkoll għal dik it-Tabella 3, wara l-istabbiliment tal-Bord Uniku ta' Riżoluzzjoni (SRB) fl-2015 skont ir-Regolament (UE) Nru 806/2014 tal-Parlament Ewropew u tal-Kunsill ( 4 ), il-BĊNi huma meħtieġ ukoll li jissottomettu pożizzjonijiet vis-à-vis l-SRB taħt iċ-ċellola ta' “istituzzjoni tal-UE magħżula”. Barra minn hekk, b'referenza għar-rekwiżiti tat-Tabella 5 tal-Parti 5 tal-Anness I tar-Regolament (UE) Nru 1071/2013 (BĊE/2013/33) għar-rapportar ta' self titolizzat u dekontabilizzat li huma sservizzjati minn MFIs, il-BĊNi jistgħu jestendu r-rekwiżiti ta' rapportar biex jinkludu self ittrasferit mod ieħor li huwa isservizzjat minn MFIs. Sa fejn din l-informazzjoni addizzjonali mhix inkluża fir-rapportar taħt it-Tabella 5 tal-Parti 5 tal-Anness I tar-Regolament (UE) Nru 1071/2013 (BĊE/2013/33) imma hija disponibbli għall-BĊNi, għandha tiġi inkluża d-dejta fit-Tabella 4 tal-Parti 1 tal-Anness II ta' din il-Linja Gwida. Sa fejn dik l-informazzjoni dwar is-self titolizzat jew ittrasferit mod ieħor li ma jkunx isservizzjat minn MFIs tkun disponibbli għall-BĊN (eż. minn OFIs jew awżiljarji finanzjarji li jaġixxu bħala dawk li jisservizzjaw is-self), din id-dejta għandha tiġi inkluża fit-Tabella 4 tal-Parti 1 tal-Anness II. Sa fejn dik l-informazzjoni statistika hija disponibbli għall-BĊN fuq l-aggregazzjoni nozzjonali ta' flus kontanti, din id-dejta għandha tiġi inkluża fit-Tabella 5 tal-Parti 1 tal-Anness II.

▼B

Il-BĊNi għandhom jirrapportaw tagħrif statistiku dwar partiti tal-karta tal-bilanċ skont il-Parti 1 tal-Anness II.

(b)   Aġġustamenti tal-fluss

Il-BĊE għandu jikkalkula t-tranżazzjonijiet billi jieħu d-differenza bejn l-istokks fi tmiem ix-xahar u mbagħad ineħħi l-effetti li ma joriġinawx mit-tranżazzjonijiet abbażi tal-aġġustamenti tal-fluss li ġejjin:

Il-BĊNi għandhom jirrapportaw lill-BĊE dejta ta' kull xahar u trimestrali relatata mar-riklassifikazzjonijiet u aġġustamenti oħra u għal rivalutazzjonijiet minħabba l-bidliet fil-prezz ikkalkolati skont l-Anness IV. Il-BĊE normalment jikkalkula l-aġġustamenti ta' rivalutazzjoni għal bidliet fir-rati ta' kambju, għalkemm meta l-BĊNi jkunu f'pożizzjoni biex jikkompilaw aġġustamenti aktar preċiżi, dawn jistgħu wkoll jibagħtu dawn l-aġġustamenti lill-BĊE direttament.

2.    Frekwenza ta’ rapportar u skadenza

Il-BĊNi u d-dipartiment tal-BĊE responsabbli għar-rapportar finanzjarju għandhom jirrapportaw lill-BĊE dejta ta' kull xahar sal-għeluq tal-15-il jum tax-xogħol wara l-aħħar tax-xahar li miegħu tkun relatata d-dejta, filwaqt li għandhom jirrapportaw dejta trimestrali sal-għeluq tat-28 jum ta' xogħol wara l-għeluq tat-trimestru miegħu tkun relatata d-dejta.

3.    Politika ta’ reviżjoni

Il-BĊNi jista’ jkollu l-bżonn jirrivedi d-dejta li tirriferi għall-aħħar perjodu ta’ qabel il-perjodu ta’ referenza kurrenti. Barra minn hekk, jista' jkun hemm reviżjonijiet li jirreferu għal perjodi preċedenti, li joriġinaw minn, pereżempju, żbalji, riklassifikazzjonijiet, proċeduri ta' rapportar imtejba, eċċ. Il-BĊE jista’ jipproċessa reviżjonijiet eċċezzjonali u ordinarji simultanjament jew jiddeċiedi li jipposponi l-ipproċessar ta’ reviżjonijiet eċċezzjonali għal wara l-perjodu ta’ produzzjoni ta’ kull xahar għall-aggregati monetarji.

Il-politika ta’ reviżjoni għandha tikkonforma mal-prinċipji fil-'Manwal dwar l-istatistika tal-karta tal-bilanċ tal-MFI'. Biex jiġi żgurat bilanċ tajjeb bejn il-kwalità tal-istatistika monetarja u l-istabbiltà tagħha, u biex titjieb il-konsistenza bejn l-istatistika ta’ kull xahar u trimestrali, għandhom jintbagħtu reviżjonijiet eċċezzjonali għad-dejta ta’ kull xahar meta tiġi sottomessa l-istatistika trimestrali. Kull meta jiġu rrapportati reviżjonijiet fid-dejta ta' kull xahar iżda l-qafas nazzjonali tal-produzzjoni tad-dejta ma jippermettix il-ġenerazzjoni ta' reviżjonijiet korrispondenti, il-BĊNi għandhom jiżguraw, fuq bażi tal-aqwa sforzi, li tinżamm il-konsistenza bejn id-dejta ta' kull xahar u trimestrali, eż. permezz ta' stimi.

4.    Verifiki li jimmonitorjaw il-konsistenza interna tad-dejta

Qabel ma tiġi trażmessa d-dejta lill-BĊE, il-BĊNi u d-dipartiment tal-BĊE responsabbli għar-rapportar finanzjarju għandhom jivverifikaw il-konsistenza interna tad-dejta skont il-verifiki ddefiniti u miżmuma mill-BĊE.

5.    Żieda

(a)   Kompożizzjoni tad-“denb”

Fejn il-BĊNi jagħtu derogi lill-MMFs skont l-Artikolu 9(1)(a) tar-Regolament (UE) Nru 1071/2013 (BĊE/2013/33), il-BĊNi għandhom jiżguraw li l-kontribuzzjoni kumulattiva tagħhom għat-total tal-karta tal-bilanċ tal-MMF taż-żona tal-euro ma taqbiżx:

Meta BĊNi jagħtu derogi lill-MMFs skont is-ubparagrafi (i), (ii) jew (iv) tal-Artikolu 9(2)(b) tar-Regolament (UE) Nru 1071/2013 (BĊE/2013/33), il-BĊNi għandhom jiżguraw li għal kull partita, il-kontribuzzjoni kkombinata tad-derogi għall-ammont totali korrispondenti fil-karta tal-bilanċ ta' MFI nazzjonali ma taqbiżx 5 %. Il-BĊNi jistgħu wkoll jagħtu derogi lill-MMFs mir-rekwiżit biex jipprovdu dejta dwar pożizzjonijiet ta' assi u obbligazzjonijiet fil-konfront tas-settur tal-korporazzjonijiet tal-assigurazzjoni taż-żona tal-euro u s-settur tal-fondi ta' pensjoni b'mod separat skont is-subparagrafu (iii) tal-Artikolu 9(2)(b) tar-Regolament (UE) Nru 1071/2013 (BĊE/2013/33). Il-BĊNi għandhom jagħmlu distinzjoni bejn assi u obbligazzjonijiet fil-konfront tal-korporazzjonijiet tal-assiguazzjoni u fondi tal-pensjoni, u bejn pożizzjonijiet b'istituzzjonijiet domestiċi u istituzzjonijiet residenti fi Stati Membri taż-żona tal-euro, u jistgħu mbagħad jagħtu derogi fir-rigward ta' kull blokk li l-kontribuzzjoni tiegħu ma taqbiżx il-5 % tat-total tal-karta tal-bilanċ ta' MMF nazzjonali.

(b)   Standards minimi għaż-żieda

Meta l-BĊNi jagħtu derogi lill-MFIs skont l-Artikolu 9 tar-Regolament (UE) Nru 1071/2013 (BĊE/2013/33), il-BĊNi għandhom iżidu l-kopertura sa 100 % għal dawn l-MFIs fil-kompilazzjoni tad-dejta tal-karta tal-bilanċ tal-MFI ta’ kull xahar u trimestrali rrapportata lill-BĊE. Il-BĊNi jistgħu jagħżlu l-proċedura għaż-żieda tal-kopertura sa 100 %, sakemm din tissodisfa l-istandards minimi li ġejjin.

(c)   Komunikazzjoni lill-BĊE

Il-BĊNi għandhom jinfurmaw lill-BĊE dwar id-derogi li japplikaw u jipprovdu wkoll informazzjoni dwar l-elementi ewlenin tal-proċeduri ta' żieda ġodda jew il-bidliet għal dawk eżistenti jekk ikunu sinifikanti.

6.    Metodi ta’ valutazzjoni u/jew regoli ta' kontabilità

Fil-kompilazzjoni tal-karta tal-bilanċ tal-bank ċentrali, il-BĊNi u l-BĊE għandhom isegwu r-regoli tal-kontabbiltà armonizzati fil-Linja ta’ Gwida BĊE/2010/20 kif emendata u japplikaw il-bridging tables imsemmija fl-Artikolu 3(1). B'mod partikolari:

L-Artikolu 8 tar-Regolament (UE) Nru 1071/2013 (BĊE/2013/33) jistabbilixxi l-prinċipji ta’ kontabilità rilevanti għall-finijiet ta' rapportar statistiku fir-rigward ta' 'MFIs oħra'. B'mod partikolari, mingħajr preġudizzju għall-prattiki tal-kontabbiltà u l-arranġamenti ta' netting l-aktar użati fl-Istati Membri taż-żona tal-euro, l-assi u l-obbligazzjonijiet kollha għandhom jiġu rrapportati fuq bażi gross. Barra minn hekk, fir-rigward tad-depożiti u s-self, għandu jiġi rrapportat l-ammont pendenti prinċipali, eskluż l-ammonti li tniżżilhom il-valur jew li ġew imħassra. Il-BĊNi jistgħu, b'mod eċċezzjonali, jippermettu r-rapportar ta' self nett mill-provvedimenti u r-rapportar ta’ self mixtri bil-prezz miftiehem meta sar l-akkwist tiegħu, soġġett għall-kundizzjonijiet stipulati fl-Artikolu 8 tar-Regolament (UE) Nru 1071/2013 (BĊE/2013/33).

Fir-rigward tal-valutazzjoni tal-partiti l-oħra tal-karta tal-bilanċ, u speċjalment tat-titoli miżmuma u maħruġa, huwa rrakkomandat li l-BĊNi japplikaw valutazzjoni tas-suq f'konformità mar-rekwiżiti tal-ESA 2010. Madankollu, ir-rekwiżit ġenerali stabbilit fl-Artikolu 8 tar-Regolament (UE) Nru 1071/2013 (BĊE/2013/33) li l-MFIs għandhom isegwu t-traspożizzjoni nazzjonali tad-Direttiva 86/635/ŻEE kif ukoll kwalunkwe standard ieħor internazzjonali applikabbli jimplika li l-prattiki ta' valutazzjoni għat-titoli u assi oħra jvarjaw. L-applikazzjoni ta' regoli ta' valutazzjoni mhux standardizzati hija għalhekk aċċettabbli sakemm il-valur fil-kotba ma jiddevjax b'mod sinifikanti mill-valur tas-suq.

7.    Noti spjegattivi

Meta jittrażmettu dejta lill-BĊE, il-BĊNi u d-dipartiment tal-BĊE responsabbli għar-rapportar finanzjarju għandhom jipprovdu noti spjegattivi li jakkumpanjaw żviluppi speċjali relatati mal-perjodu ta' referenza l-aktar riċenti, inklużi spjegazzjonijiet li jikkonċernaw 'riklassifikazzjonijiet u aġġustamenti oħra', kif ukoll reviżjonijiet rilevanti għal perjodi preċedenti. B'mod partikolari, in-noti spjegattivi għandhom jiġu rrapportati għall-iżviluppi, 'riklassifikazzjonijiet u aġġustamenti oħra', u reviżjonijiet akbar minn EUR 5 biljuni (f'valur assolut) jew f'każijiet oħra meta jitqiesu ekonomikament sinifikanti, eż. meta l-iżviluppi fis-serje rrapportata għandhom x'jaqsmu ma' tranżanzzjonijiet kbar matul il-perjodu ta' rapportar, jew meta r-reviżjonijiet jiddeterminaw bidliet sinifikanti fl-interpretazzjoni ekonomika tal-iżviluppi aggregati. Il-BĊNi u l-BĊE għandhom jipprovdu spjegazzjonijiet addizzjonali dwar id-dejta rrapportata fuq talba tal-BĊE.

In-noti għandhom jindikaw jekk l-iżviluppi sinifikanti identifikati, ir-reviżjonijiet jew ir-'riklassifikazzjonijiet u aġġustamenti oħra' li jaffettwaw is-serje rrapportata humiex finali jew għadhomx soġġetti għal investigazzjoni.

Il-BĊNi għandhom jirrapportaw in-noti spjegattivi preferibbilment meta ssir it-trażmissjoni tad-dejta u fi kwalunkwe każ qabel l-għeluq tal-produzzjoni tad-dejta.

Il-BĊE għandu jaħżen b'mod ċentrali n-noti spjegattivi li jaslu mill-BĊNi għall-monitoraġġ tad-dejta u l-finijiet ta' kjarifika tal-istatistika. Il-BĊE għandu jittratta l-informazzjoni pprovduta fin-noti b'rispett xieraq għar-reġim ta' kunfidenzjalità applikabbli.

8.    Dispożizzjonijiet speċjali relatati mat-Tabelli 3 u 4 tal-Parti 3 tal-Anness I għar-Regolament (UE) Nru 1071/2013 (BĊE/2013/33)

Il-BĊNi jistgħu jiddeċiedu li ma jitolbux lill-MFIs jirrapportaw b'mod sħiħ fir-rigward taċ-ċelloli fit-Tabelli 3 u 4 tal-Parti 3 tal-Anness I għar-Regolament (UE) Nru 1071/2013 (BĊE/2013/33) li jikkorrispondi għal Stati Membri mhux taż-żona tal-euro, jekk iċ-ċifri miġbura f'livell aktar aggregat jkunu insinifikanti. Il-BĊNi għandhom jirrevedu f'intervalli regolari, u tal-anqas darba f'sena, jekk dawn id-dispożizzjonijiet jibqgħux japplikaw. Meta jagħtu dawn id-derogi, il-BĊNi għandhom jirrapportaw stimi trimestrali dderivati skont il-kriterji li ġejjin:

Artikolu 4

Konsistenza tal-monitoraġġ bejn il-karta tal-bilanċ statistiku tal-BĊN u l-karta tal-bilanċ tal-kontabilità tiegħu

1.    Kamp ta' applikazzjoni tal-monitoraġġ

Il-BĊNi u l-BĊE għandhom jissorveljaw il-konsistenza bejn il-karta tal-bilanċ aggregata tal-aħħar tax-xahar rispettiva tagħhom għal finijiet ta’ statistika kif irrapportat skont ir-Regolament (UE) Nru 1071/2013 (BĊE/2013/33) u l-partiti ta’ kontabilità tagħhom għad-dikjarazzjoni finanzjarja ta’ kull ġimgħa tal-Eurosistema skont il-Linja ta’ Gwida BĊE/2010/20, kif emendata.

2.    Frekwenza ta’ rapportar u skadenza

Il-BĊNi għandhom iwettqu verifiki fuq kull partita ta' dejta ta' kull xahar skont il-mudell stabbilit fil-Parti 2 tal-Anness I. Il-verifiki għandhom jiġu trażmessi lill-BĊE bid-dejta trimestrali korrispondenti u l-istess skadenza kif iddefinit fl-Artikolu 3(2) għal dejta trimestrali.

Fil-perjodi tar-rapportar meta d-dati tal-karta tal-bilanċ aggregrata tagħhom tal-aħħar tax-xahar tal-Eurosistema għal finijiet statistiċi u l-partiti ta' kontabilità kif irrapportati fl-istqarrija finanzjarja ta’ kull ġimgħa tal-Eurosistema ma jaqblux, il-BĊNi jistgħu jqabblu d-dejta statistika mal-karta tal-bilanċ ta’ kuljum magħmula għall-aħħar jum tax-xogħol tax-xahar. Bħala l-kumpilatur tal-karta tal-bilanċ tiegħu stess, il-BĊE għandu jsegwi l-istess proċedura.

3.    Monitoraġġ tal-BĊE

Il-BĊE għandu jimmonitorja r-riżultati tal-verifiki ta' konsistenza u jista’ jitlob lill-BĊNi jieħdu azzjoni fuq id-diskrepanzi rilevanti.

Artikolu 5

Statistika dwar il-flus elettroniċi

(a)    Rekwiżiti ta' rapportar statistiku ta' kull xahar jew trimestrali dwar flus elettroniċi maħruġa minn MFIs li ma ngħatawx deroga taħt l-Artikolu 9(1) tar-Regolament (UE) Nru 1071/2013 (BĊE/2013/33)

1.   Kamp ta' applikazzjoni tar-rapportar

Il-BĊE, f'kooperazzjoni mal-BĊNi, għandu jidentifika u jirreġistra fuq bażi annwali l-karatteristiċi tal-iskemi tal-flus elettroniċi użati fl-Unjoni, id-disponibbiltà tat-tagħrif statistiku kkonċernat u l-metodi ta’ kompilazzjoni użati b'rabta miegħu. Il-BĊNi għandhom jirrapportaw tagħrif statistiku dwar flus elettroniċi maħruġa mill-MFIs kollha li ma jkunux ingħataw deroga taħt l-Artikolu 9(1) tar-Regolament (UE) Nru 1071/2013 (BĊE/2013/33), skont il-lista ta’ partiti fit-Tabella 1 tal-Parti 2 tal-Anness II ta’ din il-Linja Gwida.

2.   Frekwenza ta’ rapportar u skadenza

Għandha tiġi rapportata dejta ta' kull xahar lill-BĊE flimkien mat-trażmissjoni ta' dejta ta' kull xahar tal-istatistika tal-partiti tal-karta ta' bilanċ, kif speċifikat fl-Artikolu 3(2). Fin-nuqqas tad-dejta, il-BĊNi għandhom jużaw stimi jew dejta provviżorja fejn possibbli.

(b)    Rekwiżiti ta' rapportar statistiku annwali dwar flus elettroniċi maħruġa mill-istituzzjonijiet tal-flus elettroniċi kollha li ma humiex istituzzjonijiet ta’ kreditu jew minn MFIs mogħtija deroga taħt l-Artikolu 9(1) tar-Regolament (UE) Nru 1071/2013 (BĊE/2013/33)

1.   Kamp ta' applikazzjoni tar-rapportar

Dan ir-rapportar għandu jkopri l-istituzzjonijiet tal-flus elettroniċi prinċipalment involuti f'intermedjazzjoni finanzjarja fil-forma ta' ħruġ ta’ flus elettroniċi, li b'hekk jissodisfaw id-definizzjoni ta’ MFI, u istituzzjonijiet ta’ flus elettoniċi li mhumiex prinċipalment involuti f'intermedjazzjoni finanzjarja bil-ħruġ ta’ flus elettroniċi, li b'hekk ma jissodisfawx id-definizzjoni ta’ MFI. Dan ir-rapportar għandu jinkludi wkoll rapportar minn MFIs żgħar li jkunu ngħataw deroga taħt l-Artikolu 8(1) tar-Regolament (UE) Nru 1071/2013 (BĊE/2003/33), irrispettivament minn jekk humiex istituzzjonijiet ta’ kreditu.

Il-BĊNi għandhom jirrapportaw tagħrif statistiku skont il-lista ta' partiti fit-Tabella 2 tal-Parti 2 tal-Anness II ta’ din il-Linja Gwida. Id-dejta tal-emittenti tal-flus elettroniċi li ma tissodisfax id-definizzjoni ta’ MFI u li għalhekk ma hijiex soġġetta għal rekwiżiti ta’ rapportar statistiku regolari tal-BSI għandha tiġi rrapportata, sa fejn il-BĊNi jistgħu jiksbuha mingħand l-awtoritajiet superviżorji rispettivi tagħhom jew sorsi oħrajn xierqa.

2.   Frekwenza tar-rapportar u skadenza

Is-serje għandha tiġi rrapportata ta’ kull sena lill-BĊE, sal-aħħar jum tax-xogħol tax-xahar li jsegwi t-tmiem tal-perjodu ta’ referenza. Fin-nuqqas tad-dejta, il-BĊNi għandhom jużaw stimi jew dejta provviżorja fejn possibbli.

Artikolu 6

Statistika dwar il-POGIs u l-gvern ċentrali

1.    Kamp ta' applikazzjoni tar-rapportar

(a)   Ġenerali

Il-BĊNi jiġbru tagħrif statistiku dwar il-POGIs skont ir-Regolament (UE) Nru 1074/2013 (BĊE/2013/39). Ir-rekwiżiti jkopru l-obbligazzjonijiet monetarji fil-konfront tal-istituzzjonijiet finanzjarji mhux monetarji taż-żona tal-euro, jiġifieri sostituzzjonijiet għal obbligazzjonijiet ta' depożiti ta’ istituzzjonijiet finanzjarji monetarji, u investimenti fi flus kontanti u titoli maħruġa minn MFIs taż-żona tal-euro. Din id-dejta għandha tiġi rrapportata mill-BĊNi lill-BĊE skont Parti 3 tal-Anness II.

Il-BĊNi għandhom ikopru wkoll obbligazzjonijiet monetarji tal-gvern ċentrali u investimenti fi flus kontanti u titoli maħruġa mill-MFIs taż-żona tal-euro fir-rapportar taħt il-Parti 3 tal-Anness II. Fuq bażi de minimis, dawn il-partiti ma għandhomx jiġu rrapportati fejn dawn l-assi u obbligazzjonijiet ma jeżistux jew huma insinifikanti.

(b)   Aġġustamenti tal-fluss

Id-dejta tal-aġġustamenti tal-fluss għandha tiġi rrapportata skont l-Artikolu 3(1)(b).

2.    Frekwenza tar-rapportar u skadenza

Is-serje għandha tiġi rrapportata fuq bażi ta’ kull xahar u bl-istess tempestività speċifikata fl-Artikolu 3(2) għall-istatistika ta’ kull xahar BSI.

Artikolu 7

Partiti tal-memorandum

1.    Kamp ta' applikazzjoni tar-rapportar

(a)   Ġenerali

Sa fejn hija disponibbli d-dejta, inkluż fuq il-bażi tal-aħjar stima, il-BĊNi għandhom jirrapportaw tagħrif statistiku ulterjuri skont il-lista ta’ partiti tal-memorandum stipulata fil-Parti 4 tal-Anness II bħala suppliment għal u bl-istess frekwenza u tempestività bħall-istatistika BSI speċifikata fl-Artikolu 3(2). Il-BĊE, f’kooperazzjoni mal-BĊNi, għandu jidentifika u jirreġistra d-disponibbiltà tat-tagħrif statistiku kkonċernat u l-metodi ta’ kompilazzjoni relatati miegħu. Dawn il-partiti tal-memorandum jirrappreżentaw l-informazzjoni meħtieġa għall-kompilazzjoni tal-aggregati monetarji taż-żona tal-euro, l-istatistika tar-rata ta' imgħax tal-MFI u kontijiet finanzjarji tal-unjoni monetarja, u għandhom prijorità għolja, sakemm ma jkunx indikat mod ieħor fit-tabelli. Soġġett għall-ftehim bejn il-BĊE u l-BĊN, il-partiti relatati mal-qsim tat-titoli ta' dejn tal-MFI maħruġa mir-residenza tad-detentur fit-Tabella 2 tat-Taqsima 1 tal-Parti 4 tal-Anness II ma għandhomx bżonn jiġu rrapportati mill-BĊNi fejn jintużaw sorsi ta' dejta alternattivi mill-BĊE.

(b)   Aġġustamenti tal-fluss

Dejta tal-fluss tista’ tiġi pprovduta sakemm ikun hemm ftehim bilaterali bejn il-BĊE u l-BĊN rilevanti. Id-dejta tal-aġġustamenti tal-fluss għandha tiġi rrapportata skont l-Artikolu 3(1)(b).

2.    Frekwenza tar-rapportar u skadenza

Is-serje għandha tiġi rrapportata ta’ kull xahar għall-partiti msemmija fit-Taqsimiet 1 u 2 tal-Parti 4 tal-Anness II u ta’ kull trimestru għall-partiti msemmija fit-Taqsima 3 tal-Parti 4 tal-Anness II u bl-istess tempestività bħall-istatistika tal-karta tal-bilanċ tal-MFI ta' kull xahar u trimestrali obbligatorja rrapportata skont ir-Regolament (UE) Nru 1071/2013 (BĊE/2013/33).

3.    Metodi ta’ valutazzjoni u/jew regoli ta' kontabilità

Partiti tal-memorandum meħtieġa skont dan l-Artikolu għandhom jiġu rrapportati billi jiġu segwiti l-istess regoli ta’ valutazzjoni u ta’ kontabbiltà li japplikaw għad-dejta rrapportata skont ir-Regolament (UE) Nru 1071/2013 (BĊE/2013/33).

Artikolu 8

Statistika dwar il-bażi ta' riżerva

1.    Kamp ta' applikazzjoni tar-rapportar

Statistika ta’ kull xahar dwar il-bażi ta’ riżerva aggregata, imqassma skont it-tip ta’ obbligazzjoni, għandha tiġi kkalkolata bħala stokks tal-aħħar tax-xahar skont ir-Regolament (KE) Nru 1745/2003 (BĊE/2003/9) u bil-kategoriji stabbiliti fir-Regolament (UE) Nru 1071/2013 (BĊE/2013/33). Dejta meħtieġa għall-produzzjoni ta’ din l-istatistika skont il-Parti 5 tal-Anness II għandha tinġieb mid-dejta mibgħuta lill-BĊNi mill-istituzzjonijiet ta' kreditu li huma suġġetti għar-rekwiżiti ta’ riżerva minima.

▼M4

2.    Frekwenza tar-rapportar u skadenza

L-istatistika tal-bażi ta' riżerva għandu jkun fiha sitt kronoloġiji għall-istituzzjonijiet ta' kreditu, b'referenza għall-figuri tal-ishma tal-aħħar tax-xahar li għandhom jiġu trażmessi lill-BĊE kull xahar, sa mhux aktar tard mill-jum tax-xogħol tal-BĊN qabel il-bidu tal-perijodu ta' żamma ta' riżerva, permezz tas-sistema tal-iskambju tad-dejta tas-Sistema Ewropea tal-Banek Ċentrali (SEBĊ). Istituzzjonijiet ta' kreditu tal-aħħar għandhom jirrapportaw lill-BĊNi taqsim limitat fuq bażi trimestrali. Għal dawn l-istituzzjonijiet ta' kreditu tal-aħħar, għandha tintuża statistika tal-bażi ta' riżerva ssimplifikata għat-tliet perijodi ta' żamma ta' riżerva. Il-BĊNi għandhom jużaw id-dejta tal-bażi tar-riżerva trimestrali mill-istituzzjonijiet tal-aħħar għall-figuri ta' kull xahar rapportati lill-BĊE fit-tliet trażmissjonijiet tad-dejta wara r-rilaxx tagħhom.

▼B

3.    Politika ta’ reviżjoni

Reviżjonijiet mill-istituzzjonijiet tar-rapportar lill-bażi ta' riżerva u/jew rekwiżiti ta’ riżerva li saru wara li jkun beda l-perjodu ta’ żamma ma jistgħux iwasslu għal reviżjonijiet fl-istatistika fuq il-bażi ta’ riżerva u fuq ir-rekwiżiti ta’ riżerva.

Artikolu 9

L-istatistika tal-makroproporzjon

1.    Kamp ta' applikazzjoni tar-rapportar

Il-BĊE għandu jimmonitorja fuq bażi ta’ kull xahar, bl-użu ta’ tagħrif statistiku tal-aħħar tax-xahar li l-istituzzjonijiet ta’ kreditu jibagħtu lill-BĊNi skont ir-Regolament (UE) Nru 1071/2013 (BĊE/2013/33), il-preċiżjoni tat-tnaqqis standardizzat kurrenti mill-bażi ta’ riżerva li l-istituzzjonijiet ta’ kreditu jistgħu japplikaw għall-ammont pendenti tat-titoli ta’ debitu tagħhom maħruġa b’maturità miftehma ta’ sa sentejn. Il-BĊNi għandhom jikkompilaw l-aggregati meħtieġa skont il-Parti 6 tal-Anness II u jirrapportawhom lill-BĊE.

2.    Frekwenza tar-rapportar u skadenza

▼M4

It-tliet kronoloġiji tal-istituzzjonijiet ta' kreditu, li jirreferu għaċ-ċifri tal-istokks tal-aħħar tax-xahar, għandhom jiġu trażmessi lill-BĊE sa mhux aktar tard mill-jum tax-xogħol tal-BĊN ta' qabel il-bidu tal-perijodu ta' żamma.

▼B

Dawn is-serje għandhom jiġu trażmessi anki jekk l-partiti tal-karta tal-bilanċ relatati ma japplikawx fl-Istat Membru rilevanti.

Artikolu 10

Statistika tal-karta tal-bilanċ tal-MMF

1.    Kamp ta' applikazzjoni tar-rapportar

(a)   Ġenerali

Il-BĊNi għandhom jirrapportaw lill-BĊE dejta tal-partiti tal-karta tal-bilanċ għas-settur MMF skont it-Tabelli 1 u 2 tal-Parti 7 tal-Anness II. Id-dejta tintuża mill-BĊE biex jikkompila kemm l-istatistika tal-MMF kif ukoll il-karta tal-bilanċ tal-istituzzjonijiet ta' kreditu. Billi d-dejta fuq is-settur kollu tal-MFI hija diġà rrapportata skont ir-Regolament (UE) Nru 1071/2013 (BĊE/2013/33), ir-rekwiżiti stipulati f’dan l-Artikolu japplikaw biss għall-MMFs. Għalkemm f’xi Stati Membri numru żgħir ta’ istituzzjonijiet huma kklassifikati bħala MFI, dawn l-istituzzjonijiet għandhom jiġu kkunsidrati insinifikanti minn perspettiva kwantitattiva.

(b)   Aġġustamenti tal-fluss

Dejta tar-riklassifikazzjoni u tal-aġġustamenti fir-rivalutazzjoni kif imsemmija fit-Tabella 2 tal-Parti 7 tal-Anness II għandha tiġi rrapportata skont l-Artikolu 3(1)(b), wara li tiġi kkunsidrata kull deroga mogħtija fl-Artikolu 9(2) tar-Regolament (UE) Nru 1071/2013 (BĊE/2013/33). Fejn ir-rapportar tal-aġġustamenti fir-rivalutazzjoni huwa soġġett għal deroga mogħtija mill-BĊNi lill-MMFs skont ir-Regolament (UE) Nru 1071/2013 (BĊE/2013/33), il-BĊNi għandhom jirrapportaw id-dejta fuq il-bażi tal-aqwa sforz għal partiti li fir-rigward tagħhom l-aġġustamenti fir-rivalutazzjoni jistgħu jkunu sinifikanti.

2.    Frekwenza tar-rapportar u skadenza

Id-dejta għandha tiġi rrapportata fuq bażi trimestrali fi żmien 28 jum tax-xogħol mill-aħħar tal-perjodu ta’ referenza.

3.    Żieda

Id-dejta rrapportata fir-rigward tal-karta tal-bilanċ tal-MMFs għandha tkopri 100 % tal-istituzzjonijiet ikklassifikati f’dan is-settur. Fejn il-kopertura tar-rapportar attwali hija ta’ anqas minn 100 % minħabba "cutting-off-the-tail", il-BĊNi għandhom iżidu d-dejta pprovduta skont l-Artikolu 3(5) biex tiġi assigurata kopertura ta’ 100 %.

4.    Politika ta’ reviżjoni

Reviżjonijiet fid-dejta MMF għandhom ikunu konsistenti ma’ dejta MFI oħra tal-aħħar tat-trimestru korrispondenti. F’każ li t-trażmissjoni ta’ dejta MMF ġdida jew riveduta timplika tibdil lid-dejta għall-perjodu ta’ referenza MFI ieħor korrispondenti, għandhom jiġu trażmessi wkoll reviżjonijiet meħtieġa għal dejta MFI oħra.

Artikolu 11

Indikaturi finanzjarji strutturali

1.    Kamp ta' applikazzjoni tar-rapportar

(a)   Ġenerali

Il-BĊNi għandu jirrapporta dejta dwar indikaturi finanzjarji strutturali oħra skont il-Parti 8 tal-Anness II.

Il-BĊNi għandhom jipprovdu dejta fir-rigward tal-indikaturi speċifikati fil-Parti 8 tal-Anness II skont ir-regoli kunċettwali u metodoloġiċi stipulati fih. Għandhom jiġu segwiti l-prinċipji statistiċi adottati għall-kompilazzjoni tal-istatistika BSI, jiġifieri:

(b)   Aġġustamenti tal-fluss

Id-dejta tal-aġġustamenti tal-fluss għandha tiġi rrapportata skont l-Artikolu 3(1)(b).

2.    Frekwenza tar-rapportar u skadenza

Id-dejta għall-kalkolazzjoni tal-indikaturi finanzjarji strutturali dwar istituzzjonijiet ta’ kreditu għandha tiġi rrapportata sal-aħħar ta’ Marzu ta’ kull sena b’referenza għas-sena ta qabel. L-indikatur “numru ta’ impjegati ta’ CIs” għandu jiġi pprovdut, jekk ikun possibbli, sal-aħħar ta’ Mejju ta’ kull sena b’referenza għas-sena ta’ qabel.

3.    Politika ta’ reviżjoni

Il-BĊNi għandhom japplikaw il-prinċipji ġenerali li ġejjin meta jirrevedu d-dejta rapportata:

4.    Żieda

Id-dejta miġbura għandha tkopri 100 % tal-istituzzjonijiet iddefiniti bħala istituzzjonijiet ta’ kreditu skont l-Artikolu 1 tar-Regolament (UE) Nru 1071/2013 (BĊE/2013/33). Fejn il-kopertura tar-rapportar attwali hija ta’ anqas minn 100 %, il-BĊNi għandhom iżidu d-dejta fornita skont l-Artikolu 3(5) biex tiġi assigurata kopertura ta’ 100 %.

5.    Noti spjegattivi

Il-BĊNi għandhom jirrapportaw lill-BĊE kull devjazzjoni mid-definizzjonijiet u r-regoli hawn fuq imsemmija sabiex ikun jista' jsir il-monitoraġġ tal-prattika nazzjonali. Il-BĊNi għandhom jissottomettu noti spjegattivi li jispjegaw ir-raġunijiet għar-reviżjonijiet sinifikanti.

▼M3

Artikolu 12

Dejta bankarja kkonsolidata

1.    Ambitu tar-rapportar

Il-BĊNi għandhom jirrapportaw dejta bankarja kkonsolidata skont il-Parti 9 tal-Anness II u għandhom isegwu r-regoli kunċettwali u metodoloġiċi stipulati fih meta jipprovdu dik id-dejta.

Il-BĊNi għandhom jirrapportaw dejta bankarja kkonsolidata skont l-Istandards ta' Implimentazzjoni Teknika [Implementing Technical Standards (ITS)] tal-Awtorità Bankarja Ewropea u l-Awtorità Ewropea (ABE) li ddaħħlu permezz tar-Regolament ta' Implimentazzjoni tal-Kummissjoni (UE) Nru 680/2014 ( 5 ) u fejn applikabbli skont obbligi ta' rapportar nazzjonali. Il-BĊNi għandhom jipprovdu dejta attwali, fejn disponibbli. Meta dejta attwali ma tkunx disponibbli jew ma tistax tiġi pproèssata, il-BĊNi għandhom jipprovdu estimi nazzjonali akkumpanjati b'noti metodoloġiċi. Meta l-infomazzjoni statistika li jkollha tiġi pprovduta ma tkunx totalment skont l-istandards ta' rapportar ITS tal-ABE jew rekwiżiti ta' rapportar nazzjonali, il-BĊNi għandhom jipprovdu noti metodoloġiċi b'rabta mal-oqsma fejn l-istandards ma jintlaħqux totalment.

Waqt li jimmiraw għall-kopertura massima possibbli, il-BĊNi għandhom jispeċifikaw kwalunkwe istituzzjonijiet ta' kreditu esklużi mill-popolazzjoni li tirrapporta u għandha tingħata spjegazzjoni tar-raġunijiet għall-esklużjoni tagħhom. Istituzzjonijiet ta' kreditu jew gruppi ta' istituzzjonijiet maġġuri, li jkunu relevanti mill-perspettiva tal-istabbiltà finanzjarja, m'għandhomx ikunu preklużi mill-popolazzjoni li tirrapporta.

Id-dejta miġbura għandha tkun ikkonsolidata bis-sħiħ fuq bażi transkonfinali u transettorjali, fejn “transkonfinali” tirreferi għall-friegħi u s-sussidjarji ta' banek domestiċi li jkunu jinsabu barra s-suq domestiku u inklużi fid-dejta rrapportata mill-istituzzjoni prinċipali, waqt li “transettorjali” tinkludi l-friegħi u s-sussidjarji ta' banek klassifikabbli bħala istituzzjonijiet finanzjarji oħrajn. Il-kumpanniji tal-assigurazzjoni m'għandhomx ikunu inklużi fid-dejta kkonsolidata.

Dejta bankarja kkonsolidata għandha tiġi rrapportata separatament għal:

Banek sinifikanti għall-finijiet tal-MSU u banek inqas sinifikanti għall-finijiet tal-MSU huma istituzzjonijiet ta' kreditu stabbiliti fi Stati Membri parteċipanti u friegħi stabbiliti fi Stati Membri parteċipanti minn istituzzjoni ta' kreditu stabbilita fi Stat Membru mhux parteċipanti. Id-distinzjoni bejn entitajiet taħt superviżjoni sinifikanti u inqas sinifikanti hija stabbilita fl-Artikolu 6(4) tar-Regolament tal-Kunsill (UE) Nru 1024/2013 ( 6 ) u l-Parti IV tar-Regolament (UE) Nru 468/2014 tal-Bank Ċentrali Ewropew (BĊE/2014/17) ( 7 ).

Għall-finijiet ta' dan l-Artikolu, il-banek għandhom jiġu kklassifikati bħala gruppi bankarji kbar jew istituzzjonijiet ta' kreditu awtonomi jekk l-assi tagħhom ikunu akbar minn 0,5 % tal-assi totali kkonsolidati ta' banek tal-Unjoni Ewropea; bħala banek ta' daqs medju jekk l-assi tagħhom ikunu bejn 0,5 % u 0,005 % ta' dawk l-assi totali kkonsolidati; u bħala banek żgħar jekk l-assi tagħhom ikunu inqas minn 0,005 % ta' dawk l-assi totali kkonsolidati.

2.    Frekwenza tar-rapportar u skadenza

Il-BĊNi għandhom jirrapportaw dejta bakarja kkonsolidata erba darbiet fis-sena.

Sett ta' dejta sħiħ għandu jiġi rrapportat għal dejta ta' tmiem is-sena. L-ewwel sottomissjoni ta' din id-dejta annwali, li għandha ssir sa nofs April tas-sena wara s-sena li magħha tkun relatata d-dejta, għandha tinkludi l-elementi mmarkati b'* fil-Parti 9 [dejta bankarja kkonsolidata (CBD) annwali] tal-Anness II. Madankollu, is-sett ta' dejta annwali sħiħ jista' jiġi rrapportat sa nofs April jekk diġà jkun hemm dejta disponibbli. Inkella, is-sett ta' dejta annwali sħiħ għandu jiġi rrapportat sa nofs Mejju tas-sena ta' wera s-sena li magħha tkun relatata d-dejta.

Id-dejta tat-tmiem ta' Marzu, tat-tmiem ta' Ġunju u tat-tmiem ta' Settembru għandha tiġi rrapportata fil-bidu ta' Lulju, Ottubru u Jannar rispettivament bl-użu tal-mudell trimestrali u għandha tinkludi subsett ta' dejta mill-mudell annwali komprensiv. Din is-serje ta' dejta għandha tiġi rrapportata skont il-Parti 9 [dejta bankarja kkonsolidata (consolidated banking data — CBD)] fuq bażi trimestrali) tal-Anness II.

3.    Politika ta' reviżjoni

Il-BĊNi għandhom jirrevedu dejta rrapportata skont il-prinċipji ġenerali li ġejjin:

4.    Noti spjegattivi

Il-BĊNi għandhom jirrapportaw lill-BĊE kwalunkwe devjazzjoni mid-definizzjonijiet u r-regoli fil-paragrafi 1, 2 u 3 sabiex jippermettu l-valutazzjoni ta' prattiki nazzjonali. Il-BĊNi għandhom jissottomettu noti spjegattivi li jispjegaw ir-raġunijiet għal dawk id-devjazzjonijiet.

▼M3 —————

▼B

Artikolu 14

Dejta għall-finijiet tal-FMI

1.    Kamp ta' applikazzjoni tar-rapportar

Mingħajr preġudizzju għall-obbligi statutorji tal-BĊNi fil-konfront tal-FMI, il-BĊNi jistgħu jittrażmettu statistika tal-partiti tal-karta tal-bilanċ supplimentari tal-MFI lill-FMI permezz tal-BĊE skont l-arranġamenti tekniċi li ġejjin.

2.    Frekwenza tar-rapportar u skadenza

Il-partiti tal-karta tal-bilanċ tal-MFI skont il-Parti 10 tal-Anness III għandhom jiġu trażmessi mill-BĊNi lill-BĊE fil-qafas ta’ trażmissjoni regolari ta’ kull xahar tad-dejta BSI. Il-frekwenza u l-tempestività tat-trażmissjonijiet ta' dejta għandha tikkoinċidi ma' dawk tar-rapportar regolari tad-dejta BSI lill-BĊE, skont l-Artikolu 3(2).

Artikolu 15

Statistika dwar l-OFIs (esklużi l-FVCs)

1.    Kamp ta' applikazzjoni tar-rapportar

(a)   Ġenerali

Il-BĊNi għandhom jirrapportaw it-tagħrif statistiku dwar l-OFIs (eskluż l-FVCs) skont il-Parti 11 tal-Anness II. Id-dejta għandha tiġi trażmessa b'mod separat għas-subkategoriji ta' OFIs: (i) SDDs; (ii) FCLs; u (iii) OFIs oħra.

Id-dejta relatata mal-OFIs għandha tiġi trażmessa fuq il-bażi tad-dejta disponibbli attwalment fil-livell nazzjonali. Fejn ma tkunx disponibbli dejta attwali jew ma tkunx tista' tiġi pproċessata, għandhom jiġu pprovduti stimi nazzjonali. Meta jeżisti l-fenomenu ekonomiku sottostanti imma ma jkunx immonitorjat statistikament u għalhekk l-estimi nazzjonali ma jistgħux jingħataw, il-BĊNi jistgħu jagħżlu jew li ma jirrapportawx is-serje tal-ħin jew jirrapportawha bħala nieqsa. Għalhekk kull serje ta’ ħin mhux irrapportata għandha b’hekk tiġi interpretata bħala “dejta li teżisti imma mhux miġbura” u l-BĊE jista’ jagħmel assunzjonijiet u estimi għall-finijiet tal-kompilazzjoni tal-aggregati taż-żona tal-euro. Il-popolazzjoni ta' rapportar ta' referenza għandha tinkludi t-tipi kollha ta' OFIs (ħlief FVCs) residenti fl-Istati Membri taż-żona tal-euro: istituzzjonijiet li jinsabu fit-territorju, inkluż sussidjarji tal-kumpaniji parent li jinsabu barra minn dak it-territorju; u fergħat residenti ta' istituzzjonijiet li għandhom l-uffiċċju parent barra dak it-territorju.

Għandhom jingħataw dawn l-indikaturi ewlenin u l-informazzjoni supplimentari:

(b)   Aġġustamenti tal-fluss

Dejta tal-aġġustament tal-fluss tista’ tiġi rrapportata fil-każ ta’ waqfien sinifikanti f’ishma jew meta jkun hemm riklassifikazzjonijiet u aġġustamenti oħra. B’mod partikolari, tista' tingħata dejta tal-aġġustament tal-fluss, fuq bażi tal-aqwa sforzi, minħabba r-riklassifikazzjonijiet fil-kuntest tal-implimentazzjoni tal-qafas ESA 2010.

Aġġustamenti ta’ riklassifikazzjoni għandhom jiġu rrapportati skont l-Artikolu 3(1)(b).

2.    Frekwenza tar-rapportar u skadenza

Il-frekwenza tar-rapportar lill-BĊE għandha tkun trimestrali. L-istatistika OFI għandha tiġi trażmessa lill-BĊE sa mhux aktar tard mill-aħħar jum kalendarju tat-tielet xahar wara t-tmiem tal-perjodu ta’ referenza, jew fil-jum tax-xogħol ta’ qabel tal-BĊN jekk l-aħħar jum kalendarju mhuwiex jum tax-xogħol għall-BĊN. Id-dati eżatti tat-trażmissjoni għandhom jiġu kkomunikati lill-BĊNi bil-quddiem fil-forma ta’ kalendarju tar-rapportar ipprovdut mill-BĊE sa Settembru ta’ kull sena.

3.    Politika ta’ reviżjoni

Il-BĊNi jista’ jkollhom bżonn li jirrivedu dejta trażmessa matul it-trimestru ta’ qabel. Barra minn dan, jista’ jkun hemm ukoll reviżjonijiet għad-dejta fuq trimestri oħrajn.

Għandhom japplikaw il-prinċipji ġenerali li ġejjin:

4.    Metodi ta’ valutazzjoni u/jew regoli ta' kontabilità

Ir-regoli tal-kontabilità segwiti mill-OFIs fit-tħejjija tal-kontijiet tagħhom għandhom jikkonformaw mat-traspożizzjoni nazzjonali tad-Direttiva 86/635/KEE u kull standard internazzjonali ieħor applikabbli. Mingħajr preġudizzju għall-prattiki tal-kontabbiltà li jipprevalu fl-Istati Membri, l-assi u l-obbligazzjonijiet kollha għandhom jiġu rrapportati fuq bażi gross għal skopijiet statistiċi. Il-metodi ta’ valutazzjoni huma indikati fil-kategoriji rilevanti.

5.    Noti spjegattivi

Il-BĊNi għandhom jipprovdu noti spjegattivi lill-BĊE skont it-Taqsima 3 tal-Parti 11 tal-Anness II. Il-BĊNi għandhom jipprovdu noti spjegattivi għal reviżjonijiet sinifikanti.

Artikolu 16

Statistika dwar ħruġ ta' titoli

1.    Kamp ta' applikazzjoni tar-rapportar

Il-BĊNi għandhom jirrapportaw tagħrif statistiku li jkopri t-titoli kollha maħruġa mir-residenti taż-żona tal-euro fi kwalunkwe valuta, kemm domestika kif ukoll internazzjonali, skont il-Parti 12 tal-Anness II.

2.    Frekwenza tar-rapportar u skadenza

Il-frekwenza tar-rapportar lill-BĊE għandha tkun ta’ kull xahar. L-istatistika ta’ ħruġ ta’ titoli għandha tiġi trażmessa lill-BĊE sa mhux aktar tard minn ħames ġimgħat wara l-aħħar tax-xahar li għalih tirreferi d-dejta. Il-BĊE għandu jikkomunika d-dati eżatti tat-trażmissjoni lill-BĊNi bil-quddiem f’forma ta’ kalendarju ta’ rapportar.

3.    Noti spjegattivi

Il-BĊNi għandhom jipprovdu noti spjegattivi lill-BĊE kif stipulat fit-Taqsima 3 tal-Parti 12 tal-Anness II.

Artikolu 17

Statistika tar-rata ta’ imgħax tal-MFI

1.    Kamp ta' applikazzjoni tar-rapportar

Għall-finijiet tal-istatistika tar-rata tal-imgħax tal-MFI (MIR), il-BĊNi għandhom jirrapportaw statistika aggregata nazzjonali ta’ kull xahar relatata mal-ammonti pendenti u negozju ġdid kif speċifikat fl-Appendiċijiet 1 u 2 tal-Anness I għar-Regolament (UE) Nru 1072/2013 (BĊE/2013/34). Barra minn dan, il-BĊNi għandhom jirrapportaw tagħrif statistiku nazzjonali aggregat ta’ kull xahar dwar in-negozju l-ġdid kif speċifikat fil-Parti 13 tal-Anness II.

2.    Frekwenza tar-rapportar u skadenza

Dan it-tagħrif statistiku għandu jiġi rrapportat skont il-kalendarju annwali stabbilit mill-BĊE u kkomunikat lill-BĊNi sal-aħħar ta’ Settembru ta’ kull sena.

3.    Derogi

Il-BĊNi jistgħu jagħtu derogi fir-rigward tar-rapportar kemm taż-żewġ rati ta' imgħax applikati kif ukoll għall-volumi ta' negozju ta' self kollaterizzat/iggarantit lil korporazzjonijiet mhux finanzjarji, indikaturi 62 sa 85 inklużi fit-Tabelli 3 u 4 tal-Appendiċi 2, tal-Anness I għar-Regolament (UE) Nru 1072/2013 (BĊE/2013/34). Dawn jistgħu jingħataw jekk il-volum ta' negozju aggregat nazzjonali tal-partita korrispondenti (indikaturi 37 sa 54) li jkopri s-self kollu jirrappreżenta anqas minn 10 % tal-volum ta' negozju nazzjonali aggregat tas-somma tas-self kollu fl-istess kategorija tad-daqs u anqas minn 2 % tal-volum tan-negozju għall-istess daqs u l-istess perjodu inizjali tal-kategorija ta' iffissar tar-rata ta' imgħax fil-livell taż-żona tal-euro. Jekk jingħataw derogi, dawn il-limiti għandhom jiġu vverifikati fuq bażi annwali.

4.    Għażla tal-popolazzjoni tar-rapportar u żieda

Fejn il-kopertura attwali tar-rapportar MIR attwali hija ta’ anqas minn 100 % minħabba l-użu tal-kampjunar, il-BĊNi għandhom jagħżlu u jżommu l-kampjun u jżidu d-dejta tal-volum ta' negozju ġdid biex jiżguraw kopertura ta' 100 %, kif speċifikat fil-Parti 14 tal-Anness II. Jekk tingħata deroga prevista fl-Artikolu 4 tar-Regolament (UE) Nru 1072/2013 (BĊE/2013/34) jew fil-paragrafu 3 ta' dan l-Artikolu, id-dejta rrapportata fuq bażi trimestrali għandha tinġieb 'il quddiem fil-perjodi ta' xhur nieqsa billi jiġu applikati tekniki ta' stima statistika biex jitqiesu x-xejriet fid-dejta u l-mudelli staġjonali.

5.    Politika ta’ reviżjoni

Il-BĊNi jista’ jkollhom bżonn jirrevedu l-valuri tax-xahar ta’ referenza preċedenti. Jista’ jkun hemm ukoll ir-reviżjonijiet li jirriżultaw minn, pereżempju, żbalji, riklassifikazzjonijiet, proċeduri ta’ rapportar imtejba eċċ, applikati għal dejta qabel tax-xahar ta’ referenza preċedenti.

Huma għandhom japplikaw il-prinċipji ġenerali li ġejjin:

▼M3

Artikolu 17a

Statistiċi dwar partita tal-karta tal-bilanċ u rata tal-imgħax ta' IFM individwali

1.    Ambitu tar-rapportar

Il-BĊNi għandhom jirrapportaw statistiċi ta' BSI u MIR individwali li huma jiġbru skont ir-Regolamenti (UE) Nru 1071/2013 (BĊE/2013/33) u (UE) Nru 1072/2013 (BĊE/2013/34) għal istituzzjonijiet ta' kreditu individwali taż-żona tal-euro skont it-Tabelli 1, 2 u 3 tal-Parti 15a tal-Anness II. Il-kompożizzjoni tal-panel tal-istituzzjonijiet ta' kreditu taż-żona tal-euro koperti fir-rapportar għandha tiġi deċiża mill-Kunsill Governattiv u nnotifikata lill-BĊNi li jirrapportaw. Il-panel għandu jinkludi wkoll gruppi ta' istituzzjonijiet ta' kreditu omoġenji (eż. kooperattivi ta' kreditu jew banek ta' tfaddil) li għalihom d-dejta tkun ser tintbagħat fuq bażi aggregata. Il-BĊE jista' jaqsam din id-dejta mal-Eurosistema skont ir-Regolament (KE) Nru 2533/98.

Il-Kunsill Governattiv, skont il-parir tal-Kumitat tal-Istatistika fuq l-impatt statistiku u amministrattiv tar-rapportar, għandu jiddeċiedi dwar kwalunkwe emenda għall-iskambju tad-dejta, inkluż tibdil għall-kompożizzjoni tal-panel. Dawn id-deċiżjonijiet għandhom ikunu nnotifikati lill-BĊNi li jirrapportaw.

Is-sħubija tal-panel tista' tkun suġġetta għal emendi relatati mal-ġrajjiet li ġejjin:

Il-Kunsill Governattiv b'dan jiddelega l-poter għad-deċiżjoni fuq emendi inqas sinifikanti fil-kompożizzjoni tal-panel lill-Bord Eżekuttiv. Il-Bord Eżekuttiv jista' jissottodelega dak il-poter lil wieħed mill-membri tiegħu. Id-deċiżjoni fuq dawn l-emendi inqas sinifikanti għandha tkun ibbażata fuq parir mid-Direttorat Ġenerali tal-Istatistika tal-BĊE f'komunikazzjoni mal-BĊNi rilevanti. Il-Kunsill Governattiv għandu jinżamm aġġornat dwar il-bidliet inqas sinifikanti fuq bażi regolari.

▼M4

Il-BCNi għandhom jagħmlu l-emendi neċessarji għall-informazzjoni rreġistrata fir-RIAD meta l-isħubija tal-panel tiġi affettwata.

▼M3

L-iskema ta' rapportar għal BSI individwali għandha tkopri ammonti pendenti (stokks) ta' tmiem ix-xahar u ta' tmiem it-trimestru u, għal indikaturi magħżula, serje addizzjonali li jkopru informazzjoni dwar waqfiet f'ammonti pendenti li ma jirriżultawx minn tranżazzjonijiet (iktar 'il quddiem imsejħa “serje anċillari”). Fil-każ ta' selfiet, informazzjoni addizzjonali dwar il-flussi netti ta' selfiet titolizzati jew ittrasferiti mod ieħor għandhom jiġu rrapportati. F'dak li jirrigwarda statistiċi ta' MIR individwali, it-trasmissjoni għandha tkopri rati ta' imgħax ta' kull xahar dwar ammonti pendenti u negozju ġdid bil-volumi ta' negozju ġdid korrispondenti. Ir-rekwiżiti huma relatati ma' depożiti ddenominati f'euro u selfiet fil-konfront ta' unitajiet domestiċi u korporazzjonijiet mhux finanzjarji residenti fiż-żona tal-euro. Għal aktar dettalji dwar ir-rekwiżiti ta' rapportar, ara l-Parti 15a tal-Anness II.

Għar-rapportar ta' dejta relatata ma' gruppi ta' istituzzjonijiet ta' kreditu, għandhom japplikaw id-dispożizzjonijiet li ġejjin:

L-elementi kollha huma mandatorji, għalkemm dispożizzjonijiet speċjali japplikaw għar-rapportar ta' serje anċillari, kif deskritt fil-Parti 15a tal-Anness II.

2.    Frekwenza tar-rapportar u skadenza

Il-BĊNi għandhom jirrapportaw din l-informazzjoni statistika skont il-kalendarju annwali stabbilit mill-BĊE u kkomunikat lill-BĊNi sat-tmiem ta' Settembru ta' kull sena.

3.    Politika ta' reviżjoni

Meta jissottomettu reviżjonijiet fil-kuntest ta' statistiċi dwar BSI u MIR individwali, il-BĊNi għandhom jadottaw l-istess approċċ li jsegwu għall-finijiet tat-trasmissjoni ta' dejta aggregata, kif stipulat fl-Artikoli 3(3) u 17(5) ta' din il-Linja Gwida.

4.    Kontrolli li jimmonitorjaw il-konsistenza interna tad-dejta

Qabel ma jibagħtu dejta lill-BĊE, il-BĊNi għandhom jivverifikaw il-konsistenza interna tad-dejta skont il-kontrolli ddefiniti u miżmuma mill-BĊE.

5.    Rapportar ta' informazzjoni dwar karatteristiċi speċifiċi nazzjonali u żviluppi ta' dejta speċjali

Il-BĊNi għandhom jirrapportaw kull informazzjoni li tkun meħtieġa biex tiffaċilita l-validazzjoni tad-dejta rrapportata u sabiex tiġi appoġġata l-analiżi tagħha. B'mod partikolari, il-BĊNi għandhom jipprovdu informazzjoni dwar:

Il-BĊNi għandhom jirrapportaw l-informazzjoni preferibbilment fil-ħin tat-trasmissjoni tad-dejta u fi kwalunkwe każ qabel l-għeluq tal-produzzjoni tad-dejta. Il-BĊE għandu jittratta l-informazzjoni pprovduta waqt li jagħti l-konsiderazzjoni dovuta lir-reġim ta' kunfidenzjalità applikabbli.

▼B

Artikolu 18

Statistika tal-pagamenti

1.    Kamp ta' applikazzjoni tar-rapportar

Il-BĊNi għandhom jirrapportaw lill-BĊE, informazzjoni dwar statistika tal-pagamenti skont l-Anness III għar-Regolament (UE) Nru 1409/2013 (BĊE/2013/43) u l-Parti 16 tal-Anness II għal din il-Linja Gwida. Din għandha tinkludi, fost l-oħrajn, dan li ġej:

2.    Frekwenza tar-rapportar u skadenza

Is-serje għandhom jiġu rrapportati fuq bażi annwali lill-BĊE, sa tmiem Mejju ta' kull sena b'referenza għas-sena kalendarja preċedenti. L-indikaturi fir-Regolament (UE) Nru 1409/2013 (BĊE/2013/43) għandhom jiġu rrapportati fuq bażi annwali. Id-dejta addizzjonali mitluba fil-Parti 16 tal-Anness II tista' tiġi rrapportata fuq bażi ta' kull xahar, trimestrali jew annwali, skont l-ispeċifikazzjoni fit-tabella rilevanti.

Għat-tabelli f'din il-Linja Gwida, u fin-nuqqas ta' dejta attwali, il-BĊNi għandhom jew jitolbu informazzjoni addizzjonali mill-aġenti tar-rapportar rilevanti jew jużaw stimi jew dejta provviżorja. Il-metodoloġija għal dawn l-istimi għandha tiġi ddefinita minn kull BĊN, skont il-karatteristiċi speċifiċi tal-pajjiż. Fejn ikun rilevanti, il-BĊNi għandhom jipprovdu noti spjegattivi biex jiċċaraw l-approċċ użat.

3.    Politika ta’ reviżjoni

Il-BĊNi għandhom japplikaw il-prinċipji ġenerali li ġejjin meta jirrevedu d-dejta rapportata:

4.    Noti spjegattivi

Il-BĊNi għandhom jipprovdu noti spjegattivi lill-BĊE, fejn jispjegaw id-devjazzjonijiet mir-rekwiżiti ta' rapportar u interruzzjonijiet strutturali fid-dettall, inkluż l-impatt fuq id-dejta.

Artikolu 19

Statistika fuq l-assi u l-obbligazzjonijiet tal-IFs

1.    Kamp ta' applikazzjoni tar-rapportar

(a)   Ġenerali

Il-BĊNi għandhom jirrapportaw tagħrif statistiku fuq l-assi u l-obbligazzjonijiet IF skont il-Parti 17 tal-Anness II għal kull wieħed mis-subsetturi li ġejjin, li huma kklassifikati min-natura tal-investiment: fondi ta' ekwità, fondi ta' bonds, fondi mħallta, fondi ta' proprjetà immobbli, fondi ħeġġ, u fondi oħra. Kull wieħed minn dawn is-subsetturi għandu jinqasam aktar f’fondi mingħajr limiti u fondi b'limitu jiġifieri skont it-tip ta’ IF. Għall-fini tal-IFs maqsuma skont in-natura tal-investiment, il-fondi ta' investiment li jinvestu b'mod prinċipali fl-ishma jew l-unitajiet ta' investimenti (jiġifieri fondi ta' fondi) għandhom jiġu kklassifikati taħt il-kategorija ta' fondi li jinvestu prinċipalment fihom.

Dawn ir-rekwiżiti għandhom ikopru l-istokks ta' tmiem ix-xahar u ta’ tmiem it-trimestru, l-aġġustamenti fil-flussi ta' kull xahar u trimestrali kif ukoll informazzjoni ta' kull xahar dwar ħruġ/bejgħ ġdid ta' tifdijiet ta' ishma/unitajiet ta' fondi ta' investiment.

▼M4

L-istokks kollha ta' tmiem ix-xahar u aġġustamenti tal-fluss ta' kull xahar kif ukoll informazzjoni ta' kull xahar dwar ħruġ/bejgħ ġdid u fidi ta' ishma/unitajiet ta' fond ta' investiment għandhom jiġu rrappurtati wkoll (i) għas-subsettur ta' fondi nnegozjati fil-borża (ETFs), bħala pożizzjoni “li minnhom” ta' “fondi totali”, u (ii) li jibda bil-perjodu ta' referenza Diċembru 2018, separatament għal impriżi għal investiment kollettiv f'titoli trasferibbli (UCITS) IFs u IFs mhux UCITS għal kull subsettur IF skont in-natura ta' investiment. Għad-dejta dwar UCITS u IFs mhux UCITS, il-BĊNi jistgħu jirrappurtaw estimi fuq bażi tal-aħjar sforz fl-ewwel sena tar-rapportar tad-dejta, jiġifieri mill-perjodu ta' referenza Diċembru 2018 għall-perjodu ta' referenza Novembru 2019.

Sa fejn id-dejta hija disponibbli, inkluż fuq bażi tal-aħjar stima, stokks ta' tmiem is-semestru u aġġustamenti tal-fluss trimestrali kif ukoll informazzjoni trimestrali dwar ħruġ/bejgħ ġdid u fidi ta' ishma/unitajiet ta' fond ta' investiment għandhom jiġu rrappurtati wkoll għas-subsettur ta' fondi ta' ekwità privata (inkluż fondi ta' kapital ta' riskju) bħala pożizzjoni “li minnhom” ta' “fondi totali”.

▼B

(b)   Aġġustamenti tal-fluss

Il-BĊNi għandhom jirrapportaw lill-BĊE, dejta separata dwar aġġustamenti fir-rivalutazzjonijiet minħabba l-bidliet fil-prezz u r-rata ta' kambju u l-aġġustamenti fir-riklassifikazzjonijiet, ara wkoll il-Parti 17 tal-Anness II u skont l-Anness IV.

Tranżazzjonijiet finanzjarji, u għalhekk aġġustamenti, għandhom jinġiebu skont l-ESA 2010, u tali derivazzjoni għandha tissejjaħ bħala l-"metodu ESA 2010". Il-BĊNi jistgħu jiddevjaw mill-ESA 2010 minħabba prattiki nazzjonali diverġenti skont ir-Regolament (UE) Nru 1073/2013 (BĊE/2013/38). Fejn tkun disponibbli informazzjoni dwar l-istokks titolu b'titolu (s-b-s), jistgħu jinġiebu aġġustamenti ta' rivalutazzjoni skont metodu komuni tal-Eurosistema, jiġifieri l-metodu ta' derivazzjoni tal-fluss msemmi fil-Parti 4 tal-Anness IV.

(c)   Ishma tal-portatur

Jekk id-dejta fuq l-ishma tal-portatur irrapportata minn IFs, MFIs u/jew OFIs skont l-Anness I għar-Regolament (UE) Nru 1073/2013 (BĊE/2013/38) għadha mhijiex lesta jew disponibbli, il-BĊNi għandhom jipprovdu dejta fuq l-ishma tal-portatur fuq bażi tal-aħjar stima skont it-tqassim ġeografiku u settorjali fit-Tabella 1 tal-Parti 17 tal-Anness II.

(d)   Qasma tas-settur tal-kontropartijiet “korporazzjonijiet tal-assigurazzjoni u fondi ta' pensjoni” f'żewġ setturi tal- kontroparti: “korporazzjonijiet tal-assiguazzjoni” u “fondi tal-pensjoni”

Sa fejn id-dejta hija disponibbli, inkluż fuq bażi tal-aqwa stima, u mhux ikkunsidrata insinifikanti, il-BĊNi għandhom jirrapportaw informazzjoni separata fuq is-setturi tal- kontroparti korporazzjonijiet tal-assiguazzjoni u fondi tal-pensjoni tal-kontropartijiet fuq bażi trimestrali, skont it-Tabella 1 tal-Parti 17 tal-Anness II.

(e)   ETFs maqsuma f'ETFs sintetiċi u fiżiċi

Stokks ta' tmiem ix-xahar u aġġustament tal-fluss ta' kull xahar għandhom ikunu meħtieġa għal ETFs maqsuma f'ETFs sintetiċi u fiżiċi malli tkun disponibbli definizzjoni xierqa għal dan it-tqassim mill-Awtorità Ewropea tat-Titoli u s-Swieq (ESMA). Il-BĊE għandu jivverifika b'mod regolari għal tali definizzjoni u, meta jkun xieraq, joħroġ l-iskemi ta' rapportar meħtieġa.

2.    Frekwenza ta’ rapportar u skadenza

Il-BĊNi għandhom jirrapportaw lill-BĊE, id-dejta tal-IF ta' kull xahar u trimestrali sal-għeluq tan-negozju fit-28 jum tax-xogħol wara t-tmien tax-xahar/trimestru li għandha x'taqsam id-dejta.

3.    Politika ta’ reviżjoni

Ir-regoli ġenerali għandhom japplikaw għar-reviżjonijiet tad-dejta ta’ kull xahar u trimestrali:

4.    Derogi u żieda

Biex tiġi żgurata l-kwalità tal-istatistika tal-IF taż-żona tal-euro, fejn il-BĊNi jagħtu derogi lill-IFs iż-żgħar skont l-Artikolu 8(1) tar-Regolament (UE) Nru 1073/2013 (BĊE/2013/38), dawn għandhom iżidu sa kopertura ta' 100 % għal dawn l-IFs fil-kompilazzjoni tad-dejta IF ta' kull xahar u trimestrali rrapportata lill-BĊE.

Il-BĊNi jistgħu jagħżlu l-proċedura għaż-żieda tal-kopertura sa 100 %, sakemm jissodisfaw l-istandards minimi li ġejjin:

Skont l-Artikolu 8(2) tar-Regolament (UE) Nru 1073/2013 (BĊE/2013/38), jistgħu jingħataw derogi lill-IFs li minħabba regoli ta’ kontabbiltà nazzjonali jivvalutaw l-assi tagħhom fi frekwenza anqas minn dik trimestrali. Minkejja din id-deroga, id-dejta IF ta’ kull xahar u trimestrali rrapportata mill-BĊNi lill-BĊE għandha tinkludi dejjem dejta li għandha x’taqsam ma’ dawn l-IFs.

5.    Derivazzjoni ta’ dejta aggregata

Il-BĊNi għandhom iġibu d-dejta aggregata dwar l-assi u l-obbligazzjonijiet trimestrali tas-subsetturi IF skont it-Tabella 1 tal-Parti 17 tal-Anness II:

Dan japplika wkoll meta l-BĊNi jiġbru dejta fuq assi u obbligazzjonijiet tal-IF fuq bażi ta’ kull xahar skont l-Artikolu 5(2) tar-Regolament (UE) Nru 1073/2013 (BĊE/2013/38).

6.    Stima ta’ dejta ta’ kull xahar

Skont l-Artikolu 5(1)(b) tar-Regolament (UE) Nru 1072/2013 (BĊE/2013/38), il-BĊNi għandhom jiġbru dejta dwar ishma/unitajiet tal-IF maħruġa fuq bażi ta' kull xahar. Għal xhur ta’ referenza li m’humiex xhur tal-aħħar tat-trimestru, il-BĊNi għandhom jistmaw l-assi u l-obbligazzjonijiet tal-IF minbarra ishma/unitajiet ta’ fondi ta’ investiment maħruġin fuq il-bażi tad-dejta ta’ kull xahar u trimestrali miġbura sakemm id-dejta ma tkunx miġbura fuq bażi ta’ kull xahar kif stabbilit fl-Artikolu 5(2) tar-Regolament (UE) Nru 1073/2013 (BĊE/2013/38).

Meta jkun possibbli, il-BĊNi għandhom jagħmlu stimi fil-livell tal-fond individwali. Alternattivament, BĊN jista’ jagħmel stimi skond is-sub-settur IF jew jista’ jitlob lill-BĊE biex jagħmel l-istimi. F’dan l-aħħar każ il-BĊE jista’ jitlob informazzjoni addizzjonali bħad-data fond b’fond jew titolu b'titolu (s-b-s).

7.    Metodi ta’ valutazzjoni u/jew regoli ta' kontabilità

Ir-regoli ta’ valutazzjoni u/jew kontabbiltà fir-Regolament (UE) Nru 1073/2013 (BĊE/2013/38) għandhom japplikaw ukoll meta l-BĊNi jirrapportaw dejta IF lill-BĊE. Iżda, għall-partiti li huma suġġetti għal imgħax akkumulat għandhom japplikaw ir-regoli li ġejjin:

8.    Noti spjegattivi

Il-BĊNi għandhom jissottomettu noti spjegattivi li jagħtu r-raġunijiet għar-reviżjonijiet sinifikanti. Barra minn dan, il-BĊNi għandhom jipprovdu lill-BĊE b’noti spjegattivi dwar l-aġġustamenti ta' riklassifikazzjoni. Il-BĊNi għandhom jipprovdu wkoll noti spjegattivi dwar ir-reviżjonijiet imsemmijin fl-Artikolu 19(3)(ċ).

9.    Rapportar ta’ grupp

Skont l-Artikolu 4(3) tar-Regolament (UE) Nru 1073/2013 (BĊEC/2013/38), il-BĊNi jistgħu jippermettu lill-IFs li jirrapportaw l-assi u l-obbligazzjonijiet tagħhom bħala grupp, iżda dan għandu jwassal għal riżultati li huma simili għar-rapportar fond b’fond. IFs li jirrapportaw bħala grupp għandhom jappartjenu lill-istess subsettur; per eżempju, fondi ta’ proprjetà immobbli closed-end jew fondi ta’ proprjetà immobbli open-end.

Artikolu 20

Statistika dwar l-assi u l-obbligazzjonijiet ta’ FVCs

1.    Kamp ta' applikazzjoni tar-rapportar

Il-BĊNi għandhom jikkumpilaw u jirrappurtaw informazzjoni statistika aggregata u separata dwar l-assi u l-obbligazzjonijiet ta’ FVCs skont il-Parti 18 tal-Anness II. Għandha tiġi sottomessa dejta għall-erba' sottokategoriji li ġejjin: (a) FVCs involuti f'titolizzazzjoni tradizzjonali; (b) FVCs involuti f'titolizzazzjoni sintetika; (c) FVCs involuti f'titolizzazzjoni marbuta mal-assigurazzjoni; u (d) FVCs oħrajn.

Dawn ir-rekwiżiti għandhom ikopru dejta dwar ammonti dovuti, tranżazzjonijiet finanzjarji u tħassir/tniżżil fil-valur mogħtija kull trimestru.

Il-BĊNi jistgħu jippreżentaw lill-BĊE id-dejta meħtieġa dwar it-tħassir/tniżżil fil-valur fuq il-bażi tal-aħjar sforz.

2.    Frekwenza ta’ rappurtar u skadenza

Il-BĊNi għandhom jirrappurtaw lill-BĊE id-dejta dwar l-ammonti dovuti tal-FVC, it-tranżazzjonijiet finanzjarji u tħassir/tniżżil fil-valur kull trimestru sa tmiem in-negozju fit-28 jum ta’ xogħol wara t-tmiem tat-trimestru li miegħu hija relatata d-dejta.

3.    Politika ta’ reviżjoni

Ir-regoli ġenerali li ġejjin għandhom japplikaw għar-reviżjoni ta’ dejta trimestrali:

4.    Metodi ta’ kompilazzjojni

Sabiex jissodisfaw ir-rekwiżiti ta’ rappurtar tal-istatistika li minnhom l-FVCs huma eżenti skont l-Artikolu 5(1)(c) tar-Regolament (KE) Nru 1075/2013 (BĊE/2013/40), il-BĊNi wara li jikkonsultaw il-BĊE, għandhom jiddeċiedu fuq il-metodu l-aktar xieraq biex jikkumpilaw id-dejta dwar l-assi u l-obbligazzjonijiet ta’ FVCs, skont l-organizzazzjoni tas-swieq rilevanti u d-disponibbiltà ta’ informazzjoni rilevanti oħra statistika, pubblika jew superviżorja.

5.    Sorsi ta’ dejta u standards tal-kwalità tad-dejta

Jekk il-BĊNi jiksbu dejta dwar assi u obbligazzjonijiet ta’ FVCs minn sorsi oħrajn ta' dejta statistika, minn sorsi pubbliċi bħal rapporti ta’ qabel il-bejgħ jew rapporti għall-investituri, jew minn sorsi ta’ dejta superviżorja, għandhom japplikaw l-istandards tal-kwalità tad-dejta deskritti hawn isfel.

Dejta li tkun identifikata bħala anchor series fil-Parti 18 ta' din il-Linja Gwida għandha tkun soġġetta għal standards għolja ta’ kwalità, paragunabbli ma’ dawk għal dejta direttament irrappurtata minn FVCs skont l-Anness I tar-Regolament (UE) Nru 1075/2013 (BĊE/2013/40). Dejta li tkun identifikata bħala non-anchor series fil-Parti 18 tal-Anness II ta' din il-Linja Gwida tista' tiġi stmata skont standards ta' kwalità inqas strinġenti, eż. bl-użu ta' interpolazzjonijiet u estrapolazzjonijiet meta d-dejta tinġabar minn sorsi pubbliċi jew superviżorji fi frekwenza aktar baxxa milli kull trimestru, u b’tempestività itwal mit-28 jum ta’ xogħol wara l-perijodu ta’ referenza.

Jekk dejta ma tkunx irrapportata direttament minn FVCs skont l-Artikolu 5(1)(c) tar-Regolament (KE) Nru 1075/2013 (BĊE/2013/40), il-kwalità tad-dejta għandha tkun issorveljata mill-BĊNi fuq il-bażi tal-informazzjoni li tkun disponibbli mill-istqarrijiet finanzjarji annwali. L-eżitu tal-kontrolli ta’ kwalità għandu jiġi pprovdut mill-BĊNi lill-BĊE sal-aħħar ta’ Settembru kull sena, jew l-aktar malajr minn hemm ‘il quddiem, skont il-prattiċi legali nazzjonali applikabbli fl-Istat Membru ta’ residenza tal-FVC. Jekk il-kontroverifiki bejn id-dejta miksuba fuq bażi trimestrali u l-istqarrijiet finanzjarji annwali juru li ma jkunux intlaħqu standards għolja ta’ kwalità, il-BĊNi għandhom jieħdu l-miżuri meħtieġa kollha biex jiżguraw li d-dejta tissodisfa l-istandards ta’ kwalità meħtieġa, inkluż il-possibbiltà ta’ ġbir dirett ta’ dejta skont ir-Regolament (UE) Nru 1075/2013 (BĊE/2013/40).

Jekk il-BĊNi jiksbu dejta dwar l-assi u l-obbligazzjonijiet ta’ FVCs minn sorsi ta’ dejta superviżorji, il-BĊNi għandhom jiżguraw li dawn is-sorsi huma allinjati biżżejjed mal-kunċetti statistiċi u d-definizzjonijiet skont ir-rekwiżiti ta’ rappurtar tal-FVC. L-istess għandu japplika għad-dejta miksuba minn sorsi oħra ta’ dejta statistika.

Jekk is-CSDB jew database oħra tat-titoli jintuża bħala sors tad-dejta għal dejta dwar il-ħruġ ta' titoli ta' dejn ta' FVC, il-BĊNi għandhom jimmonitorjaw il-kopertura u l-kwalità tad-dejta fuq bażi annwali. L-eżitu tal-kontrolli tal-kwalità għandu jiġi pprovdut mill-BĊNi lill-BĊE sa tmiem Frar kull sena billi tittieħed, bħala referenza, id-data ta’ tmiem Diċembru tas-sena preċedenti. Jekk l-indikaturi tal-kopertura u tal-kwalità juru li ma jkunux intlaħqu standards għolja ta’ kwalità, il-BĊNi għandhom jieħdu l-miżuri kollha meħtieġa biex jintlaħaqu l-istandards meħtieġ ta’ kwalità, inkluża l-possibbiltà ta’ ġbir dirett ta’ dejta skont ir-Regolament (KE) Nru 1075/2013 (BĊE/2013/40).

▼M4 —————

▼B

7.    Derogi u żieda

▼M4

Jekk il-BĊNi jikkumpilaw dejta dwar l-attiv u l-passiv ta' FVCs direttament minn FVCs, u fejn rilevanti, ibbażata skont dejta irrappurtata minn MFIs skont ir-Regolament (KE) Nru 1071/2013 tal-Bank Ċentrali Ewropew (BĊE/2013/33), u fejn il-BĊNi jagħtu derogi lil FVCs skont l-Artikolu 5(1)(b) tar-Regolament (KE) Nru 1075/2013 tal-Bank Ċentrali Ewropew (BĊE/2013/40), il-BĊNi għandhom iżidu l-kopertura sa 100 % għall-FVCs kollha meta jikkumpilaw l-attiv u l-passiv trimestrali ta' data ta' FVCs rrapportata lill-BĊE għal ammonti dovuti, tranżazzjonijiet finanzjarji u tħassir/tnaqqis fil-valur.

▼B

Jekk il-BĊNi jikkumpilaw dejta dwar l-assi u l-obbligazzjonijiet ta’ FVCs minn sorsi oħra statistiċi, pubbliċi u/jew superviżorji, huma jistgħu jibbażaw il-kompilazzjoni tagħhom fuq kampjun ta’ FVCs sakemm dawn l-FVCs jammontaw għal ta’ lanqas 95 % tal-ammont totali dovut ta' assi tal-popolazzjoni li tirrapporta ta’ referenza tal-FVC fi Sl-Istat Membru relevanti kif irrappreżentat fil-lista ta’ FVCs. Il-BĊNi għandhom iżidu l-kopertura sa 100 % meta jikkumpilaw id-dejta trimestrali dwar l-assi u l-obbligazzjonijiet ta’ FVCs irrappurtata lill-BĊE għal ammonti dovuti, tranżazzjonijiet finanzjarji u tħassir/tniżżil fil-valur.

8.    Noti spjegattivi

Il-BĊNi għandhom jissottomettu noti ta’ spjega lill-BĊE fejn jagħtu r-raġunijiet għar-reviżjonijiet sinifikanti kif ukoll għal kull reviżjoni magħmula skont l-Artikolu 20(3)(b).

Artikolu 21

Statistika fuq self MFI lil korporazzjonijiet mhux finanzjarji skont il-fergħa ta’ attività

1.    Kamp ta' applikazzjoni tar-rapportar

Il-BĊNi għandhom jirrapportaw lill-BĊE, meta jkunu disponibbli, dejta fuq self MFI lil korporazzjonijiet mhux finanzjarji domestiċi, u self MFI lil korporazzjonijiet mhux finanzjarji ta’ Stati Membri parteċipanti mqassmin skont il-fergħa ta’ attività wara l-klassifikazzjoni statistika ta’ attivitajiet ekonomiċi fl-Unjoni (NACE Rev.2), skont il-Parti 19 tal-Anness II.

2.    Frekwenza ta’ rapportar u skadenza

Il-BĊNi għandhom jirrapportaw id-dejta lill-BĊE fuq bażi trimestrali sal-ħin tat-tmiem tal-ġurnata tax-xogħol fit-28 jum tax-xogħol wara t-tmiem tat-trimestru li miegħu tkun relatata d-dejta.

3.    Politika ta’ reviżjoni

Il-BĊNi għandhom jirrapportaw reviżjonijiet skont il-prinċipji li ġejjin:

4.    Noti spjegattivi

Il-BCNi għandhom jirrapportaw lill-BĊN kull tibdil sinjifikattiv fid-definizzjonijiet nazzjonali u klassifikazzjonijiet użati u għandhom jissottomettu noti spjegattivi li jispjegaw ir-raġunijiet għal reviżjonijiet sinifikanti, fejn applikabbli. Barra minn dan, il-BĊNi għandhom jipprovdu informazzjoni dwar riklassifikazzjonijiet ewlenin fis-settur MFI u, jekk disponibbli, riklassifikazzjonijiet ewlenin ta’ korporazzjonijiet mhux finanzjarji fit-tqassim ta' NACE Rev.2 trażmessi.

Artikolu 22

Statistiċi dwar linji ta' kreditu tal-MFI

1.    Kamp ta' applikazzjoni tar-rapportar

Il-BĊNi għandhom jikkompilaw u jirrapportaw informazzjoni statistika aggregata dwar linji ta' kreditu MFI mogħtija lil residenti oħrajn mhux domestiċi taż-żona tal-euro, mqassma skont is-settur istituzzjonali, b'mod konformi mal-Parti 20 tal-Anness II.

Il-linji ta' kreditu tal-MFI għandu jkollhom l-istess tifsira bħal 'faċilitajiet ta' kreditu mhux miġbuda', ikklassifikati bħala 'riskju medju', 'riskju medju/baxx' u 'riskju baxx', kif stipulat fir-Regolament (UE) Nru 575/2013. Il-BĊNi għandhom japplikaw din id-definizzjoni fuq bażi tal-aħjar sforz u kull meta tkun tapplika definizzjoni nazzjonali differenti għal linji ta' kreditu huma jistgħu jirrapportaw billi jużaw id-definizzjoni nazzjonali, iżda għandhom jimmiraw li jarmonizzaw il-kumpilazzjoni ta' dejta ta' linji ta' kreditu tal-MFI sabiex itejbu l-kumparabbiltà bejn pajjiż u ieħor fuq medda ta' żmien aktar twil.

Il-BĊNi għandhom jikkalkulaw it-tqassim settorjali u jibagħtuhom lill-BĊE. Jekk dawn it-tqassim settorjali ma jinġabrux fuq livell nazzjonali, il-BĊNi jistgħu jew jitolbu dik l-informazzjoni addizzjonali mingħand aġenti li jirrapportaw, jew inkella jistgħu jistmaw it-tqassim settorjali billi jużaw informazzjoni disponibbli fuq livell nazzjonali minn sorsi oħrajn.

Il-BĊNi jistgħu jippreżentaw lill-BĊE dejta dwar riklassifikazzjonijiet statistiċi fuq il-bażi tal-aħjar sforz.

2.    Frekwenza ta’ rapportar u skadenza

Il-BĊNi għandhom jirrapportaw id-dejta lill-BĊE fuq bażi trimestrali. L-ammonti pendenti trimestrali u d-dejta dwar aġġustamenti ta' riklassifikazzjoni għandhom jintbagħtu lill-BĊE sal-ħin tat-tmiem tal-ġurnata tax-xogħol fit-28 jum tax-xogħol wara t-tmiem tat-trimestru li miegħu huma relatati.

3.    Politika ta’ reviżjoni

Il-BĊNi għandhom jirrapportaw reviżjonijiet skont il-prinċipji li ġejjin:

4.    Noti spjegattivi

Il-BĊNi għandhom jissottomettu noti ta’ spjega lill-BĊE fejn jagħtu r-raġunijiet għar-reviżjonijiet sinifikanti.

Artikolu 23

Statistika dwar l-assi u l-obbligazzjonijiet ta’ CCPs

1.    Kamp ta' applikazzjoni tar-rapportar

Il-BĊNi għandhom jikkumpilaw u jirrappurtaw informazzjoni statistika aggregata u separata dwar l-assi u l-obbligazzjonijiet ta’ FVCs skont il-Parti 21 tal-Anness II.

Għall-finijiet ta' dan ir-rapportar statistiku, is-CCPs huma dawk l-entitajiet identifikati bħala kontropartijiet ċentrali mill-ESMA u li huma "intermedjarji finanzjarji oħrajn, ħlief għal korporazzjonijiet tal-assigurazzjoni u fondi tal-pensjoni" jew "awżiljari finanzjarji" (S.126) kif speċifikat fil-klassifikazzjoni ta' setturi istituzzjonali stipulata fil-Kapitolu 23 ta' ESA 2010.

CCPs identifikati mill-ESMA li huma kklassifikati fi ħdan is-settur istituzzjonali ESA 2010 "istituzzjonijiet finanzjarji monetarji (monetary financial institutions - MFIs)" m'għandhomx jiffurmaw parti minn dan ir-rapportar statistiku.

2.    Livell minimu għal rapportar obbligatorju

Il-BĊNi għandhom jirrapportaw id-dejta lill-BĊE fuq bażi obbligatorja b'referenza għal-livelli minimi li ġejjin:

Jekk il-livell minimu jintlaħaq minn ċellola waħda jew aktar iddenominata bħala "NR", iċ-ċelloli kollha ddenominati bħala "R" għandhom jiġu rrapportati, irrispettivament mill-valur attwali tal-karta tal-bilanċ tagħhom;

Jekk il-livell minimu jintlaħaq minn ċellola waħda jew aktar, iċ-ċelloli kollha ddenominati bħala "NR" għandhom jiġu rrapportati, irrispettivament mill-valur attwali tal-karta tal-bilanċ tagħhom.

Jekk l-ebda wieħed mil-livelli minimi (a) jew (b) ma jintlaħaq, il-BĊNi għandhom jissottomettu dejta lill-BĊE fuq il-karti tal-bilanċ tas-CCP fuq bażi volontarja. Jekk il-BĊNi jagħżlu li ma jirrapportawx fuq bażi volontarja, huma għandhom jimmonitorjaw jekk dawn il-livelli minimi jintlaħqux ta' mill-inqas fuq bażi annwali.

3.    Frekwenza ta’ rapportar u skadenza

Il-BĊNi għandhom jirrapportaw id-dejta lill-BĊE fuq bażi trimestrali. L-ammonti pendenti trimestrali u d-dejta dwar l-aġġustamenti ta' riklassifikazzjoni għandhom jintbagħtu lill-BĊE sal-ħin tat-tmiem tal-ġurnata tax-xogħol fit-28 jum tax-xogħol wara t-tmiem tat-trimestru li miegħu tkun relatata d-dejta.

4.    Politika ta’ reviżjoni

Il-BĊNi għandhom jirrapportaw reviżjonijiet skont il-prinċipji li ġejjin:

5.    Noti spjegattivi

Il-BĊNi għandhom jissottomettu noti ta’ spjega lill-BĊE fejn jagħtu r-raġunijiet għar-reviżjonijiet sinifikanti.

▼M4 —————

▼M5

Artikolu 26

Statistika dwar l-FP

1.    Kamp ta' applikazzjoni tar-rapportar ta' data sa u inkluż ir-raba' trimestru tal-2019

(a)   Ġenerali

Il-BĊNi għandhom jirrapportaw lill-BĊE informazzjoni statistika dwar l-FP sa u inkluża d-data għar-raba' trimestru tal-2019, kif stabbilit fil-paragrafi 1 sa 5 ta' dan l-Artikolu u skont il-Parti 22 tal-Anness II. Data relatata ma' FP għandha tiġi trażmessa fuq il-bażi tad-data attwalment disponibbli fuq livell nazzjonali. Meta data attwali ma tkunx disponibbli, għandhom jiġu pprovduti estimi fuq il-bażi tal-aħjar sforz.

Il-popolazzjoni li tirrapporta għandha tinkludi FP li huma residenti fl-Istati Membri taż-żona tal-euro.

(b)   Ammonti pendenti u tranżazzjonijiet finanzjarji

Il-BĊN għandhom jirrapportaw ammonti pendenti fit-tmiem tal-perjodu ta' referenza u tranżazzjonijiet finanzjarji matul it-trimestru, li għandhom jiġu dderivati b'mod konformi mal-ESA 2010.

▼M2

2.    Frekwenza tar-rapportar u skadenza

Il-frekwenza tar-rapportar lill-BĊE għandha tkun trimestrali. L-istatistika PF deskritta fil-paragrafu 1(a) għandha tiġi rrappurtata lill-BĊE f'perijodu li ma jaqbiżx 80 jum kalendarju mit-tmiem tat-trimestru ta' referenza. Id-dati eżatti tat-trażmissjoni għandhom jiġu kkomunikati lill-BĊNi bil-quddiem fil-forma ta' kalendarju tar-rapportar ipprovdut mill-BĊE sa Settembru ta' kull sena.

▼B

3.    Politika ta’ reviżjoni

Il-BĊNi jista’ jkollu bżonn li jirrivedi dejta trażmessa matul it-trimestru ta’ qabel. Barra minn dan jistgħu jsiru wkoll reviżjonijiet għad-dejta dwawr trimestri preċedenti.

Għandhom japplikaw il-prinċipji ġenerali li ġejjin:

4.    Metodi ta’ valutazzjoni u/jew regoli tal-kontabilità

Mingħajr preġudizzju għall-prattiċi tal-kontabbiltà prevalenti fl-Istati Membri, l-assi u l-obbligazzjonijiet kollu għandhom jiġu rrapportati fuq bażi grossa għal skopijiet statistiċi. Il-metodi ta' valutazzjoni għandhom ikunu konformi mal-ESA 2010. Fil-prinċipju, l-assi u l-obbligazzjonijiet għandhom jiġu vvalutati bl-użu tal-prezzijiet kurrenti tas-suq fid-data li magħha hija relatata l-karta tal-bilanċ. L-obbligazzjonijiet tad-depożiti u s-self għandhom jiġu rrapportati skont l-ammont tal-kapital pendenti fl-aħħar tat-trimestru.

5.    Noti spjegattivi

Il-BĊNi għandhom jipprovdu noti spjegattivi lill-BĊE inklużi sorsi tad-dejta, sistemi għall-ġbir tad-dejta, proċedura ta' kumpilazzjoni, qafas legali, devjazzjonijiet mill-istruzzjonijiet ta' rapportar tal-BĊE, u l-popolazzjoni li tirrapporta. Il-BĊNi għandhom jipprovdu noti spjegattivi għal reviżjonijiet sinjifikanti u, b'mod speċjali, għal interruzzjonijiet f'serje storiċi.

▼M5

6.    Kamp ta' applikazzjoni ta' rapportar skont ir-Regolament (UE) 2018/231 (BĊE/2018/2)

(a)   Ġenerali

Skont ir-Regolament (UE) 2018/231 (BĊE/2018/2), il-BĊNi għandhom jirrapportaw lill-BĊE informazzjoni statistika dwar l-assi u l-obbligazzjonijiet tal-FP kif ukoll informazzjoni dwar in-numru ta' membri ta' skemi tal-pensjoni kif stabbilit fil-paragrafi 6 sa 15 ta' dan l-Artikolu u skont il-Parti 24 tal-Anness II għal din il-Linja Gwida. Dawn ir-rekwiżiti għandhom ikopru d-data dwar l-istokk ta' tmiem it-trimestru u l-aġġustamenti trimestrali tal-flussi fuq l-assi u l-obbligazzjonijiet tal-FP, kif ukoll data annwali dwar il-membri. Mingħajr preġudizzju għall-Artikolu 12(2) tar-Regolament (UE) 2018/231 (BĊE/2018/2), l-ewwel rapportar taħt ir-Regolament (UE) 2018/231 (BĊE/2018/2) għandu jibda b'data trimestrali dwar l-assi għat-tielet trimestru tal-2019 u data annwali dwar l-obbligazzjonijiet u n-numru ta' membri fi skemi ta' pensjoni għall-2019.

(b)   Aġġustamenti tal-flussi

Il-BĊNi għandhom jirrapportaw lill-BĊE data separata dwar l-aġġustamenti ta' rivalutazzjoni (li tkopri kemm tibdil fil-prezz kif ukoll fir-rata tal-kambju) u l-aġġustamenti tar-riklassifikazzjoni, skont il-Parti 24 tal-Anness II u l-Anness IV.

It-tranżazzjonijiet finanzjarji, inklużi l-aġġustamenti, għandhom ikunu derivati skont l-ESA 2010.

Il-BĊNi jistgħu jiddevjaw mill-ESA 2010 minħabba prattiki nazzjonali diverġenti għall-finijiet tal-Artikolu 5(b) u (c) tar-Regolament (UE) 2018/231 (BĊE/2018/2). Fejn tkun disponibbli informazzjoni dwar l-istokks assi b'assi (a-b-a), jistgħu jinġiebu aġġustamenti ta' rivalutazzjoni skont metodu komuni tal-Eurosistema, jiġifieri l-metodu ta' derivazzjoni tal-fluss msemmi fil-Parti 7 tal-Anness IV.

Approssimazzjonijiet tat-tranżazzjonijiet finanzjarji dwar l-obbligazzjonijiet jistgħu jiġu dderivati skont il-Parti 7 tal-Anness IV.

7.    Frekwenza ta' rapportar u skadenza

8.    Politika ta' reviżjoni

Ir-regoli ġenerali li ġejjin għandhom japplikaw għar-reviżjonijiet tad-data trimestrali u annwali:

9.    Derogi u żieda

Biex tiġi żgurata l-kwalità tal-istatistika dwar l-FP, fejn il-BĊNi jagħtu derogi lill-FP iż-żgħar skont l-Artikolu 7(1) tar-Regolament (UE) 2018/231 (BĊE/2018/2), dawn għandhom iżidu d-data trimestrali dwar il-FP irrapportata lill-BĊE sa kopertura ta' 100 %.

Il-BĊNi jistgħu jagħżlu l-proċedura għaż-żieda tal-kopertura sa 100 % abbażi tad-data miġbura skont l-Artikolu 7(1)(a) sa (d) tar-Regolament (UE) 2018/231 (BĊE/2018/2).

10.    Derivazzjoni ta' data aggregata għat-titoli

Il-BĊNi għandhom jidderivaw id-data aggregata dwar l-assi u l-obbligazzjonijiet trimestrali għall-FP skont it-Tabelli 1a sa 1c tal-Parti 24 tal-Anness II kif ġej:

11.    It-tqassim tal-investimenti f'ishma/unitajiet ta' FI skont l-objettiv ewlieni ta' investiment

Il-BĊN għandhom jibagħtu lill-BĊE l-aħjar estimi dwar l-investimenti ta' FP ta' ishma/unitajiet FI imqassma skont l-objettiv ewlieni tal-investiment (jiġifieri fondi ta' bonds, fondi ta' ekwità, fondi mħallta, fondi fi proprjetà immobbli, fondi hedge u fondi oħrajn). Din id-data tista' tinkiseb bl-immarkar tal-informazzjoni pprovduta fuq bażi ta' s-b-s skont ir-Regolament (UE) 2018/231 (BĊE/2018/2) mal-informazzjoni miksuba mis-CSDB bħala l-bażi tad-data ta' referenza.

Jekk l-ishma/unitajiet FI miżmuma ma jinstabux fis-CSDB, il-BĊN għandhom jistmaw id-data nieqsa jew jużaw sorsi alternattivi biex jiksbu d-data.

12.    Rapportar ta' stimi trimestrali għall-obbligazzjonijiet

Il-BĊNi għandhom jibagħtu lill-BĊE estimi trimestrali għall-obbligazzjonijiet ta' FP idderivati skont l-Artikolu 4(2) tar-Regolament (UE) 2018/231 (BĊE/2018/2).

13.    Metodi ta' valutazzjoni u/jew regoli ta' kontabilità

Il-metodi ta' valutazzjoni skont l-ESA 2010 u/jew ir-regoli ta' kontabilità fl-Artikolu 6 tar-Regolament (UE) 2018/231 (BĊE/2018/2) għandhom japplikaw ukoll meta l-BĊN jirrapportaw data ta' FP lill-BĊE.

14.    Noti spjegattivi

Il-BĊN għandhom jippreżentaw noti spjegattivi li jispjegaw ir-raġunijiet għal reviżjonijiet sinifikanti kif ukoll għal kwalunkwe reviżjoni pprovduta barra l-perjodi regolari ta' produzzjoni msemmija fil-paragrafu 8(c) ta' dan l-Artikolu. Barra minn hekk, il-BĊNi għandhom jipprovdu noti spjegattivi lill-BĊE rigward l-aġġustamenti tar-riklassifikazzjoni.

15.    Approċċ ta' kompilazzjoni

Il-BĊNi għandhom jiġbru data mill-FP kollha residenti fl-Istat Membru tagħhom, skont l-Artikolu 2(1) tar-Regolament (UE) 2018/231 (BĊE/2018/2).

▼M2

Artikolu 26a

Statistika fuq ICs

1.    Ambitu tar-rapportar

(a)   Ġenerali

Il-BĊNi għandhom jirrapportaw l-informazzjoni statistika fuq l-assi u l-obbligazzjonijiet tal-IC kif ukoll informazzjoni fuq primjums, pretenzjonijiet u kummissjonijiet skont il-Parti 23 tal-Anness II. L-informazzjoni għandha tiġi pprovduta għal kull wieħed minn dawn it-tipi li ġejjin ta' IC: assigurazzjoni fuq il-ħajja, assigurazzjoni mhux fuq il-ħajja, kompożita u riassigurazzjoni. Dawn ir-rekwiżiti għandhom ikopru stokks tal-aħħar tat-trimestru u aġġustament tal-fluss trimestrali fuq assi u obbligazzjonijiet ta' IC, kif ukoll informazzjoni annwali fuq primjums, pretenzjonijiet u kummissjonijiet.

Informazzjoni supplimentari għandha tinbagħat bħala partiti tal-memorandum minn pajjiżi li għalihom hija disponibbli din l-informazzjoni, inkluż fuq bażi tal-aħjar stima, skont il-Parti 23 tal-Anness II.

(b)   Aġġustamenti tal-fluss

Il-BĊNi għandhom jirrapportaw lill-BĊE dejta separata fuq aġġustamenti ta' rivalutazzjoni (li tkopri bidliet kemm tal-prezz kif ukoll tar-rata tal-kambju) u aġġustamenti ta' riklassifikazzjoni, kif stabbilit fil-Parti 23 tal-Anness II u skont l-Anness IV.

Tranżazzjonijiet finanzjarji, inklużi aġġustamenti, għandhom jiġu dderivati skont l-ESA 2010.

Il-BĊNi jistgħu jiddevjaw mill-ESA 2010 minħabba prattiċi nazzjonali diverġenti skont ir-Regolament (UE) Nru 1374/2014 (BĊE/2014/50). Fejn tkun disponibbli informazzjoni tal-istokk assi b'assi (a-b-a), aġġustamenti ta' rivalutazzjoni jistgħu jiġu dderivati skont metodu komuni tal-Eurosistema, jiġifieri l-metodu tad-derivazzjoni tal-fluss msemmi fil-Parti 6 tal-Anness IV.

L-approssimazzjonijiet tat-tranżazzjonijiet finanzjarji fuq l-obbligazzjonijiet jistgħu jiħu dderivati skont il-Parti 6 tal-Anness IV.

2.    Frekwenza tar-rapportar u skadenza

Il-BĊNi għandhom jirrapportaw lill-BĊE dejta IC trimestrali sal-ħin tal-għeluq tal-uffiċċju fl-10 jum wara l-iskadenza speċifikata għal dejta trimestrali fl-Artikolu 8 tar-Regolament (UE) Nru 1374/2014 (BĊE/2014/50). Għall-perijodu tranżitorju li jkopri r-rapportar tal-ewwel tliet trimestri tal-2016, din l-iskadenza tiġi estiża għat-30 jum tax-xogħol wara l-iskadenza msemmija iktar 'il għall-perijodu ta' referenza Q1 tal-2016, sal-25 jum tax-xogħol wara l-iskadenza msemmija iktar 'il fuq għall-perijodu ta' referenza Q2 tal-2016 u sal-20 jum tax-xogħol wara l-iskadenza imsemmija iktar 'il fuq għall-perijodu ta' referenza Q3 tal-2016.

Il-BĊNi għandhom jirrapportaw lill-BĊE dejta IC annwali sal-ħin tal-għeluq tal-uffiċċju fl-10 jum tax-xogħol wara l-iskadenza speċifikata għal dejta annwali fl-Artikolu 8 tar-Regolament (UE) Nru 1374/2014 (BĊE/2014/50).

Id-dati eżatti tat-trażmissjoni għandhom jiġu kkomunikati lill-BĊNi bil-quddiem fil-forma ta' kalendarju tar-rapportar ipprovdut mill-BĊE sa Settembru ta' kull sena.

Fl-ewwel rapportar tad-dejta trimestrali IC lill-BĊE, il-BĊNi għandhom ikunu meħtieġa li jissottomettu dejta fuq ammonti pendenti. L-aġġustamenti tal-fluss għandhom jintbagħtu fuq il-bażi tal-aħjar sforzi.

3.    Politika ta' reviżjoni

Ir-regoli ġenerali li ġejjin għandhom japplikaw għar-reviżjonijiet tad-dejta trimestrali u annwali:

4.    Derogi u ingrossaġġ

Sabiex tiġi żgurata l-kwalità tal-istatistika, meta l-BĊNi jagħtu derogi lill-iżgħar ICs skont l-Artikolu 7(1)(a) tar-Regolament (UE) Nru 1374/2014 (BĊE/2014/50), huma għandhom jingrossaw id-dejta IC trimestrali rapportata lill-BĊE sa kopertura ta' 100 %.

Il-BĊNi jistgħu jagħżlu l-proċedura għall-ingrossaġġ sa kopertura ta' 100 % bbażata fuq id-dejta miġbura skont l-Artikolu 7(1)(b) u 7(1)(c) tar-Regolament (UE) Nru 1347/2014 (BĊE/2014/50) iżda dawk l-estimi għandhom ikunu bbażati fuq it-tip korrispondenti ta' IC (jiġifieri tal-ħajja, mhux tal-ħajja, riassigurazzjoni, kompożita).

Il-BĊNi għandhom jiżguraw ukoll li għal trimestri ta' referenza tal-2016 id-dejta rapportata lill-BĊE tirrappreżenta 100 % tal-popolazzjoni li tirrapporta. Il-BĊNi li jkollhom il-ħsieb li jagħtu derogi lill-iżgħar ICs skont l-Artikolu 7(1)(a) tar-Regolament (UE) Nru 1374/2014 (BĊE/2014/50), għandhom jiġbru l-informazzjoni kollha neċessarja biex jiġi żgurat li d-dejta mibgħuta lill-BĊE tkun ta' kwalità għolja. Il-BĊNi li jidderivaw id-dejta meħtieġa mid-dejta miġbura għal finijiet superviżorji skont id-Direttiva 2009/138/KE tal-Parlament Ewropew u tal-Kunsill ( 8 ) jistgħu għal dan il-għan (i) jestendu d-dejta miġbura għall-jum tal-ftuħ mid-data ta' referenza l-1 ta' Jannar 2016 (ara l-paragrafu 5), (ii) iżidu l-kopertura tal-popolazzjoni li tirrapporta tal-ewwel trimestru(i) ta' referenza, jew (iii) jintużaw sorsi alternattivi ta' dejta minn fejn id-dejta ta' ingrossaġġ ta' kwalità għolja wkoll tista' tiġi dderivata.

5.    Rapportar ta' darba għall-perijodu ta' referenza Q4 2015

Il-BĊNi għandhom jibagħtu lill-BĊE fl-aħħar tal-2015 dejta tal-istokk, li tista' tinkludi approssimazzjonijiet jekk meħtieġ, għall-aggregati msemmijin fil-Parti 23 tal-Anness II. Il-BĊNi jistgħu, għal dan il-għan, jużaw id-dejta li tirreferi għall-1 ta' Jannar 2016 miġbura għall-finijiet ta' superviżjoni skont id-Direttiva 2009/138/KE. Din id-dejta għandha tintbagħat lill-BĊE flimkien mad-dejta għall-Q1 tal-2016.

6.    Derivazzjoni ta' dejta aggregata għal titoli

Il-BĊNi għandhom jiksbu d-dejta trimestrali aggregata mill-assi u obbligazzjonijiet trimestrali għal kull tip ta' IC skont it-Tabelli 2a u 2b tal-Parti 23 tal-Anness II kif ġej:

7.    Taqsim ta' investimenti f'ishma/unitajiet IF skont l-għan ta' investiment ewlieni

Il-BĊNi għandhom jibagħtu lill-BĊE l-aħjar stimi tal-investimenti IC tal-ishma/unitajiet IF maqsumin skont l-għan tal-investiment prinċipali (jiġifieri fondi ta' bonds, fondi ta' ekwità, fondi mħallta, fondi tal-proprjetà immobbli, fondi hedge u fondi oħrajn). Din id-dejta tista' tiġi dderivata billi tiġi mmarkata l-informazzjoni pprovduta fuq bażi s-b-s skont ir-Regolament (UE) Nru 374/2014 (BĊE/2014/50) mal-informazzjoni miġbura mis-CSDB bħala database ta' referenza.

Jekk l-ishma/unitajiet ma jinsabux fis-CSDB, il-BĊNi għandhom jagħmlu stima tad-dejta li tonqos jew jużaw sorsi alternattivi biex jiġbru d-dejta.

Bħala miżura tranżitorja, il-BĊNi jistgħu jibagħtu lill-BĊE din id-dejta għall-ewwel darba meta jibagħtu dejta għall-Q2 2016 li tkopri wkoll d-dejta għall-Q1 2016.

8.    Stima ta' dejta trimestrali għal riżervi tekniċi tal-assigurazzjoni mhux tal-ħajja

Skont l-Artikolu 4(1)(c) tar-Regolament (UE) Nru 1374/2014 (BĊE/2014/50), il-BĊNi għandhom jiġbru d-dejta fuq ir-riżervi tekniċi tal-assigurazzjoni mhux fuq il-ħajja maqsuma skont il-linja tan-negozju u ż-żona ġeografika fuq bażi annwali. Il-BĊNi għandhom jibagħtu d-dejta trimestrali lill-BĊE li tista' tiġi stmata fuq il-bażi tad-dejta miġbura kull sena.

9.    Metodi ta' valutazzjoni u/jew kontabbiltà

Ir-regoli ta' valutazzjoni u/jew kontabbiltà fir-Regolament (UE) Nru 1347/2014 (BĊE/2014/50) għandhom japplikaw ukoll meta l-BĊNi jirrapportaw dejta IC lill-BĊE.

10.    Noti spjegattivi

Il-BĊNi għandhom jissottomettu noti spjegattivi li jispjegaw r-raġunijiet għar-reviżjonijiet sinifikanti u reviżjonijiet ipprovduti barra l-perijodi ta' produzzjoni rregolati skont l-Artikolu 26a(3)(c). Barra minn dan, il-BĊNi għandhom jipprovdu lill-BĊE b'noti spjegattivi dwar ir-riklassifikazzjoni tal-aġġustamenti.

11.    Approċċ kumpilattiv

Il-BĊNi jistgħu jiġbru dejta mill-korporazzjonijiet tal-assigurazzjoni kollha residenti fil-pajjiż (“approċċ ospitanti”), skont l-Artikolu 2(1) tar-Regolament (UE) Nru 1374/2014 (BĊE/2014/50) jew jistgħu jiġbru d-dejta meħtieġa għal finijiet tas-SEBĊ minn dejta miġbura għal finijiet superviżorji skont id-Direttiva 2009/138/KE, skont l-Artikolu 2(2) tar-Regolament (UE) Nru 1374/2014 (BĊE/2014/50) (“approċċ domestiku”).

Bħala prinċipju, dejta mibgħuta lill-BĊE skont din il-Linja Gwida għandha tirrappreżenta l-approċċ ospitanti. Madankollu, il-BĊNi li jiġbru dejta meħtieġa għall-finijiet tas-SEBĊ mill-ġbir tad-dejta superviżorja jistgħu jibagħtu d-dejta billi jsegwu l-approċċ domestiku sakemm id-differenza bejn l-approċċ ospitanti u d-dejta tal-approċċ domestiku ma titqiesx sinjifikanti.

Il-kwistjoni dwar jekk id-differenza bejn l-approċċ ospitanti jew domestiku huwiex sinjifikanti jew le għandha tiġi vvalutata fuq il-bażi ta' dejta dwar il-primjums irrapportati skont it-Tabella 3 tal-Parti 23 tal-Anness II ta' din il-Linja Gwida. Wara din il-valutazzjoni, il-BĊE f'kooperazzjoni mill-qrib mal-BĊNi, jiddefinixxu l-approċċ li għandu jiġi segwit dwar it-trażmissjoni tad-dejta tal-approċċ ospitanti lill-BĊE. Sakemm jiġi ddefinit dan l-approċċ, il-BĊNi huma eżentati milli jaġġustaw id-dejta tagħhom.

Il-BĊNi li jixtiequ jaġġustaw id-dejta tagħhom jistgħu, fuq bażi volontarja u bl-aħjar sforz, jiġbru dejta ta' approċċ ospitanti minn dejta miġbura skont l-approċċ domestiku. Għal dan il-għan, kuntratti bilaterali u skambji ta' dejta jistgħu jseħħu bejn il-BĊNi kkonċernati.

▼B

Artikolu 27

Verifika

Mingħajr preġudizzju għad-drittijiet ta’ verifika tal-BĊE taħt ir-Regolament (KE) Nru 2533/98 u r-Regolament (UE) Nru 1071/2013 (BĊE/2013/33), il-BĊNi għandu jimmonitorja u jiżgura l-kwalità u l-affidabbiltà tal-informazzjoni statistika disponibbli għall-BĊE.

Artikolu 28

Standards ta’ trażmissjoni

Il-BĊNi għandu juża l-ESCB-Net ipprovdut mis-SEBĊ għat-trażmissjoni elettronika ta’ informazzjoni statistika meħtieġa mill-BĊE. Il-format tal-messaġġ statistiku żviluppat għal dan l-iskambju elettroniku ta’ informazzjoni statistika għandu jkun il-format l-istandard miftiehem mill-Kumitat tal-Istatistika. Dan ir-rekwiżit ma jwaqqafx l-użu ta’ xi mezz ieħor tat-trażmissjoni ta’ informazzjoni statistika bħala soluzzjoni ta’ riżerva bil-kunsens minn qabel tal-BĊE.

Artikolu 29

Proċedura ta’ emenda simplifikata

Wara li jikkunsidra l-fehmiet tal-Kumitat tal-Istatistika (Statistics Committe - STC), il-Bord Eżekuttiv tal-BĊE għandu jkun intitolat li jagħmel emendi tekniċi lill-annessi ta’ din il-Linja Gwida, kemm-il darba dawk l-emendi la jbiddlu l-qafas kunċettwali sottostanti, u lanqas ma jaffettwaw id-dmir ta' rapportar tal-aġenti li jirrapportaw fl-Istati Membri. Il-Bord Eżekuttiv għandu jinforma lill-Kunsill Governattiv b'kull emenda ta' dan it-tip mingħajr dewmien żejjed.

Artikolu 30

Pubblikazzjoni

Il-BĊNi m’għandhomxx jippubblikaw kontribuzzjonijiet nazzjonali għall-aggregati monetarji ta' kull xahar taż-żona tal-euro u l-kontropartijiet tagħhom sakemm il-BĊE ma jkunx ippubblika dawn l-aggregati. Meta l-BĊNi jippublikaw dawn id-dejta, għandhom ikunu l-istess bħad-dejta li kkontribwiet għall-aħħar aggregati ppubblikati taż-żona tal-euro. Meta l-BĊNi jirriproduċu aggregati taż-żona tal-euro ppubblikati mill-BĊE, għandhom jirriproduċuhom fedelment.

Artikolu 31

Revoka

Il-Linja Gwida BĊE/2007/9 bil-preżenti qiegħda tiġi rrevokata.

Artikolu 32

Dħul fis-seħħ u implimentazzjoni

Din il-Linja Gwida għandha tidħol fis-seħħ fil-jum meta tiġi nnotifikata lill-BĊNi tal-Istati Membri taż-żona tal-euro. Il-BĊNi tal-Istati Membri taż-żona tal-euro għandhom jikkonformaw mal-Artikoli 11, 12, 13 u 16 mid-data tan-notifika, mal-Artikolu 26 mill-1 ta’ Jannar 2016, u mall-kumplament tad-dispożizzjonijiet tal-Linja Gwida mill-1 ta’ Jannar 2015.

Sal-31 ta’ Diċembru 2018 il-Bord Eżekuttiv għandu jissottometti rapport lill-Kunsill Governattiv, li jqis il-fehmiet tal-STC b'kooperazzjoni ma' Kumitati rilevanti oħrajn, dwar (a) il-ħtieġa ta' u l-kronoloġija possibbli għall-integrazzjoni tar-rekwiżiti ta' rapportar fil-qasam tal-istatistika dwar il-ħlasijiet imsemmija fl-Artikolu 18 mar-rekwiżiti ta' rapportar stipulati fir-Regolament (UE) Nru 1409/2013 (BĊE/2013/43) dwar l-istatistika tal-ħlasijiet, u (b) l-impatt possibbli fuq ir-rekwiżiti ta' rapportar fil-qasam tal-istatistika dwar il-fondi tal-pensjonijiet imsemmija fl-Artikolu 26 ta' kwalunkwe żvilupp ġdid li jikkonċerna l-ġbir ta' statistika dwar assigurazzjoni mis-SEBĊ.

Artikolu 33

Destinatarji

Din id-Deċiżjoni hija indirizzata lill-BĊNi tal-Istati Membri taż-żona tal-euro.

ANNESS I

Monitoraġġ tal-konsistenza bejn il-kontabilità u d-dejta statistikafir-rigward tal-karti tal-bilanċ tal-BĊN/BĊE

PARTI 1

Deskrizzjoni tal-verifiki ta' konsistenza ta' kull xahar

PARTI 2

Mudell għall verifiki tal-konsistenza

Il-verifiki tal-konsistenza għandhom jitwettqu u jiġu trażmessi lill-BĊE b'konformità mal-Artikolu 4. Verifika tal-konsistenza titqies bħala falluta fejn id-differenza bejn il-valur statistiku u l-valur għall-fini tal-kontabilità hija akbar minn EUR 2 biljuni (f'valur assolut). F'każijiet bħal dawn, il-BĊNi għandhom jipprovdu spjegazzjonijiet tar-raġunijiet li wasslu għall-falliment.

ANNESS II

SKEMI TA’ RAPPORTAR

PARTI 1

Statistika fuq il-partiti tal-karta tal-bilanċ fuq istituzzjonijiet finanzjarji monetarji

Ir-rapporti statistiċi għandu jkun fihom kollha d-dejta speċifikata fit-tabelli relevanti tar-Regolament (UE) Nru 1071/2013 (BĊE/2013/33) jew ta' din il-Linja Gwida irrispettivament mill-eżistenza effettiva tal-fenomenu sottostanti, u anke fejn ikunu żero jew neqsin. “NC” għandha tintuża biex jiġi indikat li l-fenomenu ma jeżistix. Iżda, jekk ma teżistix dejta għall-partiti tal-memorandum, il-banek ċentrali nazzjonali (BĊNi) jistgħu jiddeċiedu li ma jipprovduhiex.

Għas-serje ta' kull xahar meħtieġa taħt ir-regolament (UE) Nru 1071/2013 (BĊE/2013/33) li ġew irrapportati bi frekwenza trimestrali għall-perijodi qabel Jannar 2003 taħt ir-Regolament (KE) Nru 2819/98 (Bċe/1998/16) ( 9 ), reviżjonijiet storiċi li jirreferu għal perijodi qabel Jannar 2003 għandhom jiġu rrapportati fuq l-inizjattiva tal-Bank Ċentrali Ewropew (BĊE) jew tal-bank ċentrali nazzjonali relevanti (BĊN) wara ftehim bilaterali.

►M4  Fir-rigward tad-dejta tal-karta tal-bilanċ għal istituzzjonijiet finanzjarji monetarji oħrajn (MFIs), il-BĊNi għandhom jirrapportaw lill-BĊE dejta dwar ammonti pendenti skont it-Tabelli 1 sa 4 tal-Anness I tar-Regolament (UE) Nru 1071/2013 (BĊE/2013/33), u aġġustamenti fil-fluss skont it-Tabelli 1 u 2 aktar 'l isfel. ◄ Il-BĊNi u l-BĊE għandhom jirrapportaw ukoll dejta dwar il-karti tal-bilanċ tagħhom stess b'konformità mal-istess rekwiżiti, bl-eċċezzjoni tal-partiti li jirrigwardaw ishma/unitajiet maħruġin tal-fond tas-suq monetarju (MMF) Barra minn dan, il-BĊNi u l-BĊE għandhom jirrapportaw ukoll dejta dwar l-investimenti tagħhom f'deheb u riċevibbli f'deheb (deheb monetarju biss) u riċevibbli mill-Fond Monetarju Internazzjonali (FMI) (eż id-drittijiet ta' prelevament u drittijiet speċjali ta' prelevament (special drawing rights - SDR), u dwar l-obbligazzjonijiet tagħhom lejn l-FMI, fir-rigward tal-SDRs.

▼M4

Fir-rigward tar-rekwiżiti li jikkonċernaw it-titolizzazzjonijiet ta' self u trasferimenti oħra ta' self, il-BĊNi għandhom jirrapportaw lill-BĊE dejta skont it-Tabelli 5a u 5b tal-Anness I tar-Regolament (UE) Nru 1071/2013 (BĊE/2013/33). Il-BĊNi għandhom jirrapportaw lill-BĊE fuq bażi ta' kull xahar, fejn tkun disponibbli, dejta għall-aġġustament ta' self lil unitajiet domestiċi mqassma skont l-iskop għal titolizzazzjonijiet u trasferimenti ta' self oħra li huma meħtieġa fuq bażi trimestrali mit-Tabella 5b tal-Anness I tar-Regolament (UE) Nru 1071/2013 (BĊE/2013/33). Barra minn hekk, il-BĊNi għandhom jirrapportaw id-dejta tal-aġġustamenti tal-fluss skont it-Tabelli 3a u 3b hawn taħt. Il-partiti addizzjonali dwar it-titolizzazzjoni tas-self u trasferimenti tas-self oħra għandhom jiġu rrapportati fit-Tabella 4, sa fejn din id-dejta ma tkunx meħtieġa taħt it-Tabelli 5a u 5b tal-Anness I tar-Regolament (UE) Nru 1071/2013 (BĊE/2013/33).

▼M4

Fir-rigward tar-rekwiżiti li jikkonċernaw l-aggregazzjoni nozzjonali ta' flus kontanti, sa fejn id-dejta hija disponibbli, il-BĊNi għandhom jirrapportaw lill-BĊE ammonti pendenti u aġġustamenti tal-fluss relatati mal-pożizzjonijiet grossi ta' depożiti u self f'aggregazzjonijiet nozzjonali ta' flus kontanti li huma inklużi fir-rekwiżiti tar-rapportar tad-dejta skont it-Tabelli 1 sa 4 tal-Anness I tar-Regolament (UE) Nru 1071/2013 (BĊE/2013/33) skont it-Tabella 5 ta' hawn taħt. Id-depożiti ta' aggregazzjoni nozzjonali ta' flus kontanti għandhom jiġu rrapportati bħala pożizzjoni “li minnhom” ta' “depożiti ta' matul il-lejl”. Is-self nozzjonali ta' aggregazzjoni ta' flus kontanti għandu jiġi ttrattat, fejn applikabbli, bħala “self revolving u overdrafts” u “self b'maturità sa u inkluża sena”, u għandu jiġi rrappurtat bħala pożizzjoni “li minnhom” pożizzjoni ta' “self”. Self mhux kopert kuntrattwalment mill-arranġament tal-aggregazzjoni ta' flus kontanti imma li jingħata lill-parteċipanti tal-aggregazzjoni m'għandux ikun inkluż fir-rapportar tat-Tabella 5.

▼B

Tabella 1.

Partiti li jenħtieġu aġġustamenti tal-fluss ta’ kull xahar ()