TEST Konsolidat: 31999L0037 — MT

ID-DIRETTIVA TAL-KUNSILL 1999/37/KE

tad-29 ta' April 1999

dwar id-dokumenti ta' reġistrazzjoni għall-vetturi

L-Artikolu 1

Din id-Direttiva għandha tapplika għad-dokumenti ta’ reġistrazzjoni ta’ vettura maħruġin mill-Istati Membri.

Ma għandhiex tippreġudika d-dritt ta' Stati Membri li jużaw, għar-reġistrazzjoni temporanja ta' vetturi, dokumenti li jistgħu ma jissodisfawx il-ħtiġiet ta' din id-Direttiva f'kull aspett.

L-Artikolu 2

Għall-iskopijiet ta' din id-Direttiva:

(a)

“vettura”: għandha tfisser kull vettura kif definita fl-Artikolu 2 tad-Direttiva tal-Kunsill 70/156/KEE tas-6 ta' Frar 1970 dwar l-approssimazzjoni tal-liġijiet ta' l-Istati Membri dwar l-approvazzjoni tat-tip ta' vetturi bil-mutur u l-karrijiet tagħhom ( 1 ) u fl-Artikolu 1 tad-Direttiva tal-Kunsill 92/61/KEE tat-30 ta' Ġunju 1992 dwar l-approvazzjoni tat-tip ta' vetturi bil-mutur li għandhom żewġ jew tliet roti ( 2 );

(b)

“reġistrazzjoni”: għandha tfisser l-awtorizzazzjoni amministrattiva għad-dħul fis-servizz ta' vettura fit-traffiku tat-triq, li tinvolvi l-identifikazzjoni tal-vettura u l-ħruġ tan-numru tas-serje għaliha, li għandu jissejjaħ in-numru ta' reġistrazzjoni;

(ċ)

“iċ-ċertifikat ta' reġistrazzjoni”: għandu jfisser id-dokument li jiċċertifika li l-vettura hija rreġistrata fi Stat Membru;

(d)

“detentur taċ-ċertifikat ta' reġistrazzjoni”: għandha tfisser il-persuna li l-vettura tkun irreġistrata f'isimha;

(e)

“sospensjoni”: tfisser perjodu limitat ta’ żmien li fih vettura ma tkunx awtorizzata minn Stat Membru biex tintuża fit-traffiku tat-triq li wara li jseħħ dan - sakemm ir-raġunijiet għas-sospensjoni ma jibqgħux japplikaw - tista’ tiġi awtorizzata biex terġa’ tintuża mingħajr ma jkun involut proċess ġdid ta’ reġistrazzjoni;

(f)

“kanċellazzjoni ta’ reġistrazzjoni”: tfisser il-kanċellazzjoni tal-awtorizzazzjoni tal-Istat Membru għal vettura biex tintuża fit-traffiku tat-triq.

L-Artikolu 3

L-Istati Membri għandhom joħorġu ċertifikat ta' reġistrazzjoni għal vetturi li huma soġġetti għal reġistrazzjoni taħt il-leġiżlazzjoni nazzjonali tagħhom. Iċ-ċertifikat għandu jikkonsisti jew f'parti waħda b'mod konformi ma' l-Anness I jew f'żewġ partijiet b'mod konformi ma' l-Annessi I u II.

L-Istati Membri jistgħu jawtorizzaw lis-servizzi li huma jappuntaw għal dan il-għan, b'mod partikolari dawk tal-fabbrikanti, sabiex jimlew il-partijiet tekniċi taċ-ċertifikat ta' reġistrazzjoni.

Fejn jinħareġ ċertifikat ta' reġistrazzjoni ġdid għal vettura reġistrata qabel l-implimentazzjoni ta' din id-Direttiva, l-Istati Membri għandhom jużaw mudell ta' ċertifikazzjoni kif definit f'din id-Direttiva u jistgħu jillimitaw id-dettalji li jidhru fih għal dawk li għalihom tkun disponibbli l-informazzjoni meħtieġa.

L-informazzjoni mogħtija fiċ-ċertifikat ta' reġistrazzjoni, b'mod konformi ma' l-Annessi I u II, għandha tiġi rappreżentata mill-kodiċi armonizzati tal-Komunità murija f'dawk l-Annessi.

L-Istati Membri għandhom jirreġistraw elettronikament id-data dwar il-vetturi kollha rreġistrati fit-territorju tagħhom. Dawk id-data għandha tinkludi:

(a)

l-elementi obbligatorji kollha skont l-Anness I punt II.5 tal-Anness I kif ukoll l-elementi tal-punti II.6 (J) u II.6 (V.7) u (V.9) ta’ dak l-Anness, meta d-data tkun disponibbli;

(b)

data mhux obbligatorja oħra elenkata fl-Anness I jew data miċ-ċertifikat tal-konformità kif previst fid-Direttiva 2007/46/KE tal-Parlament Ewropew u tal-Kunsill ( 3 ), fejn possibbli;

(c)

l-eżitu ta’ testijiet perjodiċi obbligatorji tal-affidabilità stradali skont id-Direttiva 2014/45/UE tal-Parlament Ewropew u tal-Kunsill ( 4 ) u l-perjodu ta’ validità taċ-ċertifikat tal-affidabilità stradali.

L-ipproċessar ta’ data personali fil-kuntest ta’ din id-Direttiva għandu jitwettaq skont id-Direttivi 95/46/KE ( 5 ) u 2002/58/KE ( 6 ) tal-Parlament Ewropew u tal-Kunsill.

Data teknika dwar vettura għandha tkun disponibbli lill-awtoritajiet kompetenti jew liċ-ċentri għall-finijiet tal-ittestjar perjodiku tal-affidabilità stradali. L-Istati Membri jistgħu jillimitaw l-użu u t-tixrid ta’ tali data minn ċentri tal-ittestjar sabiex jiġi evitat użu ħażin.

L-Artikolu 3a

Fejn l-awtorità kompetenti ta’ Stat Membru tirċievi notifika ta’ test perjodiku tal-affidabilità stradali li juri li l-awtorizzazzjoni għall-użu ta’ vettura partikolari fit-traffiku tat-triq tkun ġiet sospiża bi qbil mal-Artikolu 9 tad-Direttiva 2014/45/UE, is-sospensjoni għandha tiġi rreġistrata elettronikament u għandu jitwettaq test ieħor tal-affidabilità stradali.

Is-sospensjoni għandha tkun effettiva sakemm il-vettura tgħaddi minn test ġdid tal-affidabilità stradali. Mat-tlestija b’suċċess tat-test tal-affidabilità stradali, l-awtorità kompetenti għandha tawtorizza mill-ġdid mingħajr dewmien l-użu tal-vettura fit-traffiku tat-triq. Ma għandu jkun meħtieġ l-ebda proċess ġdid ta’ reġistrazzjoni.

L-Istati Membri u l-awtoritajiet kompetenti tagħhom jistgħu jadottaw miżuri biex jiffaċilitaw l-ittestjar mill-ġdid ta’ vettura li l-awtorizzazzjoni tagħha għall-użu fit-traffiku tat-triq ġiet sospiża. Dawk il-miżuri jistgħu jinkludu l-għoti ta’ -permess għall-ivvjaġġar fit-toroq pubbliċi bejn post tat-tiswija u ċentru tal-ittestjar għall-fini ta’ test tal-affidabilità stradali.

Stat Membru jista’ jippermetti lid-detentur taċ-ċertifikat ta’ reġistrazzjoni biex jissottometti lill-awtorità kompetenti għat-trasferiment tar-reġistrazzjoni lis-sid il-ġdid tal-vettura.

Fil-każ li awtorità kompetenti ta’ Stat Membru tirċievi notifika li vettura ġiet ittratata bħala vettura fl-aħħar stadju ta’ ħajja skont id-Direttiva 2000/53/KE tal-Parlament Ewropew u tal-Kunsill ( 7 ), ir-reġistrazzjoni ta’ dik il-vwettura għandha tiġi kkanċellata b’mod permanenti u din l-informazzjoni f’dan is-sens għandha tiżdied mar-reġistru elettroniku.

L-Artikolu 4

Għall-iskopijiet ta' din id-Direttiva, iċ-ċertifikat ta' reġistrazzjoni maħruġ minn Stat Membru għandu jiġi rikonoxxut mill-Istati Membri l-oħra, għall-identifikazzjoni tal-vettura fi traffiku internazzjonali jew għar-reġistrazzjoni mill-ġdid fi Stat Membru ieħor.

L-Artikolu 5

Għall-iskopijiet ta' l-identifikazzjoni ta' vettura fit-traffiku tat-triq, l-Istati Membri jistgħu jeħtieġu li s-sewwieq iżomm miegħu il-Parti I taċ-ċertifikat ta' reġistrazzjoni.

Bil-għan li tiġi rreġistrata mill-ġdid vettura li qabel kienet reġistrata fi Stat Membru ieħor, l-awtoritajiet kompetenti għandhom jeħtieġu li tiġi ppreżentata l-Parti I taċ-ċertifikat ta' reġistrazzjoni preċedenti f'kull każ u l-preżentazzjoni tal-Parti II jekk din kienet inħarġet. Dawn l-awtoritajiet għandhom jirtiraw il-parti(jiet) taċ-ċertifikat ta' reġistrazzjoni ta' qabel u għandhom iżommu din ta' l-aħħar għal sitt xhur. Huma għandhom, fi żmien xahrejn, jinformaw lill-awtoritajiet ta' l-Istat Membru li jkun ħareġ iċ-ċertifikat dwar l-irtirar tiegħu. Huma għandhom jirritornaw iċ-ċertifikat li huma jkunu irtiraw lil dawk l-awtoritajiet jekk dawn ta' l-aħħar jitolbu li jsir dan fi żmien sitt xhur minn meta jiġi rtirat.

Jekk iċ-ċertifikat ta' reġistrazzjoni ikun jikkonsisti fil-Partijiet I u II, u l-Parti II tkun nieqsa, l-Awtoritajiet kompetenti fl-Istat Membru fejn ir-reġistrazzjoni il-ġdida tkun ġiet mitluba jistgħu jiddeċiedu, f'każijiet eċċezzjonali, li jerġgħu jirreġistraw il-vettura, iżda dan isir biss wara li jkunu kisbu konferma, bil-miktub jew b'mezz elettroniku, mill-awtoritajiet kompetenti fl-Istat Membru fejn kienet reġistrata qabel il-vettura, li l-applikant huwa intitolat sabiex jirreġistra mill-ġdid il-vettura fi Stat Membru ieħor.

Mingħajr preġudizzju għall-Artikoli 5(4) u 8(3) tad-Direttiva 2014/45/UE, l-Istati Membri, bħala kwistjoni ta’ prinċipju, għandhom jagħrfu l-validità taċ-ċertifikat tal-affidabilità stradali ta’ vettura fil-każ ta’ bidla fis-sjieda ta’ vettura - li jkollha prova valida tat-test tal-affidabbiltà stradali perjodiku.

L-Artikolu 6

Il-Kummissjoni għandu jkollha s-setgħa li tadotta atti ddelegati skont l-Artikolu 7 sabiex temenda:

—

il-punt II.4, it-tieni inċiż u l-punt III.1.A(b) kemm tal-Anness I u tal-Anness II, fil-każ ta’ tkabbir tal-Unjoni,

—

il-punt II.6 tal-Anness I marbut ma’ elementi mhux obbligatorji fil-każ ta’ bidliet fid-definizzjonijiet jew tal-kontenut ta’ ċertifikati ta’ konformità fil-leġislazzjoni rilevanti tal-Unjoni dwar l-approvazzjoni tat-tip.

L-Artikolu 7

Is-setgħa tal-adozzjoni ta’ atti ddelegati hija mogħtija lill-Kummissjoni suġġetta għall-kundizzjonijiet stabbiliti f’dan l-Artikolu.

Is-setgħa ta’ adozzjoni ta’ atti ddelegati msemmija fl-Artikolu 6 għandha tingħata lill-Kummissjoni għal perjodu ta’ ħames snin mid-19 ta’ Mejju 2014. Il-Kummissjoni għandha tfassal rapport fir-rigward tad-delega ta’ setgħa mhux aktar tard minn disa’ xhur qabel it-tmiem tal-perjodu ta’ ħames snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perjodu.

Id-delega tas-setgħat imsemmija fl-Artikolu 6 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni biex tirrevoka għandha ttemm id-delega ta’ setgħa speċifikata f’dik id-deċiżjoni. Din għandha tidħol fis-seħħ fil-jum ta’ wara l-pubblikazzjoni tad-Deċiżjoni f’Il-Ġurnal Uffiċjali tal-Unjoni Ewropea jew f’data iktar tard speċifikata fiha. Din ma għandhiex taffettwa l-validità ta’ kwalunkwe att iddelegat li jkun diġà fis-seħħ.

Hekk kif tadotta att iddelegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

Att ddelegat adottat skont l-Artikolu 6 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien perjodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn bl-inizjattiva tal-Parlament Ewropew jew tal-Kunsill.

L-Artikolu 8

L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva sa l-1 ta' Ġunju 2004. Huma għandhom jinfurmaw lill-Kummissjoni dwar dan minnufih.

Meta l-Istati Membri jadottaw id-dispożizzjonijiet, dawn għandhom jinkludu referenza għal din id-Direttiva jew għandhom ikunu akkumpanjati b'din ir-referenza fil-ħin tal-pubblikazzjoni uffiċjali tagħhom. Il-metodi dwar kif għandha ssir referenza bħal din, għandhom jiġu stabbiliti mill-Istati Membri.

L-Istati Membri għandhom jikkomunikaw lill-Kummissjoni t-testi tad-dispożizzjonijiet prinċipali tal-liġi nazzjonali li huma jadottaw fil-qasam irregolat minn din id-Direttiva.

Il-Kummissjoni għandha tikkomunika lill-Istati Membri l-mudelli kollha għal ċertifikati ta' reġistrazzjoni użati mill-amministrazzjoni nazzjonali.

L-Artikolu 9

L-Istati Membri għandhom jgħinu lil xulxin fl-implimentazzjoni ta’ din id-Direttiva. Huma jistgħu jiskambjaw informazzjoni fuq livell bilaterali jew multilaterali b’mod partikolari sabiex jikkontrollaw, qabel kwalunkwe reġistrazzjoni ta’ vettura, l-istatus ġuridiku ta’ din tal-aħħar, meta jkun meħtieġ fl-Istat Membru fejn qabel kienet reġistrata. Tali verifika tista’ tinvolvi b’mod partikolari l-użu ta’ netwerk elettroniku, li fih data mill-bażijiet ta’ data nazzjonali biex jiġi faċilitat l-iskambju ta’ informazzjoni.

L-Artikolu 10

Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej.

L-Artikolu 11

Din id-Direttiva hija indirizzata lill-Istati Membri.

L-ANNESS I

PARTI I TAĊ-ĊERTIFIKAT TA' REĠISTRAZZJONI ( 8 )

I.	Din il-parti tista' tiġi mplimentata f'waħda miż-żewġ ghamliet: bħala dokumenti tal-karti jew bħala smart card. Il-karatteristiċi tal-versjoni tad-dokument tal-karti huma speċifikati f'Kapitlu II u dawk tal-versjoni ta' lis-smart card f'Kapitlu III.

II.

Speċifikazzjonijiet ta' Parti I taċ-Ċertifikat ta' Reġistrazzjoni fil-format tal-karta

II.1	Id-dimensjonijiet totali taċ-Ċertifikat ta' Reġistrazzjoni m'għandhomx ikunu aktar minn format ta' A4 (210 × 297 mm) jew folder ta' format ta' A4.

II.2

Il-karta wżata għal L-ewwel Parti taċ-Ċertifikat ta' Reġistrazzjoni għandha ssir b'sigurtà kontra l-frodi permezz ta' mill-inqas tnejn mill-metodi ta' teknika li ġejjin:

—

grafika,

—

marka ta' l-ilma,

—

fibri florexxenti, jew

—

imprints florexxenti.

L-Istati Membri huma ħielsa biex idaħħlu fatturi addizzjonali ta' sigurtà.

II.3	L-ewwel Parti taċ-Ċertifikat ta' Reġistrazzjoni tista' tikkonsisti minn numru ta' paġni. L-Istati Membri għandhom jistabbilixxu n-numru ta' paġni bi qbil mat-tagħrif li jinstab fid-dokument u l-arranġament tiegħu.

II.4

L-ewwel paġna ta' L-ewwel Parti taċ-Ċertifikat ta' Reġistrazzjoni għandha tikkontjeni:

—

l-isem ta' l-Istat Membru li qed joħroġ L-ewwel Parti taċ-Ċertifikat ta' Reġistrazzjoni,

—

il-marka distintiva ta' l-Istat Membru li joħroġ l-Ewwel Parti taċ-ċertifikat ta' reġistrazzjoni, jiġifieri:

Il-Belġju

Il-Bulgarija

Ir-Repubblika Ċeka

Id-Danimarka

Il-Ġermanja

EST

L-Estonja

Il-Greċja

Spanja

Franza

Kroazja

IRL

L-Irlanda

L-Italja

Ċipru

Il-Latvja

Il-Litwanja

Il-Lussemburgu

L-Ungerija

Malta

L-Olanda

L-Awstrija

Il-Polonja

Il-Portugall

Ir-Rumanija

SLO

Is-Slovenja

Is-Slovakkja

FIN

Il-Finlandja

L-Isvezja

Ir-Renju Unit

—

l-isem ta' awtorità kompetenti,

—

il-kliem “L-ewwel Parti taċ-Ċertifikat ta' Reġistrazzjoni” jew, jekk iċ-ċertifikat jikkonsisti minn parti waħda biss, il-kliem “Ċertifikat ta' Reġistrazzjoni”, stampati f'tipa kbira fil-lingwa jew lingwi ta' l-Istati Membri li qed joħorġu ċ-Ċertifikat ta' Reġistrazzjoni għandhom jidhru wkoll, wara spazju xieraq, f'tipa żgħira fil-lingwi l-oħra tal-Komunità Ewropea,

—

il-kliem “Komunità Ewropea”, stampati fil-lingwa jew lingwi ta' l-Istati Membri li qed joħorġu L-ewwel Parti taċ-Ċertifikat ta' Reġistrazzjoni,

—

in-numru tad-dokument.

II.5

L-ewwel Parti taċ-Ċertifikat ta' Reġistrazzjoni għandha tikkontjeni wkoll il-fatti magħrufa (data) li ġejja, preċeduta mill-kodiċijiet armonizzati korrespondenti tal-Komunità:

(A)

in-numru tar-reġistrazzjoni;

(B)

id-data ta' l-ewwel reġistrazzjoni tal-vettura;

(Ċ)

fatti magħrufa (data) personali;

(Ċ.1)

possessur taċ-Ċertifikat ta' Reġistrazzjoni:

(Ċ.1.1)

kunjomi(ijiet) jew isem kummerċjali,

(Ċ.1.2)

isem(ismijiet) oħra jew inizjali (fejn xieraq),

(Ċ.1.3)

indirizz fl-Istat Membru ta' reġistrazzjoni fid-data tal-ħruġ tad-dokument;

(Ċ.4)

Fejn il-partikolaritajiet speċifikati f'II.6, kodiċi Ċ.2 mhumiex indikati fiċ-Ċertifikat ta' Reġistrazzjoni, riferenza għall-fatt li l-possessur taċ-Ċertifikat ta' Reġistrazzjoni:

(a)

huwa s-sid tal-vettura,

(b)

m'huwiex s-sid tal-vettura,

(ċ)

mhuwiex identifikat miċ-Ċertifikat ta' Reġistrazzjoni bħala s-sid tal-vettura;

(D)

vettura:

(D.1)

għamla,

(D.2)

tip,

—

varjant (jekk disponibbli),

—

versjoni (jekk disponibbli);

(D.3)

deskrizzjoni(jiet) kummerċjali;

(E)

numru ta' identifikazzjoni tal-vettura;

(F)

massa:

(F.1)

massa laden massima teknikament permessa, minbarra għal muturi;

(G)

massa tal-vettura f'servizz ma' bodywork, u ma' mezz ta' tagħqid bl-irbit (coupling) fil-każ ta' vettura li tirmonka f'servizz minn kull kategorija oħra għajr M1;

(H)

perjodu ta' validità, jekk mhux bla limitu;

(I)

data ta' reġistrazzjoni li għaliha jirreferi dan iċ-ċertifikat;

(K)

numru u approvazzjoni tat-tip (jekk disponibbli);

(P)

magna;

(P.1)

kapaċità (f'ċm3),

(P.2)

qawwa massima nett (in kW) (jekk disponibbli),

(P.3)

tip ta' karburant jew sors ta' qawwa;

(Q)

l-iskala ta' qawwa/piż (f'kW/kg) (gġal muturi biss);

(S)

seating capacity,

(S.1)

numru ta' postijiet bil-qieghda, inkluż tas-sewwieq,

(S.2)

numru ta' postijiet bil-wieqfa (fejn xieraq).

II.6

L-ewwel Parti taċ-Ċertifikat ta' Reġistrazzjoni tista, barra minn dan, tikkontjeni l-fatti magħrufa (data) li ġejja, preċeduta mill-kodiċijiet armonizzati korrespondenti tal-Komunità:

(Ċ)

fatti magħrufa (data) personali;

(Ċ.2)

sid tal-vettura (ripetuta daqs kemm hemm sidien),

(Ċ.2.1)

kunjom jew isem kummerċjali,

(Ċ.2.2)

isem(ismijiet) oħra jew inizjali (fejn xieraq),

(C.2.3)

indirizz fl-Istat Membru ta' reġistrazzjoni, fid-data tal-ħruġ tad-dokument,

(Ċ.3)

persuna naturali jew legali li tista' tuża' l-vettura bis-saħħa ta' dritt legali ieħor għajr dak ta' pussess,

(Ċ.3.1)

kunjom jew isem kummerċjali,

(Ċ.3.2)

isem(ismijiet) oħra jew inizjali (fejn xieraq),

(Ċ.3.3)

indirizz fl-Istat Membru ta' reġistrazzjoni, fid-data tal-ħruġ tad-dokument,

(Ċ.5), (Ċ.6), (Ċ.7), (Ċ.8):

fejn bidla fil-fatti magħrufa (data) personali mogħtija f'punti II.5, kodiċi Ċ.1, II.6, kodiċi Ċ.2 u/jew II.6, kodiċi Ċ.3 ma toħloqx il-ħruġ ta' Ċertifikat ta' Reġistrazzjoni ġdid, il-fatti magħrufa (data) personali ġodda li jikkorrespondu għal dawn il-punti jistgħu jiġu nklużi skond il-kodiċijiet (Ċ.5), (Ċ.6), (Ċ.7) jew (Ċ.8); huma mbagħad imqassma bi qbil mar-riferenzi f'punti II.5, kodiċi Ċ.1, II.6, kodiċi Ċ.2, II.6, kodiċi Ċ.3 u II.5, kodiċi Ċ.4;

(F)

massa:

(F.2)

massa laden massima permessa tal-vettura f'servizz fl-Istat Membru ta' reġistrazzjoni;

(F.3)

massa laden massima permessa tal-vettura sħiħa f'servizz fl-Istat Membru ta' reġistrazzjoni;

(J)

kategorija tal-vettura;

(L)

numru ta' fusien;

(M)

wheelbase (f'mm);

(N)

għal vetturi b'total li jaqbeż il-3 500 kg, distribuzzjoni tal-massa laden massima teknikament permessa fost il-fusien:

(N.1)

fus 1 (f'kg),

(N.2)

fus 2 (f'kg), fejn xieraq,

(N.3)

fus 3 (f'kg), fejn xieraq,

(N.4)

fus 4 (f'kg), fejn xieraq,

(N.5)

fus 5 (f'kg), fejn xieraq,

(O)

massa rmunkabbli massima teknikament permessa tal-karru:

(O.1)

braked (f'kg),

(O.2)

unbraked (f'kg);

(P)

magna;:

(P.4)

veloċità fi skali (f'min-1),

(P.5)

numru ta' identifikazzjoni tal-magna;

(R)

kulur tal-vettura;

(T)

veloċità massima (f'km/siegħa);

(U)

livell tal-ħoss:

(U.1)

wieqfa (f'dB(A)),

(U.2)

veloċità tal-magna (f'min-1),

(U.3)

drive-by (f'dB(A));

(V)

emmissjonijiet ta' l-exhaust:

(V.1)

CO (f'g/km jew g/kWh),

(V.2)

HC (f'g/km jew g/kWh),

(V.3)

NOx (f'g/km jew g/kWh),

(V.4)

HC + NOx (f'g/km),

(V.5)

partikolaritajiet għal diesel (f'g/km jew g/kWh),

(V.6)

koeffiċjent ta' korrezzjoni ta' assorbiment għad-diesel (f'min-1),

▼M5

(V.7)

L-emissjonijiet ta’ CO2 (fi g/km) jew dawk speċifiċi ta’ CO2 fejn indikati fil-pożizzjoni 49.5 taċ-Ċertifikat ta’ Konformità ta’ vetturi tqal definit fl-Appendiċi għall-Anness VIII għar-Regolament ta’ Implimentazzjoni tal-Kummissjoni (UE) 2020/683 ( 9 ) jew fil-pożizzjoni 49.5 taċ-ċertifikat ta’ approvazzjoni ta’ vettura individwali definit fl-Appendiċi 1 għall-Anness III għal dak ir-Regolament,

(V.8)

konsum tal-karburant kombinat (f'l/100 km),

(V.9)

indikazzjoni tal-kategorija ambjentali ta' approvazzjoni tat-tip KE;

riferenza għall-versjoni applikabbli skond id-Direttiva 70/220/KEE ( 10 ) jew id-Direttiva 88/77/KEE ( 11 ).

▼M5

(V.10)

Il-klassi tal-emissjonijiet ta CO2 ta’ vetturi tqal iddeterminata waqt l-ewwel reġistrazzjoni, f’konformità mal-Artikolu 7ga(2) tad-Direttiva 1999/62/KE tal-Parlament Ewropew u tal-Kunsill ( 12 );

(W)

kapaċità tat-tank(ijiet tal-karburant) (f'litri);

(X)

prova li vettura tkun għaddiet mit-test tal-affidabilità stradali, id-data tat-test tal-affidabilità stradali li jmiss jew l-iskadenza taċ-ċertifikat attwali.

II.7	L-Istati Membri jistgħu jinkludu tagħrif addizzjonali (f'L-ewwel Parti taċ-Ċertifikat ta' Reġistrazzjoni), b'mod partikulari jistgħu jżidu bejn il-parentesi għall-kodiċijiet ta' identifikazzjoni, kif preskritt skond II.5 U II.6, kodiċijiet nazzjonali addizzjonali.

III.

Speċifikazzjonijiet ta' L-ewwel Parti taċ-Ċertifikazzjoni ta' Reġistrazzjoni fil-forma ta' smart card (Alternattiva għall-kampjun f'format tal-karti deskritt f'Kapitlu II)

III.1 Format ta' card u fatti magħrufa (data) leġibbli bil-għajn

Billi hija card mikro-proċessur, iċ-chip card għandha tiġi disinjata bi qbil mal-livelli stabbiliti msemmija f'Kapitlu III.5. Il-fatti magħrufa (data) reġistrati fuq il-card għandhom ikunu leġibbli b'mezzi ta' qari normali (bħal cards takografiċi).

Stampati fuq quddiem u wara tal-card għandu jkun hemm għall-inqas il-fatti magħrufa speċifikati f'Kapitli II.4 u II.5; dawn il-fatti magħrufa (data) għandhom ikunu leġibbli bil-għajn (għoli ta' karattru minimu: 6 punti w stampati kif ġej: Eżempji ta' forom possibbli huma preżentati f'L-ewwel Figura fl-aħħar ta' din it-taqsima.)

A. Imprint bażiku

Il-fatti magħrufa (data) bażiċi għandhom jikkontjenu li ġej:

Quddiem

(a)

In-naħa tal-lemin tal-lokazzjoni taċ-chip:

fil-lingwa(i) ta' l-Istat Membru li qed joħroġ iċ-Ċertifikat ta' Reġistrazzjoni

—

il-kliem “Komunità Ewropea”;

—

l-isem ta' l-Istat Membru li qed joħroġ iċ-Ċertifikat ta' Reġistrazzjoni;

—

il-kliem “L-ewwel Parti taċ-Ċertifikat ta' Reġistrazzjoni”, jew, jekk iċ-ċertifikat jikkonsisti minn parti waħda biss, il-kliem “Ċertifikat ta' Reġistrazzjoni” stampati f'tipa kbira;

—

nomina oħra (p.e. nazzjonali ta' qabel) tad-dokument ekwivalenti (b'għażla);

—

l-isem ta' l-awtorità kompetenti (alternattivament, anke fil-forma ta' imprint personalizzat skond l-Ittra B);

—

in-numru konsekuttiv mhux ambigwu tad-dokument kif użat fl-Istat Membru (alternattivament, anke fil-forma ta' imprint personalizzat skond l-Ittra B);

(b)

'L fuq mill-lokazzjoni taċ-chip:

il-marka ta' distinzjoni ta' l-Istat Membru li qed joħroġ iċ-Ċertifikat ta' Reġistrazzjoni, bajda f'rettanglu blu u mdawwar bi tnax-il stilla safra:

Il-Belġju

BG	Il-Bulgarija

DK	Id-Danimarka

D	Il-Ġermanja

Il-Greċja

Spanja

Franza

Kroazja

IRL

L-Irlanda

L-Italja

L	Il-Lussemburgu

L-Olanda

A	L-Awstrija

Portugal

RO	Ir-Rumanija

FIN	Il-Finlandja

L-Isvezja

UK	Ir-Renju Unit,

(ċ)

l-Istati Membri jistgħu jikkunsidraw li jżidu, fit-tarf ta' isfel f'tipa żgħira fil-lingwa(i) nazzjonali tagħhom, in-nota: “Dan id-dokument għandu jiġi prodott lil kull persuna awtorizzata li qed jitolbu.”

(d)

Il-kulur bażiku tal-card huwa aħdar (Pantone 362); alternattivament, transizzjoni ħadra-għal-bajda hija possibbli.

(e)

Simbolu li jirrappreżenta rota (ara l-forma proposta fl-Istampa 1) għandu jiġi stampat fl-erja ta' l-istampar fir-rokna t'isfel fuq in-naħa tax-xellug ta' quddiem tal-card.

F'każijiet oħra, id-dispożizzjonijiet ta' Kapitlu III.13 għandhom japplikaw.

B. Imprint ta' personalizzazzjoni

L-imprint ta' personalizzazzjoni għandu jikkontjeni t-tagħrif li ġej:

Quddiem

(a)

l-isem ta' l-awtorità kompetenti - ara wkoll l-Ittra Aa)

(b)

l-isem ta' l-awtorità li qed joħroġ iċ-Ċertifikat ta' Reġistrazzjoni (b'għażla)

(ċ)

in-numru konsekuttiv mhux ambigwu tad-dokument kif użat fl-Istat Membru - ara wkoll l-Ittra Aa)

(d)

Il-fatti magħrufa (data) li ġejjin mill-Kapitlu II.5; skond il-Kapitlu II.7, kodiċijiet nazzjonali individwali jistgħu jiżdiedu mal-kodiċijiet armonizzati preċedenti tal-Komunità:

Kodiċi	Riferenza

(A)	numru ta' reġistrazzjoni (numru uffiċċjali tal-liċenza)
(B)	id-data ta' l-ewwel reġistrazzjoni tal-vettura
(I)	data ta' reġistrazzjoni li għaliha jirreferi dan iċ-ċertifikat
fatti magħrufa (data) personali
(Ċ.1)	possessur taċ-Ċertifikat ta' Reġistrazzjoni
	(Ċ.1.1)	kunjom jew isem kummerċjali
	(Ċ.1.2)	isem(ismijiet) oħra jew inizjali (fejn xieraq)
	(Ċ.1.3)	indirizz fl-Istat Membru ta' reġistrazzjoni fid-data tal-ħruġ tad-dokument
(Ċ.4)	Fejn il-partikularitajiet speċifikati f'Kapitlu II.6, kodiċi Ċ.2 mhumiex inklużi fl-imprint taċ-Ċertifikat ta' Reġistrazzjoni definit fl-Ittri A u B, riferenza għall-fatt li l-possessur taċ-Ċertifikat ta' Reġistrazzjoni (a) huwa s-sid tal-vettura; (b) m'huwiex s-sid tal-vettura; (ċ) mhuwiex identifikat miċ-Ċertifikat ta' Reġistrazzjoni bħala s-sid tal-vettura;

In-naħa ta' wara:

In-naħa ta' wara għandha ġġorr għall-inqas il-bqija tal-fatti magħrufa (data) speċifikati f'Kapitlu II.5; bi qbil mal-Kapitlu II.7, kodiċijiet nazzjonali individwali jistgħu jiżdiedu mal-kodiċijiet armonizzati preċedenti tal-Komunità.

Kodiċi	Riferenza

	Fatti magħrufa (data) tal-vettura (f'kunsiderazzjoni tan-noti f'Kapitlu II.5)
	(D.1)	għamla
	(D.2)	tip (varjant/versjoni, fejn ikun xieraq)
	(D.3)	deskrizzjoni(jiet) kummerċjali
(E)	numru ta' identifikazzjoni tal-vettura
	(F.1)	massa laden massima teknikament permessa, minbarra għal muturi (kg)
(G)	massa tal-vettura f'servizz mal-bodywork, u ma' mezz ta' tagħqid bl-irbit (coupling) fil-każ ta' rmunkar vettura f'servizz minn kull kategorija oħra għajr M1 (kg)
(H)	perjodu ta' validità, jekk mhux bla limitu
(K)	numru ta' approvazzjoni tat-tip (jekk disponibbli)
	(P.1)	spostazzjoni (ċm3)
	(P.2)	qawwa nominali (kW)
	(P.3)	tip ta' karburant jew sors ta' qawwa
(Q)	l-iskala ta' qawwa/piż (f'kW/kg) (għal muturi biss)
	(S.1)	numru ta' postijiet bil-qieghda, inkluż tas-sewwieq,
	(S.2)	numru ta' postijiet bil-wieqfa (fejn xieraq)

Ta' B'għażla, fatti magħrufa (data) addizzjonali minn II.6 (bil-kodiċijiet armonizzati) u II.7 jistgħu jiżdiedu fuq in-naħa ta' wara tal-card.

Ċ. Karatteristiċi fiżiċi ta' sigurtà ta' lis-smart card

It-theddid għas-sigurtà fiżika ta' dokumenti huma:

—

Produzzjoni ta' cards foloz: li toħloq oġġett ġdid li jġorr xebħ kbir għad-dokument, jew billi jsir mil-bidu nett jew billi jiġi kkupjat minn dokument oriġinali.

—

Tibdil fil-materjal: jinbidel karatteristiku ta' dokument oriġinali, p.e. jiġu modifikati xi wħud mill-fatti magħrufa (data) stampati fuq id-dokument.

Il-karta wżata għal L-ewwel Parti taċ-Ċertifikat ta' Reġistrazzjoni għandha ssir b'sigurtà kontra l-frodi permezz ta' mill-inqas tlieta mill-metodi ta' teknika li ġejjin:

—

mikrostampar,

—

stampar guilloche*,

—

stampar bħal qawsalla (iridescent),

—

inċiżjoni bil-laser,

—

linka florexxenti ultraviolet,

—

linka b' kulur dipendenti fuq l-angolu li jidher*,

—

linka b' kulur dipendenti fuq it-temperatura*,

—

custom holograms*,

—

dehriet varjabbi tal-laser,

—

dehriet varjabbli ottiċi.

L-Istati Membri huma ħielsa biex idaħħlu karatteristiċi addizzjonali ta' sigurtà.

Bħala bażi, il-metodi ta' teknika indikati b'asterisk għandhom jiġu preferuti għaliex jippermettu l-uffiċjali ta' infurzar tal-liġi biex jispezzjonaw il-validità tal-card mingħajr xi mezzi speċjali.

Stampa 1: Eżempji ta' forom possibbli tal-fatti magħrufa (data) mandatorji

(aktar fatti magħrufa (data) b'għażla u addizzjonali jistgħu jiżdiedu man-naħa ta' wara tal-card)

III.2 Reġistrazzjoni u protezzjoni ta' fatti magħrufa (data)

Preċeduti mill-kodiċijiet komuni armonizzati (fejn xieraq, f'konnessjoni mal-kodiċijiet individwali ta' l-Istati Membri skond il-Kapitlu II.7), il-fatti magħrufa (data) li ġejjin għandhom jew jistgħu jiġu reġistrati addizzjonalment fuq il-wiċċ tal-card li jġorr it-tagħrif leġibbli skond il-Kapitlu III.1:

(A) Fatti magħrufa (data) skond il-Kapitli II.4 u II.5

Il-fatti magħrufa (data) speċifikati f'Kapitli II.4 u II.5 għandhom jiġu reġistrati mandatorjament fuq il-card.

(B) Fatti magħrufa (data) oħra skond il-Kapitlu II.6

Barra minn hekk, l-Istati Membri huma ħielsa biex jirreġistraw aktar fatti magħrufa (data) skond il-Kapitlu II.6, sal-punt meħtieġ.

(Ċ) Fatti magħrufa (data) oħra skond il-Kapitlu II.7

B'għażla, tagħrif addizzjonali jista' jiġi reġistrat fuq il-card.

Il-fatti magħrufa (data) mill-ittri A u B huma reġistrati f'żewġ fajlijiet korrespondenti bi struttura trasparenti (ara ISO/IEC 7816-4). L-Istati Membri jistgħu jispeċifikaw ir-reġistrazzjoni ta' fatti magħrufa (data) mill-Ittra Ċ skond il-ħtiġijiet tagħhom.

Ma hemm l-ebda restrizzjonijiet ta' qari fuq dawn il-fajlijiet.

Aċċess għall-kitba fuq dawn il-fajlijiet għandu jiġi ristrett għall-awtoritajiet kompetenti nazzjonali (u l-aġenziji awtorizzati tagħhom) fl-Istat Membru li qed joħroġ lis-smart card.

Aċċess għall-kitba huwa permess biss wara awtentikazzjoni mhux simettrika ma' session key exchange għal protezzjoni tas-sessjoni bejn il-card ta' reġistrazzjoni tal-vettura u modulu ta' sigurtà (p.e. card ta' modulu ta' sigurtà) ta' l-awtoritajiet kompetenti nazzjonali (jew l-aġenziji awtorizzati tagħhom). B'hekk ċertifikati verifikabbli tal-card skond ISO/IEC 7816-8 huma mibdula qabel il-proċess ta' awtentikazzjoni. Iċ-ċertifikati verifikabbli tal-card jikkontjenu l-iskedi (keys) pubbliċi korrespondenti li jridu jinstabu mill-ġdid u li jridu jintużaw fil-proċess ta' awtentikazzjoni li ġej. Dawn iċ-ċertifikati huma ffirmati mill-awtoritajiet kompetenti nazzjonali u jikkontjenu oġġett ta' awtorizzazzjoni (awtorizzazzjoni tal-possessur taċ-ċertifikat) skond il-ISO/IEC 7816-9 sabiex tiġi kodifikata (encode) awtorizzazzjoni speċifika tar-rwol tal-card. Dan ir-rwol huwa relatat ma' l-awtorità kompetenti nazzjonali (p.e. biex jiġi aġġornat qasam ta' fatti magħrufa (data)).

L-iskedi (keys) pubbliċ korrespondenti ta' l-awtorità kompetenti nazzjonali huma reġistrati bħala ankra ta' fiduċja (skeda pubblika ta' għeruq) fil-card.

L-ispeċifikazzjoni tal-fajlijiet u kmand meħtieġa għall-proċess ta' awtentikazzjoni u l-proċess tal-kitba huwa skond ir-responsabbilta ta' l-Istati Membri. L-assigurazzjoni ta' sigurtà trid tiġi approvata mill-evalwazzjoni komuni ta' kriterji skond EAL4+. Iż-żidiet (augmentations) huma kif ġej: 1. AVA_MSU.3 Analiżi u testjar għal stati mhux sikuri; 2. AVA_VLA.4 Resistenti ħafna.

(D) Fatti magħrufa (data) ta' verifikazzjoni għal awtentiċita ta' fatti magħrufa (data) ta' reġistrazzjoni

L-awtorità tal-ħruġ tikkalkola l-firma elettronika tagħha dwar il-fatti magħrufa (data) kompleti ta' fajl li jikkontjeni l-fatti magħrufa (data) ta' l-ittra A jew B u tirreġistrahom ġo fajl relatat. Dawn il-firem jippermettu l-awtentiċita tal-fatti magħrufa (data) reġistrati li jridu jiġu verifikati. Il-cards għandhom jirreġistraw il-fatti magħrufa (data) li ġejja:

—

il-firma elettronika ta' fatti magħrufa (data) ta' reġistrazzjoni relatati ma' ittra A,

—

il-firma elettronika ta' fatti magħrufa (data) ta' reġistrazzjoni relatati ma' ittra B,

Għal verifika ta' dawn il-firem elettroniċi il-card għandha tirreġistra:

—

ċertifikati ta' l-awtorità tal-ħruġ li tikkalkula l-firem dwar il-fatti magħrufa (data) ta' l-ittri A,B.

Firem elettroniċi u ċ-ċertifikati għandhom ikunu jistgħu jinqraw mingħajr restrizzjoni. Aċċess għall-kitba għal firem elettroniċi u ċertifikati għandhom jiġu ristretti għall-awtoritajiet nazzjonali kompetenti.

III.3 Interface

Kuntatti esterni għandhom jintużaw għal interfacing. Tgħaqqid flimkien ta' kuntatti esterni ma' transponder huwa b'għażla.

III.4 Kapaċità ta' reġistrazzjoni tal-card

Il-card għandu jkollha kapaċità suffiċjenti biex tirreġistra l-fatti magħrufa (data) msemmija f'Kapitlu III.2.

III.5 Livelli stabbiliti

Iċ-chip card u mezzi ta' qari wżati għandhom jikkonformaw mal-livelli stabbiliti li ġejjin:

— ISO 7810

Livelli stabbiliti għal cards ta' identifikazzjoni (cards tal-plastik): Karatteristiċi fiżiċi

— ISO 7816-1 u -2

Karatteristiċi fiżiċi ta' chip cards, dimensjonijiet u lokazzjoni ta' kuntatti

— ISO 7816-3

Karatteristiċi elettriċi ta' kuntatti, protokolli ta' trasmissjoni

— ISO 7816-4

Kontenuti ta' komunikazzjoni, struttura ta' fatti magħrufa (data) taċ-chip card, arkitettura ta' sigurtà, mekkaniżmi ta' aċċess

— ISO 7816-5

Struttura ta' identifikaturi ta' applikazzjoni, għażla u eżekuzzjoni ta' identifikaturi ta' applikazzjoni, proċedura ta' reġistrazzjoni għal identifikaturi ta' applikazzjoni (sistema numerika),

— ISO 7816-6

Elementi ta' fatti magħrufa (data) fost l-industrija għal skambju

— ISO 7816-8

Cards ta' ċirkwit(i) integrati ma' kuntatti - Kmandi fost l-industrija relatati mas-sigurtà

— ISO 7816-9

Cards ta' ċirkwit(i) integrati ma' kuntatti - Kmandi fost l-industrija miżjuda

III.6 Karatteristiċi Tekniċi u Protokolli ta' Trasmissjoni

Il-format għandu jkun ID-1 (daqs normali, ara ISO/IEC 7810).

Għal trasmissjoni ta' bit il-“konvenzjoni diretta” għandha tiġi applikata (ara ISO/IEC 7816-3).

(A) Vultaġġ ta' provvsita, vultaġġ ta' programmar

Il-card għandha taħdem ma' Vcc = 3V (+/0.3V) jew ma' Vcc = 5V (+/0,5V). Il-card m'għandhiex teħtieġ vultaġġ ta' programmar f'pin C6.

(B) Risposta għal reset

Il-byte tal-Size Card tal-Qasam ta' Tagħrif għandu jiġi preżentat fil-ATR fil-karatteristiku TA3. Dan il-valur għandu jkun għall-inqas “80h” (= 128 bytes).

(Ċ) Għażla ta' parametru ta' protokoll

L-appoġġ ta' għażla ta' parametru tal-Protokoll (GPP) skond ISO/IEC 7816-3 huwa mandatorju. Huwa wżat biex jintgħażel T = 1, jekk T = 0 huwa preżenti addizzjonalment fil-card, u biex jiġu negozjati l-parametri Fi/Di għall-kisba ta' rati ta' trasmissjoni aktar għolja.

(D) Protokoll ta' trasmissjoni T = 1

L-appoġġ ta' chaining huwa mandatorju.

Is-simplifikazzjonijiet li ġejjin huma permessi:

—

NAD Byte: mhux użat (NAD għandu jiġi ssettjat għal “00”),

—

S-Block ABORT: mhux użat,

—

S-Block VPP state error: mhux użat.

Il-mezz tad-daqs tal-qasam ta' tagħrif (MDQT) għandu jiġi indikat mill-IFD immedjatament wara l-ATR, jiġifieri l-IFD għandu jittrasmetti t-Talba ta' l-S-Block IFS wara l-ATR u l-card għandha tibgħat lura l-S-Block IFS. Il-valur rakkomandat għal MDQT huwa 254 bytes.

III.7 Firxa tat-temperatura

Iċ-ċertifikat ta' reġistrazzjoni fil-format ta' l-ismart card għandu jiffunzjona sew fuq il-kondizzjonijiet klimatiċi kollha li normalment jipprevalu fit-territorji tal-Komunità u mill-inqas fil-firxa tat-temperatura speċifikata f'ISO 7810. Il-cards għandhom ikunu kapaċi li joperaw korrettement fil-firxa ta' l-umdita 10 % sa 90 %.

III.8 Il-ħajja (lifetime) fiżika

Jekk użata bi qbil ma' l-ispeċifikazzjonijiet ambjentali u relatati ma' l-elettriku, il-card għandha tiffuzzjona sew għal perjodu ta' għaxar snin. Il-materjal tal-card irid jintgħażel b'tali mod li din il-ħajja (lifetime) hija żgurata.

III.9 Karatteristiċi elettriċi

Matul l-operat, il-cards għandhom jikkonformaw mad-Direttiva tal-Kummmissjoni 95/54/KE tal-31 ta' Ottubru 1995 ( 13 ), relatata mal-kompatibilita elettromanjetika, u għandhom jiġu protetti kontra skarigi elettrostatiċi.

III.10 Struttura tal-fajl

Tabella 1 tniżżel f'lista l-fajlijiet elementari mandatorji (FE) ta' l-applikazzjoni DF (ara ISO/IEC 7816-4) Reġistrazzjoni DF. Dawn il-fajlijiet kollha għandhom struttura trasparenti.

Tabella 1

Isem tal-Fajl	Identifikatur tal-Fajl	Deskrizzjoni
Reġistrazzjoni. FE_A	“D001”	Fatti magħrufa (data) ta' reġistrazzjoni skond il-Kapitli II.4 u II.5
Firma.FE_ A	“E001”	Firma Elettronika dwar kontenut komplet ta' fatti magħrufa (data) ta' Reġistrazzjoni. FE_A
FE.C.IA_A.DS	“C001”	X.509v3 Ċertifikat ta' l-awtorità tal-ħruġ li tikkalkola 'l-firem għal Firma.FE_A
Reġistrazzjoni.FE_B	“D011”	Fatti magħrufa (data) ta' reġistrazzjoni skond il-Kapitlu II.6
Firma.FE_B	“E011”	Firma Elettronika dwar kontenut komplet ta' fatti magħrufa (data) ta' Reġistrazzjoni.FE_B
FE.C.IA_B.DS	“C011”	X.509v3 Ċertifikat ta' l-awtorità tal-ħruġ li tikkalkola 'l-firem għal FE.Firma_B

III.11 Struttura tal-fatti magħrufa (data)

Iċ-ċertifikati reġistrati huma fil-format X.509v3 skond ISO/IEC 9594-8. Il-firem elettronċi huma reġistrati b'mod trasparenti.

Il-fatti magħrufa (data) ta' reġistrazzjoni huma reġistrati bħala oġġetti ta' fatti magħrufa (data) ta' BER-TLV (ara ISO/IEC 7816-4) fil-fajlijiet elementari korrespondenti. L-oqsma ta' valur huma kodifikati bħala karatteristiku ASCII kif definit minn ISO/IEC 8824-1, il-valuri“C0”-“FRF” huma definiti minn ISO/IEC 8859-1 (Sett karatteristiku Latin1), ISO/IEC 8859-7 (Sett karatteristiku Griek) jew ISO/IEC 8859-5 (Sett karatteristiku Cyrillic). Il-format tad-dati huwa SSSSXXJJ (YYYYMMDD).

Tabella 2 tniżżel f'lista t-Tabelli (Tags) li jidentifikaw l-oġġetti tal-fatti magħrufa (data) li jikkorrespondu għall-fatti magħrufa ta' reġistrazzjoni tal-Kapitli II.4 u II.5 flimkien ma' fatti magħrufa (data) addizzjonali minn Kapitlu III.1. Minbarra jekk ikun dikjarat mod ieħor, l-oġġetti tal-fatti magħrufa (data) mmniżżla f'lista fit-Tabella 2 huma mandatorji. Oġġetti ta' fatti magħrufa (data) b'għażla jistgħu jitħallew barra. Il-kolonna tat-Tabella (Tag) tindika l-livell ta' nesting.

Tabella 2

TagTabellà ()				Deskrizzjoni
				Deskrizzjoni
“78”				Awtorità ta' allokazzjoni tat-tabella (tag) kompatibbli, oġġett ta' nesting“4F” (ara ISO/IEC 7816-4 u ISO/IEC 7816-6)
	“4F”			Identifikatur ta' applikazzjoni (ara ISO/IEC 7816-4)
“71”				Mudell (template) fost l-industrija (ara ISO/IEC 7816-4 u ISO/IEC 7816-6) li jikkorrespondi għal fatti magħrufa (data) mandatorji taċ-ċertifikat ta' reġistrazzjoni Parti 1, nesting l-oġġetti kollha li ġejjin
	“80”			Versjoni ta' definizzjoni ta' Tabella (Tag)
	“9F33”			Isem ta' l-Istat Membru li qed joħroġ iċ-ċertifikat ta' reġistrazzjoni ta' L-ewwel Parti
	“9F34”			Nomina oħra (p.e. nazzjonali ta' qabel) tad-dokument ekwivalenti (b'għażla)
	“9F35”			Isem ta' awtorità kompetenti
	“9F36”			Isem ta' l-awtorità li qed toħroġ iċ-ċertifikat ta' reġistrazzjonioni (b'għażla)
	“9F37”			Sett karatteristiku wżat: “00”: ISO/IEC 8859-1 (Sett karatteristiku Latin1) “01”: ISO/IEC 8859-5 (Sett karatteristiku Cyrillic) “02”: ISO/IEC 8859-7 (Sett karatteristiku Griek)
	“9F38”			Numru konsekuttiv mhux ambigwu tad-dokument kif użati fl-Istat Membru
	“81”			In-numru ta' reġistrazzjoni
	“82”			Id-Data ta' l-ewwel reġistrazzjoni
	“A1”			Fatti magħrufa (data) personali, oġġetti nesting“A2” u “86”
		“A2”		Possessur taċ-ċertifikat ta' reġistrazzjoni, oġġetti nesting“83”, “84” u “85”
			“83”	kunjom jew isem kummerċjali
			“84”	Ismijiet jew inizjali oħra (b'għażla)
			“85”	Indirizz fl-Istat Membru
		“86”		“00”: huwa s-sid tal-vettura “01”: mhuwiex is-sid tal-vettura “02”: mhuwiex identifikat bħala s-sid tal-vettura
	“A3”			Vettura, oġġetti nesting“87”, “88” u “89”
		“87”		Għamla tal-vettura
		“88”		Tip tal-vettura
		“89”		Deskrizzjonijiet kummerċjali tal-vettura
	“8A”			Numru ta' identifikazzjoni tal-vettura
	“A4”			Mass nesting“8B”
		“8B”		Massa laden massima teknikament permessa
	“8C”			Massa tal-vettura f'servizz ma' bodywork
	“8D”			Perjodu ta' validità
	“8E”			Data ta' reġistrazzjoni li għaliha jirreferi dan iċ-ċertifikat
	“8F”			Numru ta' approvazzjoni tat-tip
	“A5”			Magna, oġġetti nesting“90”, “91” u “92”
		“90”		Kapaċità tal-magna
		“91”		Qawwa nett massima tal-magna
		“92”		Tip ta' karburant tal-magna
	“93”			Skala tal-qawwa piż
	“A6”			Kapaċità ta' postijiet oġġetti nesting“94”, u “95”
		“94”		Numru ta' postijiet
		“95”		Numru ta' postijiet bil-wieqfa

Tabella 3 tniżżel f'lista t-Tabelli (Tags) li jidentifikaw l-oġġetti ta' fatti magħrufa (data) li jikkorrespondu għall-fatti magħrufa (data) ta' reġistrazzjoni ta' Kapitlu II.6. L-oġġetti ta' fatti magħrufa (data) imniżżla f'lista f'Tabella 3 huma b'għażla.

Tabella 3

TagTabella ()				Deskrizzjoni
				Deskrizzjoni
“78”				Awtorità ta' allokazzjoni tat-tabella (tag) kompatibbli, oġġett ta' nesting“4F” (ara ISO/IEC7816-4 u ISO/IEC 7816-6)
	“4F”			Identifikatur ta' Applikazzjoni (ara ISO/IEC 7816-4)
“72”				Mudell (template) fost l-industrija (ara ISO/IEC 7816-4 u ISO/IEC 7816-6) li jikkorrespondi għal fatti magħrufa (data) b'għażla taċ-ċertifikat ta' reġistrazzjoni ta' L-ewwel Parti, Kapitlu II.6, nesting l-oġġetti kollha li ġejjin
	“80”			Versjoni ta' definizzjoni ta' Tabella (Tag)
	“A1”			Fatti magħrufa (data) personali, oġġetti nesting“A7”, “A8” u “A9”
		“A7”		Sid tal-vettura, oġġetti nesting“83”, “84” u “85”
			…
		“A8”		It-tieni sid tal-vettura, oġġetti nesting“83”, “84” u “85”
			…
		“A9”		Persuna li tista' tuża l-vettura bis-saħħa ta' dritt legali ieħor għajr sidien ta' oġġetti nesting“83”, “84”, u “85”
			…
	“A4”
		“96”		Massa laden massima permessa tal-vettura f'servizz
		“97”		Massa laden massima permessa tal-vettura sħiħa f'servizz
	“98”			Kategorija tal-vettura
	“99”			Numru ta' fusien
	“9A”			Wheelbase
	“AD”			Distribuzzjoni tal-massa laden massima permessa fost il-fusien, oġġetti nesting“9F1F”, “9F20”, “9F21”, “9F22” u “9F23”
		“9F1F”		Fus 1
		“9F20”		Fus 2
		“9F21”		Fus 3
		“9F22”		Fus 4
		“9F23”		Fus 5
	“AE”			Massa irmunkabbli massima teknikament permessa tal-karru, oġġetti nesting“9B” u “9C”
		“9B”		Brejkjat
		“9C”		Mhux brejkjat
	“A5”			Magna, oġġetti nesting“9D” u “9E”
		“9D”		Veloċità fi skali
		“9E”		Numru ta' identifikazzjoni tal-magna
	“9F24”			Kulur tal-vettura
	“9F25”			Veloċità massima
	“AF”			Livell tal-ħoss, oġġetti nesting “DF26”, “DF27” u “DF28”
		“9F26”		Wieqfa
		“9F27”		Veloċità tal-magna
		“9F28”		Drive by
	“B0”			Emmissjonijiet ta' l-exhaust, oġġetti nesting“9F29”, “9F2A”, “9F2B”, “9F2C”, “9F2D”, “9F2E”, “9F2F”, “9F30” u “9F31”
		“9F29”		CO
		“9F2-A”		HC
		“9F2B”		NOX
		“9F2C”		HC + NOX
		“9F2-D”		Partikularitajiet ta' diesel
		“9F2E”		Koeffiċjent ta' korrezzjoni ta' assorbiment għad-diesel
		“9F2F”		CO2
		“9F30”		Konsum ta' karburant kombinat
		“9F31”		Indikazzjoni tal-kategorija ambjentali ta' approvazzjoni tat-tip KE
	“9F32”			Kapaċità ta' tankijiet ta' karburant

Struttura u format tal-fatti magħrufa skond il-Kapitlu II.7 huma speċifikati mill-Istati Membri.

III.12 Qari tal-fatti magħrufa ta' reġistrazzjoni

A. Għażla ta' applikazzjoni

L-applikazzjoni “Reġistrazzjoni tal-Vettura” għandha tkun tista' tintgħażel permezz ta' GĦAŻLA DF(bl-isem, ara ISO/IEC 7816-4) bl-identifikatur ta' l-applikazzjoni (IDA). Il-valur IDA huwa mitlub minn laboratorju magħżul mill-Kummissjoni Ewropea.

B. Qari ta' fatti magħrufa (data) minn fajlijiet

Il-fajlijiet li jikkorrespondu għall-Kapitlu II, Ittri A, B u D, għandhom ikunu jistgħu jintgħażlu minn GĦAŻLA (ara ISO/IEC 7816-4) bil-parametri tal-kmand P1 issettjat għal “02”, P2 issettjat għal “04” u l-qasam tal-fatti magħrufa (data) tal-kmand li jikkontjeni l-identifikatur tal-fajl (ara Kapitlu S, Tabella 1). Il-mudell (template) FCP ritornat jikkontjeni d-daqs tal-fajl li jista' jkun ta' użu għall-qari ta' dawn il-fajlijiet.

Dawn il-fajlijiet għandhom ikunu jistgħu jinqraw b' READ BINARY (ara ISO/IEC 7816-4) b'qasam tal-fatti magħrufa (data) tal-kmand assenti u Le ssettjat għat-tul tal-fatti magħrufa mistennija, bl-użu ta'

Ċ. Verifika ta' awtentiċita ta' fatti magħrufa (data)

Biex tiġi verifikata l-awtentiċita tal-fatti magħrufa (data) ta' reġistrazzjoni reġistrati, il-firma elettronika korrespondenti tista' tiġi verifikata. Dan ifisser li minbarra fatti magħrufa (data) ta' reġistrazzjoni anke l-firma elettronika korrespondenti tista' tinqara mill-card ta' reġistrazzjoni.

L-iskeda pubblika għal verifika tal-firma tista' tinstab mill-ġdid billi jinqara ċ-ċertifikat ta' l-awtorità tal-ħruġ korrespondenti mill-card ta' reġistrazzjoni. Ċertifikati jikkontjenu l-iskeda pubblika u l-identita ta' l-awtorità korrespondenti. Il-verifika tal-firma tista' titwettaq minn sistema oħra għajr il-card ta' reġistrazzjoni.

L-Istati Membri huma ħielsa li jsibu mill-ġdid l-iskedi pubbliċi u ċ-ċertifikati għall-verifika taċ-ċertifikat ta' l-awtorità tal-ħruġ.

III.13 Dispożizzjonijiet speċjali

Irrispettivament mid-dispożizzjonijiet l-oħra hawnhekk, l-Istati Membri, wara l-jgħarrfu lill-Kummissjoni Ewropea, jistgħu iżidu kuluri, marki u simboli. B'żieda ma' dan, għal ċerti fatti magħrufa (data) ta' Kapitlu III.1, Ittra Ċ, l-Istati Membri jistgħu jippermettu XML format u jistgħu jippermettu aċċess permezz ta' TCP/IP.

L-Istati Membri jistgħu, bil-ftehim tal-Kummissjoni Ewropea, iżidu applikazzjonijiet oħra għal liema għad ma jeżistu l-ebda regoli jew dokumenti armonizzati fil-livell ta' l-UE (p.e. ċertifikat ta' kemm hija tajba għat-triq (roadworthiness)), dwar il-card ta' reġistrazzjoni tal-vettura biex jiġu realizzati servizzi addizzjonali relatati ma' vetturi.

L-ANNESS II

IT-TIENI PARTI TAĊ-ĊERTIFIKAT TA' REĠISTRAZZJONI ( 14 )

I.	Din il-parti tista' tiġi mplimentata f'waħda miż-żewġ formats: bħala dokumenti tal-karti jew bħala smart card. Il-karatteristiċi tal-versjoni tad-dokument tal-karti huma speċifikati f'Kapitlu II u dawk tal-versjoni ta' l-ismart card f'Kapitlu III.

II.

Speċifikazzjonijiet tat-Tieni Parti taċ-ċertifikat ta' reġistrazzjoni fil-format tal-karta

II.1	Id-dimensjonijiet totali taċ-ċertifikat ta' reġistrazzjoni m'għandhomx ikunu aktar minn format ta' A4 (210 × 297 mm) jew folder ta' format ta' A4.

II.2

Il-karta wżata għat- Tieni Parti taċ-ċertifikat ta' reġistrazzjoni għandha ssir b'sigurtà kontra l-frodi permezz ta' mill-inqas tnejn mill-metodi ta' teknika li ġejjin:

—

grafika,

—

marka ta' l-ilma,

—

fibri florexxenti, jew

—

imprints florexxenti.

L-Istati Membri huma ħielsa biex idaħħlu karatteristiċi addizzjonali ta' sigurtà.

II.3	It-Tieni Parti taċ-ċertifikat ta' reġistrazzjoni tista' tikkonsisti minn numru ta' paġni. L-Istati Membri għandhom jistabbilixxu n-numru ta' paġni bi qbil mat-tagħrif li jinstab fid-dokument u l-arranġament tiegħu.

II.4

L-ewwel paġna tat-Tieni Parti taċ-ċertifikat ta' reġistrazzjoni għandha tikkontjeni:

—

l-isem ta' l-Istat Membru li qed joħroġ it-Tieni Parti taċ-ċertifikat ta' reġistrazzjoni,

—

il-marka distintiva ta' l-Istat Membru li joħroġ it-Tieni Parti taċ-ċertifikat ta' reġistrazzjoni, jiġifieri:

Il-Belġju

Il-Bulgarija

Ir-Repubblika Ċeka

Id-Danimarka

Il-Ġermanja

EST

L-Estonja

Il-Greċja

Spanja

Franza

Kroazja

IRL

L-Irlanda

L-Italja

Ċipru

Il-Latvja

Il-Litwanja

Il-Lussemburgu

L-Ungerija

Malta

L-Olanda

L-Awstrija

Il-Polonja

Il-Portugall

Ir-Rumanija

SLO

Is-Slovenja

Is-Slovakkja

FIN

Il-Finlandja

L-Isvezja

Ir-Renju Unit

—

l-isem ta' awtorità kompetenti,

—

il-kliem “it-Tieni Parti taċ-Ċertifikat ta' Reġistrazzjoni” stampati f'tipa kbira fil-lingwa jew lingwi ta' l-Istati Membri li qed joħorġu ċ-ċertifikat ta' reġistrazzjoni; għandhom jidhru wkoll, wara spazju xieraq, f'tipa żgħira fil-lingwi l-oħra tal-Komunità Ewropea,

—

il-kliem “Komunità Ewropea”, stampati fil-lingwa jew lingwi ta' l-Istati Membri li qed joħorġu it-Tieni Parti taċ-ċertifikat ta' reġistrazzjoni,

—

in-numru tad-dokument.

II.5

it-Tieni Parti taċ-Ċertifikat ta' Reġistrazzjoni għandha tikkontjeni wkoll il-fatti magħrufa (data) li ġejjin, preċeduti mill-kodiċijiet armonizzati korrespondenti tal-Komunità:

(A)

in-numru tar-reġistrazzjoni

(B)

id-data ta' l-ewwel reġistrazzjoni tal-vettura

(D)

vettura:

(D.1)

għamla,

(D.2)

tip,

—

varjant (jekk disponibbli)

—

versjoni (jekk ikun hemm)

(D.3)

deskrizzjoni(jiet) kummerċjali

(E)

numru ta' identifikazzjoni tal-vettura

(K)

numru u approvazzjoni tat-tip (jekk disponibbli)

II.6

it-Tieni Parti taċ-ċertifikat ta' reġistrazzjoni tista', barra minn dan, tikkontjeni l-fatti magħrufa (data) li ġejjin, preċeduti mill-kodiċijiet armonizzati korrespondenti tal-Komunità:

(Ċ)

fatti magħrufa (data) personali

(Ċ.2)

is-sid tal-vettura,

(Ċ.2.1)

kunjoni(ijiet) jew isem kummerċjali,

(Ċ.2.2)

isem(ismijiet) oħra jew inizjali (fejn xieraq),

(Ċ.2.3)

indirizz fl-Istat Membru ta' reġistrazzjoni, fid-data tal-ħruġ tad-dokument,

(Ċ.3)

persuna naturali jew legali li tista' tuża' l-vettura bis-saħħa ta' dritt legali ieħor għajr dak ta' pussess,

(Ċ.3.1)

kunjoni(ijiet) jew isem kummerċjali,

(Ċ.3.2)

isem(ismijiet) oħra jew inizjali (fejn xieraq),

(Ċ.3.3)

indirizz fl-Istat Membru ta' reġistrazzjoni, fid-data tal-ħruġ tad-dokument

(Ċ.5), (Ċ.6)

fejn bidla fil-fatti magħrufa (data) personali mogħtija f'punti II.6, kodiċi Ċ.2 u/jew II.6, kodiċi Ċ.3 ma toħloqx il-ħruġ tat-Tieni Parti ġdida taċ-Ċertifikat ta' Reġistrazzjoni, il-fatti magħrufa (data) personali ġodda li jikkorrespondu għal dawn il-punti jistgħu jiġu nklużi skond il-kodiċijiet (Ċ.5) jew (Ċ.6); huma mqassma bi qbil mal-punt II.6, kodiċi Ċ.2 u punt II.6, kodiċi Ċ.3.

(J)

kategorija tal-vettura.

II.7	L-Istati Membri jistgħu jinkludu tagħrif addizzjonali (fit-Tieni Parti taċ-ċertifikat ta' reġistrazzjoni); b'mod partikolari, jistgħu jżidu bejn il-parentesi għall-kodiċijiet ta' identifikazzjoni, kif preskritt skond II.5 u II.6, kodiċijiet nazzjonali addizzjonali.

III.

Speċifikazzjonijiet tat-Tieni Parti taċ-Ċertifikazzjoni ta' Reġistrazzjoni fil-forma ta' smart card (Alternattiva għall-kampjun f'format tal-karti deskritt f'Kapitlu II)

III.1 Format ta' card u fatti magħrufa (data) leġibbli bil-għajn

Billi hija card mikro-proċessur, iċ-chip card għandha tiġi disinjata bi qbil mal-livelli stabbiliti msemmija f'Kapitlu III.5.

Stampati fuq quddiem u wara tal-card għandu jkun hemm għall-inqas il-fatti magħrufa speċifikati f'Kapitli II.4 u II.5; dawn il-fatti magħrufa (data) għandhom ikunu leġibbli bil-għajn (għoli ta' karattru minimu: 6 punti) u stampati kif ġej: (Eżempji ta' forom possibbli huma preżentati f'Figura 2 fl-aħħar ta' din it-taqsima)

A. Imprint bażiku

Il-fatti magħrufa (data) bażiċi għandhom jikkontjenu li ġej:

Quddiem

(a)

In-naħa tal-lemin tal-lokazzjoni taċ-chip:

fil-lingwa(i) ta' l-Istat Membru li qed joħroġ iċ-Ċertifikat ta' Reġistrazzjoni

—

il-kliem “Komunità Ewropea”.

—

l-isem ta' l-Istat Membru li qed joħroġ iċ-Ċertifikat ta' Reġistrazzjoni,

—

il-kliem “Parti II taċ-Ċertifikat ta' Reġistrazzjoni” stampati f'tipa kbira,

—

nomina oħra (p.e. nazzjonalita ta' qabel) tad-dokument ekwivalenti (b'għażla),

—

l-isem ta' l-awtorità kompetenti (alternattivament, anke fil-forma ta' imprint personalizzat skond l-Ittra B),

—

in-numru konsekuttiv mhux ambigwu tad-dokument kif użat fl-Istat Membru (alternattivament, anke fil-forma ta' imprin personalizzat skond l-Ittra B).

(b)

'L fuq mill-lokazzjoni taċ-chip:

il-marka ta' distinzjoni ta' l-Istat Membru li qed joħroġ iċ-Ċertifikat ta' Reġistrazzjoni, bajda f'rettanglu blu u mdawwar bi tnax-il stilla safra:

Il-Belġju

BG	Il-Bulgarija

DK	Id-Danimarka

D	Il-Ġermanja

Il-Greċja

L-Ispanja

Franza

Kroazja

IRL

L-Irlanda

L-Italja

L	Il-Lussemburgu

L-Olanda

A	L-Awstrija

Portugal

RO	Ir-Rumanija