Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

dwar il-produzzjoni ta' statistika Komunitarja annwali rigward l-industrija ta' l-azzar għas-snin ta' riferenza 2003 - 2009

IL-PARLAMENT EWROPEW U L-KUNSILL TA' L-UNJONI EWROPEA,

Wara li kunsidraw it-Trattat li jistabbilixxi l-Komunità Ewropea, u b'mod partikolari l-Artikolu 285(1) tiegħu,

Wara li kunsidraw il-proposta mill-Kummissjoni ( 1 ),

Wara li kunsidraw l-opinjoni tal-Kumitat Ekonomiku u Soċjali Ewropew ( 2 ),

Filwaqt li jaġixxu skond il-proċedura stabbilita fl-Artikolu 251 tat-Trattat ( 3 ),

Billi:

(1)	L-istatistika ta' l-industrija ta' l-azzar kienet imsejsa fuq it-Trattat li jistabbilixxi l-Komunità Ewropea tal-Faħam u l-Azzar (KEFA) li ġiet fit-tmiem fit-23 ta' Lulju 2002.

(2)	Ir-Regolament (KE) Nru 1840/2002 ( 4 ) tal-Parlament Ewropew u tal-Kunsill tat-30 ta' Settembru 2002 kien adottat sabiex jiżgura il-prolongazzjoni sal-31 ta' Diċembru 2002 tas-sistema ta' l-istatistika ta' l-azzar tal-KEFA wara l-iskadenza tat-Trattat dwar il-KEFA.

(3)

Huwa meħtieġ li jiġi ssoktat il-ġbir ta' l-istatistika ta' l-industrija ta' l-azzar sabiex tiġi implimentata l-politika Komunitarja tal-futur dwar l-industrija ta' l-azzar. L-ebda sistema oħra ta' statistika eżistenti fil-livell Ewropew ma tista' tissodisfa l-ħtieġa għal din l-istatistika. Huwa għalhekk meħtieġ Regolament ġdid imsejjes fuq it-Trattat dwar il-KE rigward il-ġbir ta' l-istatistika Komunitarja dwar l-industrija ta' l-azzar.

(4)	Ir-Regolament tal-Kunsill (KE) Nru 322/97 tas-17 ta' Frar 1997 dwar l-istatistika Komunitarja ( 5 ) jipprovdi l-qafas ta' riferenza għad-dispożizzjonijiet ta' dan ir-Regolament.

(5)	Tinħtieġ fażi transitorja mis-sena 2003 sas-sena 2009 għalbiex tistabbilixxi jekk l-istatistika dwar l-azzar tistax tiġi integrata f'sistemi ta' statistika oħra.

(6)

L-intrapriżi fl-industrija ta' l-azzar jeħtieġu tagħrif minn madwar id-dinja kollha dwar l-investiment u l-kapaċità sabiex jiġu stmati n-nuqqas tal-kapaċità jew il-kapaċità żejda futuri għal klassijiet partikolari ta' prodotti ta' l-azzar. L-istatistika Kommunitarja dwar l-investiment u l-kapaċità jikkontribwixxu għal network globali ta' tagħrif dwar il-kapaċità dinjija ta' l-azzar, organizzat taħt l-awspiċi ta' l-OECD.

(7)	L-istatistika dwar il-konsum ta' l-enerġija fl-industrija ta' l-azzar tagħti tagħrif mhux biss dwar l-użu ta' l-enerġija u l-produzzjoni fl-industrija ta' l-azzar imma b'mod indirett dwar l-emissonijiet ta' sustanzi li jniġġsu wkoll.

(8)	L-istatistika dwar id-disponibbiltà tal-ħażniet tar-ruttam tal-ħadid u ta' l-azzar hija meħtieġa sabiex isir monitoraġġ ta' l-użu ta' din il-materja prima importanti għalbiex jintgħamel l-azzar.

(9)	Il-miżuri meħtieġa sabiex jiġi implimentat dan ir-Regolament għandhom jiġu adottati skond id-Deċiżjoni tal-Kunsill 1999/468/KE tat-28 Ġunju 1999 li tistabbilixxi l-proċeduri għall-eżerċizzju tas-setgħat ta' implimentazzjoni mogħtija lill-Kummissjoni ( 6 ).

(10)	Il-Kumitat tal-Programm ta' l-Istatistika ġie kkonsultat skond l-Artikolu 3 tad-Deċiżjoni, tal-Kunsill 89/382/KEE, Euratom ( 7 ),

ADOTTAW DAN IR-REGOLAMENT:

L-għan ta' dan ir-Regolament huwa li jistabbilixxi qafas komuni għall-produzzjoni sistematika ta' l-istatistika Komunitarja rigward l-industrija ta' l-azzar għas-snin tar-riferenza 2003 - 2009.

Għall-iskop ta' dan ir-Regolament. it-termini “statistika Komunitarja” u “produzzjoni ta' l-istatistika” għandhom jieħdu t-tifsiriet mogħtija lilhom bir-Regolament (KE) Nru 322/97.

Dan ir-Regolament għandu jkopri d-data fuq l-industrija ta' l-azzar, li hija mfissra bħala grupp 24.1 tal-klassifikazzjoni ta' l-istatistika ta' attivitajiet ekonomiċi fil-Komunità Ewropea (NACE Rev. 2).

Meta l-valur miżjud fuq il-fattur ta' l-ispiza tal-produzzjoni ta' l-intrapriżi fl-industrija ta' l-azzar ta' Stat Membru jirrappreżenta anqas minn 1 % tat-total Komunitarju, id-data dwar il-karatteristiċi ma għandhiex għalfejn tiġi miġbura.

Id-data fornita, li għandha tikkonforma mal-format iddikjarat fl-Anness, għandha jkollha x'taqsam mal-karatteristiċi ta' l-unità tat-tip ta'-attività kif iddefiniti fir-Regolament tal-Kunsill (KEE) Nru 696/93 tal-15 ta' Marzu 1993 dwar l-unitajiet ta' l-statistika għall-osservazzjoni u l-analiżi tas-sistemi tal-produzzjoni fil-Komunità ( 8 ) u għall-intrapriżi li jkollhom 50 impjegat jew iktar.

L-Istati Membri għandhom jikkumpilaw fuq bażi annwali d-data speċifikata fl-Anness għall-ewwel darba għas-sena 2003 u kull sena wara din sas-sena 2009.

1. L-Istati Membri għandhom jittrasmettu lill-Kummissjoni (lill-Eurostat) id-data u l-metadata dwar l-industrija ta' l-azzar aggregati fuq l-unitajiet imsemmija fl-Artikolu 4, It-trasmissjoni għandha tinkludi data kunfidenzali skond id-dispożizzjonijiet Komunitarji eżistenti dwar it-trasmissjoni ta' data bla ħsara għall-kunfidenzalità.

2. L-Istati Membri għandhom jittrasmettu d-data u l-metadata f'għamla elettronika. It-trasmissjoni għandha tikkonforma ma' standard xieraq ta' inter-kambju approvat skond il-proċedura msemmija fl-Artikolu 8(2). L-Eurostat għandha tagħmel disponibbli dokumentazzjoni dettaljata fejn jidħlu l-istandards approvati u għandha tforni linji gwida dwar kif dawn l-istandards jiġu implimentati skond il-ħtiġiet ta' dan ir-Regolament.

3. L-Istati Membri għandhom jittrasmettu d-data u l-metadata fi żmien sitt xhur mit-tmiem tas-sena ta' riferenza. Madankollu, skond il-proċedura msemmija fl-Artikolu 8(2), il-Kummissjoni tista' testendi dan il-perjodu taż-żmien għal 12-il xahar għall-ewwel trasmissjoni lil dawk l-Istati Membri li jsibu diffikultajiet biex jimplimentaw dan ir-Regolament.

1. Il-miżuri għall-implimentazzjoni ta' dan ir-Regolament li għandhom x'jaqsmu mal-formati ta' trażmissjoni u l-ewwel perijodu ta' trażmissjoni għandhom jiġu adottati skont il-proċedura regolatorja msemmija fl-Artikolu 8(2).

2. Il-miżuri għall-implimentazzjoni ta' dan ir-Regolament li jikkonċernaw l-aġġornament tal-lista ta' karatteristiċi, mfassla biex jemendaw l-elementi mhux essenzjali ta' dan ir-Regolament, inter alia billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 8(3), bil-kondizzjoni li l-ebda piż addizzjonali sinifikanti ma jkun impost fuq l-Istati Membri,.

1. Il-Kummissjoni għandha tkun assistita mill-Kumitat tal-Programm ta' l-Istatistika, stabbilit bl-Artikolu 1 tad-Deċiżjoni 89/382/KEE, Euratom.

2. Meta ssir referenza għal dan il-paragrafu, għandhom japplikaw l-Artikoli 5 u 7 tad-Deċiżjoni 1999/468/KE wara li jkunu ġew ikkunsidrati d-dispożizzjonijiet ta' l-Artikolu 8 tagħha.

Il-perjodu taż-żmien imsemmi fl-Artikolu 5(6) tad-Deċiżjoni 1999/468/KE għandu jiġi stabbilit għal tliet xhur.

3. Meta ssir referenza għal dan il-paragrafu, għandhom japplikaw l-Artikolu 5a(1) sa (4) u l-Artikolu 7 tad-Deċiżjoni 1999/468/KE, filwaqt li jiġu kkunsidrati d-dispożizzjonijiet tal-Artikolu 8 tagħha.

Fi żmien ħames snin mid-dħul fis-seħħ ta' dan ir-Regolament, il-Kummissjoni għandha tissottometti rapport lill-Parlament Ewropew u lill-Kunsill dwar l-implimentazzjoni tiegħu.

Dan ir-Regolament għandu jidħol fis-seħħ fil-20 jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

1. L-istatistika ta' kull sena rigward il-karta tal-bilanċ tar-ruttam ta' l-azzar u tal-ħadid fondut

Unità (tunnellati metriċi)
Kodiċi	Titolu
Karta tal-bilanċ tar-ruttam ta' l-azzar u l-ħadid fondut
1010	Il-ħażniet fl-ewwel jum tas-sena
1020	Li jinħolqu ġewwa l-post tax-xogħol
1030	Irċevuti (1031 + 1032 + 1033)
1031	— minn sorsi fid-djar
1032	— minn Stati Membri Komunitarji oħra
1033	— minn pajjiżi terzi
1040	Total disponibbli (1010 + 1020 + 1030)
1050	Konsum totali …
1051	… li minnu fran elettriċi
1052	… li minnu ruttam li ma jsaddadx
1060	Kunsinni
1070	Ħażniet fl-aħħar jum tas-sena (1040-1050-1060)

2. Il-Konsum tal-Karburant u ta' l-Enerġija u l-Karta tal-Bilanċ għall-Enerġija Elettrika fl-Industrija ta' l-Azzar

Parti A: L-isatatistika ta' kull sena dwar il-Konsum tal-Karburant u ta' l-Enerġija imqassma waħda waħda skond it-tip ta' l-impjant ( 9 )

Unità tunnellati metriċi jew Giga Joules (GJ)
Kodiċi	Titolu	Kummenti
Konsum tal-karburant u ta' l-enerġija
2010	Karburanti solidi (2011 + 2012)	tunnellati metriċi
2011	Kokk	tunnellati metriċi
2012	Karburanti solidi oħra	tunnellati metriċi
2020	Karburanti likwidi	tunnellati metriċi
2030	Gass (2031 + 2032 + 2033 + 2034)	GJ
2031	Il-gass tal-kalkari tal-funderiji	GJ
2032	Il-gass ta' l-ifran tal-kokk	GJ
2033	Il-gass tal-konvertituri	GJ
2034	Gassijiet oħra	GJ
2040	Kunsinni esterni tal-gassijiet tal-kalkari tal-funderiji	GJ
2050	Kunsinni esterni tal-gassijiet tal-konvertituri	GJ

Parti B: L-istatistika ta' kull sena dwar il-karta tal-bilanċ għall-enerġija elettrika fl-industrija ta' l-azzar

(Unità MWh)
Kodiċi	Titolu
Karta tal-bilanċ għall-enerġija elettrika fl-industrija ta' l-azzar
3100	Riżorsi (3101 + 3102)
3101	Produzzjoni grossa
3102	Irċevuti minn barra
3200	Użati (3210 + 3220 + 3230)
3210	Konsum skond l-impjant (3211 + 3212 + 3213 + 3214 + 3215 + 3216 + 3217)
3211	Impjant tas-sinter u l-impjant tat-tħejjija tat-tagħbija
3212	Il-kalkari tal-funderiji u l-ifran li jagħmlu l-ħadid ta' l-elettriku
3213	Ħwienet li jdewbu bl-elettriku u tal-għoti tal-forma b'mod li jissokta
3214	Ħwienet oħra tat-tidwib u tal-għoti tal-forma b'mod li jissokta
3215	Id-dipartimenti tal-fabbriki li jagħmlu l-pjanċi bir-rumblar
3216	L-istazzjonijiet li jiġġeneraw l-elettriku
3217	Impjanti oħra
3220	Kunsinni ghal barra
3230	Telf

Unità (miljuni ta' EUR).
Kodiċi	Titolu
In-Nefqa fuq l-investimenti fl-industrija tal-ħadid u ta' l-azzar
4010	Impjanti li jagħmlu l-kokk
4020	Impjanti li jħejju t-tagħbijiet
4030	L-impjanti li jagħmlu l-ħadid u l-illigi tal-ħadid (inklużi l-kalkari tal-funderiji)
4040	Ħwienet li jdewbu l-azzar
4041	… li minnhom huma bl-elettriku
4050	Il-għoti tal-forma b'mod li jissokta
4060	Il-fabbriki li jagħmlu l-pjanċi bir-rumblar (4061 + 4062 + 4063 + 4064)
4061	Prodotti ċatti
4062	Prodotti twal
4063	Fabbriki li jagħmlu l-istrixxi wesgħin kiesħa
4064	L-isatallazzjonijiet tal-kisi
4070	Impjanti oħra
4100	Total ġenerali (4010 + 4020 + 4030 + 4040 + 4050 + 4060 + 4070)
4200	… li minnu sabiex jikkumbatti l-inkwinament

Unità 1 000 tunnellata metrika kull sena.
Kodiċi	Titolu
Il-Produzzjoni massima possibbli fl-industrija tal-ħadid u ta' l-azzar (il-kapaċità)
5010	Il-kokk
5020	It-tħejjija tat-tagħbija
5030	Ħadid mhux maħdun ħiereġ mill-kalkara u illigi tal-ħadid
5040	Azzar mhux maħdum
5041	— li minnu ta' l-elettriku
5042	— li minnu tal-għoti tal-forma b'mod issoktat
5050	Prodotti miksuba direttament bir-rumblar bis-sħana (5051 + 5052)
5051	Prodotti ċatti
5052	Prodotti twal
5060	Prodotti miksuba mill-prodotti tar-rumblar bis-sħana (minbarra l-prodotti miksija)
5061	… li minnhom hemm prodotti miksuba bir-rumblar kiesaħ
5070	Prodotti miksija

( 3 ) Opinjoni tal-Parlament Ewropew tat-13 ta' Mejju 2003 (għadha mhix ippubblikata fil-Ġurnal Uffiċjali), u d-Deċiżjoni tal-Kunsill tas-17 ta' Novembru 2003.

( 8 ) ĠU L 76, tat-30.3.1993, p. 9. Regolament kif l-aħħar emendat bir-Regolament (KEE) Nru 1882/2003.

		Il-Ġurnal Uffiċjali
		No	page	date
►M1	REGOLAMENT Nru 1893/2006 TAL-PARLAMENT EWROPEW U TAL-KUNSILL ta' l-20 ta' Diċembru 2006	L 393	1	30.12.2006
►M2	REGOLAMENT (KE) Nru 219/2009 TAL-PARLAMENT EWROPEW U TAL-KUNSILL tal-11 ta' Marzu 2009	L 87	109	31.3.2009