|
27.4.2017 |
MT |
Il-Ġurnal Uffiċjali tal-Unjoni Ewropea |
C 133/3 |
Talba għal Opinjoni Konsultattiva tal-Qorti tal-EFTA minn Norges Høyesterett ddatata l-14 ta’ Diċembru 2016 fil-Kawża ta’ Torbjørn Selstad Thue u l-Federazzjoni Norveġiża tal-Pulizija (Politiets Fellesforbund) vs il-Gvern Norveġiż, irrappreżentat mill-Ministeru tal-Ġustizzja u s-Sigurtà Pubblika
(il-Kawża E-19/16)
(2017/C 133/03)
Saret talba lill-Qorti tal-EFTA ddatata l-14 ta’ Diċembru 2016 minn Norges Høyesterett (il-Qorti Suprema tan-Norveġja), li waslet fir-Reġistru tal-Qorti fl-14 ta’ Diċembru 2016, għal Opinjoni Konsultattiva fil-kawża ta’ Torbjørn Selstad Thue u l-Federazzjoni Norveġiża tal-Pulizija (Politiets Fellesforbund) vs il-Gvern Norveġiż, irrappreżentat mill-Ministeru tal-Ġustizzja u s-Sigurtà Pubblika dwar il-mistoqsijiet li ġejjin:
|
1. |
Iż-żmien li wieħed jagħmel fuq vjaġġ ordnat mill-impjegatur, lejn u/jew minn post tal-attendenza li ma jkunx il-post li l-impjegat jattendi b’mod fiss jew abitwali, meta dan il-vjaġġ iseħħ barra mis-sigħat normali tax-xogħol, għandu jitqies bħala ħin tax-xogħol skont l-Artikolu 2 tad-Direttiva 2003/88/KE? |
|
2. |
Jekk l-ivvjaġġar kif deskritt fil-Mistoqsija I waħdu ma jkunx biżżejjed biex jiġi kklassifikat bħala ħin tax-xogħol, x’inhuma t-test legali u l-elementi rilevanti li għandhom jiġu kkunsidrati biex jiġi vvalutat jekk iż-żmien li wieħed qatta’ jivvjaġġa għandux minkejja kollox jitqies li jikkostitwixxi ħin tax-xogħol? Bħala parti minn din il-mistoqsija, qed tintalab opinjoni dwar jekk għandhiex issir valutazzjoni tal-intensità għall-ammont ta’ xogħol imwettaq waqt l-ivvjaġġar. |
|
3. |
L-ammont ta’ drabi li l-impjegatur jispeċifika post ta’ attendenza li mhuwiex dak fiss jew abitwali, għandu rilevanza għall-valutazzjonijiet ta’ Mistoqsijiet I u II? |