Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1198/2006 dwar il-Fond Ewropew għas-Sajd

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1198/2006 tas-27 ta’ Lulju 2006 dwar il-Fond Ewropew għas-Sajd ( 1 ), u partikolarment l-Artikolu 102,

Billi:

(1)

Ir-Regolament (KE) Nru 1198/2006 (minn issa ‘l quddiem magħruf bħala “ir-Regolament bażiku”) jieħu post ir-Regolamenti (KE) 1263/1999 ( 2 ) u (KE) 2792/1999 ( 3 ) billi jqis l-iżviluppi ġodda fil-qasam tas-sajd, fiż-żoni tas-sajd u tas-sajd fl-ilmijiet interni. Għalhekk jixraq ukoll li jiġu stabbiliti dispożizzjonijiet ġodda li jimplimentaw ir-Regolament bażiku.

(2)

Għandhom jiġu stabbiliti regoli dettaljati għall-preżentazzjoni tal-programmi operattivi. Sabiex jiġi ffaċilitat it-twaqqif tal-programmi operattivi u l-eżami u l-approvazzjoni tal-Kummissjoni, għandhom jiġu stabbiliti regoli komuni dwar l-istruttura u l-kontenut ta’ dawk il-programmi, ibbażati b'mod partikolari fuq ir-rekwiżiti stipulati fl-Artikolu 20 tar-Regolament bażiku.

(3)	Fir-rigward ta’ l-appoġġ għall-miżuri għall-adattament tal-flotta tas-sajd Komunitarja, l-Istati Membri għandhom jippreżentaw fil-programmi operattivi tagħhom il-metodi li bihom jikkalkulaw il-premiums.

(4)	Fir-rigward tal-possibbilità prevista fl-Artikolu 25(4) tar-Regolament bażiku biex ikun jista’ jsir tnaqqis fis-saħħa tal-magni minn gruppi ta’ bastimenti, għandhom jiġu speċifikati l-kundizzjonijiet għal din il-possibbiltà.

(5)	Ċerti termini użati b’referenza speċjali għall-akwakultura u l-ipproċessar u l-kummerċjalizzazzjoni ta’ prodotti tas-sajd u ta’ l-akwakultura, għandhom jiġu definiti sabiex ikun assigurat li jinftehmu b’mod uniformi.

(6)	Fir-rigward ta’ l-appoġġ għall-investimenti produttivi fl-akwakultura u investimenti fl-ipproċessar u l-kummerċjalizzazzjoni, l-Istati Membri għandhom jispjegaw fil-programmi operattivi tagħhom kif se jassiguraw li tingħata prijorità lill-mikro intrapriżi u lill-intrapriżi ż-żgħar.

(7)

Fir-rigward ta’ l-appoġġ għall-miżuri dwar saħħet l-annimali, għandhom jiġu stipulati kundizzjonijiet dettaljati biex ikun assigurat li jkun hemm konformità mad-Direttiva tal-Kunsill 2006/88/KE ta’ l-24 ta’ Ottubru 2006 dwar ir-rekwiżiti ta’ saħħet l-annimali għall-annimali ta’ l-akwakultura u prodotti minnhom, u dwar il-ħarsien u l-kontroll ta’ ċertu mard fl-annimali akwatiċi ( 4 ).

(8)	Fir-rigward ta’ l-appoġġ għall-miżuri ta’ interess komuni, l-ispejjeż eliġibbli għandhom jiġu definiti.

(9)	Fir-rigward ta’ l-oqsma msemmija fl-Artikolu 43 tar-Regolament bażiku, għandhom jiġu speċifikati l-kundizzjonijiet dwar kif jintgħażlu.

(10)	Il-partenarjati pubbliċi-privati appoġġjati permezz ta’ l-Artikolu 45 tar-Regolament bażiku għandhom jikkonformaw ma’ ċerti kundizzjonijiet dettaljati.

(11)	Fir-rigward ta’ l-appoġġ għall-iżvilupp sostenibbli taż-żoni tas-sajd, il-proċeduri biex jintgħażlu l-gruppi għandhom ikunu trasparenti biex jassiguraw li jintgħażlu għall-appoġġ strateġiji lokali ta’ żvilupp li huma rilevanti u ta’ kwalità għolja.

(12)	Għandhom jiġu stipulati regoli komuni għal diversi miżuri. B’mod partikolari, sabiex ikun assigurat li jiġu immirati aħjar il-ħidmiet ta’ investiment, għandu jkun hemm sett ta’ regoli komuni disponibbli li jiddefinixxu l-ispejjeż eliġibbli.

(13)

Sabiex ikun garantit li l-informazzjoni dwar l-opportunijiet ta’ finanzjament li jista’ jkun hemm tkun imxerrda kemm jista’ jkun mal-partijiet kollha interessati u għall-fini ta’ trasparenza, il-kontenut minimu tal-miżuri ta’ informazzjoni meħtieġa biex jgħarrfu lill-benefiċjarji potenzjali dwar l-opportunitajiet ta' finanzjament offruti b'mod konġunt bejn il-Komunità u l-Istati Membri permezz ta’ l-EFF, inkluż l-obbligazzjoni li jiġu reklamati l-passi li għandu jsegwi benefiċjarju potenzjali biex jissottometti applikazzjoni għall-finanzjament u l-kriterji ta' għażla li se jintużaw, għandhom jiġu stipulati billi jitqies il-prinċipju ta' proporzjonalità.

(14)

Sabiex ikun hemm titjib fit-trasparenza fejn jidħol l-użu ta’ l-għajnuna ta’ l-EFF, il-lista ta’ benefiċjarji, l-ismijiet ta’ l-operazzjonijiet u l-ammont ta’ fundi pubbliċi allokati għall-operazzjonijiet għandhom jiġu pubblikati fl-aħħar ta’ kull sena mill-Istati Membri b’mod elettroniku jew b’mod ieħor. L-għan li din l-informazzjoni ssir aċċessibbli għall-pubbliku huwa biex issaħħaħ it-trasparenza ta’ l-azzjoni Komunitarja fil-qasam ta’ l-iżvilupp tas-settur tas-sajd, taż-żoni tas-sajd u tas-sajd fl-ilmijiet interni, ittejjeb il-ġestjoni finanzjarja soda tal-fondi pubbliċi involuti u b’mod partikolari biex issaħħaħ il-kontroll tal-flus pubbliċi użati u fl-aħħarnett biex ikun evitat id-distorsjoni tal-kompetizzjoni bejn il-benefiċjarji tal-miżuri ta’ l-EFF. Minħabba l-importanza akbar li għandhom l-għanijiet segwiti hu ġustifikat li fir-rigward tal-prinċipju ta’ proporzjonalità u l-ħtieġa li tiġi mħarsa informazzjoni personali jingħata lok għall-pubblikazzjoni ġenerali ta’ l-informazzjoni rilevanti peress li ma tmurx lil hinn minn dak li hu meħtieġ f’soċjetà demokratika u għall-prevenzjoni ta’ irregolaritajiet.

(15)

Sabiex ikun assigurat li jiġu implimentati aħjar il-miżuri ta’ informazzjoni u biex jingħata lok għall-skambju aħjar ta’ informazzjoni bejn l-Istati Membri u l-Kummissjoni dwar l-istrateġiji u r-riżultati ta’ informazzjoni u pubbliċità, għandhom jinħatru persuni li wieħed jista’ jikkuntattja li jkunu responsabbli mill-miżuri ta’ informazzjoni u ta’ pubbliċità.

(16)	Meta wieħed jibni fuq l-esperjenza tal-perjodu ta' programmar 2000-2006, hemm bżonn li jiġu stipulati fid-dettall il-kundizzjonijiet li għandhom jintlaħqu minn strumenti ta' inġinerija finanzjarja biex jiġu iffinanzjati permezz ta' programm operattiv.

(17)

Fir-rigward ta’ l-Artikolu 59 tar-Regolament bażiku u fid-dawl ta’ l-esperjenza miksuba, hu meħtieġ li jiġu stabbiliti l-obbligazzjonijiet li l-awtoritajiet li jmexxu għandu jkollhom fir-rigward tal-benefiċjarji fil-fażi li twassal għall-għażla u l-approvazzjoni ta' l-operazzjonijiet li jridu jiġu finanzjati fejn jidħlu l-aspetti li l-verifiki ta’ l-ispejjeż dikjarati mill-benefiċjarji għandhom ikopru, inkluż verifiki amministrattivi ta’ l-applikazzjonijiet għal rimborż, u verifiki fuq il-post ta' operazzjonijiet individwali u fir-rigward tal-kundizzjonijiet li jridu jiġu osservati meta jsiru verifiki fuq il-post abbażi ta' kampjun.

(18)

Jeħtieġ ukoll li tiġi stipulata fid-dettal l-informazzjoni li għandha tiddaħħal fir-rekords tal-kontijiet ta’ l-operazzjonijiet u l-informazzjoni li trid tinżamm bħala dejta dwar l-implimentazzjoni li l-awtoritajiet li jmexxu għandhom iżommu rekord tagħhom, jaħżnu u jibagħtu lill-Kummissjoni meta jintalbu.

(19)	Sabiex ikun żgurat li n-nefqa taħt il-programmi operattivi tista’ tiġi awditjata sew, jeħtieġ li jiġu stipulati l-kriterji li magħhom għandu jikkonforma r-rekord sekwenzjali tat-tranżazzjonijiet sabiex ikun meqjus li hu adegwat.

(20)

L-awditjar ta’ l-operazzjonijiet issir taħt ir-responsabbiltà ta' l-awtorità ta' l-awditjar. Biex ikun assigurat li l-iskop u l-effettività ta’ dak l-awditjar hu adegwat u li jsir skond l-istess standards fl-Istati Membri kollha, jeħtieġ li jiġu stipulati l-kundizzjonijiet li għandu jissodisfa dak l-awditjar.

(21)

L-esperjenza turi li hu meħtieġ li tingħata fid-dettal il-bażi għat-teħid ta’ kampjuni ta’ l-operazzjonijiet li jridu jiġu awditjati, li l-awtorità ta’ l-awditjar għandha tosserva meta tistabbilixxi jew tapprova l-metodu kampjunarju, inkluż ċerti kriterji tekniċi li jridu jintużaw għal kampjun statistiku aleotorju u l-fatturi li jridu jitqiesu għal kampjun komplementari.

(22)

Sabiex jiġu simplifikati u armonizzati l-istandards għat-tħejjija u l-preżentazzjoni ta’ l-istrateġija ta’ awditjar, ir-rapport annwali dwar il-kontroll u d-dikjarazzjonijiet ta’ l-għeluq li jaqgħu taħt ir-responsabbiltà ta’ l-awtorità ta’ l-awditjar skond l-Artikolu 61 tar-Regolament bażiku, jeħtieġ issir dispożizzjoni dettaljata dwar il-kontenut tagħhom u tiġi speċifikata n-natura u l-kwalità ta’ l-informazzjoni li fuqha jserrħu.

(23)

Sabiex ikun assigurat li l-Artikolu 87 tar-Regolament bażiku jiġi applikat bl-aktar mod effettiv fir-rigward tad-disponibbilità tad-dokumenti u d-drittijiet tal-Qorti ta’ l-Awdituri u tal-Kummissjoni li jkollhom aċċess għad-dokumenti sostantivi kollha li jirrigwardaw l-ispejjeż u l-awditjar, l-awtoritajiet li jmexxu għandhom jassiguraw li l-informazzjoni dwar l-identità u l-post fejn jinsabu l-korpi li jżommu d-dokumenti sostantivi jkunu disponibbli u dawk id-dokumenti għandhom jiġu provduti mill-ewwel lil lista minima ta' nies u korpi. Għall-istess għan, jeħtieġ li jiġu stipulati liema mezzi għaż-żamma tad-dejta jistgħu jitqiesu li huma normalment aċċettati biex jinżammu dawk id-dokumenti fihom. Għal dan il-għan, l-awtoritajiet nazzjonali għandhom jistipulaw l-proċeduri meħtieġa biex ikun assigurat li d-dokumenti miżmuma huma konformi ma’ l-oriġinali, meta dan ikun rilevanti, u wieħed jista' jserraħ fuqhom għall-finijiet ta' awditjar.

(24)

Sabiex ikunu armonizzati l-istandards għaċ-ċertifikazzjoni ta’ l-ispejjeż u għat-tħejjija ta' l-applikazzjonijiet għall-pagamenti, il-kontenut ta' dawk iċ-ċertifikati u l-applikazzjonijiet għandhom jiġu stipulati u n-natura u l-kwalità ta’ l-informazzjoni li fuqha sserrħu tkun speċifikata. Għandhom jiġu stipulati proċeduri dettaljati biex jinżamm rekord, skond l-Artikolu 60(f) tar-Regolament bażiku, ta’ l-ammonti li jistgħu jiġu rkuprati u ta’ l-ammonti miġbuda wara li tkun tħassret għal kollox jew parti mill-kontribuzzjoni għal operazzjoni u biex il-Kummissjoni tiġi mgħarrfa skond il-każ.

(25)

Skond l-Artikolu 71 tar-Regolament bażiku, l-Istati Membri huma meħtieġa qabel ma jissottomettu l-ewwel applikazzjoni għal pagament interim jew talanqas fi żmien tnax-il xahar wara li jiġi approvat il-programm operattiv, biex iressqu quddiem il-Kummissjoni deskrizzjoni tas-sistemi ta’ ġestjoni u ta’ kontroll, rapport li jelenka r-riżultati ta’ valutazzjoni tas-sistemi mwaqqfa u opinjoni dwar il-konformità tagħhom mad-dispożizzjonijniet ta’ dak ir-Regolament dwar is-sistemi ta’ ġestjoni u ta’ kontroll. Peress li dawk id-dokumenti huma fost l-elementi prinċipali li fuqhom isserraħ il-Kummissjoni, fil-kuntest ta’ ġestjoni maqsuma tal-baġit Komunitarju, biex tissodisfa ruħha li l-għajnuna finanzjarja konċernata tintuża mill-Istati Membri skond ir-regoli applikabbli u l-prinċipji meħtieġa biex iħarsu l-interessi finanzjarji tal-Komunità, jeħtieġ li tiġi stipulata fid-dettal l-informazzjoni li dawk id-dokumenti għandu jkun fihom u kif jiġu evalwati u tingħata opinjoni dwarhom.

(26)

Artikolu 57 tar-Regolament bażiku jipprovdi li l-arranġamenti għall-awditjar għandhom ikunu proporzjonali ma’ l-ammont totali ta’ l-infiq pubbliku allokat għall-programm operattiv konċernat. Fejn l-infiq pubbliku allokat għall-programm operattiv hu limitat, jixraq li l-Istat Membru jkollu għażla li jserraħ aktar fuq korpi u regoli nazzjonali biex iwettaq ċerti funzjonijiet marbuta ma’ l-arranġamenti ta’ kontroll u awditjar u li l-Kummissjoni għalhekk tispeċifika liema verifiki, liema awditjar ta’ l-operazzjonijiet u liema obbligazzjonijiet jistgħu jsiru u jitwettqu skond ir-regoli nazzjonali u mill-korpi nazzjonali. F’dawn l-istess ċirkostanzi, il-Kummissjoni għandha wkoll tagħmel differenza bejn il-mezzi li bihom l-Istati Membri għandhom jaqdu l-funzjonijiet ta’ ċertifikazzjoni tan-nefqiet u l-verifika tas-sistema ta’ ġestjoni u kontroll u jistabbilixxu l-kundizzjonijiet li bihom tista’ tillimita l-awditjar tagħha stess u sserraħ fuq assigurazzjonijiet mogħtija mill-korpi nazzjonali.

(27)

Bħala parti mill-obbligazzjonijiet tagħhom ta’ ġestjoni u kontroll l-Istati Membri huma meħtieġa jirrappurtaw u jimmonitorjaw l-irregolaritajiet. Regoli dettaljati biex jiġi implimentat dak ir-rekwiżit kienu stipulati fir-Regolament tal-Kummissjoni (KE) Nru 1681/94 tal-11 ta’ Lulju 1994 dwar irregolaritajiet u l-ħlas lura ta’ ammonti mħallsa ħażin in konnessjoni mal-finanzjament tal-politika strutturali u l-organizzazzjoni ta’ sistema ta’ informazzjoni f’dan il-qasam ( 5 ). Huwa xieraq, għal raġunijiet ta’ ċarezza u simplifikazzjoni, li dawk ir-regoli jiddaħħlu f’dan ir-Regolament.

(28)

Għandu jkun hemm dispożizzjoni biex il-Kummissjoni tħallas lura l-ispejjeż ġudizzjarji meta titlob lil Stat Membru biex jieħu u jsegwi passi legali jew jibqa’ għaddej bihom bil-għan li jiġbor lura l-flus li tħallsu meta mhux suppost minħabba xi irregolarità, u biex tkun tista’ tingħata l-informazzjoni li tgħinha tiddeċiedi dwar it-tqassim tat-telf mill-ammonti li ma jistgħux jiġu rkuprati skond l-Artikolu 70(2) tar-Regolament bażiku. Għandu jingħata lok ukoll għal kuntatt regolari bejn il-Kummissjoni u l-Istati Membri dwar is-suġġett ta' l-irregolaritajiet, għall-użu ta' l-informazzjoni mogħtija biex issir l-analiżi tar-riskju u biex jissawru r-rapporti, u għall-għoti ta' informazzjoni lill-kumitati rilevanti.

(29)

Sabiex jitnaqqas il-piż amministrattiv impost mis-sistema ta’ rapportar waqt li jitħares il-livell meħtieġ ta’ informazzjoni, l-Istati Membri għandhom, mingħajr preġudizzju għall-obbligazzjonijiet li joħorġu direttament mill-Artikolu 60(f) tar-Regolament bażiku, ma jkunux obbligati li jirrappurtaw l-irregolaritajiet li jinvolvu ammonti taħt ċertu livell massimu sakemm il-Kummissjoni ma titlobx dan espliċitament.

(30)

L-użu ta’ mezzi elettroniċi għall-iskambju ta’ informazzjoni u d-dejta finanzjarja jwassal għal simplifikazzjoni, aktar effiċjenza u trasparenza u biex jiġi ffrankat il-ħin. Sabiex jiġu sfruttati sew dawn il-vantaġġi, filwaqt li tiġi priżervata s-sigurtà ta’ l-iskambji, għandha tiġi stabbilita sistema kompjuterizzata komuni kif ukoll lista ta’ dokumenti ta’ interess komuni għall-Kummissjoni u għall-Istati Membri. Għalhekk jeħtieġ li jiġi speċifikat il-format li kull dokument għandu jkollu, u tingħata deskrizzjoni dettaljata ta’ l-informazzjoni li jrid ikun fihom dawk id-dokumenti. Għall-istess raġunijiet, jeħtieġ li jiġi speċifikat kif tiffunzjona dik is-sistema kompjuterizzata fir-rigward ta’ l-identifikazzjoni tal-parti responsabbli biex ittella’ d-dokumenti fuq il-kompjuter u tagħmel xi aġġornamenti marbuta magħhom.

(31)

Fil-qafas tad-Direttiva 1999/93/KE tal-Parlament Ewropew u tal-Kunsill tat-13 ta' Diċembru 1999 dwar kwadru tal-Komunità għall-firem elettroniċi ( 6 ), billi tqis il-livell ta' sigurtà u kunfidenzjalità meħtieġ għall-ġestjoni finanzjarja ta' l-użu ta’ l-EFF, tal-kwalità eċċellenti u ta' l-analiżi dwar l-ispejjeż u l-benefiċċji, jeħtieġ li jkun mitlub l-użu ta' firma elettronika.

(32)

Sabiex ikun assigurat li tiżviluppa malajr u tiffunzjona sew is-sistema komuni kompjuterizzata, l-ispejjeż għall-iżvilupp tagħha għandhom jiġu ffinanzjati mill-baġit tal-Komunitajiet Ewropej skond l-Artikolu 46(1) tar-Regolament bażiku, u l-ispejjeż ta’ l-interface ma’ sistemi kompjuterizzati nazzjonali, reġjonali u lokali għandhom ikunu eliġibbli għal kontribuzzjoni finanzjarja mill-EFF skond l-Artikolu 46 ta’ dak ir-Regolament.

(33)

Fid-dawl tad-Direttiva 95/46/KE tal-Parlament Ewropew u tal-Kunsill ta’ l-24 ta’ Ottubru 1995 dwar il-protezzjoni ta’ individwi fir-rigward ta’ l-ipproċessar ta’ data personali u dwar il-moviment liberu ta’ dik id-data ( 7 ) u Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward ta' l-ipproċessar ta' data personali mill-istituzzjonijiet u l-korpi tal-Komunità u dwar il-movement liberu ta' dak id-data ( 8 ), jeħtieġ li jkun hemm provdut, b’relazzjoni mal-miżuri dwar l-informazzjoni u l-pubbliċità u x-xogħol ta' awditjar skond dan ir-Regolament, li l-Kummissjoni u l-Istati Membri għandhom jipprevjenu milli tinkixef b'mod mhux awtorizzat jew ikun hemm aċċess għad-dejta personali, u biex jiġi speċifikat l-għan li għalih il-Kummissjoni u l-Istati Membri jistgħu jipproċessaw dik id-dejta.

(34)

Ir-Regolament tal-Kummissjoni (KE) Nru 2722/2000 tat-13 ta’ Diċembru 2000 li jistabbilixxi l-kondizzjonijiet li taħthom l-Istrument Finanzjarju għat-Tmexxija tas-Sajd (FIFG) jista' jagħmel kontribut lejn l-eliminazzjoni ta' riskji patoloġiċi fl-akwakultura ( 9 ), ir-Regolament tal-Kummissjoni (KE) Nru 908/2000 tat-2 ta' Mejju 2000 li jistabbilixxi regoli dettaljati għall-kalkolu ta' l-għajnuna mogħtija mill-Istati Membri lill-organizzazzjonijiet ta' produtturi fis-settur tas-sajd u l-akwakultura ( 10 ) u (KE) Nru 366/2001 tat-22 ta' Frar 2001 li jippreskrivi regoli dettaljati għall-implimentazzjoni ta' miżuri pprovduti fir-Regolament tal-Kunsill (KE) Nru 2792/1999 ( 11 ) għandhom jitħassru.

(35)	Il-miżuri previsti f’dan ir-Regolament huma skond l-opinjoni tal-Kumitat tal-Fond Ewropew għas-Sajd,

ADOTTAT DAN IR-REGOLAMENT:

Dan ir-Regolament jistipula regoli dettaljati għall-implimentazzjoni tar-Regolament (KE) Nru 1198/2006 (“ir-Regolament bażiku”) fir-rigward ta’ dawn li ġejjin:

Għall-programmi operattivi li l-ispejjeż pubbliċi totali eliġibbli tagħhom ma jaqbżux EUR 90 miljun bil-prezzijiet ta’ l-2004, hemm arranġamenti speċifiċi stipulati fl-Artikolu 28(2) u l-Artikoli 51, 52 u 53.

1. Il-kontenut tal-programm operattiv li hemm referenza għalih fl-Artikolu 20 tar-Regolament bażiku għandu jiġi stabbilit skond il-Parti A ta’ l-Anness I, għal dan ir-Regolament u l-pjan finanzjarju kif stipulat fil-Parti B ta’ dak l-Anness.

L-evalwazzjoni ex ante msemmija fl-Artikolu 48 tar-Regolament bażiku għandha tiġi annessa mal-programm operattiv.

2. L-Istati Membri għandhom iqiegħdu għad-dispożizzjoni tal-Kummissjoni verżjoni elettronika tal-programm operattiv tagħhom, aġġornat wara kull reviżjoni tal-programm. L-Istati Membri għandhom jgħaddu t-talbiet għar-reviżjonijiet tal-programmi msemmija fl-Artikolu 18 tar-Regolament bażiku b'mezz elettroniku skond l-Artikolu 65 ta' dan ir-Regolament. L-Istati Membri għandhom jissottomettu lill-Kummissjoni t-talbiet tagħhom għal reviżjoni tal-programm operattiv, li jaffettwa l-kontribuzzjoni tal-Fond Ewropew għas-Sajd (EFF) għas-sena li jkun imiss, sa mhux aktar tard mit-30 ta’ Settembru ta’ dik is-sena.

1. Wara li jispiċċaw l-attivitajiet tas-sajd b’mod permanenti, il-bastiment tas-sajd konċernat għandu jitneħħa għal kollox mir-reġistru tal-flotta tas-sajd tal-Komunità u, fejn jixraq, il-liċenzja assoċjata miegħu titħassar għal dejjem.

2. Il-programm operattiv għandu jispeċifika l-metodi biex jiġu kkalkulati l-poloz ta' l-assigurazzjoni mogħtija kif imsemmi fl-Artikolu 23 tar-Regolament bażiku.

3. Fejn it-tmiem permanenti ta’ l-attivitajiet tas-sajd ta’ bastiment tas-sajd jintlaħaq billi jiġi assenjat mill-ġdid skond l-Artikolu 23(1)(b) tar-Regolament bażiku, l-Istati Membri għandhom jaġġustaw il-livell tal-polza ta’ l-assigurazzjoni skond il-bżonn billi jqisu kriterji bħall-prezz tas-suq tal-liċenzja tas-sajd għall-bastiment u l-valur residwu tal-bastiment.

4. Jekk bastiment tas-sajd jintilef bejn id-data tad-deċiżjoni biex tingħata l-polza ta’ l-assigurazzjoni u d-data proprja meta jispiċċaw għal kollox l-attivitajiet tas-sajd, l-awtorità ta' ġestjoni għandha tagħmel korrezzjoni finanzjarja għall-ammont ta’ kumpens imħallas mill-assigurazzjoni.

1. Il-programm operattiv għandu jispeċifika l-metodi biex jiġu kkalkulati l-poloz ta' l-assigurazzjoni mogħtija skond l-Artikolu 24 tar-Regolament bażiku.

2. Għall-finijiet ta’ l-Artikolu 24 (2) tar-Regolament bażiku, “għajnuna finanzjarja Komunitarja allokata lis-settur” għandha tfisser il-kontribuzzjoni ta’ l-EFF għall-programm operattiv ta’ l-Istat Membru konċernat.

1. Għall-finijiet ta’ l-Artikolu 25 tar-Regolament bażiku, l-awtorità ta' ġestjoni għandha tkun responsabbli biex tivvaluta l-konformità mal-paragrafi 2 sa 5 ta’ dan l-Artikolu u għandha tagħti lill-Kummissjoni d-dokumenti kollha rilevanti meta tintalab.

2. L-infiq totali eliġibbli li jrid jiġi appoġġjat għal kull bastiment tas-sajd fuq il-perjodu kollu ta’ l-ipprogrammar skond l-Artikolu 25 tar-Regolament bażiku, minbarra taħt il-paragrafu 6(e) ta’ dak l-Artikolu, m’għandux jeċċedi ammont massimu stabbilit abbażi tal-kriterji oġġettivi bħal dawk imniżżla fl-Artikolu 23(3) ta’ l-istess Regolament u mdaħħla fil-programm operattiv.

3. It-tnaqqis ta’ 20 % fis-saħħa tal-magna jista’ jintlaħaq minn grupp ta’ bastimenti kif provdut fl-Artikolu 25(4) tar-Regolament bażiku suġġett għall-kundizzjonijiet kollha li ġejjin:

4. Il-ħruġ mill-flotta tas-sajd ta’ kapaċità tas-sajd bl-għajnuna pubblika m’għandux jingħadd fit-tnaqqis ta’ 20 % fis-saħħa li tista’ tinkiseb minn grupp ta’ bastimenti kif hemm provdut fl-Artikolu 25(4) tar-Regolament bażiku.

5. Għajnuna finanzjarja mogħtija skond l-Artikolu 25(6)(e) tar-Regolament bażiku għandha tingħata biss għat-tagħmir u xogħlijiet ta' modernizzar għall-ħarsien tal-qabda u t-tagħmir minn speċi ta' predaturi selvaġġi protetti permezz tad-Direttivi tal-Kunsill 79/409/KEE ( 13 ) u 92/43/KEE ( 14 ).

1. Fejn ir-rata ta’ parteċipazzjoni finanzjarja privata hi mnaqqsa skond l-Artikolu 26(2) tar-Regolament bażiku, ir-rata tal-kontribuzzjoni pubblika għandha tiżdied b'dak il-mod. Il-kontribuzzjoni mill-EFF għandha tiġi kkalkulata skond ir-rati previsti fl-Artikolu 53 tar-Regolament bażiku b’rabta ma’ din il-kontribuzzjoni pubblika li toħroġ minn dan.

2. Il-programm operattiv għandu jispeċifika l-metodi biex jiġu kkalkulati l-poloz ta’ l-assigurazzjoni mogħtija skond l-Artikoli 26(3) u 26(4) tar-Regolament bażiku favur is-sajd mal-kosta fuq skala żgħira.

3. Għall-finijiet ta’ l-Artikolu 26(4)(b) tar-Regolament bażiku “il-prodotti tas-sajd” għandha tfisser il-prodotti tas-sajd li joriġinaw minn qabdiet tal-bastimenti tas-sajd li jistadu mal-kosta fuq skala żgħira.

1. Il-programm operattiv għandu jispeċifika l-metodi biex jiġi kkalkulat il-kumpens soċjo-ekonomiku għall-ġestjoni tal-flotta Komunitarja tas-sajd mogħti permezz ta’ l-Artikolu 27 tar-Regolament bażiku.

2. L-appoġġ previst fl-Artikolu 27(1)(d) tar-Regolament bażiku għall-irtirar kmieni għandu jkun eliġibbli għall-kontribuzzjoni mill-EFF anki jekk titħallas lill-benefiċjarji wara l-31 ta' Diċembru 2015 jekk tkun ġiet assigurata għal dan il-għan f'kont ibblukkat qabel dik id-data.

Assi prijoritarju 2: l-akwakultura, is-sajd fl-ilmijiet interni, proċessar u kummerċjalizzazzjoni ta’ prodotti tas-sajd u ta’ l-akwakultura

L-appoġġ skond l-Artikolu 28(6) tar-Regolament bażiku jista’ jkopri l-ispejjeż tal-valutazzjonijiet previsti fid-Direttiva tal-Kunsill 85/337/KEE ( 15 ).

1. Għall-finijiet ta’ l-Artikolu 29(1)(a), (b) u (c) tar-Regolament bażiku, id-definizzjonijiet li ġejjin għandhom japplikaw:

2. L-appoġġ imsemmi fl-Artikolu 29 tar-Regolament bażiku, jista' jkopri l-bastimenti ta' servizz għall-akwakultura. Il-bastimenti tas-sajd kif imfissra fl-Artikolu 3(c) tar-Regolament tal-Kunsill (KE) Nru 2371/2002 ( 16 ) m’għandhomx jitqiesu bħala bastimenti ta’ servizz għall-akwakultura fejn jintużaw biss fl-akwakultura.

3. Mingħajr preġudizzju għall-Artikolu 35(6) tar-Regolament bażiku, l-appoġġ skond l-Artikolu 29 tar-Regolament bażiku jista’ jkopri investimenti marbuta ma’ bejgħ kummerċjali li jsir mill-farm fejn dawn jiffurmaw parti sħiħa mill-farm ta' l-akwakultura.

4. Fejn l-Istati Membru jużaw il-possibbiltà msemmija fl-Artikolu 29(1)(a) tar-Regolament bażiku, għandhom idaħħlu fis-seħħ mekkaniżmi biex l-awtorità ta' ġestjoni jkollha aċċess għar-riżultati ta’ l-analiżi tas-suq prospettiv dwar l-ispeċi ta’ l-akwakultura.

5. Għall-miżuri msemmija fl-Artikolu 29 tar-Regolament bażiku, l-Istati Membri għandhom jiddeskrivu fil-programm operattiv tagħhom kif l-għajnuna se tingħata bi prijorità lill-mikro intrapriżi u lill-intrapriżi ż-żgħar.

1. Fejn l-għajnuna tingħata lill-benefiċjarji għall-finijiet imsemmija fl-Artikolu 30 tar-Regolament bażiku, l-Istati Membri għandhom jiċċekkjaw li l-benefiċjarji jikkonformaw ma' l-impjenji akwa ambjentali minn talanqas tliet snin mill-approvazzjoni ta' l-operazzjoni u fl-aħħar ta' l-implimentazzjoni ta’ l-operazzjoni.

2. L-appoġġ imsemmi fl-Artikolu 30(2)(b) tar-Regolament bażiku, għandu jikkonċerna biss l-ispejjeż għall-parteċipazzjoni fi skema Komunitarja ta' eko-ġestjoni u verifika f’EMAS li huma qabel l-approvazzjoni ta’ l-iskema għal intrapriża individwali.

3. Għall-fini ta’ l-Artikolu 30(2)(c) tar-Regolament bażiku, “akwakultura organika” tfisser l-attivitajiet ta’ l-akwakultura li jipproduċu speċi akwatiċi prodotti fil-farm skond il-metodu ta’ produzzjoni organika fl-ambitu tat-tifsira ta’ l-Artikolu 2 tar-Regolament tal-Kunsill (KEE) Nru 2092/91 ( 17 ) u li jagħtu indikazzjoni għal dan. Sakemm jiġu adottati regoli ta’ produzzjoni dettaljati mill-Komunità, inkluż regoli dwar il-konverżjoni, applikabbli għall-akwakultura organika, għandhom japplikaw regoli nazzjonali jew, fin-nuqqas tagħhom, standards privati, applikabbli għall-akwakultura organika, aċċettata jew rikonoxxuta mill-Istati Membri.

4. L-appoġġ imsemmi fl-Artikolu 30(2)(d) tar-Regolament bażiku, jista’ jingħata biss għal restrizzjonijiet jew rekwiżiti speċifiċi għaż-żoni tan-NATURA 2000, imposti mill-miżuri nazzjonali rilevanti għall-implimentazzjoni tad-Direttivi 79/409/KEE u d-Direttiva 92/43/KEE.

5. Għall-fini ta’ l-Artikolu 30(3) tar-Regolament bażiku, “prassi normali tajba ta’ akwakultura” tfisser konformità mal-legiżlazzjoni li torbot, sew jekk tkun relatata ma' l-affarijiet tas-saħħa, veterinarji jew ambjentali, u l-użu ta' protokolli tal-produzzjoni li jipprevjenu l-ħela ta' riżorsi u tniġġis li jista' jiġi evitat.

2. L-awtorità ta' ġestjoni tal-programm operattiv għandha tiddeċiedi jekk hiex se tikkontribwixxi għall-finanzjament tal-miżuri ta’ kontroll deskritti fil-paragrafu 1(a), jew programm ta’ eradikazzjoni deskritt fil-paragrafu 1(b), u tadotta l-arranġamenti dettaljati għall-parteċipazzjoni finanzjarja tagħha qabel ma jissottomettu l-miżuri jew il-programm, rispettivament, skond id-dispożizzjonijiet tad-Deċiżjoni 90/424/KEE.

3. Jekk il-Kummissjoni ma tapprovax, skond l-Artikolu 24 tad-Deċiżjoni 90/424/KEE, il-miżuri ta’ kontroll jew il-programm ta’ eradikazzjoni msemmija fil-paragrafu 1 ta' dan l-Artikolu, il-kontribuzzjoni vvutata għandha tkun immedjatament mgħoddija lura lill-baġit tal-programm operattiv.

4. Jekk il-valur ta’ l-ispejjeż eliġibbli fl-azzjoni approvata mill-Kummissjoni skond l-Artikolu 24 tad-Deċiżjoni 90/424/KEE hi inqas mis-somma vvutata mill-awtorità ta' ġestjoni, id-differenza mħollija b'dan il-mod tista' terġa' tiġi użata mill-Istat Membru għall-programm operattiv tiegħu.

5. L-appoġġ previst fl-Artikolu 32 tar-Regolament bażiku, m’għandux ikopri l-attivitajiet ta’ sorveljanza maħsuba biex juru l-ħelsien minn marda sabiex jinkiseb l-għarfien ta' l-istat uffiċjali li hu ħieles mill-mard jew l-ispejjeż fissi bħall-ispejjeż tas-servizzi veterinarji uffiċjali.

1. Għall-fini ta’ l-Artikolu 33 tar-Regolament bażiku, “bastimenti li joperaw esklussivament f’ilmijiet interni” għandha tfisser il-bastimenti involuti fis-sajd kummerjali fl-ilmijiet fil-magħluq u li mhumiex imniżżla fir-reġistru tal-flotta tas-sajd tal-Komunità.

2. Għall-investimenti kif hemm provdut għalihom fl-Artikoli 33(2) it-tieni sottoparagrafu u l-Artikolu 25 tar-Regolament bażiku, il-bastimenti ta' inqas minn 12-il metru, li ma jużawx tagħmir ta’ irmonkar u li jaħdmu fis-sajd fl-ilmijiet interni, jistgħu jiġu appoġġjati bl-istess intensità ta' għajnuna kif provdut għall-bastimenti li jistadu fuq il-kosta fuq skala żgħira msemmija fl-Artikolu 26 tar-Regolament bażiku.

3. L-Istati Membri għandhom jiddeterminaw fil-programmi operattivi tagħhom kif se jassiguraw li l-investimenti appoġġjati fl-Artikolu 33 tar-Regolament bażiku ma jfixklux l-ekwilibriju bejn id-daqs tal-flotta u r-riżorsi tal-ħut korrispondenti li hemm disponibbli.

1. Investimenti biex jiġu mneħħija d-dijossina jew sustanzi oħra perikolużi għal saħħet il-bniedem mil-laħam tal-ħut jew miż-żejt tal-ħuta jistgħu jiġu appoġġjati mill-EFF skond l-Artikolu 34 tar-Regolament bażiku anki meta l-prodotti finali huma maħsuba li jintużaw u jiġu proċessati għall-finijiet oħra aktar milli jiġu kkonsmati min-nies.

2. Għall-miżuri msemmija fl-Artikolu 35 tar-Regolament bażiku, l-Istati Membri għandhom jiddeskrivu fil-programmi operattivi tagħhom kif l-għajnuna se tiġi prijoritizzata għall-intrapriżi ż-żgħar u mikro.

1. L-appoġġ kif hemm provdut fl-Artikolu 37 tar-Regolament bażiku m’għandux ikopri spejjeż marbuta ma’ sajd esplorattiv.

2. L-appoġġ kif hemm previst fil-punt (n) ta' l-ewwel paragrafu ta' l-Artikolu 37 tar-Regolament bażiku jista' jingħata għal:

3. L-appoġġ imsemmi fil-paragrafu 2(b) ta' dan l-Artikolu għandu jkun digressiv fuq tliet snin mid-data ta’ l-għarfien speċifiku permezz ta’ l-Artikolu 12 tar-Regolament (KE) Nru 104/2000.

1. L-appoġġ previst fil-punt (a) ta' l-ewwel paragrafu ta' l-Artikolu 38(2) tar-Regolament bażiku għandu jikkonċerna miżuri għall-kostruzzjoni u l-installazzjoni ta' sikek artifiċjali jew faċilitajiet oħra magħmula minn elementi li jservu fit-tul.

L-appoġġ jista’ jkopri xogħol qabel ma jitqegħdu, inkluż studji, komponenti, immarkar, ġarr u twaħħil tal-faċilitajiet u monitoraġġ xjentifiku.

2. L-appoġġ previst fl-Artikolu 38(2) tar-Regolament bażiku m’għandux ikopri mekkaniżmi li jiġbru l-ħut flimkien.

3. L-appoġġ previst fil-punt (c) ta' l-ewwel paragrafu ta' l-Artikolu 38(2) tar-Regolament bażiku jista’ jkopri n-nefqa fuq il-miżuri ta’ konservazzjoni meħtieġa għal siti li jappartjenu għan-Netwerk Ekoloġiku Ewropew NATURA 2000. L-appoġġ jista’ jkopri t-tħejjija ta’ pjanijiet ta’ ġestjoni, strateġiji u skemi, infrastruttura inkluż it-tnaqqis fil-valur u t-tagħmir għal riservi, taħriġ u edukazzjoni għall-impjegati tar-riservi kif ukoll studji rilevanti.

4. L-appoġġ previst fil-punt (c) ta' l-ewwel paragrafu ta' l-Artikolu 38(2) tar-Regolament bażiku m’għandux ikopri kumpens għal drittijiet li ntilfu, telf ta’ dħul u pagi ta' l-impjegati.

5. Għall-finijiet tat-tieni sottoparagrafu ta’ l-Artikolu 38(2) tar-Regolament bażiku, “it-tkabbir ta’ stokk mill-ġdid direttament” għandha tfisser l-attività li biha jintefgħu organiżmi akwatiċi ħajjin, sew jekk l-annimali jiġu prodotti fil-postijiet fejn ibidu jew jistadu għalihom post ieħor.

Fejn l-appoġġ jingħata għal investimenti biex jiġu strutturati mill-ġdid il-postijiet fejn jinħattu l-qabdiet u biex itejbu l-kundizzjonijiet għall-ħut maqbud minn sajjieda li jistadu madwar il-kosta f'postijiet eżistenti tal-ħatt l-art kif hemm provdut fit-tieni sottoparagrafu ta' l-Artikolu 39(1) tar-Regolament bażiku, l-Istati Membri għandhom jiżguraw li jkun hemm konformità mar-regoli sanitarji rilevanti u r-rinfurzar tal-miżuri ta' kontroll f'dawk il-postijiet tal-ħatt l-art.

1. L-għajnuna mogħtija għal miżuri promozzjonali kif hemm provdut fl-Artikolu 40(3)(a), (d), (e) u (g) tar-Regolament bażiku jistgħu jkopru b’mod partikolari:

2. Fir-rigward tal-prodotti protetti permezz tar-Regolament tal-Kunsill (KE) Nru 510/2006 ( 20 ), appoġġ jista' jingħata għall-promozzjoni tagħhom mid-data li fiha tniżżel l-isem fir-reġistru kif provdut fl-Artikolu 7 ta' dak ir-Regolament.

1. L-ebda appoġġ m’għandu jingħata skond l-Artikolu 41 tar-Regolament bażiku għal sajd esplorattiv.

2. Fejn l-appoġġ jingħata għal proġett pilota kif hemm provdut fl-Artikolu 41 tar-Regolament bażiku, l-awtorità ta' ġestjoni għandha tassigura li l-proġett pilota jinkludi li jsir segwitu xjentifiku adegwat u li ssir valutazzjoni kwalitattiva adegwata tar-rapporti tekniċi msemmija fl-Artikolu 41(3) ta’ dak ir-Regolament.

3. Il-proġetti pilota m’għandhomx ikunu ta' natura kummerċjali diretta. Kull profit magħmul matul l-implimentazzjoni ta’ proġett pilota għandu jitnaqqas mill-għajnuna pubblika mogħtija għall-operazzjoni.

4. Meta l-ispejjeż totali ta’ proġett pilota jeċċedu l-EUR 1 miljun, l-awtorità ta' ġestjoni għandha, qabel ma tagħti l-approvazzjoni tagħha, titlob li ssir valutazzjoni minn korp xjentifiku indipendenti.

L-appoġġ kif hemm provdut fl-Artikolu 42 tar-Regolament bażiku jista’ jingħata għall-modifika ta’ bastiment tas-sajd wara li jiġi assenjat mill-ġdid biss jekk dak il-bastiment tħassar għal kollox mir-reġistru tal-flotta tas-sajd u, fejn jixraq, il-liċenzja tas-sajd assoċjata miegħu tħassret għal kollox.

L-appoġġ mogħti permezz ta’ l-Artikolu 43 tar-Regolament bażiku għandu jkun biex:

1. Il-programm operattiv għandu jispeċifika l-proċeduri u l-kriterji biex jintagħżlu ż-żoni tas-sajd. L-Istati Membri għandhom jiddeċiedu kif se japplikaw l-Artikoli 43(3) u (4) tar-Regolament bażiku.

2. Iż-żoni ta’ sajd magħżula mhux neċessarjament iridu jikkoinċidu ma’ żona amministrattiva nazzjonali jew ma’ żoni stabbiliti għall-finijiet ta’ l-eliġibbiltà permezz ta’ l-għanijiet tal-Fondi Strutturali.

1. Grupp kif imsemmi fl-Artikolu 45(1) tar-Regolament bażiku għandu jkun magħmul b’tali mod li jkun jista’ jsawwar u jimplimenta strateġija ta’ żvilupp fil-qasam konċernat.

Ir-rilevanza u l-effettività tal-partenarjat għandhom jiġu evalwati tal-kompożizzjoni tiegħu kif ukoll tat-trasparenza tiegħu u ċ-ċarezza fl-allokazzjoni tal-kompiti u r-responsabbiltajiet.

Il-kapaċità ta’ l-imsieħba biex iwettqu l-kompiti assenjati lilhom u l-effettività u t-teħid ta’ deċiżjonijiet għandhom ikunu garantiti.

Il-partenarjat għandu jkun magħmul, inkluż fuq il-livell tat-teħid ta’ deċiżjonijiet, minn rappreżentanti tas-settur tas-sajd u ta’ setturi oħra rilevanti lokali soċjo ekonomiċi.

2. Il-kapaċità amministrattiva tal-“grupp” għandha titqies li hi adegwata fejn il-grupp:

3. Jekk il-grupp hu fdat bl-amministrazzjoni tal-fondi pubbliċi, il-kapaċità finanzjarja tiegħu għandha tiġi valutata:

4. Il-gruppi għall-implimentazzjoni ta’ l-istrateġiji ta’ żvilupp lokali għandhom jintgħażlu mhux aktar tard minn erba’ snin mid-data ta' l-approvazzjoni tal-programm operattiv. Jistgħu jingħataw limiti ta’ żmien itwal fejn l-awtorità ta' ġestjoni torganizza aktar minn proċedura waħda ta’ għażla għall-gruppi.

L-istrateġija ta’ żvilupp lokali proposti mill-grupp skond l-Artikolu 45(2) tar-Regolament bażiku għandha:

1. Minkejja l-Artikolu 45(2) tar-Regolament bażiku l-grupp għandu jagħżel l-operazzjonijiet li jridu jiġu finanzjati permezz ta’ l-istrateġija ta’ żvilupp lokali.

2. Jekk il-grupp jiġi fdat bl-amministrazzjoni tal-fondi pubbliċi, għandu joħloq kont separat għall-implimentazzjoni ta’ l-istrateġija ta’ żvilupp lokali.

L-Istati Membri għandhom jgħaddu l-evalwazzjonijiet interim imsemmija fl-Artikolu 49 tar-Regolament bażiku sa mhux aktar tard mit-30 ta' Ġunju 2011. Il-Kummissjoni tista’ tiddeċiedi li tinterrompi d-data ta' skadenza tal-ħlas skond l-Artikolu 88 tar-Regolament bażiku jekk Stat Membru ma kkonformax ma' dik l-obbligazzjoni.

Deskrizzjoni tal-miżuri ta’ informazzjoni u pubbliċità fil-programmi operattiv u fir-rapporti annwali u finali dwar l-implimentazzjoni

1. Għall-fini ta’ l-Artikolu 20(1)(g)(v) tar-Regolament bażiku, il-programm operattiv għandu jinkludi talanqas l-elementi li ġejjin:

2. Għall-programmi operattivi msemmija fl-Artikolu 2, il-paragrafi 1(c) u (d) ta’ dan l-Artikolu m’għandhomx japplikaw.

3. Ir-rapporti annwali u r-rapport finali dwar l-implimentazzjoni ta' programm operattiv, imsemmija fl-Artikolu 67 tar-Regolament bażiku, għandhom jinkludu:

Ir-rapport annwali dwar l-implimentazzjoni li jkopri s-sena 2010 u r-rapport finali dwar l-implimentazzjoni msemmi fl-Artikolu 67 tar-Regolament bażiku għandu jkun fih kapitolu li jevalwa r-riżultati tal-miżuri ta’ informazzjoni u pubbliċità fir-rigward tal-viżibbiltà u l-kuxjenza tal-programm operattiv u r-rwol li għandha l-Komunità, kif hemm provdut fil-punt (d) tal-paragrafu 1 ta' dan l-Artikolu.

1. Għall-finijiet ta’ l-Artikolu 51(2)(a) tar-Regolament bażiku, l-awtorità ta' ġestjoni għandha tassigura li l-programm operattiv jkun mifrux sew bid-dettalji dwar il-kontribuzzjoni finanzjarja mill-EFF u li jkun disponibbli għall-partijiet kollha interessati. L-awtorità ta' ġestjoni għandha tassigura wkoll li l-informazzjoni dwar l-opportunitajiet ta’ finanzjament offruti permezz ta’ assistenza konġunta mill-Komunità u mill-Istat Membru permezz tal-programm operattiv tkun mifruxa kemm jista' jkun.

2. L-awtorità ta' ġestjoni għandha tipprovdi lill-benefiċjarji potenzjali informazzjoni ċara u dettaljata, dwar talanqas dan li ġej:

3. L-awtorità ta' ġestjoni għandha tgħarraf lill-benefiċjarji potenzjali dwar il-pubblikazzjoni kif hemm provdut fl-Artikolu 31(d).

4. L-awtorità ta' ġestjoni għandha ddaħħal fil-miżuri ta’ informazzjoni u pubbliċità skond il-ligijiet nazzjonali u l-prassi nazzjonali, talanqas waħda mill-korpi li ġejjin li jistgħu jxerrdu sew l-informazzjoni mniżżla fil-paragrafu 2:

L-awtorità ta' ġestjoni għandha tgħarraf lill-benefiċjarji li meta jkunu qed jaċċettaw il-fondi jkunu wkoll qed jaċċettaw li jitniżżlu fil-lista ta’ benefiċjarji ppubblikati skond il-punt (d) ta' l-ewwel paragrafu ta' l-Artikolu 31.

Responsabbiltajiet ta’ l-awtorità ta' ġestjoni marbuta ma’ miżuri ta’ informazzjoni u pubbliċità għall-pubbliku

Għall-finijiet ta’ l-Artikolu 51(2)(c) tar-Regolament bażiku l-awtorità ta' ġestjoni għandha tassigura li l-miżuri ta’ informazzjoni u ta’ pubbliċità għall-pubbliku jiġu implimentati u li jimmiraw biex ikollhom l-aktar attenzjoni possibbli mill-midja permezz ta' forom u metodi diversi ta' komunikazzjoni fuq il-livell territorjali adattat.

L-awtorità ta' ġestjoni għandha tkun responsabbli biex torganizza talanqas il-miżuri ta’ informazzjoni u pubbliċità li ġejjin:

Il-parteċipanti fl-operazzjonijiet appoġġjati mill-EFF u immirati lejn it-titjib tal-ħiliet u tat-taħriġ professjonali kif ukoll il-benefiċjarji li jirċievu appoġġ biex jirtiraw kmieni mis-settur tas-sajd, inkluż irtirar kmieni, kif hemm provdut fl-Artikolu 27(1)(d) tar-Regolament bażiku m'għandhomx jissemmew.

Responsabbiltajiet tal-benefiċjarji marbuta mal-miżuri ta' informazzjoni u pubbliċità għall-pubbliku

1. Għall-finijiet ta’ l-Artikolu 51 tar-Regolament bażiku l-benefiċjarju għandu jkun responsabbli biex jgħarraf lill-pubbliku, permezz tal-miżuri stipulati fil-paragrafi 2, 3 u 4 ta' dan l-Artikolu, dwar l-għajnuna miksuba mill-EFF.

2. Meta l-ispiża totali eliġibbli ta’ operazzjoni ko-finanzjata mill-FES, taqbeż il-EUR 500 000 u tkun tikkonsisti fil-finanzjament ta' l-infrastruttura jew ta' l-operazzjonijiet ta' kostruzzjoni l-benefiċjarju għandu jwaħħal billbord fuq is-sit ta' l-operazzjoni waqt li tkun qed tiġi implimentata. L-informazzjoni msemmija fl-Artikolu 33 għandha timla talanqas 25 % mill-billbord.

Meta l-operazzjoni titlesta minflok il-billbord għandha titwaħħal plakka permanenti deskrittiva msemmija fil-paragrafu 3.

3. Meta l-ispiża totali eliġibbli ta’ l-operazzjoni taqbeż il-EUR 500 000 u tkun magħmula mix-xiri ta’ oġġett fiżiku jew il-finanzjament ta’ l-operazzjonijiet ta’ infrastruttura jew ta’ kostruzzjoni, il-benefiċjarju għandu jwaħħal plakka permanenti bi spjegazzjoni li tkun tidher u kbira biżżejjed mhux aktar tard minn sitt xhur mid-data ta' meta titlesta l-operazzjoni.

Fuq il-plakka għandu jkun hemm it-tip u isem l-operazzjoni minbarra l-informazzjoni msemmija fl-Artikolu 33. L-informazzjoni msemmija f'dak l-Artikolu għandha talanqas timla 25 % mill-plakka.

Għandha titwaħħal plakka li tispjega fil-postijiet tal-gruppi ffinanzjati permezz ta’ l-assi prijoritarju 4 tar-Regolament bażiku.

4. Fejn jixraq, il-benefiċjarju għandu jassigura li dawk li qed jieħdu sehem fl-operazzjoni ko-finanzjata mill-EFF ġew mgħarrfa b'dawk il-fondi.

Il-benefiċjarju għandu jipprovdi notifika ċara bil-għan li l-operazzjoni li qed tiġi implimentata ġiet magħżula permezz ta' programm operattiv ko-finanzjat mill-EFF.

Kull dokument, inkluż kull attendenza jew ċertifikat ieħor, li jikkonċerna dik l-operazzjoni għandu jinkludi stqarrija bil-għan li turi li l-programm operattiv kien ko-finanzjat mill-EFF.

Karatteristiċi tekniċi tal-miżuri ta’ informazzjoni u pubbliċità dwar l-operazzjoni

1. Il-miżuri kollha ta’ informazzjoni u pubbliċità immirati lejn il-benefiċjarji, benefiċjarji potenzjali u l-pubbliku għandhom jinkludu dan li ġej:

2. Għal oġġetti promozzjonali żgħar, il-punti (b) u (c) tal-paragrafu 1 m’għandhomx japplikaw.

Dispożizzjonijiet ġenerali applikabbli għall-istrumenti kollha ta’ inġinerija finanzjarja

1. Skond l-Artikolu 55(8) tar-Regolament bażiku, bħala parti mill-programm operattiv, l-EFF jista' jikko-finanzja l-ispiża fir-rigward ta' l-operazzjoni inkluż il-kontribuzzjonijiet biex jiġu appoġġjati l-istrumenti ta' inġinerija finanzjarja għall-intrapriżi, primarjament għall-intrapriżi żgħar u ta' daqs medju (l-SMEs), inkluż il-mikro intrapriżi, kif imfissra fir-Rakkomandazzjoni tal-Kummissjoni 2003/361/KE ( 21 ) mill-1 ta' Jannar 2005, bħal fondi kapitali riskjużi, fondi ta' garanzija u fondi ta' self inkluż permezz ta’ fondi ta' titoli.

L-istrumenti ta’ inġinerija finanzjarja għandhom ikunu f’forma ta’ azzjonijiet li jagħtu investimenti li jistgħu jitħallsu lura jew jipprovdu garanziji għall-investimenti li jistgħu jitħallsu lura, jew it-tnejn. Il-kundizzjonijiet mogħtija fl-Artikoli 35, 36 u 37 għandhom japplikaw għalihom.

2. L-istqarrija dwar l-ispiża fir-rigward ta’ l-istrumenti ta’ inġinerija finanzjarja għandhom jinkludu l-ispiża kollha mħallsa biex jiġu stabbiliti jew bħala kontribuzzjoni għal dawk l-istrumenti. Iżda, fl-għeluq parzjali jew finali tal-programm operattiv l-ispiża eliġibbli għandha tkun it-total ta’ kull pagament għall-investiment fl-intrapriżi minn kull wieħed mill-istrumenti ta’ inġinerija finanzjarja msemmija fil-paragrafu 1 jew minn kwalunkwe garanziji mogħtija inkluż ammonti kommessi bħala garanziji mill-fondi ta' garanzija u l-ispejjeż tal-ġestjoni eliġibbli. Id-dikjarazzjoni dwar l-ispejjeż korrispondenti għandha tiġi kkoreġuta skond il-bżonn.

3. L-interessi ġġenerati permezz tal-pagamenti mill-programm operattiv sa l-istrumenti ta’ inġinerija finanzjarja għandhom jintużaw biex jiffinanzjaw strumenti ta’ inġinerija finanzjarja għall-intrapriżi ż-żgħar u ta’ daqs medju, inkluż il-mikro intrapriżi, f’każijiet oħra.

4. Riżorsi li jerġgħu jintefgħu fl-operazzjoni minn investimenti magħmula permezz ta’ l-istrumenti ta’ inġinerija finanzjarja jew li jkun fadal wara li l-garanziji kollha jkunu ġew onorati għandhom jerġgħu jintużaw mill-awtoritajiet kompetenti ta’ l-Istati Membri konċernati għall-benefiċċju ta’ l-intrapriżi żgħar u ta’ daqs medju inkluż il-mikro intrapriżi.

Kundizzjonijiet applikabbli għall-istrumenti kollha ta’ inġinerija finanzjarja

1. Meta l-EFF jiffinanzja operazzjonijiet li jinkludu strumenti ta’ inġinerija finanzjarja, inkluż dawk organizzati permezz ta’ fondi ta’ ishma, għandu jiġi sottomess pjan tan-negozju mill-imsieħba li qed jikko-finanzjaw jew mill-azzjonisti jew mir-rappreżentant tagħhom awtorizzat kif suppost.

Dan il-pjan tan-negozju għandu jiġi valutat u l-implimentazzjoni tiegħu tiġi monitorjata jew taqa’ taħt ir-responsabbiltà ta' l-Istat Membru jew ta’ l-awtorità ta' ġestjoni. Il-valutazzjoni tal-vijabbiltà ekonomika ta’ l-attivitajiet ta’ investiment ta’ l-istrumenti ta’ inġinerija finanzjarja għandha tqis is-sorsi kollha ta’ dħul ta’ l-intrapriżi konċernati.

2. Il-pjan tan-negozju previst fil-paragrafu 1 għandu jispeċifika talanqas dan li ġej:

3. L-istrumenti ta’ inġinerija finanzjarja, inkluż il-fondi ta’ titoli, għandhom jitwaqqfu bħala entitajiet legali indipendenti koperti bil-ftehim bejn l-imsieħba li qed jikko-finanzjaw jew l-azzjonisti jew blokka separata ta' finanzi fi ħdan l-istituzzjoni finanzjarja eżistenti.

Fejn l-istrument ta’ inġinerija finanzjarja hu stabbilit fi ħdan istituzzjoni finanzjarja, għandu jitwaqqaf bħala blokk separat ta' finanzi, soġġett għar-regoli ta' implimentazzjoni speċifiċi fi ħdan l-istituzzjoni finanzjarja, li jistipula, b'mod partikolari, li għandhom jinżammu kontijiet separati, inkluż dawk kontribwiti mill-programm operattiv, minn dawk li jkun hemm fil-bidu fl-istituzzjoni.

Il-Kummissjoni m’għandhiex ssir sieħba li tikkofinanzja jew azzjonista fl-istrumenti ta’ inġinerija finanzjarja.

4. L-ispejjeż tal-ġestjoni m’għandhomx jaqbżu, bħala medja fis-sena, għat-tul ta’ l-għajnuna xi wieħed minn dawn il-limiti għoljin li ġejjin, sakemm ma jkunx meħtieġ persentaġġ ogħla wara sejħa għall-offerti kompetittiva:

5. It-termini u l-kundizzjonijiet għall-kontribuzzjonijiet mill-programm operattiv għall-istrumenti ta' inġinerija finanzjarja għandhom jiġu stipulati fil-ftehim ta' finanzjament, li jrid jiġi konkluż bejn ir-rappreżentant ta' l-istrument ta' inġinerija finanzjarja mogħti s-setgħa apposta u l-Istat Membru jew l-awtorità ta' ġestjoni.

6. Il-ftehim ta’ finanzjament imsemmi fil-paragrafu 5 għandu jinkludi talanqas:

7. L-awtorità ta' ġestjoni għandha tieħu l-prekawzjonijiet biex tnaqqas kemm tista’ t-tgħawwiġ tal-kompetizzjoni fis-swieq ta’ kapital riskjuż jew fis-swieq tas-self. Id-dħul mill-investimenti ta’ ishma u self, li minnu tneħħi sehem pro rata għall-ispejjeż tal-ġestjoni u inċentivi ta’ ħidma, jista’ jiġi allokat b’mod preferenzjali lill-investituri li joperaw permezz tal-prinċipju ta’ l-investitur f’ekonomija tas-suq sal-livell ta’ remunerazzjoni stipulat fil-liġijiet lokali ta’ l-istrumenti ta’ inġinerija finanzjarja u għandhom imbagħad jiġu allokati b’mod proporzjonali fost l-imsieħba kollha li għamlu kofinanzjament jew l-azzjonisti.

1. Meta l-EFF jiffinanzja strumenti ta’ inġinerija finanzjarja organizzati permezz ta’ fondi ta’ l-ishma, jiġifieri, fondi mwaqqfa biex jinvestu f’diversi fondi ta’ kapital riskjuż, fondi ta’ garanzija u fondi ta’ self, l-Istat Membru jew l-awtorità ta' ġestjoni għandhom jimplimentawhom permezz ta’ waħda jew aktar mill-forom li ġejjin:

2. Meta l-EFF jiffinanzja strumenti ta’ inġinerija finanzjarja organizzati permezz ta’ fondi ta’ l-ishma, l-Istat Membru jew l-awtorità ta' ġestjoni, għandhom jikkonkludu ftehim ta’ finanzjament b’mod li l-fond ta’ l-ishma jistabbilixxi l-arranġamenti ta’ finanzjament u l-għanijiet.

Il-ftehim ta’ finanzjament għandu, fejn jixraq, iqis il-konklużjonijiet ta’ evalwazzjoni tad-diskrepanzi bejn il-provvista ta’ dawk l-istrumenti lil SMEs, u d-domanda għal dawk l-istrumenti minnhom.

3. Il-ftehim ta’ finanzjament imsemmi fil-paragrafu 2 għandu b’mod partikolari jagħmel provvediment għal:

4. It-termini u l-kundizzjonijiet għall-kontribuzzjonijiet għall-fondi ta' kapital riskjuż, fondi ta' garanzija, u fondi ta' self mill-fondi ta’ l-ishma appoġġjati mill-programm operattiv għandhom jiġu stipulati fil-ftehim ta' finanzjament, li jrid jiġi konkluż bejn il-fondi ta' kapital riskjuż, il-fond ta' garanzija u l-fond tas-self, min-naħa, u l-fond ta’ l-ishma, min-naħa l-oħra. Il-ftehim ta’ finanzjament għandu jinkludi talanqas l-elementi mniżżla fl-Artikolu 35(6).

Kundizzjonijiet speċifiċi applikabbli għall-fondi ta’ kapital riskjuż, fondi ta’ garanzija u fondi ta’ self

L-istrumenti ta’ inġinerija finanzjarja barra mill-fondi ta’ l-ishma għandhom jinvestu f’intrapriżi, primarjament fl-SMEs. Dawk l-investimenti jistgħu jsiru biss fit-twaqqif, fl-istadji bikrija, inkluż kapital tal-bidu, jew tkabbir ta' dawk l-intrapriżi, u biss f'attivitajiet li l-meniġers ta' l-istrumenti ta' inġinerija finanzjarja jqisu li huma potenzjalment u ekonomikament vijabbli.

1. Meta korp intermedjarju jagħmel wieħed jew aktar mill-kompiti ta’ l-awtorità ta' ġestjoni jew ta’ l-awtorità ta' ċertifikazzjoni, l-arranġamenti rilevanti għandhom jitniżżlu formalment bil-miktub.

2. Id-dispożizzjonijiet ta’ dan ir-Regolament li jikkonċernaw l-awtorità ta' ġestjoni u l-awtorità ta' ċertifikazzjoni għandhom japplikaw għall-korp intermedjarju.

1. Għall-finijiet ta’ l-għażla u l-approvazzjoni ta’ l-operazzjonijiet, permezz ta’ l-Artikolu 59(a) tar-Regolament bażiku, l-awtorità ta' ġestjoni għandha tassigura li l-benefiċjarji jiġu mgħarrfa bil-kundizzjonijiet speċifiċi li jolqtu l-prodotti jew is-servizzi li jridu jsiru permezz ta' l-operazzjoni, il-pjan ta' finanzjament, iż-żmien stipulat għat-twettiq, u l-informazzjoni finanzjarja u informazzjoni oħra li trid tinżamm u tiġi komunikata. Għandha tkun sodisfatta li l-benefiċjarju kapaċi jaqdi dawn l-obbligi qabel ma tittieħed id-deċiżjoni ta' approvazzjoni.

2. Il-verifiki li jridu jsiru mill-awtorità ta' ġestjoni permezz ta’ l-Artikolu 59(b) tar-Regolament bażiku għandhom ikopru l-aspetti amministrattivi, finanzjarji, tekniċi u fiżiċi ta’ l-operazzjonijiet, kif jixraq.

Il-verifiki għandhom jassiguraw li l-ispiża dikjarata hija minnha, il-prodotti jew is-servizzi ngħataw skond id-deċiżjoni ta’ approvazzjoni, l-applikazzjonijiet għar-rimborż mill-benefiċjarju huma korretti u l-ispiża tikkonforma mar-regoli Komunitarji u nazzjonali. Huma għandhom jinkludu proċeduri biex jiġi evitat li l-ispiża tiġi ffinanzjata darbtejn ma' skemi oħra Komunitarji jew nazzjonali u ma' perjodi oħra ta' programmar.

3. Meta l-verifiki fuq il-post skond il-paragrafu 2(b) isiru fuq kampjun abbażi tal-programm operattiv, l-awtorità ta' ġestjoni għandha żżomm rekords li jiddeskrivu u jiġġustifikaw il-metodu kampjunarju u jidentifikaw l-operazzjonijiet jew it-tranżazzjonijiet magħżula għall-verifiki.

L-awtorità ta' ġestjoni għandha tiddetermina d-daqs tal-kampjun sabiex tilħaq assigurazzjoni raġonevoli dwar il-legalità u r-regolarità tat-tranżazzjonijiet marbuta magħhom fir-rigward tal-livell ta’ riskju identifikat mill-awtorità ta' ġestjoni għat-tip ta’ benefiċjarji u l-operazzjonijiet konċernati.

4. L-awtorità ta' ġestjoni għandha tistabbilixxi standards u proċeduri miktuba għall-verifiki li jsiru skond il-paragrafu 2 u għandha żżomm rekords ta' kull verifika, billi tgħid ix-xogħol li sar, id-data u r-riżultati tal-verifika u l-miżuri meħuda fil-każ ta' l-irregolaritajiet li jkunu nstabu.

5. Meta l-awtorità ta' ġestjoni tkun wkoll benefiċjarju permezz tal-programm operattiv, arranġamenti għall-verifiki msemmija fil-paragrafi 2, 3 u 4 ta' dan l-Artikolu għandhom jassiguraw li jkun hemm firda biżżejjed bejn il-funzjonijiet skond l-Artikolu 57(1)(b) tar-Regolament bażiku.

Dejta dwar l-operazzjonijiet li jridu jiġu kkomunikati lill-Kummissjoni meta jintalbu

1. Ir-rekords tal-kontijiet ta’ l-operazzjonijiet u tad-dejta dwar l-implimentazzjoni msemmija fl-Artikolu 59(c) tar-Regolament bażiku għandhom jinkludu talanqas l-informazzjoni stipulata fl-Anness III ta' dan ir-Regolament. Din l-informazzjoni għandha tiġi segmentata fejn hemm bżonn skond l-età u s-sess tal-benefiċjarji.

2. L-awtoritajiet li jmexxu, li jiċċertifikaw u li jawditjaw u l-korpi msemmija fl-Artikolu 61(3) tar-Regolament bażiku għandu jkollhom aċċess għall-informazzjoni msemmija fil-paragrafu 1 ta' dan l-Artikolu.

3. Fuq talba bil-miktub mill-Kummissjoni, l-Istat Membru għandu jipprovdi lill-Kummissjoni bl-informazzjoni adattata msemmija fil-paragrafu 1 fi żmien ħmistax-il ġurnata xogħol minn mindu jirċievi t-talba jew xi perjodu ieħor miftiehem, bil-għan li jsiru spezzjonijiet dokumentati u fuq il-post. Il-Kummissjoni tista’ tkun teħtieġ l-informazzjoni msemmija fil-paragrafu 1 fil-livell ta' l-operazzjonijiet, tal-miżuri, ta’ l-assi ta' prijorità jew tal-programm operattiv.

4. Fir-rekords tal-kontabbilta miżmuma f'konformità mal-Artikolu 60 (f) tar-Regolament ta’ bażi, kull ammont relatat ma' irregolarità rrappurtata lill-Kummissjoni skont l-Artikolu 55 għandu jiġi identifikat min-numru ta' referenza attribwit lil dik l-irregolarità jew bi kwalunkwe metodu xieraq ieħor.

Għall-finijiet ta’ l-Artikolu 59(f) tar-Regolament bażiku, ir-rekord sekwenzjali tat-tranżazzjonijiet għandu jitqies li hu adegwat fejn, jikkonforma mal-kriterji li ġejjin:

1. L-awditjar imsemmi fl-Artikolu 61(1)(b) tar-Regolament bażiku għandu jsir kull perjodu ta’ tnax-il xahar mill-1 ta’ Lulju 2008 fuq kampjun ta’ operazzjonijiet magħżula permezz ta’ metodu stabbilit jew approvat mill-awtorità ta’ l-awditjar skond l-Artikolu 43 ta’ dan ir-Regolament.

L-awditjar għandu jsir fuq il-post abbażi ta' dokumentazzjoni u rekords miżmuma mill-benefiċjarju.

3. Fejn il-problemi misjuba jidhru li huma ta’ natura sistemika u għalhekk jinvolvu riskju għal operazzjonijiet oħra permezz tal-programm operattiv, l-awtorità ta’ l-awditjar għandha tassigura li jsir aktar eżaminar, inkluż awditjar addizzjonali fejn hemm bżonn, biex tiġi stabbilita l-iskala ta’ dawk il-problemi. Għandha tittieħed l-azzjoni neċessarja preventiva u korrettiva mill-awtoritajiet responsabbli.

4. L-ispiża biss li taqa’ fl-iskop ta’ l-awditjar skond il-paragrafu 1 għandha tiġi magħduda ma’ l-ammont ta’ spiża awditjata, għall-finijiet ta’ rapportar fit-tabelli fil-punt 9 tal-Parti A ta’ l-Anness VI u punt 9 ta' Parti A ta' l-Anness VII.

1. Il-kampjun ta’ operazzjonijiet li jrid jiġi awditjat kull 12-il xahar għandu l-ewwelnett jiġi bbażat fuq metodu kampjunarju statistiku aleotorju kif stipulat fil-paragrafi 2, 3 u 4. Jistgħu jintgħażlu operazzjonijiet addizzjonali bħala kampjun komplementari kif stipulat fil-paragrafi 5 u 6.

2. Il-metodu użat biex jintgħażel il-kampjun u biex jittieħdu l-konklużjonijiet mir-riżultati għandu jqis l-istandards ta’ awditjar aċċettati internazzjonalment u jiġu dokumentati. Meta wieħed iqis l-ammont ta’ spiża, l-għadd u t-tip ta’ operazzjonijiet u fatturi oħra rilevanti, l-awtorità ta' l-awditjar għandha tiddetermina l-metodu kampjunarju statistiku adattat li jrid jiġi applikat. Il-parametri tekniċi tal-kampjun għandhom jiġu determinati skond l-Anness IV.

3. Il-kampjun li jrid jiġi awditjat kull perjodu ta’ 12-il xahar għandu jintgħażel minn dawk l-operazzjonijiet li għalihom l-ispiża ġiet dikjarata lill-Kummissjoni għall-programm operattiv matul is-sena ta' qabel dik li fiha r-rapport annwali dwar il-kontroll previst fl-Artikolu 61(1)(e)(i) tar-Regolament bażiku ġie komunikat lill-Kummissjoni. Għall-ewwel perjodu ta’ 12-il xahar, l-awtorità ta’ l-awditjar tista’ tiddeċiedi li tqiegħed fi grupp l-operazzjonijiet li għalihom ġiet dikjarata l-ispiża lill-Kummissjoni fl-2007 u fl-2008 bħala bażi għall-għażla ta’ l-operazzjonijiet li jridu jiġu awditjati.

4. L-awtorità ta’ l-awditjar għandha tagħmel il-konklużjonijiet abbażi tar-riżultati ta’ l-awditjar marbuta ma’ l-ispiża dikjarata lill-Kummissjoni matul il-perjodu msemmi fil-paragrafu 3 u tikkomunikahom lill-Kummissjoni fir-rapport ta’ kontroll annwali. Fil-programmi operattivi li għalihom ir-rata ta’ żball proġettata hi aktar mil-livell ta’ materjalità, l-awtorità ta’ l-awditjar għandha tanalizza kemm hi sinifikanti u tieħu l-azzjonijiet neċessarji, inkluż li tagħmel rakkomandazzjonijiet li għandhom jiġu komunikati fir-rapport ta’ kontroll annwali.

5. L-awtorità ta’ l-awditjar għandha regolarment tirrevedi kemm kopra l-kampjun aleotorju, fir-rigward b’mod partikolari tal-bżonn li jkun hemm assigurazzjoni suffiċjenti ta’ l-awditjar għad-dikjarazzjonijiet li jridu jingħataw fl-għeluq parzjali u finali tal-programm operattiv. Għandha tiddeċiedi abbażi tal-ġudizzju professjonali jekk hux meħtieġ li jiġi awditjat kampjun komplementari ta’ operazzjonijiet addizzjonali sabiex jitqiesu fatturi ta’ riskju speċifiċi identifikati u biex jiġi garantit għall-programm li jiġu koperti biżżejjed it-tipi differenti ta' operazzjonijiet, benefiċjarji, korpi intermedjarji u assi ta' prijorità.

6. L-awtorità ta' l-awditjar għandha tagħmel il-konklużjonijiet abbażi tar-riżultati ta' l-awditjar tal-kampjun komplementari u tikkomunikahom lill-Kummissjoni fir-rapport ta' kontroll annwali. Fejn l-għadd ta’ irregolaritajiet misjuba huwa għoli jew fejn instabu irregolaritajiet sistemiċi, l-awtorità ta' l-awditjar għandha tanalizza s-sinfikanza tagħhom u tieħu l-azzjonijiet meħtieġa inkluż li tagħmel rakkomandazzjonijiet li għandhom jiġu komunikati fir-rapport ta' kontroll annwali. Ir-riżultati ta’ l-awditjar fuq il-kampjun komplementari għandhom jiġu analizzati b’mod separat minn dawk tal-kampjun aleotorju. B'mod partikolari, l-irregolaritajiet misjuba fil-kampjun komplementari m'għandhomx jitqiesu meta tiġi kalkulata r-rata ta' żball tal-kampjun aleotorju.

1. L-istrateġija ta’ l-awditjar imsemmija fl-Artikolu 61(1)(c) tar-Regolament bażiku għandha tiġi stabbilita skond il-mudell stipulat fl-Anness V ta’ dan ir-Regolament. Għandha tiġi aġġornata u analizzata fl-aħħar ta’ kull sena u, jekk hemm bżonn, matul is-sena.

2. Ir-rapport ta’ kontroll annwali u l-opinjoni msemmija fl-Artikolu 61(1)(e) tar-Regolament bażiku għandu jiġi bbażat fuq is-sistemi ta’ awditjar u l-awditjar ta’ operazzjonijiet li saru skond l-Artikolu 61(1)(a) u (b) ta' dak ir-Regolament skond l-istrateġija ta' awditjar għall-programm operattiv u għandu jissawwar bi qbil mal-mudelli stipulati fl-Anness VI ta' dan ir-Regolament.

3. Id-dikjarazzjoni ta’ l-għeluq li hemm referenza għaliha fl-Artikolu 61(1)(f) tar-Regolament bażiku għandha tiġi bbażata fuq ix-xogħol kollu ta’ awditjar li sar mill-awtorità ta' l-awditjar jew taħt ir-responsabbiltà tagħha skond l-istrateġija ta' awditjar. Id-dikjarazzjoni ta’ l-għeluq u r-rapport ta’ kontroll finali għandhom jissawru skond il-mudell stipulat fl-Anness VII għal dan ir-Regolament.

4. Jekk hemm limitazzjoni fl-iskop ta’ l-eżaminar jew jekk il-livell ta’ spiża irregolari misjub ma jagħtix lok għall-għoti ta’ opinjoni mhux kwalifikata għall-opinjoni annwali msemmija fl-Artikolu 61(1)(e) tar-Regolament bażiku jew fid-dikjarazzjoni ta’ l-għeluq imsemmija fl-Artikolu 61(1)(f) ta’ dak ir-Regolament, l-awtorità ta’ l-awditjar għandha tagħti r-raġunijiet u tistma l-livell tal-problema u l-impatt finanzjarju tagħha.

5. F’każ ta’ għeluq parzjali ta’ programm operattiv, id-dikjarazzjoni marbuta mal-legalità u r-regolarità tat-tranżazzjonijiet koperti bid-dikjarazzjoni dwar l-ispiża msemmija fl-Artikolu 85 tar-Regolament bażiku għandha ssir mill-awtorità ta' l-awditjar skond il-mudell mogħti fl-Anness VIII ta' dan ir-Regolament u mressaq flimkien ma’ l-opinjoni msemmija fl-Artikolu 61(1)(e)(iii) tar-Regolament bażiku

1. Għall-finijiet ta’ l-Artikolu 87 tar-Regolament bażiku, l-awtorità ta' ġestjoni għandha tassigura li jeżisti rekord ta’ l-identità u tal-post fejn jinsabu l-korpi li jżommu d-dokumenti sustantivi marbuta ma’ l-ispiża u l-awditjar, li jinkludu d-dokumenti kollha meħtieġa għal rekord sekwenzjali tat-tranżazzjonijiet adegwat.

2. L-awtorità ta' ġestjoni għandha tassigura li d-dokumenti msemmija fil-paragrafu 1 ta' dan l-Artikolu jintwerew għall-ispezzjoni minn, u estratti jew kopji minnhom jingħataw mogħtija lil, persuni u korpi intitolati għalihom, inkluż talanqas l-istaff awtorizzat ta’ l-awtorità ta' ġestjoni, l-awtorità ta' ċertifikazzjoni, il-korpi intermedjarji, l-awtorità ta’ l-awditjar u l-korpi msemmija fl-Artikolu 61(3) tar-Regolament bażiku u l-uffiċjali awtorizzati tal-Komunità u r-rappreżentanti awtorizzati tagħhom.

3. L-awtorità ta' ġestjoni għandha żżomm l-informazzjoni meħtieġa għall-finijiet ta' evalwazzjoni u rapportar, inkluż l-informazzjoni msemmija fl-Artikolu 40, b’relazzjoni ma’ l-operazzjonijiet imsemmija fl-Artikolu 87(2) tar-Regolament bażiku għall-perjodu kollu msemmi fil-punt (a) tal-paragrafu (1) ta’ dak l-Artikolu.

4. Dawn li ġejjin talanqas għandhom jitqiesu bħala mezzi għaż-żamma tad-dejta normalment aċċettati kif imsemmi fl-Artikolu 87 tar-Regolament bażiku:

5. Il-proċedura għaċ-ċertifikazzjoni ta’ konformità tad-dokumenti miżmuma fuq mezzi għaż-żamma tad-dejta normalment aċċettati mad-dokument oriġinali għandha tiġi stipulata mill-awtoritajiet nazzjonali u għandha tassigura li l-verżjonijiet miżmuma għandhom jikkonformaw mar-rekwiżiti nazzjonali legali u wieħed jista' jserraħ fuqhom għal finijiet ta' awditjar.

6. Fejn id-dokumenti jeżistu f'forma elettronika biss, is-sistemi tal-kompjuter użati jridu jilħqu l-istandards ta' sigurtà aċċettabbli li jassiguraw li d-dokumenti miżmuma jikkonformaw mar-rekwiżiti legali nazzjonali u wieħed jista’ jserraħ fuqhom għal finijiet ta’ awditjar.

1. Id-dikjarazzjonijiet dwar l-ispejjeż u l-applikazzjonijiet għall-pagamenti ċertifikati kif imsemmija fl-Artikolu 60(a) tar-Regolament bażiku għandhom jissawru fil-forma kif stipulat fl-Anness IX ta’ dan ir-Regolament u jiġu trażmessi lill-Kummissjoni.

Sal-31 ta’ Marzu ta’ kull sena, l-awtorità ta' ċertifikazzjoni għandha tippreżenta dikjarazzjoni lill-Kummissjoni skont il-mudell deskritt fl-Anness X li jidentifika għal kull assi prijoritarju tal-programm operazzjonali:

Għall-finijiet tal-punti (a), (b) u (c) tal-ewwel subparagrafu, għandhom jiġu pprovduti ammonti aggregati relatati mal-irregolaritajiet irrappurtati lill-Kummissjoni skont l-Artikolu 55 għal kull assi prijoritarju.

Għall-finijiet tal-punt (d) tal-ewwel subparagrafu, kwalunkwe ammont relatat ma' irregolarità rrappurtata lill-Kummissjoni skont l-Artikolu 55 għandu jkun identifikat min-numru ta' referenza ta' dik l-irregolarità jew bi kwalunkwe metodu xieraq ieħor.

2a. Għal kull ammont imsemmi fil-punt (d) tal-paragrafu 2, l-awtorità taċ-ċertifikazzjoni għandha tindika jekk hix titlob li s-sehem tal-Komunità jinġarr mill-baġit ġenerali tal-Unjoni Ewropea.

Is-sehem tal-Komunità għandu jinġarr mill-baġit ġenerali tal-Unjoni Ewropea, fil-każ li fi żmien sena mid-data tal-preżentazzjoni tad-dikjarazzjoni, il-Kummissjoni ma twettaqx waħda minn dawn l-azzjonijiet li ġejjin:

Il-limitu ta' skadenza ta' sena ma għandux japplika f'każijiet suspettati jew stabbiliti ta' frodi.

2b. Għall-finijiet tad-dikjarazzjoni msemmija fil-paragrafu 2, l-Istati Membri li għadhom ma adottawx l-euro bħala l-munita tagħhom sad-data meta tiġi ppreżentata d-dikjarazzjoni għandhom jikkonvertu l-ammonti fil-munita nazzjonali għall-euro billi jużaw ir-rata tal-kambju msemmija fl-Artikolu 95(3) tar-Regolament ta’ bażi. Fejn l-ammonti jirrelataw man-nefqa rreġistrata fil-kontijiet tal-awtorità taċ-ċertifikazzjoni matul aktar minn xahar wieħed, tista' tintuża r-rata tal-kambju li ntużat fix-xahar li matulu n-nefqa kienet irreġistrata l-aħħar.

3. Sabiex tipproċedi għall-għeluq parzjali tal-programm operattiv, l-awtorità ta' ċertifikazzjoni għandha tissottometti lill-Kummissjoni dikjarazzjoni ta’ l-ispiża msemmija fl-Artikolu 85 tar-Regolament bażiku fil-format mogħti fl-Anness XI għal dan ir-Regolament.

Id-deskrizzjoni tas-sistemi tal-ġestjoni u kontroll għall-programm operattiv msemmija fl-Artikolu 71(1) tar-Regolament bażiku għandu jkun fiha informazzjoni dwar il-punti msemmija fl-Artikolu 57 ta’ dak ir-Regolament, u l-informazzjoni stipulata fl-Artikoli 48 u 49 tar-Regolament preżenti.

Dik l-informazzjoni għandha tiġi sottomessa skond il-mudell stipulat fil-Parti A ta’ l-Anness XII ta’ dan ir-Regolament.

Informazzjoni li tikkonċerna l-awtorità ta' ġestjoni, l-awtorità ta' ċertifikazzjoni u l-korpi intermedjarji

Fir-rigward ta’ l-awtorità ta' ġestjoni, l-awtorità ta' ċertifikazzjoni u kull korp intermedjarju l-Istat Membru għandu jipprovdi lill-Kummissjoni l-informazzjoni li ġejja:

Informazzjoni li tikkonċerna l-awtorità ta’ l-awditjar u l-korpi msemmija fl-Artikolu 61(3) tar-Regolament bażiku

Fir-rigward ta’ l-awtorità ta’ l-awditjar u l-korpi msemmija fl-Artikolu 61(3) tar-Regolament bażiku l-Istat Membru għandu jipprovdi lill-Kummissjoni bl-informazzjoni li ġejja:

1. Ir-rapport li hemm referenza għalih fl-Artikolu 71(2) tar-Regolament bażiku għandu jkun ibbażat fuq eżami tad-deskrizzjoni tas-sistemi, tad-dokumenti rilevanti li jikkonċernaw is-sistemi u tas-sistema li biha jinżammu r-rekords tal-kontijiet u d-dejta dwar l-implimentazzjoni ta’ l-operazzjonijiet u dwar intervisti ma’ l-istaff tal-korpi prinċipali meqjusa importanti mill-awtorità ta’ l-awditjar jew minn xi korp ieħor responsabbli għar-rapport sabiex tiġi kompluta, iċċarata jew verifikata l-informazzjoni.

2. L-opinjoni dwar il-konformità tas-sistemi msemmija fl-Artikolu 71(2) tar-Regolament bażiku għandha tiġi ffurmata skond il-mudell mogħti fil-Parti B ta’ l-Anness XII ta’ dan ir-Regolament.

3. Fejn is-sistema ta' ġestjoni u ta' kontroll konċernata hi essenzjalment l-istess bħal dik li hemm fis-seħħ għall-għajnuna approvata permezz tar-Regolament tal-Kunsill (KE) Nru 1083/2006 ( 22 ), għandhom jitqiesu r-riżultati ta’ l-awditjar li jkunu saru mill-awdituri nazzjonali u Komunitarji b'relazzjoni ma’ dik is-sistema bil-għan li jiġi stabbilit ir-rapport u l-opinjoni skond l-Artikolu 71(2) tar-Regolament bażiku.

1. Għall-programmi operattivi msemmija fl-Artikolu 2 ta’ dan ir-Regolament, l-awtorità ta’ l-awditjar m’għandhiex tintalab tippreżenta lill-Kummissjoni strateġija ta' l-awditjar previst fl-Artikolu 61(1)(c) tar-Regolament bażiku.

2. Għall-programmi operattivi msemmija fl-Artikolu 2 ta’ dan ir-Regolament, fejn l-opinjoni dwar il-konformità tas-sistema previst fl-Artikolu 71(2) tar-Regolament bażiku hi mingħajr riżervi, jew fejn ir-riżervi tneħħew wara li ttieħdu miżuri korrettivi, il-Kummissjoni tista' tikkonkludi:

3. Fejn il-Kummissjoni tilħaq il-konklużjoni msemmija fil-paragrafu 2 ta' dan l-Artikolu, għandha tgħarraf lill-Istat Membru konċernat b'dan.

Fejn ikun hemm evidenza li tindika n-nuqqasijiet, tista’ tirrikjedi lill-Istat Membru konċernat biex jagħmel l-awditjar skond l-Artikolu 72(3) tar-Regolament bażiku jew tista’ tagħmel l-awditjar tagħha stess permezz ta’ l-Artikolu 72(2) ta’ dak ir-Regolament.

1. Għall-programmi operattivi msemmija fl-Artikolu 2, Stat Membru jista’ wkoll barra mid-derogazzjonijiet ġenerali previsti fl-Artikolu 51, jeżerċita l-għażla li jistabbilixxi skond ir-regoli nazzjonali l-korpi u l-proċeduri biex iwettqu:

2. Fejn Stat Membru jeżerċita l-għażla msemmija fil-paragrafu 1 ta' dan l-Artikolu, m’għandux bżonn jaħtar awtorità ta' ċertifikazzjoni u awtorità ta' l-awditjar kif hemm fl-Artikolu 58(1)(b) u (c) tar-Regolament bażiku.

3. Fejn Stat Membru jeżerċita l-għażla msemmija fil-paragrafu 1 ta' dan l-Artikolu, id-dispożizzjonijiet ta’ l-Artikolu 71 tar-Regolament bażiku għandhom japplikaw mutatis mutandis.

Dispożizzjonijiet speċifiċi għall-korpi u l-proċeduri stabbiliti permezz tal-liġi nazzjonali

1. Dan l-Artikolu għandu japplika għall-programmi operattivi li għalihom Stat Membru eżerċita l-għażla previsti fl-Artikolu 52(1).

2. Il-verifiki msemmija fl-Artikolu 39(2) għandhom isiru mill-korpi nazzjonali msemmi fl-Artikolu 52(1).

3. L-awditjar ta’ l-operazzjonijiet imsemmija fl-Artikolu 61(1)(b) tar-Regolament bażiku għandu jsir skond il-proċeduri nazzjonali. Artikoli 42 u 43 ta' dan ir-Regolament m'għandhomx japplikaw.

4. Artikolu 44(2), (3), (4) u (5) ta’ dan ir-Regolament għandhom japplikaw mutatis mutandis għat-tħejjija tad-dokumenti maħruġa mill-korp nazzjonali msemmi fl-Artikolu 52(1) ta’ dan ir-Regolament.

Ir-rapport ta’ kontroll annwali u l-opinjoni annwali għandhom, jissawru billi ssegwu, kif jixraq il-mudelli mogħtija fl-Anness VI ta’ dan ir-Regolament.

5. L-obbligazzjonijiet stipulati fl-Artikolu 46(2) ta’ dan ir-Regolament għandhom isiru mill-korp nazzjonali msemmi fl-Artikolu 52(1) ta’ dan ir-Regolament.

6. Id-dikjarazzjoni dwar l-ispiża għandha tissawwar skond il-mudelli fl-Annessi IX u XI ta’ dan ir-Regolament.

7. L-informazzjoni li trid tiddaħħal fid-deskrizzjoni tas-sistemi ta' ġestjoni u kontroll imsemmija fl-Artikoli 47, 48 u 49 ta' dan ir-Regolament għandha, fejn japplika, tinkludi l-informazzjoni li tikkonċerna l-korpi nazzjonali msemmija fl-Artikolu 52(1) ta' dan ir-Regolament.

Għall-finijiet ta’ dan il-Kapitolu d-definizzjonijiet li ġejjin għandhom japplikaw:

1. Mingħajr preġudizzju għall-obbligazzjonijiet li hemm fl-Artikolu 70 tar-Regolament bażiku fi żmien xahrejn wara li jintemm kull perjodu ta' tliet xhur, l-Istati Membri għandhom jirrappurtaw lill-Kummissjoni dwar kull irregolarità li kienu riżultat ta' sejba primarja amministrattiva jew ġudizzjarja.

F’dak ir-rapport, l-Istati Membri għandhom fil-każijiet kollha jagħtu dettalji li jikkonċernaw dan li ġej:

2. Permezz ta’ deroga mill-paragrafu 1, il-każijiet li ġejjin m’hemmx għalfejn jiġu rappurtati:

Iżda, l-irregolaritajiet li jippreċedu falliment u każijiet ta' frodi suspettati jridu jiġu rappurtati.

3. Fejn parti mill-informazzjoni msemmija fil-paragrafu 1, u b’mod partikolari l-informazzjoni li tikkonċerna l-prattiki użati fit-twettiq tal-irregolarità u l-mod li bih ġiet skoperta, mhumiex disponibbli jew għandhom bżonn jitranġaw, l-Istati Membri għandhom, safejn jistgħu, jipprovdu l-informazzjoni nieqsa jew dik korretta meta jippreżentaw ir-rapporti sussegwenti ta’ kull tliet xhur dwar l-irregolaritajiet lill-Kummissjoni.

4. Jekk id-dispożizzjonijiet nazzjonali jipprovdu biex l-investigazzjonijiet ikunu kunfidenzjali, il-komunikazzjoni ta' l-informazzjoni għandha tkun tiddependi mill-awtorizzazzjoni tal-qorti jew tat-tribunal kompetenti.

5. Fejn Stat Membru m’għandu l-ebda irregolaritajiet x'jirrapporta taħt il-paragrafu 1, għandu jgħarraf lill-Kummissjoni dwar dak il-fatt fiż-żmien stipulat f'dak il-paragrafu.

Kull Stat Membru għandu jirrapporta minnufih lill-Kummissjoni u, fejn hemm bżonn, lill-Istati Membri l-oħra konċernati, dwar kwalunkwe irregolaritajiet skoperti jew li meqjusa li ġraw, fejn ikun hemm il-biża’ li:

1. B'żieda mal-informazzjoni msemmija fl-Artikolu 55(1), l-Istati Membri għandhom jinfurmaw lill-Kummissjoni fi żmien xahrejn wara l-għeluq ta' kull perjodu ta’ tliet xhur, b'referenza għal kwalunkwe rapport magħmul qabel skont dak l-Artikolu, dwar dettalji li jikkonċernaw il-bidu, il-konklużjoni jew l-abbandun ta' kwalunkwe proċedura biex jiġu imposti penali amministrattivi jew kriminali relatati mal-irregolaritajiet irrappurtati kif ukoll mal-eżitu ta' tali proċeduri.

Fir-rigward tal-irregolaritajiet li għalihom ġew imposti penali, l-Istati Membri għandhom ukoll jindikaw dan li ġej:

2. Għat-talba bil-miktub tal-Kummissjoni, l-Istat Membru għandu jipprovdi informazzjoni fir-rigward ta' irregolarità speċifika jew grupp ta' irregolaritajiet.

L-informazzjoni msemmija fl-Artikoli 55 u 56 u 57(1) ta’ dan ir-Regolament għandha tiġi sottomessa, kull meta dan ikun possibbli, b'mezzi elettroniċi, permezz tal-mudell provdut mill-Kummissjoni għal dan il-għan permezz ta' konnessjoni sigura.

Meta l-awtoritajiet kompetenti ta’ Stat Membru jiddeċiedu, fuq talba espliċita tal-Kummissjoni, biex jibdew jew jibqgħu għaddejjin bil-proċeduri ġudizzjarji bil-għan li jiġbru lura l-ammonti ta’ flus li tħallsu meta ma kienx suppost, il-Kummissjoni tista’ teħodha f’idejha li tirrifondi lura lill-Istat Membru l-ispejjeż kollha ġudizzjarji jew parti minnhom u l-ispejjeż marbuta mal-proċeduri, wara li tiġi preżentata l-evidenza dokumentata, anki fejn il-proċeduri ma jirnexxux.

1. Il-Kummissjoni għandha żżomm kuntatti adattati ma’ l-Istati Membri konċernati bil-għan li tiġi miżjuda l-informazzjoni mogħtija dwar l-irregolaritajiet imsemmija fl-Artikolu 55, dwar il-proċeduri msemmija fl-Artikolu 57, u, b’mod partikolari, dwar il-possibbiltà ta’ irkuprar.

2. Bla ħsara għall-kuntatti msemmija fil-paragrafu 1, fejn il-Kummissjoni tikkunsidra li, minħabba n-natura tal-irregolarità jistgħu jseħħu prattiki identiċi jew simili fi Stati Membri oħra, hija għandha tressaq il-kwistjoni quddiem il-Kumitat konsultattiv għall-Koordinazzjoni tal-prevenzjoni ta' frodi stabbilita bid-Deċiżjoni tal-Kummissjoni 94/140/KE ( 25 ).

Kull sena l-Kummissjoni għandha tinforma lil dak il-Kumitat u lill-kumitati msemmija fl-Artikolu 101 tar-Regolament ta’ bażi bil-mertu tal-kobor tal-irregolaritajiet li jaffettwaw il-Fond li ġew skoperti u bil-kategoriji diversi tal-irregolaritajiet, maqsuma skont it-tip u n-numru.

3. Il-Kummissjoni għandha torganizza laqgħat informattivi fuq livell Komunitarju għar-rappreżentanti ta’ l-Istati Membri sabiex teżamina magħhom l-informazzjoni miksuba skond l-Artikoli 55, 56 u 57, u l-paragrafu 1 ta' dan l-Artikolu. L-eżaminar għandu jiffoka fuq dak li wieħed irid jitgħallem mill-informazzjoni b’rabta ma’ l-irregolaritajiet, il-miżuri preventivi u l-proċeduri legali.

4. Fuq talba ta’ Stat Membru jew tal-Kummissjoni, l-Istat Membru u l-Kummissjoni għandhom jikkonsultaw lil xulxin bil-għan li jevitaw kull mod li bih wieħed jista’ jaħrab minn regoli li jippreġudikaw l-interessi Komunitarji li jibdew jidhru waqt l-infurzar tad-dispożizzjonijiet fis-seħħ.

Il-Kummissjoni tista’ tuża kull informazzjoni ta’ natura ġenerali jew operattivi mogħtija mill-Istati Membri skond dan ir-Regolament biex tagħmel analiżi tar-riskju, u tista’, abbażi ta’ l-informazzjoni miksuba, tipproduċi rapporti u tiżviluppa sistemi li jwissu minn qabel li jservu biex jidentifikaw ir-riskji b’mod aktar effettiv.

1. Fejn l-irregolaritajiet huma marbuta ma’ ammonti ta’ inqas minn EUR 10 000 li jridu jitħallsu mill-baġit ġenerali tal-Komunitajiet Ewropej, l-Istati Membri m’għandhomx jissottomettu lill-Kummissjoni l-informazzjoni prevista fl-Artikoli 55 u 57 sakemm din ma titlobhiex direttament.

2. L-Istati Membri li għadhom ma adottawx l-euro bħala l-munita tagħom sad-data meta jiġi ppreżentat ir-rapport skont l-Artikolu 55(1) għandhom jikkonvertu l-ammonti fil-munita nazzjonali għall-euro billi jużaw ir-rata tal-kambju msemmija fl-Artikolu 95 (3) tar-Regolament ta’ bażi.

Fejn l-ammonti jirrelataw man-nefqa rreġistrata fil-kontijiet tal-awtorità taċ-ċertifikazzjoni matul aktar minn xahar wieħed, tista' tintuża r-rata tal-kambju li ntużat fix-xahar li matulu n-nefqa kienet irreġistrata l-aħħar. Fejn in-nefqa ma ġietx irreġistrata fil-kontijiet tal-awtorità taċ-ċertifikazzjoni, għandha tintuża’ r-rata l-aktar riċenti tal-kambju tal-kontijiet ippubblikata b’mod elettroniku mill-Kummissjoni.

Għall-fini ta’ l-Artikoli 65 u 75 tar-Regolament bażiku għandha tiġi stabbilita sistema kompjuterizzata għall-iskambju tad-dejta bħala għodda għall-iskambju tad-dejta kollha marbuta mal-programm operattiv.

L-iskambju ta' l-informazzjoni bejn kull Stat Membru u l-Kummissjoni għandu jsir permezz ta' din is-sistema kompjuterizzata stabbilita mill-Kummissjoni li tippermetti li l-informazzjoni tiġi skambjata b'mod sikur bejn il-Kummissjoni u kull Stat Membru.

L-Istat Membru għandu jkun involut biex tkun żviluppata aktar is-sistema kompjuterizzata għall-iskambju ta' l-informazzjoni.

1. Is-sistema kompjuterizzata għall-iskambju ta’ l-informazzjoni għandu jkun fiha l-informazzjoni ta' interess komuni għall-Kummissjoni u l-Istati Membri, u talanqas id-dejta li ġejja meħtieġa għal tranżazzjonijiet finanzjarji:

2. Minbarra l-paragrafu 1, is-sistema kompjuterizzata għall-iskambju ta’ l-informazzjoni għandu jkun fiha talanqas id-dokumenti li ġejjin u l-informazzjoni li hi ta’ interess komuni li tagħti lok li jsir il-monitoraġġ:

3. Id-dejta li hemm referenza għaliha fil-paragrafi 1 u 2 għandha, fejn japplika, tiġi trażmessa fil-format mogħti fl-Annessi.

1. Il-Kummissjoni u l-awtoritajiet maħtura mill-Istat Membru skond ir-Regolament bażiku kif ukoll il-korpi li lilhom ġie delegat il-kompitu għandhom iżommu fis-sistema tal-kompjuter għall-iskabmju ta’ l-informazzjoni d-dokumenti li huma responsabbli għalihom u kull aġġornament għalihom, fil-format meħtieġ.

2. L-Istati Membri għandhom jiċċentralizzaw u jissottomettu lill-Kummissjoni t-talbiet għad-drittijiet ta’ l-aċċess għas-sistema tal-kompjuter għall-iskambju ta’ l-informazzjoni.

3. L-iskambju ta’ l-informazzjoni u t-tranżazzjonijiet għandu jkollu fuqhom firma elettronika kif definit fil-punt 1 ta' l-Artikolu 2 tad-Direttiva 1999/93/KE. L-Istati Membri u l-Kummissjoni għandhom jirrikonoxxu l-effettività legali u l-ammissibbiltà tal-firma elettronika użata fis-sistema tal-kompjuter għall-iskambju ta’ l-informazzjoni bħala evidenza fil-proċeduri legali.

4. L-ispiża biex tiġi żviluppata sistema kompjuterizzata għandha tiġi finanzjata mill-baġit ġenerali tal-Komunitajiet Ewropej skond l-Artikolu 46(1) tar-Regolament bażiku. Kull spiża ta' interface bejn is-sistema tal-kompjuter għall-iskambju ta' l-informazzjoni u sistemi tal-kompjuter nazzjonali, reġjonali u lokali u xi spejjeż biex jiġu adattati s-sistemi nazzjonali reġjonali u lokali mar-rekwiżiti li hemm fir-Regolament bażiku għandhom jkunu eliġibbli taħt l-Artikolu 46(2) ta’ dak ir-Regolament.

Trażmissjoni tad-dejta permezz tas-sistema tal-kompjuter għall-iskambju ta' l-informazzjoni

1. Is-sistema tal-kompjuter għall-iskambju ta’ l-informazzjoni għandha tkun aċċessibbli għall-Istati Membri u l-Kummissjoni jew direttament inkella permezz ta’ interface għas-sinkronizzazzjoni awtomatika u ż-żamma tad-dejta ma' sistemi ta' ġestjoni tal-kompjuter nazzjonali, reġjonali u lokali.

2. Id-data meqjusa biex jiġu mgħoddija d-dokumenti lill-Kummissjoni għandha tkun id-data li fiha l-Istat Membru jdaħħal id-dokumenti fis-sistema tal-kompjuter għall-iskambju tad-dejta.

3. F’każijiet ta’ forza maġġuri, u b’mod partikolari jekk taħdem ħażin is-sistema tal-kompjuter għall-iskambju tad-dejta jew ikun hemm nuqqas ta' konnessjoni li ttul, l-Istat Membru konċernat jista' jgħaddi lill-Kummissjoni d-dokumenti meħtieġa mir-Regolament bażiku f'forma stampata, permezz tal-forom mogħtija fl-Anness I u Annessi V sa XIV. Hekk kif tieqaf il-kawża ta’ forza maġġuri, l-Istat Membru għandu jdaħħal fis-sistema tal-kompjuter għall-iskambju tad-dejta d-dokumenti korrispondenti minnufih. Permezz ta’ deroga mill-paragrafu 2, id-data meqjusa biex jiġu sottomessi d-dokumenti għandha titqies bħala d-data li fiha jintbagħtu d-dokumenti f’forma stampata.

1. L-Istati Membri u l-Kummissjoni għandhom jieħdu l-miżuri kollha neċessarji biex ma jħallux li jkun hemm kxif mhux awtorizzat ta’ l-informazzjoni, jew aċċess għaliha, li dwarha hemm referenza fl-Artikolu 40(1), ta’ l-informazzjoni miġbura mill-Kummissjoni waqt l-awditjar tagħha, u ta’ l-informazzjoni li hemm referenza għaliha fil-Kapitolu VIII.

2. L-informazzjoni li hemm referenza għaliha fl-Artikolu 40(1) ta’ dan ir-Regolament flimkien ma’ l-informazzjoni miġbura mill-Kummissjoni waqt l-awditjar tagħha, għandha tintuża’ mill-Kummissjoni bil-għan biss li taqdi r-responsabbiltajiet tagħha skond l-Artikolu 72 tar-Regolament bażiku.

Il-Qorti Ewropea ta’ l-Awdituri u l-Uffiċċju Ewropew ta’ Kontra l-Frodi għandu jkollhom aċċess għal dik l-informazzjoni.

3. L-informazzjoni li hemm referenza għaliha fil-Kapitolu VIII m’għandhiex tintbagħat lill-persuni oħra barra dawk fl-Istati Membri jew fl-istituzzjonijiet tal-Komunità li jeħtieġu li jkollhom aċċess għaliha fil-qadi ta’ dmirijiethom, sakemm l-Istat Membru li jipprovdi dik l-informazzjoni ma jkunx qabel dwar dan.

4. Kull dejta personali mdaħħla fl-informazzjoni msemmija fil-punt (d) tat-tieni paragrafu ta' l-Artikolu 31 għandha tiġi proċessata biss għall-għan speċifikat f’dak l-Artikolu.

Ir-Regolamenti (KE) Nru 2722/2000, (KE) Nru 908/2000 u (KE) Nru 366/2001 huma mħassra. Referenzi għal dawn ir-Regolamenti mħassra għandhom jitqiesu bħala referenzi għal dan ir-Regolament.

Id-dispożizzjonijiet tar-Regolamenti mħassra taħt il-paragrafu 1 għandhom jibqgħu japplikaw għall-għajnuna approvata permezz tar-Regolament (KE) Nru 2792/1999.

Dan ir-Regolament għandu jidħol fis-seħħ fl-għoxrin jum wara li jiġi ppubblikat fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.

L-informazzjoni li hemm referenza għaliha fil-punti 3 u 4 għandha tingħata f’forma mqassra fejn tiddaħħal fi pjan strateġiku nazzjonali.

Inkludi sommarju ta’ l-evalwazzjoni ex ante li se tidentifika u tevalwa l-elementi msemmija fl-Artikolu 48 tar-Regolament (KE) Nru 1198/2006.

L-evalwazzjoni ex ante għandha tindirizza anki r-rekwiżiti ta’ l-valutazzjoni ambjentali kif provdut fid-Direttiva 2001/42/KE tal-Parlament Ewropew u tal-Kunsill ( 28 ) (“id-Direttiva tal-Valutazzjoni Strateġika Ambjentali”).

L-evalwazzjoni ex ante sħiħa għandha tiġi preżentata bħala anness mal-programm operattiv.

— Assi Prijoritarju 1: Miżuri għall-adattament tal-flotta tas-sajd Komunitarja

—

— Għajnuna pubblika biex jitwaqqfu għal kollox l-attivitajiet tas-sajd

— Deskrizzjoni tal-prijorità mogħtija lill-finanzjament tal-pjanijiet ta’ rkupru

— Deskrizzjoni tal-metodi biex jiġu kkalkulati l-poloz ta’ l-assigurazzjoni biex jitwaqqfu għal kollox l-attivitajiet tas-sajd

— Għajnuna pubblika biex jitwaqqfu temporanjament l-attivitajiet tas-sajd

— Deskrizzjoni tal-metodi biex jiġu kkalkulati l-poloz ta’ l-assigurazzjoni biex jitwaqqfu temporanjament l-attivitajiet tas-sajd

— Investiment abbord bastimenti tas-sajd u selettività

— Deskrizzjoni tal-kundizzjonijiet applikati jekk l-Istati Membri jagħżlu li jħallu li jintlaħaq tnaqqis fis-saħħa tal-magna minn grupp ta’ bastimenti u deskrizzjoni tal-mekkaniżmu mqiegħed fis-seħħ biex jissorvelja l-konformità ma’ dawn il-kundizzjonijiet.

— Deskrizzjoni tal-kriterji immirati użati biex ikun magħruf l-ammont massimu għall-ispiża totali eliġibbli li trid tiġi appoġġjata għal kull bastiment tas-sajd tul il-perjodu kollu ta' pprogrammar għall-investiment abbord bastimenti u selettività permezz ta' l-Artikolu 25 tar-Regolament (KE) Nru 1198/2006 u skond l-Artikolu 6(2) ta' dan ir-Regolament.

— Sajd kostali fuq skala żgħira

— Deskrizzjoni tal-metodi biex jiġi kkalkulat il-kumpens soċjo-ekonomiku kif hemm provdut fl-Artikolu 26(3) tar-Regolament (KE) Nru 1198/2006 favur is-sajd kostali fuq skala żgħira.

— Deskrizzjoni tal-metodi biex jiġu kkalkulati l-poloz ta’ assigurazzjoni għas-sajjieda u għal sidien il-bastimenti tas-sajd kif hemm provdut fl-Artikolu 26(4) tar-Regolament (KE) Nru 1198/2006 favur is-sajd kostali fuq skala żgħira.

— Kumpens soċjoekonomiku għall-ġestjoni tal-flotta tas-sajd tal-Komunità

— Deskrizzjoni tal-metodi biex jiġi kkalkulat il-kumpens soċjo-ekonomiku previst fl-Artikolu 27 tar-Regolament (KE) Nru 1198/2006

— Assi prijoritarju 2: Akwakultura, sajd fl-ilmijiet interni, proċessar u kummerċjalizzazzjoni tal-prodotti tas-sajd u ta’ l-akwakultura:

—

— Miżuri għal investimenti produttivi fl-akwakultura

— Deskrizzjoni ta’ kif tiġi assigurata l-prijorità għall-intrapriżi mikro u żgħar.

— Sajd fl-ilmijiet interni

— Deskrizzjoni tal-mekkaniżmi li tqiegħdu fis-seħħ li se jassiguraw li l-investimenti appoġġjati permezz ta’ l-Artikolu 33 tar-Regolament (KE) Nru 1198/2006 m’għandhomx ixekklu l-ekwilibriju bejn id-daqs tal-flotta u r-riżorsi tal-ħut korrispondenti li jeżistu.

— Deskrizzjoni tal-miżuri li jridu jittieħdu sabiex ikun assigurat li l-bastimenti li jieħdu l-għajnuna permezz ta' l-Artikolu 33 tar-Regolament (KE) Nru 1198/2006 għandhom jibqgħu joperaw esklussivament fl-ilmijiet interni.

— Deskrizzjoni tal-kriterji mmirati użati biex ikun magħruf l-ammont massimu għall-ispiża totali eliġibbli li trid tiġi appoġġjata għal kull bastiment li jopera fil-magħluq fuq il-perjodu kollha ta' programmar għall-investiment abbord bastimenti u selettività permezz ta' l-Artikolu 33 tar-Regolament (KE) Nru 1198/2006 u skond l-Artikolu 6(2) ta' dan ir-Regolament.

— Deskrizzjoni tal-metodi biex jiġu kkalkulati l-poloz ta’ l-assigurazzjoni biex jiġu assenjati mill-ġdid il-bastimenti li jaħdmu fis-sajd fl-ilmijiet interni għal attivitajiet barra s-sajd u l-miżuri li jridu jittieħdu sabiex ikun assigurat li l-bastimenti li jirċievu l-għajnuna mill-EFF ma jerġgħux jibdew joperaw fis-sajd fl-ilmijiet interni.

— Deskrizzjoni tal-metodi biex jiġu kkalkulati l-poloz ta’ l-assigurazzjoni biex jitwaqqfu temporanjament l-attivitajiet tas-sajd li hemm fl-Artikolu 33(4) tar-Regolament (KE) Nru 1198/2006.

— Investimenti fl-ipproċessar u fil-kummerċjalizzazzjoni

— Deskrizzjoni ta’ kif tiġi assigurata l-prijorità għall-intrapriżi mikro u żgħar.

— Assi prijoritarju 4: L-iżvilupp sostenibbli ta’ l-oqsma tas-sajd

— Proċeduri u kriterji biex jiġu magħżula l-oqsma tas-sajd. Ġustifikazzjoni għall-għażla taż-żoni tas-sajd li d-daqs tagħhom hu aktar mil-limiti stipulati fl-Artikolu 43(3) tar-Regolament (KE) Nru 1198/2006.

— Proċeduri, kriterji u skeda biex jintgħażlu l-gruppi, inkluż għadd indikattiv ta’ gruppi u persentaġġ ippjanat ta’ żoni tas-sajd li jridu jiġu koperti bl-istrateġiji ta’ żvilupp lokali.

— Deskrizzjoni ta’ l-arranġamenti ta' ġestjoni u ktajjen finanzjarji li jaslu sal-benefiċjarju, inkluż deskrizzjoni tal-proċeduri biex jintgħażlu l-operazzjonijiet u r-rwol u l-kompiti tal-gruppi fir-rigward tal-ġestjoni, il-monitoraġġ u s-sistemi ta' kontroll.

— Ġustifikazzjoni għall-ispejjeż tat-tħaddim fejn l-ispejjeż jeċċedu l-limitu stabbilit permezz ta' l-Artikolu 44(5) tar-Regolament (KE) Nru 1198/2006.

— Identifikazzjoni tal-miżuri eliġibbli għall-appoġġ minn aktar minn strument wieħed ta’ appoġġ Komunitarju u ġustifikazzjoni ta’ l-għażla meħuda

— Assi prijoritarju 5: Għajnuna teknika

— Ġustifikazzjoni ta’ l-azzjonijiet marbuta mat-tħejjija, monitoraġġ, evalwazzjoni, pubbliċità, kontroll u awditjar kif ukoll in-netwerking li l-ispiża tiegħu teċċedi l-livell iffissat li jidher fl-Artikolu 46(2) tar-Regolament (KE) Nru 1198/2006.

Li jridu jissawru skond l-Anness I, il-Parti B: Pjanijiet ta’ finanzjament għall-programm operattiv

Tabella I: Pjan ta’ finanzjament tal-programm operattiv li jagħti l-ammont annwali ta’ l-EFF ivvutat fil-programm operattiv separatament, fejn jixraq, għar-reġjuni eliġibbli taħt l-objettiv ta' Konverġenza u l-Objettiv mhux ta’ Konverġenza

Tabella II: Pjan għall-finanzjament tal-programm operattiv li jagħti, b'mod separat għall-perjodu kollu ta’ programmar, u għal kull assi prijoritarju, u separatament, fejn jixraq, għar-reġjuni eliġibbli taħt l-Objettiv ta’ Konverġenza u l-Objettiv mhux ta’ Konverġenza, l-ammont ta’ l-allokazzjoni finanzjarja totali ta’ l-EFF fil-programm operattiv, il-kontribuzzjoni pubblika nazzjonali u r-rata ta’ rimborż skond l-assi prijoritarju

Tabella II: Tabella Finanzjarja għall-Programm Operattiv skond l-assi prijoritarju

Fuq sfond ta’ sema blu, tnax-il stilla lewn id-deheb jiffurmaw ċirku li jirrappreżenta l-unjoni tal-popli ta’ l-Ewropa. L-għadd ta’ stilel hu ffissat, tnax huwa s-simbolu tal-perfezzjoni u l-unità.

Fuq sfond blu ċirku ta’ tnax-il mullet lewn id-deheb, il-ponot tagħhom ma jmissux.

L-emblema għandha l-forma ta’ bandiera blu rettangolari li minnha t-tperpira (wiegħsa) hija darba u nofs it-tul tal-ħabel (l-għoli). Tnax-il stilla lewn id-deheb imbiegħda indaqs jiffurmaw ċirku invisibbli li ċ-ċentru tiegħu huwa l-punt fejn jaqsmu d-dijagonali tar-rettanglu. Ir-raġġ taċ-ċirku huwa daqs terz l-għoli tal-ħabel. Kull waħda mill-istilel għandha ħames ponot li jinsabu fuq iċ-ċirkonferenza ta' ċirku invisibbli li r-rejdjus tiegħu huwa daqs wieħed minn kull tmintax tat-tul tal-ħabel (l-għoli). L-istilel kollha huma wieqfa, jiġifieri b’punt wieħed wieqaf u żewġ ponot f'linja dritta f'angoli dritti ma' l-arblu. Iċ-ċirku hu rranġat b’tali mod li l-istilel jidhru fil-pożizzjoni tas-sigħat fuq il-wiċċ ta' arloġġ. L-għadd tagħhom ma jvarjax.

LISTA TAD-DEJTA LI TRID TIĠI KKOMUNIKATA LILL-KUMMISSJONI META TINTALAB SKOND L-ARTIKOLU 40 TA DAN IR-REGOLAMENT

Id-dejta dwar l-operazzjonijiet li l-Kummissjoni tista' titlob fi kwalunkwe żmien taħt l-Artikolu 40 tinkludi l-informazzjoni li ġejja, mingħajr preġudizzju għal informazzjoni oħra meħtieġa għall-ġestjoni finanzjarja, monitoraġġ, kontroll jew evalwazzjoni u speċifikata fir-Regolament tal-Kunsill (KE) Nru 1198/2006.

Fuq talba bil-miktub tal-Kummissjoni, l-Istat Membru għandu jipprovdi lill-Kummissjoni bl-informazzjoni xierqa fi żmien (15) il-ġurnata xogħol mindu jirċievi t-talba jew xi perjodu ieħor miftiehem bil-għan li jagħmel l-ispezzjonijiet dokumentati u fuq il-post. Il-Kummissjoni tista’ titlob l-informazzjoni fuq il-livell ta’ l-operazzjonijiet, il-miżuri, l-assi prijoritarji jew tal-programm operattiv.

Deskrizzjoni qasira ta’ l-operazzjoni permezz tad-dejta mniżżla hawn wara, fejn jixraq

Deċiżjoni tal-Kummissjoni li tapprova l-programm operattiv … Nru … ta’ ../../20..

Kolonni 7 sa 10: previżjonijiet ta’ l-ispejjeż taħt l-operazzjoni skond id-deċiżjoni amministrattiva li tagħti l-għajnuna pubblika meħuda mill-awtorità ta' ġestjoni

Kolonni 11 sa 15: dejta fiżika li tikkonċerna l-operazzjoni (klassifikazzjoni u implimentazzjoni fiżika)

Kolonni 16 sa 18: informazzjoni li tikkonċerna l-implimentazzjoni finanzjarja ta’ operazzjoni – dikjarazzjoni ta’ l-ispiża eliġibbli u ta’ l-għajnuna pubblika korrispondenti

IN-NOMENKLATURA TA’ L-ASSI PRIJORITARJI, MIŻURI, AZZJONIJIET & DEJTA DWAR L-IMPLIMENTAZZJONI

Assi prijoritarju 1: Miżuri għall-adattament tal-flotta tas-sajd tal-Komunità

Assi prijoritarju 2: Akwakultura, sajd fl-ilmijiet interni, proċessar u reklamar ta’ prodotti tas-sajd u ta’ l-akwakultura

PARAMETRI TEKNIĊI GĦAL TEĦID TA’ KAMPJUNI STATISTIĊI ALEOTORJI SKOND L-ARTIKOLU 43 (TEĦID TA’ KAMPJUNI)

STRATEĠIJA MUDELL TA’ L-AWDITJAR KIF PREVIST FL-ARTIKOLU 61(1)(C) TAR-REGOLAMENT (KE) NRU 1198/2006

Mudell ta’ rapport ta’ kontroll annwali skond l-artikolu 61(1)(e)(i) tar-regolament (ke) nru 1198/2006 u artikolu 44(2) tar-regolament preżenti

6. KO-ORDINAZZJONI BEJN IL-KORPI TA’ L-AWDITJAR U X-XOGĦOL TA’ SUPERVIŻJONI TA’ L-AWTORITA’ TA’ L-AWDITJAR

Opinjoni annwali mudell skond l-artikolu 61(1)(e)(ii) tar-regolament (ke) nru 1198/2006 u l-artikolu 44(2) ta' dan ir-regolament

Jiena, hawn taħt iffirmat, li nirrappreżenta (isem il-korp maħtur mill-Istat Membru), eżaminajt kif jaħdmu s-sistemi tal-ġestjoni u ta’ kontroll fil-programm operattiv (isem il-programm operattiv, in-numru tal-kodiċi CCI, il-perjodu), sabiex noħroġ opinjoni dwar jekk is-sistemi ħadmux b'mod effettiv sabiex nagħti assigurazzjoni raġonevoli li d-dikjarazzjonijiet dwar l-ispejjeż preżentati lill-Kummissjoni huma korretti u konsegwenza ta' hekk nagħti assigurazzjoni raġonevoli li t-tranżazzjonijiet marbuta magħhom huma legali u regolari.

L-eżaminar sar skond l-istrateġija ta’ awditjar fir-rigward ta’ dan il-programm matul il-perjodu 1 ta’ Lulju sat-30 ta’ Ġunju (sena) u rrappurtat fir-rapport ta’ kontroll annwali mehmuż skond l-Artikolu 61(1)(e)(i) tar-Regolament (KE) Nru 1198/2006.

(Indika kwalunkwe limitazzjoni fuq l-iskop ta’ l-eżaminar, per eżempju xi problemi sistemiċi, difetti fis-sistema ta’ ġestjoni u kontroll, nuqqas ta’ dokumentazzjoni li tappoġġja, każijiet li għaddejjin minn proċeduri legali, eċċ. u istma l-ammonti ta’ spejjeż u l-kontribuzzjoni Komunitarja affettwati. Jekk l-awtorità ta’ l-awditjar ma tqisx li l-limitazzjonijiet għandhom impatt fuq l-ispejjeż finali dikjarati, dan għandu jiġi dikjarat.)

Abbażi ta’ l-eżaminar imsemmi hawn fuq, jiena tal-fehma li għall-perjodu msemmi hawn fuq is-sistema tal-ġestjoni u kontroll imwaqqfa għall-programm … (isem il-programm operattiv, in-numru tal-kodiċi CCI, perjodu) ikkonformat mar-rekwiżiti applikabbli ta’ l-Artikoli 57 sa 61 tar-Regolament (KE) Nru 1198/2006 u Kapitolu VII tar-Regolament tal-Kunsill (KE) Nru 498/2007 ( 30 ) u ħadmet b'mod effettiv sabiex tingħata assigurazzjoni raġonevoli li d-dikjarazzjonijiet ta’ l-ispejjeż preżentati lill-Kummissjoni huma korretti u bħala konsegwenza huma assigurazzjoni raġonevoli li t-tranżazzjonijiet marbuta magħhom huma legali u regolari.

Abbażi ta’ l-eżaminar imsemmi hawn fuq, jiena tal-fehma li għall-perjodu msemmi hawn fuq is-sistemi ta' ġestjoni u ta' kontroll imwaqqfa għall-programm … (isem il-programm operattiv, in-numru tal-kodiċi CCI, il-perjodu) ikkonformaw mar-rekwiżiti applikabbli ta’ l-Artikoli 57 sa 61 tar-Regolament (KE) Nru 1198/2006 u tal-Kapitolu VII tar-Regolament (KE) Nru 498/2007 u ħadmu b’mod effettiv sabiex jagħtu assigurazzjoni raġonevoli li d-dikjarazzjonijiet ta’ l-ispejjeż ippreżentati lill-Kummissjoni huma korretti u konsegwenza ta’ hekk hemm assigurazzjoni raġonevoli li t-tranżazzjonijiet marbuta magħhom huma legali u regolari minbarra fl-ambiti li ġejjin ( 31 ):

Ir-raġunijiet biex wieħed iqis li dan (dawn) l-aspett(i) tas-sistemi ma kkonformawx mar-rekwiżiti u/jew ma operawx b'tali mod li jagħtu assigurazzjoni raġonevoli li d-dikjarazzjonijiet dwar l-ispejjeż preżentati lill-Kummissjoni huma korretti kif ġej … ( 32 ).

Jiena nistma li l-impatt tal-kwalifikazzjoni(jiet) huwa … ta’ l-ispiża totali dikjarata. Il-kontribuzzjoni Komunitarja affettwata hi għalhekk …

Abbażi ta’ l-eżaminar imsemmi hawn fuq, jiena tal-fehma li għall-perjodu msemmi hawn fuq is-sistema ta' ġestjoni u ta' kontroll imwaqqfa għall-programm … (isem il-programm operattiv, in-numru tal-kodiċi CCI, perjodu) ma kkonformatx mar-rekwiżiti ta’ l-Artikoli 57 sa 61 tar-Regolament (KE) Nru 1198/2006 u l-Kapitolu VII tar-Regolament tal-Kummissjoni (KE) Nru 498/2007 u ma ħadmitx b’mod effettiv sabiex tingħata assigurazzjoni raġonevoli li d-dikjarazzjonijiet dwar l-ispejjeż ippreżentati lill-Kummissjoni huma korretti u, konsegwenza ta’ hekk, ma jagħtux assigurazzjoni raġonevoli li t-tranżazzjonijiet marbuta magħhom huma legali u regolari.

RAPPORT MUDELL DWAR IL-KONTROLL FINALI U DIKJARAZZJONI TA’ L-GĦELUQ GĦALL-PROGRAMM OPERATTIV SKOND L-ARTIKOLU 61(1) (F) TAR-REGOLAMENT (KE) NRU 1198/2006 U L-ARTIKOLU 44(3) TA' DAN IR-REGOLAMENT

2. TIBDIL FIS-SISTEMI TA’ ĠESTJONI U TA’ KONTROLL U FL-ISTRATEĠIJA TA’ AWDITJAR ( 34 )

3. TAQSIRA TA’ L-AWDITJAR LI JSIR TAĦT L-ARTIKOLU 61(1) (A) U (B) TAR-REGOLAMENT TAL-KUNSILL (KE) NRU 1198/2006 U ARTIKOLU 43 TAR-REGOLAMENT PREŻENTI

5. XOGĦOL ADDIZZJONALI MAGĦMUL MILL-AWTORITA’ TA’ L-AWDITJAR FI TĦEJJIJA TAD-DIKJARAZZJONI TAGĦHA TA’ L-GĦELUQ

6. LIMITAZZJONJIET DWAR L-ISKOP TA’ L-EŻAMINAR MILL-AWTORITA’ TA’ L-AWDITJAR

Jiena, hawn taħt iffirmat, … li nirrappreżenta (isem il-korp maħtur mill-Istat Membru), għall-programm operattiv … (isem il-programm operattiv, in-numru tal-kodiċi CCI, il-perjodu) eżaminajt ir-riżultati tax-xogħol ta’ l-awditjar li sar fuq dan il-programm mill-awtorità ta’ l-awditjar jew taħt ir-responsabbiltà tagħha skond l-istrateġija ta’ l-awditjar [u għamlu x-xogħol addizzjonali li qist li hu neċessarju]. Ir-riżultati ta’ l-eżaminar u x-xogħol addizzjonali li għamilt huma mogħtija fil-qosor fir-rapport ta’ kontroll finali mehmuż (li fih ukoll l-informazzjoni meħtieġa fir-rapporti ta’ kontroll annwali għall-perjodu 1 ta’ Jannar 2015 sal-31 ta’ Diċembru 2016). Jiena ppjanat u għamilt dan ix-xogħol bil-għan li nikseb assigurazzjoni raġonevoli dwar jekk l-applikazzjoni għal pagament għall-bilanċ tal-kontribuzzjoni Komunitarja għall-programm hiex korretta u valida u t-tranżazzjonijiet marbuta magħhom koperti bid-dikjarazzjoni finali dwar l-ispejjeż humiex legali u regolari.

L-eżaminar sar skond l-istrateġija ta’ l-awditjar fir-rigward ta’ dan il-programm u ġie rappurtat fir-rapport ta’ kontroll finali mehmuż taħt l-Artikolu 61(1)(f) tar-Regolament (KE) Nru 1198/2006.

(Indika kwalunkwe limitazzjoni fuq l-iskop ta’ l-eżaminar, per eżempju xi problemi sistemiċi, difetti fis-sistema ta’ ġestjoni u kontroll, nuqqas ta' dokumentazzjoni li tappoġġja, każijiet għaddejjin minn proċeduri legali, eċċ., u istma l-ammonti ta' spejjeż u l-kontribuzzjoni Komunitarja affettwata. Jekk l-awtorità ta’ l-awditjar ma tqisx li l-limitazzjonijiet għandhom impatt fuq l-ispejjeż finali dikjarati, dan għandu jiġi dikjarat.)

Il-każijiet ta’ l-irregolarità u r-rati ta’ żbalji misjuba fix-xogħol ta’ awditjar mhumiex tali li jipprekludu opinjoni mhux kwalifikata minħabba l-mod sodisfaċenti li bih ġew ittrattati mill-awtorità ta' ġestjoni u x-xejra fil-livell ta’ kif ġraw tul iż-żmien.

Il-każijiet ta’ irregolarità u r-rati ta’ żbalji misjuba fix-xogħol ta’ l-awditjar u l-mod li bih ġew trattati mill-awtorità ta' ġestjoni huma tali li jipprekludu opinjoni mhux kwalifikata. Lista ta’ dawn il-każijiet hi mogħtija fir-rapport ta’ kontroll finali, flimkien ma’ indikazzjoni tal-karattru sistemiku possibbli tagħhom u l-iskala tal-problema. L-ammonti ta’ l-ispejjeż totali dikjarati u l-kontribuzzjoni pubblika li jistgħu jiġu affettwati huma … rispettivament. Konsegwenza ta’ hekk, il-kontribuzzjoni Komunitarja korrispondenti li tista’ tkun affettwata hija …

Jekk ma kienx hemm limitazzjonijiet dwar l-iskop ta’ l-eżaminar u l-każijiet tar-rati ta' irregolarità u żball u l-mod li bih ġew ittrattati mill-awtorità ta' ġestjoni ma jipprekludux opinjoni mhux kwalifikata:

Abbażi ta’ l-eżaminar imsemmi hawn fuq, jiena tal-fehma li d-dikjarazzjoni finali dwar l-ispejjeż tippreżenta b'mod ġust, fl-ambitu materjali kollu, l-ispiża mħallsa permezz tal-programm operattiv, li l-applikazzjoni għall-pagament tal-bilanċ tal-kontribuzzjoni Komunitarja għal dan il-programm huwa validu u li t-tranżazzjonijiet marbuta magħhom koperti bid-dikjarazzjoni ta’ l-ispejjeż finali huma legali u regolari.

Jekk kien hemm limitazzjonijiet dwar l-iskop ta’ l-eżaminar u/jew każijiet ta’ irregolarità u rati ta’ żbalji u l-mod li bih ġew ittrattati mill-awtorità ta' ġestjoni jitlob għall-opinjoni kwalifikata iżda ma jiġġustifikawx opinjoni mhux favorevoli għall-ispiża kollha konċernata:

Abbażi ta’ l-eżaminar imsemmi hawn fuq, jiena tal-fehma li l-istqarrija finali dwar l-infiq tippreżenta b’mod ġust, fir-rispetti materjali kollha, l-infiq imħallas permezz tal-programm operattiv, li l-applikazzjoni għall-pagament tal-bilanċ tal-kontribuzzjoni Komunitarja għal dan il-programm hija valida u li t-tranżazzjonijiet marbuta magħhom koperti bid-dikjarazzjoni finali ta’ l-ispejjeż huma legali u regolari, ħlief fir-rigward tal-materji msemmija fil-punt 2 hawn fuq u/jew għall-osservazzjonijiet fil-punt 3 li jirrigwardaw ir-rati ta’ żbalji u l-każijiet ta’ irregolarità u l-mod li bih ġew trattati mill-awtorità ta' ġestjoni, liema impatt huwa kwantifikat hawn fuq. Jiena nistma l-impatt ta’ dawn il-kwalifikazzjonijiet li huma … ta’ l-ispiża totali dikjarata. Il-kontribuzzjoni Komunitarja affettwata hi għalhekk …

Jekk kien hemm limitazzjonijiet maġġuri fuq l-iskop ta’ l-eżaminar ir-rati ta’ żbalji u l-każijiet ta’ l-irregolarità u l-mod li bih ġew trattati mill-awtorità ta' ġestjoni huma tali li l-ebda konklużjoni ma tista’ tintlaħaq fuq il-kontabbiltà tad-dikjarazzjoni finali ta' l-ispejjeż mingħajr ma jsir aktar xogħol sew:

Abbażi ta’ l-eżaminar imsemmi hawn fuq, u b’mod partikolari minħabba l-materji msemmija fil-punt 2 u/jew ir-rati ta’ żbalji u l-każijiet ta' irregolarità u l-fatt li ma ġewx trattati b'mod sodisfaċenti mill-awtorità ta' ġestjoni kif irrappurtat fil-punt 3, jiena tal-fehma li d-dikjarazzjoni finali dwar l-ispejjeż ma tippreżentax b'mod ġust, fir-rigward tal-materjal kollu, l-ispejjeż imħallsa permezz tal-programm operattiv, li, konsegwentement, l-applikazzjoni għall-pagament tal-bilanċ tal-kontribuzzjoni Komunitarja għal dan il-programm mhix valida u li t-tranżazzjonijiet marbuta magħha koperti bid-dikjarazzjoni finali dwar l-ispejjeż mhumiex legali u regolari …

DIKJARAZZJONI MUDELL GĦALL-GĦELUQ PARZJALI TAL-PROGRAMM OPERATTIV TAĦT L-ARTIKOLU 44(5) TA' DAN IR-REGOLAMENT

L-awtorità tal-ġestjoni tal-programm … (isem il-programm operattiv, in-numru tal-kodiċi CCI, perjodu) issottomiet dikjarazzjoni dwar l-ispejjeż marbuta ma' l-operazzjonijiet [mitmuma kif deher fil-… (data li fiha ntemmu l-operazzjonijiet)/mitmuma bejn … u … (dati li bejniethom tlestew l-operazzjonijiet] u qed tapplika għal għeluq parzjali tal-programm taħt l-Artikolu 85(2)(b) tar-Regolament (KE) Nru 1198/2006 għal dawn l-operazzjonijiet.

Jiena, hawn taħt iffirmat, li nirrappreżenta (isem il-korp maħtur mill-Istat Membru), eżaminajt ir-riżultati tax-xogħol ta' l-awditjar li sar fuq dan il-programm kif stipulat fir-rapporti ta' kontroll annwali u l-opinjonijiet annwali maħruġa taħt l-Artikolu 61(1)(e)(i) u (ii) tar-Regolament (KE) Nru 1198/2006 għas-sena/snin …

Jiena ppjanajt u għamilt dan ix-xogħol bil-għan li nikseb assigurazzjoni raġonevoli dwar jekk id-dikjarazzjoni dwar l-ispejjeż konċernati hiex korretta u valida u t-tranżazzjonijiet marbuta magħha koperti bid-dikjarazzjoni dwar l-ispejjeż humiex legali u regolari.

Abbażi ta’ l-eżaminar imsemmi hawn fuq, jiena tal-fehma li d-dikjarazzjoni dwar l-ispejjeż fuq l-operazzjonijiet mitmuma sottomessi mill-awtorità ta' ġestjoni għall-programm … (isem il-programm operattiv, in-numru tal-kodiċi CCI, perjodu) għall-fini ta' l-għeluq parzjali tal-programm fir-rigward ta' l-operazzjoni [mitmuma fil-…/mitmuma bejn … u …] tippreżenta b'mod ġust, fir-rigward tal-materjal kollu, l-ispejjeż imħallsa u t-tranżazzjonijiet marbuta magħhom huma legali u regolari.

Ċertifikat u dikjarazzjoni dwar l-ispejjeż u applikazzjoni għall-pagament interim

Ċertifikat u dikjarazzjoni ta' l-ispejjeż u applikazzjoni għal pagament finali

DIKJARAZZJONI ANNWALI DWAR L-AMMONTI RTIRATI U RKUPRATI, IRKUPRAR PENDENTI U AMMONTI LI MA JISTGĦUX JIĠU RKUPRATI SKONT L-ARTIKOLU 46(2)

1. Ammonti rtirati għas-sena 20… imnaqqsa minn dikjarazzjonijiet tan-nefqa għal reġjuni eliġibbli:

Irtirar (1)
Taħt l-objettiv tal-konverġenza
a	b	c	d	e	f	g
L-assi prijoritarju	L-ammont totali f’EUR ta’ nefqa mħallsa mill-benefiċjarji li ġie rtirat (2)	Il-kontribuzzjoni pubblika korrispondenti rtirata f’EUR	Il-kontribuzzjoni tal-FES korrispondenti rtirata f’EUR (3)	L-ammont totali f’EUR ta’ nefqa rtirata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (4)	L-ammont f’EUR ta’ kontribuzzjoni pubblika korrispondenti relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007	L-ammont f’EUR ta’ kontribuzzjoni tal-FES korrispondenti relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (5)
1
2
3
4
5
Total
Taħt l-objettiv li mhux tal-Konverġenza
a	b	c	d	e	f	g
L-assi prijoritarju	L-ammont totali f’EUR ta’ nefqa mħallsa mill-benefiċjarji li ġie rtirat (2)	Il-kontribuzzjoni pubblika korrispondenti rtirata f’EUR	Il-kontribuzzjoni tal-FES korrispondenti rtirata (3) f’EUR	L-ammont totali f’EUR ta’ nefqa rtirata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (4)	L-ammont f’EUR ta’ kontribuzzjoni pubblika korrispondenti relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007	L-ammont f’EUR ta’ kontribuzzjoni tal-FES korrispondenti relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (5)
1
2
3
4
5
Total
(1) Din it-tabella (irtirar) għandha timtela’ b’rabta man-nefqa li diġà ġiet iddikjarata lill-Kummissjoni u li ġiet irtirata mill-programm wara li ġiet skoperta l-irregolarità. Jekk timtela’ t-tabella 1, ma hemmx bżonn li wieħed jimla’ t-tabelli 2, 3 u 4. (2) Dan l-ammont huwa l-ammont totali tan-nefqa li diġà ġiet iddikjarata lill-Kummissjoni, li ġie affettwat minn irregolaritajiet u li ġie rtirat. (3) Dan l-ammont huwa l-parti FES tan-nefqa li diġà ġiet iddikjarata lill-Kummissjoni, li kien affettwat minn irregolaritajiet u li ġie rtirat. (4) Dan l-ammont huwa l-parti tal-ammont fil-kolonna b) li ġie rrapportat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007. (5) Dan l-ammont huwa l-parti tal-ammont fil-kolonna d) li ġie rrapportat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007.

2. Ammonti rkuprati għas-sena 20… imnaqqsa minn dikjarazzjonijiet tan-nefqa għal reġjuni eliġibbli:

Irkupri (1)
Taħt l-objettiv tal-konverġenza
h	i	j	k	l	m	n
L-assi prijoritarju	L-ammont totali f’EUR ta’ nefqa mħallsa mill-benefiċjarji (2)	Il-kontribuzzjoni pubblika rkuprata (3) f’EUR	Il-kontribuzzjoni tal-FES korrispondenti rkuprata (4) f’EUR	L-ammont totali f’EUR ta’ nefqa rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (5)	L-ammont f’EUR ta’ kontribuzzjoni pubblika rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (6)	L-ammont f’EUR ta’ nefqa korrispondenti tal-FES irkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (7)
1
2
3
4
5
Total
Taħt l-objettiv li mhux tal-Konverġenza
h	i	j	k	l	m	n
L-assi prijoritarju	L-ammont totali f’EUR ta’ nefqa mħallsa mill-benefiċjarji (2)	Il-kontribuzzjoni pubblika rkuprata (3) f’EUR	Il-kontribuzzjoni tal-FES korrispondenti rkuprata (4) f’EUR	L-ammont totali f’EUR ta’ nefqa rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (5)	L-ammont f’EUR ta’ kontribuzzjoni pubblika rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (6)	L-ammont f’EUR ta’ nefqa korrispondenti tal-FES irkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (7)
1
2
3
4
5
Total
(1) Din it-tabella (irkupri) għandha timtela b’rabta man-nefqa li għalissa tħalliet fil-programnm sakemm isir magħruf ir-riżultat tal-proċedimenti dwar l-irkupru u li kien imnaqqas wara l-irkupru. Jekk timtela’ t-tabella 2, ma hemmx bżonn li wieħed jimla’ t-tabelli 1, 3 u 4 ta’ dan l-anness. (2) Dan l-ammont huwa l-ammont totali tan-nefqa li diġà ġiet iddikjarata lill-Kummissjoni, li kien affettwat minn irregolaritajiet u li fir-rigward tagħhom il-kontribuzzjoni pubblika korrispondenti kienet rkuprata. (3) Dan huwa l-ammont ta’ kontribuzzjoni pubblika rkuprat b’mod effettiv mill-benefiċjarju. (4) Dan l-ammont huwa l-parti korrispondenti tal-FES tan-nefqa li diġà ġiet iddikjarata lill-Kummissjoni, li kien affettwat minn irregolaritajiet u li kien irkuprat. (5) Dan l-ammont huwa l-parti tal-ammont fil-kolonna i) li ġie rrappurtat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007. (6) Dan l-ammont huwa l-parti tal-ammont fil-kolonna j) li kien irrappurtat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007. (7) Dan l-ammont huwa l-parti tal-ammont fil-kolonna k) li kien irrappurtat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007.

3. L-irkupri pendenti fil-31.12.20…

Konverġenza
a	b	c	d	e	f	g	h
L-assi prijoritarju	Is-sena tat-tnedija tal-proċedimenti ta’ rkupru	L-ammont totali f’EUR ta’ nefqa eliġibbli mħallsa mill-benefiċjarji (1)	Il-kontribuzzjoni pubblika li trid tigi rkuprata (2) f’EUR	Il-kontribuzzjoni tal-FES korrispondenti li trid tigi rkuprata (3) f’EUR	L-ammont totali f’EUR ta’ nefqa relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (4)	L-ammont f’EUR ta’ kontribuzzjoni pubblika li trid tiġi rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (5)	L-ammont f’EUR ta’ nefqa korrispondenti tal-FES li trid tiġi rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (6)
1	2007
	2008
	…
2	2007
	2008
	…
3	2007
	2008
Total
Mhux ta' Konverġenza
a	b	c	d	e	f	g	h
L-assi prijoritarju	Is-sena tat-tnedija tal-proċedimenti ta’ rkupru	L-ammont totali f’EUR ta’ nefqa eliġibbli mħallsa mill-benefiċjarji (1)	Il-kontribuzzjoni pubblika li trid tigi rkuprata (2) f’EUR	Il-kontribuzzjoni tal-FES korrispondenti li trid tigi rkuprata (3) f’EUR	L-ammont totali f’EUR ta’ nefqa relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (4)	L-ammont f’EUR ta’ kontribuzzjoni pubblika li trid tiġi rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (5)	L-ammont f’EUR ta’ nefqa korrispondenti tal-FES li trid tiġi rkuprata relatat ma’ irregolaritajiet irrappurtati skont l-Artikolu 55(1) tar-Regolament (KE) Nru 498/2007 (6)
1	2007
	2008
	…
2	2007
	2008
	…
3	2007
	2008
Total
(1) Dan l-ammont huwa n-nefqa mħallsa mill-benefiċjarju u li jikkorrispondi għall-kontribuzzjoni pubblika fil-kolonna d). (2) Din hija l-kontribuzzjoni pubblika suġġetta għal proċedimenti ta’ rkupru fil-livell tal-benefiċjarju. (3) Din hija l-kontribuzzjoni tal-FES suġġetta għal proċedimenti ta’ rkupru fil-livell tal-benefiċjarju (4) Dan l-ammont jirrelata għall-parti tal-ammont fil-kolonna c) li kien irrappurtat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007. (5) Dan l-ammont jirrelata għall-parti tal-ammont fil-kolonna d) li kien irrappurtat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007. (6) Dan l-ammont jirrelata għall-parti tal-ammont fil-kolonna e) li kien irrappurtat bħala irregolari skont il-proċeduri ta’ rappurtar stabbiliti fl-Artikolu 55 tar-Regolament (KE) Nru 498/2007.

4. L-ammonti li ma jistgħux jiġu rkuprati fil-31.12.20..

Konverġenza
a	b	c	d	e	f	g	h	i	j	k	l
In-numru tal-operazzjoni	L-assi prijoritarju	In-numru ta' identifikazzjoni tal-irregolarità jekk applikabbli (1)	Is-sena tat-tnedija tal-proċedimenti ta’ rkupru	In-nefqa totali mħallsa f’EUR mill-benefiċjarji ddikjarati li ma jistgħux jiġu rkuprati (2)	Il-kontribuzzjoni pubblika ddikjarata li ma tistax tiġi rkuprata (3) f’EUR	Il-kontribuzzjoni tal-FES korrispondenti ddikjarata li ma tistax tiġi rkuprata (4) f’EUR	Id-data tal-aħħar pagament ta’ kontribuzzjoni pubblika lill-benefiċjarju	Id-data li fiha ġie ddikjarat li l-ispejjeż ma jistgħux jiġu rkuprati	Ir-raġuni għaliex ma jistgħux jiġu rkuprati	Il-miżuri ta’ rkupru meħuda inkluża d-data tal-ordni ta’ rkupru	Indika jekk is-sehem tal-Komunità għandux jitħallas mill-baġit tal-UE (Iva/Le)
X			20..
Y			20..
Z			20..









		Total
Mhux ta' Konverġenza
a	b	c	d	e	f	g	h	i	j	k	l
In-numru tal-operazzjoni	L-assi prijoritarju	In-numru ta' identifikazzjoni tal-irregolarità jekk applikabbli (1)	Is-sena tat-tnedija tal-proċedimenti ta’ rkupru	In-nefqa totali mħallsa f’EUR mill-benefiċjarji ddikjarati li ma jistgħux jiġu rkuprati (2)	Il-kontribuzzjoni pubblika ddikjarata li ma tistax tiġi rkuprata (3) f’EUR	Il-kontribuzzjoni tal-FES korrispondenti ddikjarata li ma tistax tiġi rkuprata (4) f’EUR	Id-data tal-aħħar pagament ta’ kontribuzzjoni pubblika lill-benefiċjarju	Id-data li fiha ġie ddikjarat li l-ispejjeż ma jistgħux jiġu rkuprati	Ir-raġuni għaliex ma jistgħux jiġu rkuprati	Il-miżuri ta’ rkupru meħuda inkluża d-data tal-ordni ta’ rkupru	Indika jekk is-sehem tal-Komunità għandux jitħallas mill-baġit tal-UE (Iva/Le)
X			20..
Y			20..
Z			20..









		Total
(1) Dan huwa n-numru ta’ referenza attribwit lill-irregolarità jew identifikazzjoni oħra msemmija fl-Artikolu 40(4) tar-Regolament (KE) Nru 498/2007. (2) Dan l-ammont huwa l-ammont ta’ nefqa mħallas mill-benefiċjarju u li jikkorrispondi għall-kontribuzzjoni pubblika fil-kolonna f). (3) Dan huwa l-ammont ta' kontribuzzjoni pubblika mħallas li dwaru kien stabbilit li ma setax jiġi rkuprat jew li mhuwiex mistenni jiġi rkuprat. (4) Dan huwa l-ammont ta’ kontribuzzjoni tal-FES imħallas li dwaru kien stabbilit li ma setax jiġi rkuprat jew li mhuwiex mistenni jiġi rkuprat.

DIKJARAZZJONI MUDELL TA’ L-ISPEJJEŻ GĦAL GĦELUQ PARZJALI TAĦT L-ARTIKOLU 46(3)

Dikjarazzjoni ta’ l-ispejjeż skond l-assi prijoritarju għal għeluq parzjali

Spejjeż totali eliġibbli ċertifikati ta’ operazzjonijiet mitmuma bejn …/…/ u 31/12 [sena] fir-reġjuni eliġibbli taħt l-Objettiv ta’ Konverġenza:

Spejjeż totali eliġibbli ċertifikati ta’ operazzjonijiet mitmuma bejn …/…/ u 31/12 [sena] fir-reġjuni eliġibbli taħt l-Objettiv mhux ta’ Konverġenza:

DESKRIZZJONI TAS-SISTEMI TA’ ĠESTJONI U TA’ KONTROLL TAĦT L-ARTIKOLU 71 TAR-REGOLAMENT (KE) NRU 1198/2006 U L-ARTIKOLU 47 TAR-REGOLAMENT PREŻENTI

1.3. Struttura tas-sistema (informazzjoni ġenerali u ċart tal-proċess li turi r-relazzjoni fl-organizzazzjoni bejn il-korpi involuti fis-sistemi tal-ġestjoni u ta’ kontroll)

1.4. Gwida mogħtija lill-awtoritajiet ta' ġestjoni u li jiċċertifikaw u korpi intermedjarji biex jassiguraw ġestjoni finanzjarja ta’ l-EFF. (data u referenza)

2.3. F’każijiet fejn l-awtorità ta' ġestjoni u l-awtorità ta' ċertifikazzjoni huma t-tnejn maħtura fl-istess korp iddeskrivi kif jiġi assigurat il-firda tal-funzjonijiet

2.4. Xiri Pubbliku, Għajnuna mill-Istat, Opportunitajiet Indaqs u regoli Ambjentali

NB: Din it-taqsima għandha timtela separatament għal kull korp intermedjarju. Indika l-awtorità li ddelegat il-funzjoni lill-korpi intermedjarji

5.1. Deskrizzjoni tal-kompiti ewlenin u relazzjonijiet interni ta’ l-awtorità ta’ l-awditjar u l-korpi li jagħmlu l-awditjar taħt ir-responsabbiltà ta’ l-awtorità ta’ l-awditjar

5.2. Organizzazzjoni ta’ l-awtorità ta’ l-awditjar u l-korpi taħt ir-responsabbiltà tagħha

5.3. Rapport ta’ kontroll annwali, opinjoni annwali u dikjarazzjoni ta’ l-għeluq

Deskrizzjoni tal-proċeduri għat-tħejjija tar-rapport ta’ kontroll annwali, opinjoni annwali u dikjarazzjoni ta’ l-għeluq

6.1. Deskrizzjoni tas-sistema ta’ l-informazzjoni li tinkludi ċart tal-proċess (sistema tan-netwerk ċentrali jew komuni jew sistema diċentralizzata b’rabtiet bejn is-sistemi)

6.2. Indikazzjoni dwar jekk is-sistema hiex diġà qed taħdem biex tinkiseb informazzjoni finanzjarja u statistika affidabbli dwar l-implimentazzjoni tal-programmi ta’ l-2007-2013

Opinjoni mudell maħruġa taħt l-Artikolu 71(2) tar-Regolament (KE) Nru 1198/2006 u taħt l-Artikolu 50 ta' dan ir-Regolament dwar il-konformità tas-sistemi ta’ ġestjoni u ta’ kontroll

Jiena, hawn taħt iffirmat li nirrappreżenta (isem l-awtorità ta’ l-awditjar jew il-korp li jaħdem b’mod indipendenti maħtur mill-Istat Membru permezz ta’ l-Artikolu 71(3) tar-Regolament tal-Kunsill (KE) Nru 1198/2006, bħala l-korp responsabbli biex infassal ir-rapport li jagħti r-riżultati ta’ valutazzjoni tas-sistemi ta’ ġestjoni u ta’ kontroll imwaqqfa għall-programm … (isem il-programm operattiv, in-numru tal-kodiċi CCI, perjodu) u biex nagħti opinjoni dwar il-konformità ma' l-Artikoli 57 sa 61 tar-Regolament tal-Kunsill (KE) Nru 1198/2006 għamilt eżaminar skond l-Artikolu 50 tar-Regolament (KE) Nru 498/2007.

L-eżaminar kien ibbażat fuq id-deskrizzjoni tas-sistemi tal-ġestjoni u ta’ kontroll riċevuta fil-jj/xx/ssss minn (isem il-korp/korpi li jissottomettu d-deskrizzjoni). Barra minn hekk, eżaminajna aktar l-informazzjoni konċernata (suġġetti) u intervistajna l-istaff tal-(korpi li l-istaff tagħhom kien intervistat).

L-eżaminar kopra l-awtoritajiet li jmexxu, li jiċċertifikaw u li jawditjaw, il-korp maħtur biex jirċievi l-pagamenti magħmula mill-Kummissjoni u biex jagħmlu l-pagamenti lill-benefiċjarji u l-korpi intermedjarji li ġejjin (lista …).

Abbażi ta’ l-eżaminar imsemmi hawn fuq, jiena tal-fehma li s-sistemi ta’ ġestjoni u ta’ kontroll imwaqqfa għall-programm … (isem il-programm operattiv, in-numru tal-kodiċi CCI, perjodu) jikkonformaw mar-rekwiżiti ta’ l-Artikoli 57 sa 61 tar-Regolament tal-Kunsill (KE) Nru 1198/2006 u Kapitolu VII tar-Regolament Nru 498/2007.

Abbażi ta’ l-eżaminar imsemmi hawn fuq, jiena tal-fehma li s-sistemi tal-ġestjoni u ta’ kontroll għall-programm … (isem il-programm operattiv, in-numru tal-kodiċi CCI, perjodu) jikkonformaw mar-rekwiżiti ta’ l-Artikoli 57 sa 61 tar-Regolament tal-Kunsill (KE) Nru 1198/2006 u Kapitolu VII tar-Regolament (KE) Nru 498/2007, ħlief fl-ambiti li ġejjin … ( 38 ).

Ir-raġunijiet tiegħi biex inqis li dan/dawn l-aspett(i) tas-sistemi ma jikkonformax (ma jikkonformawx) mar-rekwiżiti u l-valutazzjoni tiegħi ta’ kemm huma serji huma kif ġej ( 39 ):

Abbażi ta’ l-eżaminar imsemmi hawn fuq, jiena tal-fehma li s-sistemi ta’ ġestjoni u ta’ kontroll għall-programm(i) … (isem il-programm operattiv, in-numru tal-kodiċi CCI, perjodu) ma jikkonformawx mar-rekwiżiti ta’ l-Artikoli 57 sa 61 tar-Regolament tal-Kunsill (KE) Nru 1198/2006 u Kapitolu VII tar-Regolament (KE) Nru 498/2007.

Previżijonijiet proviżorji ta’ applikazzjonijiet għall-pagamenti li x’aktarx ikun hemm, għas-sena finanzjarja kurrenti u sussegwenti:

3. DESKRIZZJONI FIL-QOSOR TA’ L-IMPLIMENTAZZJONI TAL-PROGRAMM OPERATTIV SKOND L-ASSI PRIJORITARJU

Għal kull indikatur tar-riżultat li jista’ jiġi kwantifikat imsemmi fil-Programm operattiv marbut ma’ l-għanijiet u r-riżultati mistennija, (għas-sena N, għas-snin ta’ rapportar ta’ qabel, kif ukoll b’mod kumulattiv).

Barra minn hekk l-informazzjoni tista’ tiġi preżentata b’mod grafiku. L-indikaturi kollha għandhom jiġu maqsuma skond is-sess fejn hu possibbli. Jekk ma jeżistux għalissa ċ-ċifri (id-dejta), għandha tingħata informazzjoni dwar meta se jkunu disponibbli u kif l-Awtorità ta' ġestjoni se tipprovdiha lill-Kummissjoni.

3.3. Informazzjoni finanzjarja (id-dejta kollha finanzjarja għandha tkun f’euro)

Barra minn hekk, l-informazzjoni finanzjarja tista’ tiġi provduta b’mod grafiku.

Analiżi tal-kisbiet kif imkejla permezz ta’ indikaturi fiżiċi u finanzjarji, inkluż l-analiżi kwalitattiva dwar il-progress miksub b’relazzjoni mal-miri ffissati fil-bidu.

Eżempju ta’ l-effetti tal-programm operattiv fuq il-promozzjoni ta’ opportunitajiet indaqs bejn l-irġiel u n-nisa kif jixraq u deskrizzjoni tal-ftehim ta’ partenarjat.

Lista ta’ operazzjonijiet mhux mitmuma u l-iskeda għat-tkomplija tagħhom (rapport finali biss).

Miżuri ta’ monitoraġġ u evalwazzjoni meħuda mill-Awtorità ta' ġestjoni jew il-Kumitat li Jimmonitorja, biex tkun assigurata l-kwalità u l-effettività ta’ l-implimentazzjoni, b'mod partikolari l-miżuri ta’ monitoraġġ u evalwazzjoni, inkluż attivitajiet ta’ evalwazzjoni f’nofs il-proċess u kontinwament, arranġamenti dwar ġbir ta’ dejta, diffikultajiet li jiltaqgħu magħhom u l-passi meħuda biex isolvuhom.

3.6. Problemi sinifikanti li ltaqgħu magħhom u l-miżuri meħuda biex jegħlbuhom. (li trid timtela biss jekk hemm modifika sinifikanti minħabba r-rapport ta’ qabel)

Xi problemi sinifikanti li ltaqgħu magħhom waqt l-implimentazzjoni tal-programm operattiv u skond l-assi prijoritarju safejn hu affettwat xi assi prijoritarju, inkluż taqsira ta’ problemi serji identifikati permezz tal-proċedura fl-Artikolu 61(1)(e)(i) tar-Regolament tal-Kunsill (KE) Nru 1198/2006 fejn jixraq, kif ukoll bħal xi miżuri meħuda mill-awtorità ta' ġestjoni jew il-kumitat li jimmonitorja biex isolvu l-problemi.

3.7. Rakkomandazzjonijiet mill-Kummissjoni wara l-eżaminar annwali tal-Programm operattiv (li jridu jimtlew biss jekk kien hemm modifika sinifikanti mir-rapport ta’ qabel).

Fejn jixraq, ir-rapport għandu jipprovdi d-deskrizzjoni ta’ kif l-Istat Membru implimenta r-rakkomandazzjoni mill-Kummissjoni għall-eżaminar annwali ta’ tal-programm li saret qabel.

Jekk xi rakkomandazzjoni ma ġietx implimentata, l-Awtorità ta' ġestjoni għandha tagħti r-raġunijiet għaliex ma implimentathiex.

3.8. Għajnuna mħallsa mill-ġdid jew użata mill-ġdid (biex timtela biss jekk kien hemm modifika sinifikanti mir-rapport ta’ qabel).

Informazzjoni dwar l-użu li sar mill-għajnuna mħallsa mill-ġdid jew użata mill-ġdid wara li tħassret l-għajnuna kif imsemmi fl-Artikoli 56 u 96(2) tar-Regolament tal-Kunsill (KE) Nru 1198/2006.

3.9. Modifika sostanzjali taħt l-Artikolu 56 tar-Regolament tal-Kunsill Nru 1198/2006 (li trid timtela biss jekk kien hemm modifika sinifikanti mir-rapport ta' qabel).

Każijiet fejn instabu modfiki sostanzjali skond l-Artikolu 56, tar-Regolament (KE) Nru 1198/2006.

3.10. Bidliet fil-kuntest u fil-kundizzjonijiet ġenerali għall-implimentazzjoni tal-Programm operattiv (li trid timtela biss jekk kien hemm modifika sinifikanti mir-rapport ta' qabel).

Deskrizzjoni ta’ xi elementi li, mingħajr ma toħroġ direttament mill-għajnuna tal-programm operattiv, għandha impatt dirett fuq l-implimentazzjoni tal-programm (jiġifieri bidliet leġiżlattivi jew żviluppi soċjo-ekonomiċi mhux mistennija).

4. L-UŻU LI SAR MILL-GĦAJNUNA TEKNIKA (LI TRID TIMTELA BISS JEKK KIEN HEMM MODIFIKA SINIFIKANTI MIR-RAPPORT TA’ QABEL)

5. INFORMAZZJONI U PUBBLIĊITÀ (LI TRID TIMTELA BISS JEKK KIEN HEMM MODIFIKA SINIFIKANTI MIR-RAPPORT TA’ QABEL)

Xi problemi sinifikanti marbuta mal-Konformità mal-liġi Komunitarja li ltaqgħu magħhom fl-implimentazzjoni tal-programm operattiv u l-miżuri meħuda biex jittrattawhom.

Taqsira ta’ l-implimentazzjoni ta’ l-arranġamenti magħmula li jassiguraw id-demarkazzjoni u l-komplementarjetà bejn l-għajnuna mill-EFF, il-Fondi Strutturali, il-Fond ta’ Koeżjoni, u strumenti finanzjarji oħra eżistenti (l-Artikolu 6(4) tar-Regolament tal-Kunsill (KE) Nru 1198/2006)

( 3 ) ĠU L 337, 30.12.1999, p. 10. Regolament kif emendat l-aħħar mir-Regolament (KE) Nru 485/2005 (ĠU L 81, 30.3.2005, p. 1).

( 5 ) ĠU L 178, 12.7.1994, p. 43. Regolament kif emendat l-aħħar mir-Regolament (KE) Nru 2035/2005 (ĠU L 328, 15.12.2005, p. 8).

( 7 ) ĠU L 281, 23.11.1995, p. 31. Id-Direttiva kif emendata mir-Regolament (KE) Nru 1882/2003 (ĠU L 284, 31.10.2003, p. 1).

( 10 ) ĠU L 105, 3.5.2000, p. 15. Regolament kif emendat mir-Regolament (KE) Nru 2438/2000 (ĠU L 280, 4.11.2000, p. 37).

( 26 ) L-indikaturi ta’ l-impatt jirreferu għall-konsegwenzi tal-programm operattiv lil hinn mill-effetti immedjati

( 27 ) L-indikaturi tar-riżultati huma marbuta ma’ l-effetti diretti u immedjati li kkawża l-programm operattiv fuq il-benefiċjarji.

( 31 ) Indika l-korp jew korpi u l-aspett(i) tas-sistemi tagħhom li ma kkonformawx mar-rekwiżiti u/jew ma ħadmux b'mod effettiv.

( 32 ) Indika għal kull korp u għal kull aspett tas-sistema r-raġunijiet għaliex jikkwalifikaw.

( 33 ) Indika għal kull korp u għal kull aspett ir-raġunijiet għal ingħatat opinjoni kuntrarja.

( 34 ) Għal bidliet mhux indikati fir-rapporti annwali ta' kontroll aktar bikrija.

( 35 ) Għall-awditjar mhux kopert b’rapporti annwali ta' kontroll aktar bikrija.

( 36 ) Eżempji ta’ dawk il-materji li jinkludu problemi sistemiċi, difetti fis-sistemi ta' ġestjoni u ta' kontroll, nuqqas ta' dokumenti li jappoġġjaw, u każijiet għaddejja minn proċeduri legali.

( 37 ) Fejn l-opinjoni hi maħruġa mill-awtorità ta’ l-awditjar, din ta’ l-aħħar għandha tagħti “Dikjarazzjoni separata dwar il-Kompetenza u l-Indipendenza Operazzjonali” dwar il-funzjonijiet tagħha skond l-Artikolu 65 tar-Regolament tal-Kunsill (KE) Nru 1198/2006.

( 38 ) Indika l-korp jew il-korpi u l-aspetti tas-sistemi tagħhom li jidhru li ma jikkonformawx mar-rekwiżiti.

( 39 ) Indika r-raġuni(jiet) għar-riżervi mniżżla għal kull korp u fuq kull aspett.

( 40 ) Indika r-raġuni(jiet) għall-opinjoni kuntrarja mogħtija għal kull korp u fuq kull aspett.

		Il-Ġurnal Uffiċjali
		No	page	date
►M1	REGOLAMENT TAL-KUMMISSJONI (UE) Nru 1249/2010 tat-22 ta’ Diċembru 2010	L 341	3	23.12.2010

Prijorità	Pubbliku Totali a = (b + c)	Kontribuzzjoni ta’ l-EFF (b)	Kontribuzzjoni Nazzjonali (c)	EFF rata ta’ kofinanzjament (1) (d) = (b) / (a) × 100
Assi Prijoritarju 1
Assi Prijoritarju 2
Assi Prijoritarju 3
Assi Prijoritarju 4
Assi prijoritarju 5 (2)
Total
(1) Ir-rata ta' ko-finanzjament ta' l-EFF fit-tabella tista' tiġi mqarrba għal numru sħiħ. Ir-rata eżatta użata biex jitħallsu lura l-pagamenti hija l-persentaġġ (d). (2) F’każ ta’ programmi operattivi li jkopru taħlita ta’ reġjuni eliġibbli taħt l-Objettiv ta’ Konverġenza u l-Objettiv mhux ta’ Konverġenza, il-kontribuzzjoni pubblika totali għall-assi prijoritarju 5 jista' jiġi allokat lit-tip ta' reġjuni predominanti li għandhom l-ogħla ammont totali ta' kontribuzzjoni pubblika fil-programm operattiv.

Prijorità	Pubbliku Totali a = (b + c)	Kontribuzzjoni ta’ l-EFF (b)	Kontribuzzjoni Nazzjonali (c)	EFF rata ta’ kofinanzjament (1) (d) = (b) / (a) × 100
Assi Prijoritarju 1
Assi Prijoritarju 2
Assi Prijoritarju 3
Assi Prijoritarju 4
Assi prijoritarju 5 (2)
Total
(1) Ir-rata ta' ko-finanzjament ta' l-EFF fit-tabella tista' tiġi mqarrba għal numru sħiħ. Ir-rata eżatta użata biex jitħallsu lura l-pagamenti hija l-persentaġġ (d). (2) F’każ ta’ programmi operattivi li jkopru taħlita ta’ reġjuni eliġibbli taħt l-Objettiv ta’ Konverġenza u l-Objettiv mhux ta’ Konverġenza, il-kontribuzzjoni pubblika totali għall-assi prijoritarju 5 jista' jiġi allokat lit-tip ta' reġjuni predominanti li għandhom l-ogħla ammont totali ta' kontribuzzjoni pubblika fil-programm operattiv.

Referenza (CCI no)	Spiża dikjarata fis-sena ta’ referenza	Spiża fis-sena ta’ referenza awditjata għall-kampjun aleotorju		Ammont u persentaġġ (rata ta' żball) ta’ spiża irregolari fil-kampjun aleotorju		Spejjeż oħra awditjati (1)	Ammont ta’spiża irregolari f’kampjun ta’ spiża ieħor	Spejjeż totali dikjarati b’mod kumulattiv	Spejjeż totali awditjati b’mod kumulattiv bħala persentaġġ ta’ l-ispejjeż totali dikjarati b’mod kumulattiv
		(2)	(3)	Ammont	%

(1) Spiża għall-kampjun kumplimentari u l-ispiża għall-kampjun aleotorju mhux fis-sena ta’ referenza. (2) Ammont ta’ spejjeż awditjati. (3) Persentaġġ ta’ spiża awditjata b’relazzjoni ta’ l-ispiża eliġibbli dikjarata lill-Kummissjoni fis-sena ta’ referenza.

Referenza (CCI no)	Spiża dikjarata fis-sena ta’ referenza	Spiża fis-sena ta’ referenza awditjata għall-kampjun aleotorju		Ammont u persentaġġ (rata ta' żball) ta’ spiża irregolari fil-kampjun aleotorju		Spejjeż oħra awditjati (1)	Ammont ta’spiża irregolari f’kampjun ta’ spiża ieħor	Spejjeż totali dikjarati b’mod kumulattiv	Spejjeż totali awditjati b’mod kumulattiv bħala persentaġġ ta’ l-ispejjeż totali dikjarati b’mod kumulattiv
		(2)	(3)	Ammont	%

(1) Spiża għall-kampjun kumplimentari u l-ispiża għall-kampjun aleotorju mhux fis-sena ta’ referenza. (2) Ammont ta’ spejjeż awditjati. (3) Persentaġġ ta’ spiża awditjata b’relazzjoni ta’ l-ispiża eliġibbli dikjarata lill-Kummissjoni fis-sena ta’ referenza.

Permezz ta' l-iswed, dawwar ir-rettanglu bl-iswed u pprintja l-istilel bl-iswed fuq l-abjad.
Permezz tal-blu (Reflex Blue), uża 100 % bl-istilel riprodotti f’abjad negattiv.

Assi Prijoritarju	2007-2015
	Spejjeż totali ċertifikat	Kontribuzzjoni pubblika
	Spejjeż totali ċertifikat	Kontribuzzjoni ta’ l-EFF	Kontribuzzjoni nazzjonali
Assi Prijoritarju 1: Total
Assi Prijoritarju 2: Total
Assi Prijoritarju 3: Total
Assi Prijoritarju 4: Total
Assi Prijoritarju 5: Total
Total globali

(f’EUR)
	Kofinanzjament Komunitarju (1)
	[sena kurrenti]	[sena sussegwenti]
OP (in-numru tas-CCI) totali
Reġjuni ta’ konverġenza
Reġjuni mhux ta’ konverġenza
(1) Previżjonijiet proviżorji biss ta’ applikazzjonijiet li x’aktarx ikun hemm għall-pagamenti fir-rigward tal-kontribuzzjoni Komunitarja, u mhux il-previżjoni ta’ l-ispejjeż totali, għandhom jitniżżlu fit-tabella. Fil-previżjonijiet proviżorji ta’ l-applikazzjonijiet għall-pagament li x’aktarx ikun hemm, il-kontribuzzjoni Komunitarja għandha tingħata għas-sena msemmija, u m’għandhiex tiġi akkumulata mill-bidu tal-perjodu ta’ programmar.

Programm operattiv	Numru tal-programm (Nru CCI):
Rapport dwar l-implimentazzjoni	Sena ta’ rappurtar:
Rapport dwar l-implimentazzjoni	Data ta’ approvazzjoni tar-rapport annwali mill-kumitat li jimmonitorja:

Indikaturi		2007	2008	2009	2010	2011	2012	2013	2014	2015	Total
Indikatur 1:	Kisbiet
	Mira (1)
	Linja bażi
… eċċ	… eċċ	…	…	…	…	…	…	…	…	…	…
Indikatur n:	Kisbiet
	Mira (1)
	Linja bażi
(1) Il-mira tista’ tingħata fl-aħħar ta’ kull sena jew għall-perjodu ta’ ipprogrammar kollu.

	Spejjeż imħallsa mill-benefiċjarji inklużi fit-talbiet għall-pagament mibgħuta lill-awtorità ta' ġestjoni	Kontribuzzjoni pubblika korrispondenti	Kontribuzzjoni korrispondenti ta’ l-EFF	Spejjeż imħallsa mill-korp responsabbli biex jagħmel il-pagamenti lill-benefiċjarji	L-EFF ivvutat mill-Awtorità ta' ġestjoni	Pagament totali mitlub mill-Kummissjoni Speċifika l-bażi biex jiġi kkalkulat il-kontribuzzjoni Komunitarja (art 76(1) jew 76(2) tar-Regolament tal-Kunsill (KE) Nru 1198/2006)	Pagamenti totali rċevuti mill-Kummissjoni
Assi Prijoritarju 1
Assi Prijoritarju 2
Assi Prijoritarju 3
Assi Prijoritarju 4
Assi Prijoritarju 5
Total Globali