2008R0689 — MT — 01.05.2011 — 003.001

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

Emendat bi:

▼B

REGOLAMENT (KE) Nru 689/2008 TAL-PARLAMENT EWROPEW U TAL-KUNSILL

tas-17 ta' Ġunju 2008

dwar l-esportazzjoni u l-importazzjoni ta' sustanzi kimiċi perikolużi

Artikolu 1

Għanijiet

1.  L-għanijiet ta' dan ir-Regolament huma:

1.  L-għanijiet imsemmija fl-ewwel paragrafu għandhom jinkisbu billi jiġi ffaċilitat l-iskambju ta' l-informazzjoni dwar il-karatteristiċi ta' dawn il-kimiċi, billi jsir provvediment għall-proċess tat-teħid tad-deċiżjonijiet fil-Komunità dwar l-importazzjoni u l-importazzjoni tagħhom u billi jinxterdu d-deċiżjonijiet lill-Partijiet u lill-pajjiżi l-oħrajn kif xieraq.

2.  Flimkien ma' l-għanijiet imsemmija fil-paragrafu 1, dan ir-Regolament għandu jiżgura li d-dispożizzjonijiet tad-Direttiva tal-Kunsill 67/548/KEE ( 9 ) u tad-Direttiva 1999/45/KE tal-Parlament Ewropew u tal-Kunsill ( 10 ) li tirrigwarda l-approssimazzjoni tal-liġijiet, ir-regolamenti u d-dispożizzjonijiet amministrattivi ta' l-Istati Membri dwar il-klassifikazzjoni, l-imballaġġ u lt-tikkettjar tal-kimiċi perikolużi għall-bniedem jew għall-ambjent meta jitqiegħdu fis-suq fil-Komunità japplikaw ukoll għal sustanzi kimiċi oħra bħal dawn meta jiġu esporati mill-Istati Membri lejn Partijiet jew pajjiżi, kemm-il darba dawk id-dispożizzjonijiet ma jkunux f’kunflitt ma' kwalunkwe rekwiżit speċifiku ta' dawk il-Partijiet jew pajjiżi oħrajn.

Artikolu 2

Kamp ta' applikazzjoni

1.  Dan ir-Regolament għandu japplika għal dawn li ġejjin:

2.  Dan ir-Regolament m’għandhux japplika għal dawn li ġejjin:

Artikolu 3

Definizzjonijiet

Għall-iskopijiet ta' dan ir-Regolament:

Artikolu 4

Awtoritajiet Nazzjonali Nominati

Kull Stat Membru għandu jinnomina l-awtorità jew l-awtoritajiet, minn issa ‘l quddiem imsejħa “l-awtorità nazzjonali nominata” jew “l-awtoritajiet nazzjonali nominati”, biex iwettqu l-funzjonijiet amministrattivi meħtieġa minn dan ir-Regolament, sakemm ma jkunx diġà għamel hekk qabel id-dħul fis-seħħ ta' dan ir-Regolament.

Għandu jinforma lill-Kummissjoni dwar din il-ħatra sa l-1 ta' Novembru 2008.

Artikolu 5

Parteċipazzjoni tal-Komunità fil-Konvenzjoni

1.  Il-parteċipazzjoni tal-Komunità fil-Konvenzjoni għandha tkun responsabbiltà konġunta tal-Kummissjoni u ta' l-Istati Membri b’mod partikolari fir-rigward ta' l-assistenza teknika, l-iskambju ta' informazzjoni u kwistjonijiet relatati ma' riżoluzzjoni tat-tilwimiet, parteċipazzjoni f’korpijiet sussidjarji u votazzjoni.

2.  Fir-rigward tal-parteċipazzjoni tal-Komunità fil-Konvenzjoni, għall-funzjonijiet amministrattivi fil-Konvenzjoni b’referenza għall-proċedura tal-PIC u n-notifika dwar l-esportazzjoni, il-Kummissjoni għandha taġixxi bħala awtorità nominata komuni f’isem ub’kooperazzjoni mill-qrib u b’konsultazzjoni ma' l-awtoritajiet nazzjonali nominati ta' l-Istati Membri.

2.  Il-Kummissjoni għandha, b’mod partikolari, tkun responsabbli għal dan li ġej:

2.  Il-Kummissjoni għandha wkoll tipprovdi lis-Segretarjat b’reazzjonijiet tal-Komunità dwar l-importazzjoni għall-kimiċi soġġetti għall-proċedura tal-PIC skond l-artikolu 12.

2.  Barra minn hekk, il-Kummissjoni għandha tikkoordina l-kontribut Komunitarju fir-rigward tal-kwistjonijiet tekniċi kollha relatati ma' kwalunkwe waħda minn dawn li ġejjin:

2.  Netwerk ta' relaturi mill-Istati Membri għandu jiġi stabbilit, kif xieraq, biex jieħu ħsieb il-preparazzjoni ta' dokumenti tekniċi bħal dokumenti ta' gwida għad-deċiżjonijiet kif jissemmew fl-Artikolu 7(3) tal-Konvenzjoni.

3.  Il-Kummissjoni u l-Istati Membri għandhom jieħdu l-inizzjattivi meħtieġa sabiex jaċċertaw rappreżentanza xierqa tal-Komunità fil-korpi varji li jimplimentaw il-Konvenzjoni.

Artikolu 6

Il-kimiċi soġġetti għan-notifika dwar l-esportazzjoni, kimiċi li jikkwalifikaw għan-notifika tal-PIC u kimiċi soġġetti għall-proċedura tal-PIC

1.  Il-kimiċi koperti mid-dispożizzjonijiet ta' dan ir-Regolament relatati man-notifika ta' l-esportazzjoni, notifika tal-PIC u l-proċedura tal-PIC rispettivament għandhom ikunu kif elenkati fl-Anness I.

2.  Il-kimiċi fl-Anness I għandhom ikunu jistgħu jiġu assenjati lil grupp wieħed jew aktar minn tliet gruppi ta' kimiċi, stabbiliti bħala Partijiet 1, 2 u 3 ta' l-Anness I.

2.  Il-kimiċi elenkati f’Parti 1 ta' l-Anness I għandhom ikunu soġġetti għall-proċedura ta' notifika ta' esportazzjoni stabbilita fl-Artikolu 7, b’informazzjoni ddettaljata dwar l-identità tas-sustanza, dwar il-kategorija u/jew sottokategorija ta' l-użu, soġġetta għar-restrizzjonijiet, it-tip ta' restrizzjonijiet u, fejn xieraq, aktar informazzjoni b’mod partikolari dwar l-eżenzjonijiet mir-rekwiżiti dwar in-notifika ta' l-esportazzjoni.

2.  Il-kimiċi elenkati f’Parti 2 ta' l-Anness I għandhom, minbarra li jkunu soġġetti għal notifika ta' esportazzjoni stabbilita fl-Artikolu 7, jikkwalifikaw għall-proċedura tan-notifika tal-PIC stabbilita fl-Artikolu 10, b’informazzjoni dettaljata mogħtija dwar l-identità tas-sustanza u l-kategorija ta' l-użu.

2.  Il-kimiċi elenkati f’ Parti 3 ta' l-Anness I għandhom ikunu soġġetti għall-proċedura tal-PIC mal-kategorija ta' l-użu mogħtija, u fejn xieraq, aktar informazzjoni b’mod partikolari dwar kwalunkwe rekwiżiti dwar in-notifika ta' l-esportazzjoni.

3.  Il-listi msemmija fil-paragrafu 2 għandhom jitqiegħdu għad-dispożizzjoni tal-pubbliku b’mezzi elettroniċi.

Artikolu 7

Notifiki ta' l-Esportazzjoni mibgħuta lil Partijiet u pajjiżi oħrajn

1.  Fil-każ ta' sustanzi elenkati f’Parti 1 ta' l-Anness I jew preparazzjonijiet li fihom sustanzi bħal dawn f’konċentrazzjoni li tista’ twassal għal obbligi ta' tikkettar skond id-Direttiva 1999/45/KE ikunx fihom sustanzi oħra jew le, għandhom japplikaw il-paragrafi 2 sa 8.

2.  Meta esportatur ikollu jesporta kimika elenkata fil-paragrafu 1 mill-Komunità lejn Parti jew pajjiż ieħor fid-data meta jsir soġġett għal dan ir-Regolament jew wara, l-esportatur għandu jinnotifika lill-awtorità nazzjonali nominata ta' l-Istat Membru fejn ikun stabbilit, mhux aktar tard minn 30 jum qabel ma tkun se ssir l-esportazzjoni. Wara dan l-esportatur għandu jinnotifika lill-awtorità nazzjonali nominata dwar l-ewwel esportazzjoni ta' kimika bħal din kull sena kalendarja mhux aktar tard minn 15-il jum qabel ma ssir l-esportazzjoni. In-notifika għandha tħares ir-rekwiżiti stabbiliti fl-Anness II.

2.  L-awtorità nazzjonali nominata għandha tivverifika l-konformità ta' l-informazzjoni ma' l-Anness II u minnufih tibgħat in-notifika li taslilha mill-esportatur lill-Kummissjoni.

2.  Il-Kummissjoni għandha tieħu l-miżuri meħtieġa biex tiżgura li l-awtorita’ nazzjonali nominata tal-Parti jew l-awtorita’ kompetenti ta' pajjiż ieħor li jimporta jirċievu n-notifika mhux aktar tard minn 15-il jum qabel l-ewwel esportazzjoni maħsuba tal-kimika u wara dan, qabel l-ewwel esportazzjoni tal-kimika f’kull sena kalendarja sussegwenti. Dan għandu jgħodd irrispettivament mill-użu mistenni tal-kimika fil-Parti jew pajjiż ieħor li jimporta.

2.  Kull notifika ta' esportazzjoni għandha tiġi rreġistrata fid-database tal-Kummissjoni u assenjata numru ta' identifikazzjoni għal referenza ta' l-esportazzjoni u lista aġġornata tal-kimiċi kkonċernati u l-Partijiet importaturi u l-pajjiżi l-oħra għal kull sena kalendarja għandha tinżamm disponibbli għall-pubbliku u titqassam lill-awtoritajiet nazzjonali nominata ta' l-Istati Membri kif xieraq.

3.  Jekk il-Kummissjoni ma tirċevix mill-Parti li timporta jew pajjiż ieħor rikonoxximent ta' l-irċevuta ta' l-ewwel notifika dwar l-esportazzjoni li tkun saret wara li l-kimika tiġi inkluża fil-Parti 1 ta' l-Anness I fi żmien 30 jum mit-trażmissjoni ta' tali notifika, għandha tressaq it-tieni notifika. Il-Kummissjoni għandha tagħmel sforzi raġjonevoli biex tiżgura li l-awtorità nazzjonali nominata tal-Parti li timporta jew l-awtorita’ kompetenti tal-pajjiż ieħor li jimporta tirċievi t-tieni notifika.

4.  Notifika ġdida ta' l-esportazzjoni kif prevista fil-paragrafu 2 għandha tingħata għal esportazzjonijiet li jsiru wara tibdiliet għal-leġislazzjoni tal-Komunità dwar il-marketing, użu jew tikkettjar tas-sustanzi in kwistjoni jew kull meta l-komposizzjoni tal-preparazzjonijiet in kwistjoni tinbidel sabiex it-tikkettjar ta' dawn il-preparazzjonijiet tinbidel. In-notifika l-ġdida għandha tħares ir-rekwiżiti stabbiliti fl-Anness II u għandha tindika li hija reviżjoni tan-notifika ta' qabel.

5.  Meta l-esportazzjoni ta' kimika hija marbuta ma' sitwazzjoni ta' emerġenza fejn kwalunkwe dewmien jista’ jqiegħed fil-periklu s-saħħa pubblika jew l-ambjent fil-Parti li timporta jew pajjiż importatur ieħor, tista’ tingħata eżenzjoni totali jew parzjali mir-rekwiżiti tal-paragrafi 2, 3 u 4, għad-diskrezzjoni ta' l-awtorità nazzjonali nominata ta' l-Istat Membru esportatur, f’konsultazzjoni mal-Kummissjoni.

6.  L-obbligi stipulati fil-paragrafi 2, 3 u 4 jieqfu meta meta jiġu sodisfatti l-kondizzjonijiet li ġejjin:

6.  L-ewwel sottoparagrafu m’għandux japplika meta l-pajjiż importatur li jkun Parti fil-Konvenzjoni jesiġi espliċitament li jitkomplew in-notifiki dwar l-esportazzjoni mill-Partijiet li jesportaw, pereżempju permezz tad-deċiżjoni tiegħu dwar l-importazzjoni jew mod ieħor.

6.  L-obbligi stipulati fil-paragrafi 2, 3 u 4 għandhom ukoll jieqfu meta meta jiġu sodisfatti l-kondizzjonijiet li ġejjin:

7.  Il-Kummissjoni, l-awtoritajiet nazzjonali nominata rilevanti ta' l-Istati Membri u l-esportaturi għandhom ifornu lill-Partijiet li jimportaw u pajjiżi importaturi oħra b’informazzjoni ulterjuri disponibbli dwar il-kimiċi esportati, meta jintalbu dan.

8.  L-Istati Membri jistgħu jistabbilixxu sistemi li jobbligaw lill-esportaturi biex iħallsu tariffa amministrattiva għal kull notifika ta' l-esportazzjoni li tingħata u għal kull talba għal kunsens espliċitu li ssir, li tikkorrispondi għall-ispejjeż marbuta mal-proċeduri stipulati fil-paragrafi 2, 3 u 4 ta' dan l-Artikolu u fl-Artikolu 13(3),(6) u (7).

Artikolu 8

Notifiki ta' l-Esportazzjoni rċevuti mingħand il-Partijiet u pajjiżi oħrajn

1.  Notifiki ta' l-esportazzjoni rċevuti mill-Kumissjoni mingħand l-awtorità nazzjonali nominata ta' Partijiet jew l-awtoritajiet kompetenti ta' pajjjiżi oħrajn dwar l-esportazzjoni lejn il-Komunità ta' kimika li l-manifattura, l-użu, it-trattament, il-konsum, it-trasport u/jew il-bejgħ tagħha huma soġġetti għal projbizzjoni jew restrizzjonijiet iebsa taħt il-leġiżlazzjoni ta' dik il-Parti jew dak il-pajjiż ieħor għandhom ikunu disponibbli b’mezzi elettroniċi permezz ta' database miżmuma mill-Kummissjoni.

1.  Il-Kummissjoni għandha tirrikonoxxi l-wasla ta' l-ewwel notifika ta' esportazzjoni rċevuta għal kull kimika minn kull Parti jew pajjiż ieħor.

1.  L-awtorità nazzjonali nominata ta' l-Istat Membru li jirċievi dik l-importazzjoni għandha tirċievi kopja ta' kwalunkwe notifika rċevuta flimkien ma' kull informazzjoni oħra disponibbli. L-Istati Membri l-oħrajn għandhom ikunu intitolati li jirċievu kopja fuq talba.

2.  Jekk l-awtoritajiet nazzjonali nominati ta' l-Istati Membri jirċievu kwalunkwe notifika ta' esportazzjoni direttament jew indirettament mill-awtoritajiet nazzjonali nominati ta' Partijiet jew awtoritajiet kompetenti ta' pajjiżi oħrajn, għandhom jibagħtu dawn in-notifiki minnufih lill-Kummissjoni flimkien ma' l-informazzjoni kollu disponibbli.

Artikolu 9

Informazzjoni dwar l-esportazzjoni u l-importazzjoni ta' sustanzi kimiċi

1.  Kull esportatur ta’:

1.  għandu, fl-ewwel tliet xhur ta' kull sena jinforma lill-awtorità nazzjonali nominata ta' l-Istat Membru tiegħu rigward il-kwantità tal-kimika, bħala sustanza u kif tinsab fi preparazzjonijiet jew f’oġġetti, mibgħuta lil kull Parti jew pajjiż ieħor matul is-sena ta' qabel. Din l-informazzjoni għandha tingħata flimkien ma' lista ta' l-ismijiet u l-indirizzi ta' kull importatur li saret konsenja lilu matul l-istess perjodu. Din l-informazzjoni għandha telenka l-esportazzjonijiet b’mod separat skond l-Artikolu 13(7).

1.  Kull importatur fil-Komunità għandu jagħti l-istess informazzjoni għall-kwantitajiet importati lejn il-Komunità.

2.  Fuq talba mill-Kummissjoni jew mill-awtorità nazzjonali nominata ta' l-Istat Membru tagħha, l-esportatur jew importatur għandu jipprovdi kull informazzjoni oħra dwar il-kimika li huwa meħtieġ sabiex jiġi implimentat dan ir-Regolament.

3.  Kull Stat Membru għandu jipprovdi lill-Kummissjoni kull sena b’informazzjoni aggregata skond l-Anness III. Il-Kummissjoni għandha tqassar dik l-informazzjoni fuq livell Komunitarju u tagħmel l-informazzjoni mhux kunfidenzjali disponibbli pubblikament fuq id-database tagħha permezz ta' l-Internet.

Artikolu 10

Notifika ta' kimiċi pprojbiti jew imrażżna strettament taħt il-Konvenzjoni

1.  Il-Kummissjoni għandha tinnotifika bil-miktub lis-Segretarjat dwar il-kimiċi kollha li jikkwalifikaw għal notifika tal-PIC.

2.  Jekk aktar kimiċi jikkwalifikaw għan-notifika tal-PIC u jiżdiedu mal-Parti 2 ta' l-Anness I, il-Kummissjoni għandha tavża lis-Segretarjat. In-notifika għandha titressaq mill-aktar fis possibbli wara l-adozzjoni ta' l-azzjoni regolatorja finali Komunitarja rilevanti li tipprojbixxi jew trażżan il-kimika strettament, u mhux aktar tard minn 90 jum wara d-data meta l-azzjoni regolatorja finali għandha tiġi applikata.

3.  In-notifika għandha tipprovdi l-informazzjoni rilevanti kollha kif meħtieg fl-Anness IV.

4.  Meta tistabilixxi l-prijoritajiet għan-notifiki, il-Kummissjoni għandha tqis jekk il-kimika hijiex diġà elenkata fil-Parti 3 ta' l-Anness I, sa fejn jistgħu jintlaħqu r-rekwiżiti dwar l-informazzjoni stabbiliti fl-Anness IV, il-gravità tar-riskji ppreżentati mill-kimika, b’mod partikolari għall-pajjiżi li għadhom qed jiżviluppaw.

4.  Meta kimika tikkwalifika għan-notifika tal-PIC, iżda l-informazzjoni mhijiex biżżejjed biex tilħaq ir-rekwiżiti ta' l-Anness IV, l-esportaturi u/jew l-importaturi identifikati għandhom, fuq talba mill-Kummissjoni, jipprovdu l-informazzjoni kollha rilevanti għad-dispożizzjoni tagħhom, inkluża dik minn programmi oħra nazzjonali jew internazzjonali għall-kontroll tal-kimiċi fi żmien 60 ġurnata mit-talba.

5.  Il-Kummissjoni għandha tavża lis-Segretarjat bil-miktub meta azzjoni regolatorja finali nnotifikata skond il-paragrafi 1 jew 2 tiġi mmodifikata mill-aktar fis possibbli wara l-adozzjoni ta' l-azzjoni regolatorja finali l-ġdida, u mhux aktar tard minn 60 jum wara d-data meta l-azzjoni regolatorja finali l-ġdida għandha tiġi applikata.

5.  Il-Kummissjoni għandha tipprovdi l-informazzjoni rilevanti kollha li kienet disponibbli fil-ħin meta n-notifika inizzjali ingħatat taħt il-paragrafi 1 jew 2 rispettivament.

6.  Fuq talba minn kwalunkwe Parti jew mis-Segretarjat, il-Kummissjoni għandha tipprovdi aktar informazzjoni dwar il-kimika jew l-azzjoni regolatorja finali, sa fejn huwa prattikabbli.

6.  L-Istati Membri għandhom, fuq talba, jassistu lill-Kummissjoni kif meħtieġ fil-ġbir ta' dik l-informazzjoni.

7.  Il-Kummissjoni għandha tibgħat minnufih lill-Istati Membri informazzjoni li tirċievi mis-Segretarjat dwar kimiċi nnotifikati bħala pprojbiti jew imrażżna strettament minn Partijiet oħrajn.

7.  Il-Kummissjoni għandha tevalwa, b’kooperazzjoni mill-qrib ma' l-Istati Membri, il-ħtieġa li tipproponi miżuri fuq livell Komunitarju għall-prevenzjoni ta' riskji inaċċettabbli għas-saħħa tal-bniedem jew għall-ambjent fil-Komunità.

8.  Meta Stat Membru jieħu azzjoni regolatorja nazzjonali finali skond il-leġiżlazzjoni Komunitarja rilevanti biex jipprojbixxi jew irażżan kimika strettament, għandu jagħti l-informazzjoni rilevanti lill-Kummissjoni. Il-Kummissjoni għandha tqiegħed din l-informazzjoni għad-dispożizzjoni ta' l-Istati Membri. Fi żmien erba’ ġimgħat, minn meta l-informazzjoni tkun saret disponibbli, l-Istati Membri jistgħu jibagħtu l-kummenti fuq notifika tal-PIC possibbli, inkluż, b’ mod partikolari, informazzjoni dwar il-pożizzjoni regolatorja nazzjonali dwar il-kimika, lill-Kummissjoni u lill-Istati Membri, li taw l-azzjoni regolatorja nazzjonali finali. Wara konsiderazzjoni tal-kummenti, l-Istat Membru li ssottometta għandu jinforma lill-Kummissjoni jekk din għandhiex

Artikolu 11

Informazzjoni li għandha tiġi trażmessa lis-Segretarjat dwar kimika pprojbita jew imrażżna strettament li ma tikkwalifikax għan-notifika tal-PIC

Meta kimika hija elenkata biss f’Parti 1 ta' l-Anness I, jew wara li jkun waslet l-informazzjoni minn Stat Membru għall-iskopijiet tat-tieni inċiż ta' l-Artikolu 10(8), il-Kummissjoni għandha tipprovdi lis-Segretarjat b’informazzjoni dwar l-azzonijjiet regolatorji finali rilevanti, sabiex dik l-informazzjoni tkun tista’ titqassam lill-Partijiet l-oħrajn fil-Konvenzjoni kif xieraq.

Artikolu 12

Obbligi marbuta ma' l-importazzjoni tas-sustanzi kimiċi

1.  Il-Kummissjoni għandha tibgħat minnufih lill-Istati Membri kwalunkwe dokument ta' gwida għad-deċiżjonijiet li tirċievi mis-Segretarjat.

1.  Il-Kummissjoni għandha, skond il-proċedura konsultattiva msemmija fl-Artikolu 24(2), tieħu deċiżjoni dwar l-importazzjoni, fil-forma ta' tweġiba finali jew temporanja f’isem il-Komunità, dwar l-importazzjoni fil-futur tal-kimika kkonċernata. Għandha mbagħad tikkomunika d-deċiżjoni lis-Segretarjat mill-aktar fis possibbli, u mhux aktar tard minn disa’ xhur wara d-data tat-trażmissjoni tad-dokument ta' gwida għad-deċiżjonijiet mis-Segretarjat.

1.  Meta kimika tkun soġġetta għal restrizzjonijiet addizzjonali jew emendati taħt leġiżlazzjoni tal-Komunità, il-Kummissjoni għandha tirrevedi d-deċiżjoni dwar l-importazzjoni skond il-proċedura konsultattiva msemmija fl-Artikolu 24(2) u tikkomunikaha lis-Segretarjat.

2.  F’każ ta' kimika pprojbita jew imrażżna strettament minn Stat Membru wieħed jew aktar, il-Kummissjoni għandha, fuq talba bil-miktub ta' l-Istati Membri kkonċernati, tqis l-informazzjoni fid-deċiżjoni tagħha dwar l-importazzjoni.

3.  Deċiżjoni dwar l-importazzjoni skond il-paragrafu 1 għandha tirrigwarda l-kategorija jew kategoriji speċifikati għall-kimika fid-dokument ta' gwida għad-deċiżjonijiet.

4.  Meta tikkomunika d-deċiżjoni tagħha dwar l-importazzjoni lis-Segretarjat, il-Kummissjoni għandha tipprovdi deskrizzjoni tal-miżura leġiżlattiva jew amministrattiva li hija bbażata fuqha.

5.  Kull awtorità nazzjonali nominata fil-Komunità għandha tqiegħed id-deċiżjonijiet dwar l-importazzjoni skond il-paragrafu 1 għad-dispożizzjoni ta' dawk ikkonċernati fi ħdan il-kompetenza tagħha, skond il-miżuri leġiżlattivi jew amministrattivi tagħha.

6.  Fejn xieraq, il-Kummissjoni għandha tevalwa, b’kooperazzjoni mill-qrib ma' l-Istati Membri, il-ħtieġa li tipproponi miżuri fuq livell Komunitarju għall-prevenzjoni ta' riskji inaċċettabbli għas-saħħa tal-bniedem jew għall-ambjent fil-Komunità, filwaqt li tieħu kont ta' l-informazzjoni li tinsab fid-dokument ta' gwida għad-deċiżjonijiet.

Artikolu 13

Obbligi relatati ma' esportazzjonijiet ta' kimiċi għajr rekwiżiti ta' notifika dwar l-esportazzjoni

1.  Il-Kummissjoni għandha tibgħat minnufih lill-Istati Membri u l-għaqdiet Ewropej ta' l-industrija, informazzjoni li tirċievi, kemm f’forma ta' ċirkolari jew mod ieħor, mis-Segretarjat dwar kimiċi soġġetti għall-proċedura tal-PIC u d-deċiżjonijiet tal-Partijiet li jimportaw dwar kondizzjonijiet ta' l-importazzjoni fuq dawn il-kimiċi. Għandha wkoll tibgħat minnufih lill-Istati Membri informazzjoni dwar kwalunkwe każijiet ta' nuqqas li tiġi trażmessa tweġiba. Il-Kummissjoni għandha żżomm l-informazzjoni kollha dwar deċiżjonijiet dwar l-importazzjoni disponibbli, li għandhom jingħataw numru ta' referenza ta' identifikazzjoni ta' l-importazzjoni, fid-database tagħha, li għandha tkun disponibbli pubblikament fuq l-Internet, u tagħti informazzjoni lil kulħadd meta tintalab tipprovdiha.

2.  Il-Kummissjoni għandha tassenja kull sustanza kimika elenkata fl-Anness I, klassifika fin-Nomenklatura Magħquda tal-Komunità Ewropea. Dawk il-klassifiki għandhom jiġu rriveduti kif meħtieġ fid-dawl ta' kwalunkwe tibdiliet li jkunu saru lin-nomenklatura tas-Sistema Armonizzata ta' l-Organizzazzjoni Dinjija tad-Dwana jew lin-Nomenklatura Magħquda tal-Komunità Ewropea għall-kimiċi kkonċernati.

3.  Kull Stat Membru għandu jikkomunika t-tweġibiet mibgħuta mill-Kummissjoni skond il-paragrafu 1 lil dawk affettwati fil-ġurisdizzjoni tiegħu.

4.  L-esportaturi għandhom josservaw id-deċiżjonijiet f’kull tweġiba dwar l-importazzjoni mhux aktar tard minn sitt xhur wara li s-Segretarjat ikun għarraf għall-ewwel darba lill-Kummissjoni dwar dik ir-risposta skond il-paragrafu 1.

5.  Il-Kummissjoni u l-Istati Membri għandhom javżaw u jassistu lill-Partijiet importaturi, fuq talba u kif xieraq, jiksbu aktar informazzjoni biex jgħinhom iwieġbu lis-Segretarjat dwar l-importazzjoni ta' kimika speċifika.

6.  Sustanzi elenkati fil-Parti 2 jew 3 ta' l-Anness I jew preparazzjonijiet li fihom sustanzi bħal dawn f’konċentrazzjoni li tista’ twassal għall-obbligi ta' tikkettar skond id-Direttiva 1999/45/KE ikunx fihom sustanzi oħra jew le m’għandhomx jiġu esportati jekk ma tkunx ġiet sodisfatta waħda mill-kondizzjonijiet li ġejjin:

6.  Fil-każ ta' kimiċi elenkati f’Parti 2 ta' l-Anness I li huma għall-esportazzjoni lejn pajjiżi OECD, l-awtorità nazzjonali nominata ta' l-esportatur tista’, f’konsultazzjoni mal-Kummissjoni u fuq il-bażi ta' kull każ għalih, tiddeċiedi li l-ebda kunsens espliċitu m’huwa meħtieġa jekk il-kimika, fil-waqt ta' l-importazzjoni fil-pajjiż OECD kkonċernat, hija lliċenzjata, irreġistrata jew awtorizzata jew intużat reċentement.

6.  Fejn ikun intalab il-kunsens espliċitu skond il-punt (a), jekk il-Kummissjoni jew l-awtorità nazzjonali nominata ta' l-esportatur ma tkunx irċeviet tweġiba għat-talba tagħha fi żmien 30 jum, il-Kummissjoni għandha tibgħat tfakkira. Fejn jixraq, jekk tkun għadha ma waslitx tweġiba fi żmien 90 jum ieħor, il-Kummissjoni tista’ tibgħat tfakkiriet ulterjuri kif meħtieġ.

7.  Fil-każ ta' kimiċi elenkati fil-Parti 2 u fil-Parti 3 ta' l-Anness I, l-awtorità nazzjonali nominata ta' l-esportatur tista’, f’konsultazzjoni mal-Kummissjoni u fuq il-bażi ta' kull każ għalih, tiddeċiedi li l-esportazzjoni tista’ tipproċedi, jekk wara l-isforzi raġjonevoli kollha, l-ebda tweġiba għal talba għall-kunsens espliċitu skond il-punt (a) tal-paragrafu 6 ma tkun waslet fi żmien 60 jum u fejn teżisti evidenza minn sorsi uffiċjali fil-Parti li timporta jew pajjiż ieħor li s-sustanza kimika tkun ġiet illiċenzjata, irreġistrata jew awtorizzata.

7.  Fid-deċiżjoni dwar l-esportazzjoni ta' kimiċi elenkati fil-Parti 3 ta' l-Anness I, l-awtorità nazzjonali nominata, f’konsultazzjoni mal-Kummissjoni, għandha tikkunsidra l-impatt possibbli fuq is-saħħa tal-bniedem jew fuq l-ambjent li fih tkun se tintuża l-kimika fil-Parti li timporta jew fil-pajjiż ieħor importatur.

8.  Il-validità ta' kull kunsens espliċitu miksub skond il-punt (a) tal-paragrafu 6 jew eżenzjoni mogħtija skond il-paragrafu 7 għandha tkun soġġetta għal reviżjoni perjodika mill-Kummissjoni f’konsultazzjoni ma' l-Istati Membri kkonċernati, kif ġej:

8.  Fil-każijiet imsemmija fil-punt (a) ta' dan il-paragrafu, l-esportazzjonijiet jistgħu madankollu jkomplu wara t-tmiem tal-perjodu rilevanti fl-istennija ta' tweġiba għal talba ġdida għall-kunsens espliċitu għal perjodu addizzjonali ta' 12-il xahar.

8.  It-talbiet ġodda kollha għandhom jgħaddu mill-Kummissjoni.

9.  Il-Kummissjoni għandha tirreġistra t-talbiet kollha għall-kunsens espliċitu, it-tweġibiet miksuba u l-eżenzjonijiet mogħtija fid-database tagħha. Kull kunsens espliċitu li jinkiseb jew li tingħata eżenzjoni minnu għandu jkun assenjat numru ta' identifikazzjoni ta' referenza ta' kunsens espliċitu u għandu jkun elenkat bl-informazzjoni kollha rilevanti dwar kwalunkwe kondizzjoni anċillari, dati ta' validità, eċċ. L-informazzjoni mhux kunfidenzjali għandha ssir disponibbli pubblikament fuq l-Internet.

10.  L-ebda kimika m’għandha tiġi esportata aktar tard minn sitt xhur qabel id-data meta tiskadi, meta din id-data teżisti jew tista’ tiġi kkalkolata mid-data tal-prodouzzjoni, sakemm dan ikun prattiku fid-dawl tal-kwalitajiet intrinsiċi tal-kimika. B’mod partikolari, fil-każ ta' pestiċidi, l-esportaturi għandhom jiżguraw li d-daqs u l-ippakkjar tal-kontenituri huma ottimizzati sabiex jitnaqqsu kemm jista’ jkun ir-riskji li jinħoloq stokk skadut.

11.  Meta jesportaw il-pestiċidi, l-esportaturi għandhom jiżguraw li t-tikketta jkun fiha informazzjoni speċifika dwar il-kondizzjonijiet tal-ħżin u l-istabilità tal-ħażna taħt il-kondizzjonijiet klimatiċi tal-Parti li timporta jew tal-pajjiż importatur ieħor. Barra minn hekk, għandhom jiżguraw li l-pestiċidi esportati jkunu konformi ma' l-ispeċifikazzjoni dwar is-safa stabbilita mil-leġiżlazzjoni tal-Komunità.

Artikolu 14

Esportazzjoni ta' ċerti kimiċi u oġġetti li jkunu fihom il-kimiċi

1.  Oġġetti li fihom sustanzi elenkati fil-Parti 2 jew 3 ta' l-Anness I f’forma li għadha ma rreaġġietx jew preparazzjonijiet li fihom sustanzi bħal dawn f’konċentrazzjoni li tista’ twassal għal obbligi ta' tikkettar skond id-Direttiva 1999/45/KE, ikunx fihom sustanzi oħra jew le, għandhom ikunu soġġetti għall-proċedura tan-notifika dwar l-esportazzjoni stipulata fl-Artikolu 7.

2.  Il-kimiċi u l-oġġetti li l-użu tagħhom huwa pprojbit fil-Komunità għall-ħarsien tas-saħħa tal-bniedem jew ta' l-ambjent, kif elenkati fl-Anness V, m’għandhomx jiġu esportati.

Artikolu 15

Informazzjoni dwar movimenti ta' tranżitu

1.  Partijiet fil-Konvenzjoni li jeħtieġu informazzjoni dwar il-movimenti ta' tranżitu ta' kimiċi soġġetti għall-proċedura PIC, flimkien ma' informazzjoni mitlub minn kull Parti fil-Konvenzjoni permezz tas-Segretarjat, għandhom ikunu kif elenkat fl-Anness VI.

2.  Meta kimika elenkata fil-Parti 3 ta' l-Anness I tiġi trasportata mit-territorju ta' Parti fil-Konvenzjoni elenkata fl-Anness VI, l-esportatur għandu, sa fejn prattikabbli, jipprovdi lill-awtorità nazzjonali nominata ta' l-Istat Membru fejn huwa stabbilit bl-informazzjoni meħtieġ mill-Parti fil-Konvenzjoni skond l-Anness VI mhux aktar tard minn 30 jum qabel ma jseħħ l-ewwel moviment ta' tranżitu u mhux aktar tard minn 8 ijiem qabel kull moviment ta' tranżitu sussegwenti.

3.  L-awtorità nazzjonali nominata ta' l-Istat Membru għandha tibgħat lill-Kummissjoni l-informazzjoni li tirċievi mill-esportatur skond il-paragrafu 2 flimkien ma' kull informazzjoni oħra disponibbli.

4.  Il-Kummissjoni għandha tibgħat l-informazzjoni li tirċievi skond il-paragrafu 3 lill-awtoritajiet nazzjonali nominati tal-Partijiet fil-Konvenzjoni li talbu dik l-informazzjoni, flimkien ma' kull informazzjoni disponibbli, mhux aktar tard minn 15-il jum qabel l-ewwel tranżitu u qabel kull movement ieħor tranżitu.

Artikolu 16

Informazzjoni li għandha takkumpanja s-sustanzi kimiċi esportati

1.  Il-kimiċi maħsuba għall-esportazzjoni għandhom ikunu soġġetti għall-miżuri dwar l-ippakkjar u t-tikkettjar stabbiliti fi, jew skond, id-Direttiva 67/548/KEE, id-Direttiva 1999/45/KE, id-Direttiva 91/414/KEE u d-Direttiva 98/8/KE, jew kwalunkwe leġiżlazzjoni Komunitarja speċifika oħra.

1.  L-ewwel subparagrafu għandu jkun mingħajr preġudizzju għal kwalunkwe rekwiżit speċifiku tal-Parti jew pajjiż ieħor li jimporta filwaqt li jitqiesu l-istandards internazzjonali rilevanti.

2.  Fejn xieraq, id-data ta' l-iskadenza u d-data tal-produzzjoni tal-kimiċi msemmija fil-paragrafu 1 jew elenkati fl-Anness I għandhom jiġu indikati fuq it-tikketta u jekk meħtieġ, dawn id-dati ta' l-iskadenza għandhom jingħataw għal żoni klimatiċi differenti.

3.  Skeda tad-data dwar is-sikurezza skond ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-Reġistrazzjoni, l-Evalwzzjoni, l-Awtorizzazzjoni u r-Restrizzjoni ta' Kimiċi (REACH) u li jwaqqaf Aġenzija Ewropea għas-Sustanzi Kimiċi ( 23 ) għandha takkumpanja l-kimiċi msemmija fil-paragrafu 1 meta jiġu esportati. L-esportatur għandu jibgħat din l-iskeda dwar is-sikurezza lil kull importatur.

4.  L-informazzjoni fuq it-tikketta u fuq l-iskeda dwar is-sikurezza għandha sa fejn prattikabbli tingħata fil-lingwa/i uffiċjali, jew f’waħda jew aktar mil-lingwi prinċipali, tal-pajjiż destinatarju jew taż-żona ta' l-użu maħsub.

Artikolu 17

Obbligi ta' l-awtoritajiet ta' l-Istati Membri u ta' l-esportaturi għall-kontroll ta' l-importazzjoni u l-esportazzjoni

1.  Kull Stat Membru għandu jaħtar awtoritajiet bħall-awtoritajiet tad-dwana li jkollhom ir-responsabbiltà li jikkontrollaw l-importazzjoni u l-esportazzjoni tal-kimiċi elenkati fl-Anness I, sakemm ma jkunx diġà għamel hekk qabel id-dħul fis-seħħ ta' dan ir-Regolament.

1.  Il-Kummissjoni u l-Istati Membri għandhom jaġixxu b’mod immirat u kkoordinat fil-monitoraġġ tal-konformità ta' l-esportaturi ma' dan ir-Regolament.

1.  Kull Stat Membru għandu, fir-rapporti regolari tiegħu dwar it-tħaddim tal-proċeduri skond l-Artikolu 21(1), jinkludi dettalji ta' l-attivitajiet ta' l-awtoritajiet nominati tiegħu f’dak ir-rigward.

2.  L-esportaturi għandhom jipprovdu fid-dikjarazzjonijiet ta' esportazzjoni tagħhom (kaxxa 44 tad-Dokumenti Amminsitrattivi Uniċi jew element ta' data korrispondenti f’dikjarazzjoni elettronika ta' l-esportazzjoni) kif imsemmi fl-Artikolu 161(5) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali Ewropew ( 24 ), in-numri ta' identifikazzjoni ta' referenza applikabbli msemmija fl-Artikolu 7(2) jew Artikolu 13(1) jew 13(9) kif jixraq, sabiex jikkonfermaw il-konformità ma' l-obbligi li għalihom jirreferu.

Artikolu 18

Penalitajiet

L-Istati Membri għandhom jistabilixxu l-penali li jgħoddu għall-vjolazzjonijiet tad-dispożizzjonijiet ta' dan ir-Regolament u jieħdu l-miżuri kollha meħtieġa biex jiżguraw implimentazzjoni korretta ta' dawn id-dispożizzjonijiet. Il-penali għandhom ikunu effettivi, proporzjonati u dissważivi. Jekk ma jkunux diġà għamlu dan qabel id-dħul fis-seħħ ta' dan ir-Regolament, l-Istati Membri għandhom jinnotifikaw dawk il-miżuri lill-Kummissjoni sa l-1 ta' Awwissu 2009. Għandhom jinnotifikaw ukoll kull modifika ulterjuri malajr kemm jista’ jkun wara l-adozzjoni tagħhom.

L-Istati Membri għandhom jagħmlu disponibbli, fuq talba, l-informazzjoni kollha rigward il-penali.

Artikolu 19

Skambju ta' informazzjoni

1.  Il-Kummissjoni u l-Istati Membri għandhom jiffaċilitaw kif xieraq il-provvista ta' informazzjoni xjentifika, teknika, ekonomika u legali dwar kimiċi soġġetti għal dan ir-Regolament, inkluża informazzjoni tossikoloġika, ekotossikoloġika u dwar sikurezza.

1.  Il-Kummissjoni bl-appoġġ ta' l-Istati Membri kif meħtieġ, għandha, tiżgura kif xieraq:

2.  Il-Kummissjoni u l-Istati Membri għandhom iħarsu l-informazzjoni kunfidenzjali li jirċievu minn Parti jew pajjiż ieħor kif miftiehem reċiprokament.

3.  Fir-rigward tat-trażmissjoni ta' informazzjoni skond dan ir-Regolament, u mingħajr preġudizzju għad-Direttiva 2003/4/KE tal-Parlament Ewropew u tal-Kunsill tat-28 ta' Jannar 2003 dwar l-aċċess pubbliku għal informazzjoni dwar l-ambjent ( 25 ), ta' l-anqas l-informazzjoni li ġejja m’għandhiex titqies bħala kunfidenzjali:

3.  Kumpilazzjoni ta' l-informazzjoni trażmessa għandha titħejja regolarment mill-Kummissjoni abbażi tal-kontributi ta' l-Istati Membri.

Artikolu 20

Għajnuna teknika

Il-Kummissjoni u l-awtoritajiet nazzjonali nominati ta' l-Istati Membri għandhom, filwaqt jqisu partikolarmnet il-ħtiġijiet tal-pajjiżi li għadhom qed jiżviluppaw u pajjiżi b’ekonomiji fi-tranżizzjoni, jikkooperaw fil-promozzjoni ta' l-għajnuna teknika, inkluż it-taħriġ, għall-iżvilupp ta' l-infrastruttura, il-kapaċità u l-ħila meħtieġa għall-ġestjoni tajba tal-kimiċi matul iċ-ċiklu kollu ta' ħajjithom.

B’mod partikolari u bl-iskop li dawk il-pajjiżi jkun jistgħu jimplimentaw il-Konvenzjoni, l-għajnuna teknika għandha tiġi promossa bil-provvista’ informazzjoni teknika dwar il-kimiċi, bilpromossjoni ta' l-iskambju ta' l-esperti, appoġġ għall-istabbiliment jew il-mantenuzzjoni ta' l-awtoritajiet nazzjonali nominati u bil-provvista’ ta' għarfien tekniku espert għall-identifikazzjoni ta' formolazzjonijiet ta' pestiċidi perikolużi u għall-preparazzjoni ta' notifiki lis-Segretarjat.

Il-Kummissjoni u l-Istati Membri għandhom jieħdu sehem attiv fin-Netwerk ta' Informazzjoni dwar il-Bini tal-Kapaċità, stabbiliti mill-Forum Intergovernattiv dwar is-Sikurezza tal-Kimiċi, billi jipprovdu informazzjoni dwar il-proġetti li qed jappoġġaw jew jiffinanzjaw sabiex itejbu l-ġestjoni tal-kimiċi fil-pajjiżi li għadhom qed jiżviluppaw u pajjiżi b’ekonomiji fi tranżizzjoni.

Il-Kummissjoni u l-Istati Membri għandhom ukoll jikkunsidraw li jappoġġaw organizzazzjonijiet mhux governattivi.

Artikolu 21

Monitoraġġ u Rappurtar

1.  L-Istati Membri għandhom jibagħtu regolarment lill-Kummissjoni informazzjoni dwar it-tħaddim tal-proċeduri previsti f’dan ir-Regolament, inklużi kontrolli tad-dwana, ksur, penali u azzjoni ta' rimedju.

2.  Il-Kummissjoni għandha tiġbor regolarment rapport dwar il-qadi tal-funzjonijiet provduti f’dan ir-Regolament li hija responsabbli għalihom u għandha tinkorporah f’rapport ta' sintesi li jintegra l-informazzjoni pprovduta mill-Istati Membri taħt il-paragrafu 1. Taqsira ta' dak ir-rapport, għandha tiġi pubblikata fuq l-Internet, għandha tintbgħat lill-Parlament Ewropew u lill-Kunsill.

3.  Fir-rigward ta' l-informazzjoni provduta skond il-paragrafi 1 u 2, l-Istati Membri u l-Kummissjoni għandhom josservaw l-obbligi rilevanti biex iħarsu l-kunfidenzjalità u s-sjieda tad-data.

Artikolu 22

Aġġornament ta' l-Annessi

1.  Il-lista ta' kimiċi fl-Anness I għandha tiġi riveduta mill-Kummissjoni għall-inqas darba kull sena, a bażi ta' l-iżviluppi fil-liġi Komunitarja u taħt il-Konvenzjoni.

2.  Sabiex jiġi determinat jekk azzjoni regolatorja finali taħt il-leġiżlazzjoni tal-Komunità tikkostitwix projbizzjoni jew trażżin strett, l-effett ta' l-azzjoni għandu jiġi evalwat fil-livell tas-sottokategoriji fi ħdan il-kategoriji “pestiċidi” u “kimiċi industrijali”. Jekk l-azzjoni regolatorja finali tipprojbixxi jew trażżan strettament l-użu ta' kimika f’waħda mis-sottokategoriji għandha tiġi inkluża f’Parti 1 ta' l-Anness I.

2.  Sabiex jiġi determinat jekk azzjoni regolatorja finali taħt il-leġiżlazzjoni tal-Komunità tikkostitwix projbizzjoni jew trażżin strett, b’tali mod li l-kimika kkonċernata tikkwalifika għan-notifika tal-PIC skond l-Artikolu 10, l-effett ta' l-azzjoni għandu jiġi evalwat fil-livell tal-kategoriji “pestiċidi” u “kimiċi industrijali”. Jekk l-azzjoni regolatorja finali tipprojbixxi jew trażżan strettament kimika f’waħda mill-kategoriji, għandha wkoll tiġi inkluża f’Parti 2 ta' l-Anness I.

3.  Id-deċiżjoni biex jiġu inklużi kimiċi fl-Anness I, jew biex jiġi emendat id-dħul d-dħul tagħhom fejn xieraq, għandha tittieħed mingħajr dewmien żejjed.

4.  Il-miżuri li ġejjin, imfassla biex jiġu emendati elementi mhux essenzjali ta' dan ir-Regolament, għandhom jiġu adottati skond il-proċedura regolatorja bl-iskrutinju msemmija fl-Artikolu 24(3):

Artikolu 23

Noti tekniċi ta' gwida

Il-Kummissjoni, skond il-proċedura konsultattiva msemmija fil-Artikolu 24(2), għandha tħejji noti tekniċi għall-gwida biex tiffaċilita l-applikazzjoni ta' kuljum ta' dan ir-Regolament.

Dawn in-noti tekniċi għandhom jiġu ppubblikati fis-serje “C” tal-Ġurnal Uffiċjali tal-Komunitajiet Ewropej.

Artikolu 24

Il-Kumitat

1.  Il-Kummissjoni għandha tkun megħjuna mill-kumitat imwaqqaf bl-Artikolu 133 tar-Regolament (KE) Nru 1907/2006.

2.  Fejn issir referenza għal dan il-paragrafu, għandhom japplikaw l-Artikoli 3 u l-Artikolu 7 tad-Deċiżjoni 1999/468/KE, filwaqt li jitqiesu d-dispożizzjonijiet ta' l-Artikolu 8 tagħha.

3.  Fejn issir referenza għal dan il-paragrafu, l-Artikolu 5a (1) sa (4) u l-Artikolu 7 tad-Deċiżjoni 1999/468/KE għandhom japplikaw, filwaqt li jitqiesu d-dispożizzjonijiet ta' l-Artikolu 8 tagħha.

Artikolu 25

Referenzi għar-Regolament (KE) Nru 304/2003

Riferenzi għar-Regolament (KE) Nru 304/2003, għandhom jiftiehmu bħala riferenzi għal dan ir-Regolament.

Artikolu 26

Dħul fis-seħħ

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu fil-Ġurnal Ufficjali ta' l-Unjoni Ewropea.

L-Artikolu 17(2), madankollu, għandu japplika mill-1 ta' Novembru 2008.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

ANNESS I

LISTA TA’ KIMIĊI

(imsemmija fl-Artikolu 6)

PARTI 1:

Lista ta’ sustanzi kimiċi li huma soġġetti għall-proċedura ta’ notifikata’ l-esportazzjoni

(imsemmija fl-Artikolu 7)

Wieħed għandu jinnota li fejn sustanzi kimiċi elenkati f’din il-parti ta’ l-Anness jkunu soġġetti għall-proċedura tal-PIC, l-obbligi tan-notifika ta’ l-esportazzjoni stipulati fl-Artikolu 7(2), (3) u (4) m’għandhomx japplikaw bil-kondizzjoni li l-kondizzjonijiet stipolati fl-Artikolu 7(6)(b) u (c) jkunu ġew ssodisfatti. Dawn is-sustanzi kimiċi, li huma identifikati permezz tas-simbolu # fil-lista hawn isfel, huma elenkati darb’ oħra fil-Parti 3 ta’ l-Anness għall-faċilitazzjoni tar-referenza.

Wieħed għandu jinnota wkoll li fejn is-sustanzi elenkati f’ din il-parti ta’ l-Anness jikkwalifikaw għan-notifika tal-PIC minħabba n-natura ta’ l-azzjoni regolatorja finali tal-Komunità, dawn is-sustanzi kimiċi huma wkoll elenkati fil-Parti 2 ta’ l-Anness. Dawn is- sustanzi kimiċi huma identifikati mis-simbolu + fil-lista hawn isfel.

PARTI 2:

Lista tas-sustanzi kimiċi li jikkwalifikaw għan-notifika PIC

(imsemmija fl-Artikolu 10)

Din il-lista ġeneralment ma tinkludix is-sustanzi kimiċi li jikkwalifikaw għan-notifika PIC. Ġeneralment dan ma jinkludix is-sustanzi kimiċi li huma diġà soġġetti għall-proċeduri PIC, li huma elenkati fil-Parti 3 ta’ dan l-Anness.

PARTI 3:

Lista tas-sustanzi kimiċi li huma soġġetti għall-proċedura pic skond il-Konvenzjoni ta’ Rotterdam

(imsemmija fl-Artikoli 12 u 13)

(Il-kategoriji elenkati huma dawk li jissemmew fil-Konvenzjoni)

ANNESS II

NOTIFIKA TA' L-ESPORTAZZJONI

Informazzjoni meħtieġa skond l-Artikolu 7

ANNESS III

Informazzjoni li għandha tingħata mill-awtoritajiet nazzjonali nominati ta' l-Istati Membri lill-Kummissjoni skond l-Artikolu 9

ANNESS IV

Notifika tas-segretarjat tal-Konvenzjoni ta' kimika projbita jew imrażżna strettament lis-Segretarjat tal-Konvenzjoni

Rewkiżiti ta' informazzjoni għan-notifiki skond l-Artikolu 10

In-notifiki għandhom jinkludu:

ANNESS V

Kimiċi u oġġetti soġġetti għal projbizzjoni ta' esportazzjoni

(imsemmi fl-Artikolu 14)

Parti 1

Sustanzi li jniġġsu organiċi persistenti kif elenkati fl-Annessi A u B tal-Konvenzjoni ta' Stokkolma dwar Sustanzi li Jniġġsu Organiċi Persistenti skond id-dispożiżżjonijiet mniżżla fiha.

Parti 2

Sustanzi oħrajn barra s-sustanzi organiċi persistenti li jniġġsu kif elenkati fl-Annessi A u B fil-Konvenzjoni ta' Stokkolma dwar il-Pollutanti Organiċi Persistenti skond id-dispożizzjonijiet li fiha.

ANNESS VI

Lista ta' Partijiet fil-Konvenzjoni li jeħtieġu informazzjoni dwar il-movimenti ta' tranżitu tal-kimiċi soġġetti għall-proċedura PIC

(imsemmija fl-Artikolu 15)

( 1 ) ĠU C 175, 27.7.2007, p. 40.

( 2 ) Opinjoni tal-Parlament Ewropew tal-15 ta' Jannar 2008 (għadha mhix ppublikata fil-Ġurnal Uffiċjali) u Deċiżjoni tal-Kunsill tal-5 ta' Ġunju 2008.

( 3 ) ĠU L 63, 6.3.2003, p. 1, Ir-Regolament kif emendat l-aħħar bir-Regolament tal-Kummissjoni (KE) Nru 1376/2007 (ĠU L 307, 24.11.2007, p. 14).

( 4 ) ĠU L 63, 6.3.2003, p. 29.

( 5 ) ĠU L 251, 29.8.1992, p. 13. Ir-Regolament kif emendat l-aħħar bir-Regolament tal-Kummissjoni (KE) Nru 300/2002 (ĠU L 52, 22.2.2002, p. 1).

( 6 ) ECR [2006], I-107.

( 7 ) GU L 184, 17.7.1999, p. 23, Id-Deċiżjoni kif emendata bid-Deċiżjoni 2006/512/KE (ĠU L 200, 22.7.2006, p. 11).

( 8 ) ĠU L 158, 30.4.2004, p. 7. Ir-Regolament kif emendat l-aħħar bir-Regolament tal-Kummissjoni (KE) Nru 323/2007 (ĠU L 85, 27.3.2007, p. 3).

( 9 ) Direttiva tal-Kunsill 67/548/KEE tas-27 ta' Ġunju 1967 rigward l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettjar ta' sustanzi perikolużi (ĠU 196, 16.8.1967, p. 1). Id-Direttiva kif emendata l-aħħar bid-Direttiva 2006/121/KE tal-Parlament Ewropew u tal-Kunsill (ĠU L 396, 30.12.2006, p. 851). Verżjoni kkoreġuta f'ĠU L 136, 29.5.2007, p. 281.

( 10 ) Direttiva 1999/45/KE tal-Parlament Ewropew u tal-Kunsill tal-31 ta' Mejju 1999 li tirrigwarda l-approssimazzjoni tal-liġijiet, ir-regolamenti u d-dispożizzjonijiet amministrattivi ta' l-Istati Membri dwar il-klassifikazzjoni, l-imballaġġ u l-ittikettjar tal-preparazzjonjijiet perikolużi (ĠU L 200, 30.7.1999, p. 1). Id-Direttiva kif emendata l-aħħar bir-Regolament (KE) Nru 1907/2006 (ĠU L 396, 30.12.2006, p. 1). Verżjoni kkoreġuta f'ĠU L 136, 29.5.2006, p. 3.

( 11 ) ĠU L 22, 26.1.2005, p. 1.

( 12 ) ĠU L 159, 29.6.1996, p. 1.

( 13 ) ĠU L 11, 27.4.2006, p. 9.

( 14 ) ĠU L 377, 31.12.1991, p. 20. Id-Direttiva kif emendata l-aħħar bir-Regolament (KE) Nru 166/2006 tal-Parlament Ewropew u tal-Kunsill (ĠU L 33, 4.2.2006, p. 1).

( 15 ) ĠU L 159, 30.6.2000, p. 1. Ir-Regolament kif emendat l-aħħar bir-Regolament (KE) Nru 1183/2007 (ĠU L 278, 22.10.2007, p. 1).

( 16 ) ĠU L 165, 30.4.2004, p. 1. Verżjoni kkorreġuta fil-ĠU L 191, 28.5.2004, p. 1). Ir-Regolament kif emendat l-aħħar bir-Regolament tal-Kunsill (KE) Nru 301/2008 (ĠU L 97, 9.4.2008, p. 85).

( 17 ) ĠU L 31, 1.2.2002, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 575/2006 (ĠU L 100, 8.4.2006, p. 3).

( 18 ) ĠU L 106, 17.4.2001, p. 1. Id-Direttiva kif emendata l-aħħar bid-Direttiva (KE) Nru 2008/27/KE (ĠU L 81, 20.3.2008, p. 45).

( 19 ) ĠU L 311, 28.11.2001, p. 67. Id-Direttiva kif emendata l-aħħar bid-Direttiva (KE) Nru 2008/29/KE (ĠU L 81, 20.3.2008, p. 51).

( 20 ) ĠU L 311, 28.11.2001, p. 1. Id-Direttiva kif emendata l-aħħar bid-Direttiva 2004/28/KE (ĠU L 136, 30.4.2004, p. 58).

( 21 ) ĠU L 230, 19.8.1991, p. 1. Id-Direttiva kif emendata l-aħħar bid-Direttiva tal-Kummissjoni 2008/45/KE (ĠU L 94, 5.4.2008, p. 21).

( 22 ) ĠU L 123, 24.4.1998, p. 1. Id-Direttiva kif emendata l-aħħar bid-Direttiva 2008/31/KE tal-Parlament Ewropew u tal-Kunsill (ĠU L 81, 20.3.2008, p. 57).

( 23 ) ĠU L 396, 31.12.2006, p. 1. Verżjoni kkoreġuta fil-ĠU L 136, 29.5.2007, p. 3. Ir-Regolament kif emendat bir-Regolament tal-Kunsill (KE) Nru 1354/2007 (ĠU L 304, 22.11.2007, p. 1).

( 24 ) ĠU L 302, 19.10.1992, p. 1. Ir-Regolament kif emendat l-aħħar bir-Regolament (KE) Nru 1791/2006. (ĠU L 363, 20.12.2006, p. 1).

( 25 ) ĠU L 41, 14.2.2003, p. 26.