Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

dwar il-proċedura biex tafferma l-konformità tal-prodotti għall-bini skond l-Artikolu 20(2) tad-Direttiva tal-Kunsill 89/106/KEE rigward prodotti tal-konkrit mogħtija l-forma minn qabel normali/ħfief/maqsuma minnhom infushom u mogħtija l-arja

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 89/106/KEE tad-29 ta' April 1991 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi ta' l-Istati Membri li għandhom x'jaqsmu mal-prodotti għall-bini ( 1 ), kif emendata bid-Direttiva 93/68/KEE ( 2 ), u partikolarment Artikolu 13(4) li jinstab fiha,

Billi l-Kummissjoni hija meħtieġa li tagħżel, bejn iż-żewġ proċeduri skond Artikolu 13(3) tad-Direttiva 89/106/KEE sabiex tafferma l-konformità ta' prodott, “il-proċedura l-inqas oneruża possibbli konsistenti mas-sigurtà”; billi dan ifisser li huwa meħtieġ li tiddeċiedi jekk, għal-prodott jew grupp ta' prodotti tali, hiex meħtieġa sistema ta' kontroll tal-produzzjoni ta' fabbrika fuq ir-responsabbiltà tal-fabbrikant u hiex kondizzjoni biżżejjed għal attestazzjoni ta' konformità, jew jekk, għal raġunijiet li għandhom x'jaqsmu mal-konformità mal-kriterji msemmija f'Artikolu 13(4), jeħtieġ l-intervent ta' korp approvat ta' attestazzjoni;

Billi Artikolu 13(4) jeħtieġ li l-proċedura hekk stabbilita trid tiġi indikata fil-mandati u fl-ispeċifikazzjonijiet tekniċi; billi, għalhekk, huwa mixtieq li jiġi definit il-kunċett ta' prodotti jew gruppi ta' prodotti kif użati fil-mandati u fl-ispeċifikazzjonijiet tekniċi;

Billi ż-żewġ proċeduri provvduti f'Artikolu 13(3) huma deskritti fid-dettal f'Anness III mad-Direttiva 89/106/KEE; billi huwa għalhekk meħtieġ li jiġu speċifikati biċ-ċar il-metodi li bihom iż-żewġ proċeduri jridu jiġu implimentati, b'riferenza għal Anness III, dwar kull prodott jew grupp ta' prodotti, ladarba Anness III jagħti preferenza lil ċerti sistemi;

Billi l-proċedura riferita fil-punt (a) ta' Artikolu 13(3) tikkorrespondi mas-sistema dikjarata fl-ewwel possibbilità, mingħajr sorveljanza kontinwa, u mat-tieni u t-tielet possibbilitajiet tal-punt (ii) tat-taqsima 2 ta' Anness III, u l-proċedura riferita fil-punt (b) ta' Artikolu 13(3) tikkorrispondi mas-sistema dikjarata fil-punt (i) tat-taqsima 2 ta' Anness III u fl-ewwel possibbilità, b'sorveljanza kontinwa, tal-punt (ii) tat-taqsima 2 ta' Anness III;

Billi l-miżuri provduti f'din id-Deċiżjoni huma b’mod konformi ma’ l-opinjoni tal-Kumitat Permanenti dwar il-Bini,

ADOTTAT DIN ID-DEĊIŻJONI:

Il-prodotti u l-gruppi ta' prodotti dikjarati f’Anness I għandu jkollhom il-konformità affermata mill-proċedura li biha l-fabbrikant ikollu fir-responsabbiltà tiegħu biss is-sistema tal-kontroll tal-produzzjoni ġewwa l-fabbrika li tiżgura illi l-prodott jikkonforma ma’ l-ispeċifikazzjonijiet tekniċi rilevanti.

Il-prodotti dikjarati f'Anness II għandu jkollhom il-konformità tagħhom affermata minn proċedura li biha, b'żieda mas-sistema ta' kontroll tal-produzzjoni ġewwa l-fabbrika mħaddma mill-fabbrikant, jiġi ivolut korp approvat ta' attestazzjoni fl-istima u s-sorveljanza tal-kontroll tal-produzzjoni jew tal-prodott innifsu.

Il-proċedura biex tafferma l-konformità dikjarata f'Anness II għandha tiġi indikata fil-mandati għall-linji-gwida għall-approvazzjonijiet tekniċi Ewropej.

Prodotti tal-konkrit mogħtija l-forma minn qabel normali/ħfief/jinqasmu minnhom infushom u mogħtija l-arja ( 3 ):

Prodotti tal-konkrit mogħtija l-forma minn qabel normali/ħfief/jinqasmu minnhom infushom u mogħtija l-arja:

PRODOTTI TAL-KONKRIT MOGĦTIJA L-FORMA MINN QABEL NORMALI/ĦFIEF/LI JINQASMU WAĦEDHOM U MOGĦTIJA L-ARJA (1/1)

Prodott/i	Użu/i maħsub/a	Standard/s tal-klassi/jiet	Sistema/i ta' attestazzjoni ta' konformità
Prodotti tal-konkrit mogħtija l-forma minn qabel normali/ħfief/jinqasmu minnhom infushom u mogħtija l-arja:	għall-użu strutturali	—	2 +
	mhux għall-użu strutturali jew għall-użu ta' strutturi ħfief. (1)	—	4
(1) Użu ta' strutturi ħfief jirreferi għall-applikazzjonijiet li fil-każ ta' ċessjoni mhux suppost li jikkawżaw il-kollass tal-istrutturi jew ta' parti minnhom, deformazzjonijiet inammissibbli jew korriment tan-nies (għandhom jiġu definiti mill-Istati Membri). Is-Sistema 2+: Ara d-Direttiva 89/106/KEE, Anness III(2)(ii), L-ewwel possibbilità, inkluża ċ-attestazzjoni tal-kontroll tal-produzzjoni tal-fabbrika minn korp approvat fuq il-bażi ta' spezzjoni tal-bidu tal-fabbrika u tal-kontroll tal-produzzjoni tal-fabbrika kif ukoll l-assessjar kontinwu tas-sorveljanza u l-approvazzjoni tal-kontroll tal-produzzjoni tal-fabbrika. Is-Sistema 4: Ara d-Direttiva 89/106/KEE, Anness III(2)(ii), It-tielet possibbilità.

L-ispeċifikazzjoni għas-sistema għandha tkun tali li tista’ tiġi implimentata anke fejn ix-xogħol ma jeħtieġx li jiġi stabbilit għal ċerta karatteristika, għaliex mill-inqas wieħed mill-Istati Membri ma jkollu l-ebda ħtieġa legali għal din il-karatteristika (ara Artikolu 2(1) tad-Direttiva 89/106/KEE u, fejn japplika, il-punt 1.2.3 tad-Dokumenti ta' Interpretazzjoni). F'dawn il-każi l-verifika ta' karatatterstika minn din ma tridx tiġi imposta fuq il-fabbrikant jekk ma jkunx jixtieq li jiddikjara l-l-komportament tal-prodott f'dan ir-rigward.

TRAVI/UNITAJIET TA’ SULARI FI BLOKOK U ELEMENTI LI JINKORPORAW MATERJAL ORGANIKU

Għall-prodott jew prodotti u l-użu jew l-użi intenzjonati msemmija hawn taħt, il-Kumitat Ewropew għall-Istandardizzazzjoni (CEN) hija mitluba li tispeċifika s-sistema ta’ attestazzjoni ta’ konformità li ġejja fl-istandards armonizzati relevanti Ewropej.

Prodott(i)	Użu/i intenzjonat(i)	Livell(i) jew klassi(jiet) (Reazzjoni għan-nar)	L-attestazzjoni ta’ sistema/i ta’ konformità
Travi/unitajiet ta’ sulari fi blokok u elementi li jinkorporaw materjali organiċi	Għall-użi soġġetti għar-regolamentazzjonijiet tar-reazzjoni man-nar	(A1, A2, B, C) (1)	1
		(A1, A2, B, C) (2), D, E	3
		(A1 sa E) (3), F	4
(1) Prodotti/materjali li għalihom huwa identifikabbli biċ-ċar stadju fil-proċess tal-produzzjoni jirriżulta f’titjib tal-klassifika tar-reazzjoni għan-nar (eż. żieda ta’ prodotti ta’ trażżin tan-nar jew limitu tal-materjal organiku). (2) Prodotti jew materjali mhux koperti min-nota f’qiegħ il-paġna (1). (3) Prodotti jew materjali li ma jeħtiġux ittestjar għar-reazzjoni għan-nar, per eżempju prodotti jew materjali tal-Klassi A1 skont id-Deċiżjoni 96/603/KE (ĠU L 267, 19.10.1996, p. 23). Sistema 1: Ara, l-Anness III 2 (i) għad-Direttiva 89/106/KEE, mingħajr l-ittestjar permezz tal-awditjar tal-kampjuni. Sistema 3: Ara, l-Anness III 2 (ii) għad-Direttiva 89/106/KEE, it-tieni possibbiltà. Sistema 4: Ara l-Anness III (2) (ii) għad-Direttiva 89/106/KEE, it-tielet possibbiltà.

L-ispeċifikazzjoni għas-sistema għandha tkun tali li tkun tista’ tiġi implimentata saħansitra meta ma jinħtieġx it-twettiq tax-xogħol biex tiġi stabbilitat ċerta karatteristika, minħabba li mill-inqas Stat Membru wieħed ma jkollu l-ebda ħtieġa legali għal din il-karatteristika (ara l-Artikolu 2(1) tad-Direttiva 89/106/KEE u, jekk meħtieġ, il-punt 1.2.3 tad-Dokumenti Interpretattivi). F’dawk il-każijiet, il-verifika ta’ din it-tip ta’ karatteristika m’għandhiex tkun imposta fuq il manifattur jekk ma jixtieqx jiddikjara l-prestazzjoni tal-prodott f’dak ir-rigward.

( 4 ) Użu ħafif fil-bini jirreferi għall-applikazzjonijiet li fil-każ li ma jifilħux mhux suppost li jikkawżaw il-kollass tal-istrutturi jew ta' parti minnhom, deformazzjonijiet li ma jistgħux jiġu ammessi jew ikorru lin-nies (iridu jiġu definiti mill-Istati Membri).

		Il-Ġurnal Uffiċjali
		No	page	date
►M1	DEĊIŻJONI TA’ IMPLIMENTAZZJONI TAL-KUMMISSJONI tad-29 ta’ Marzu 2012	L 109	22	21.4.2012