DEĊIŻJONI TAL-AWTORITÀ TA' SORVELJANZA TAL-EFTA

Nru 111/15/COL

tal-31 ta' Marzu 2015

li temenda l-lista miġbura fil-punt 39 tal-Parti 1.2 tal-Kapitolu I tal-Anness I tal-Ftehim dwar iż-Żona Ekonomika Ewropea li jelenka l-postijiet ta' spezzjoni fil-fruntiera fl-Iżlanda u fin-Norveġja miftiehma għal verifiki veterinarji fuq annimali ħajjin u prodotti tal-annimali minn pajjiżi terzi u li jħassar id-Deċiżjoni tal-Awtorità ta' Sorveljanza tal-EFTA Nru 311/13/COL[2016/1419]

L-AWTORITÀ TA' SORVELJANZA TAL-EFTA,

Wara li kkunsidrat il-punti (5)(b) tal-Parti Preliminari tal-Kapitolu I tal-Anness I tal-Ftehim ŻEE,

Wara li kkunsidrat l-Att imsemmi fil-punt 4 tal-Parti 1.1 tal-Kapitolu I tal-Anness I tal-Ftehim ŻEE (id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (1)), kif emendat u adattat għall-Ftehim ŻEE mill-adattamenti settorjali msemmija fl-Anness I ta' dak il-Ftehim, u b'mod partikolari l-Artikolu 6(2) tiegħu,

Wara li kkunsidrat l-Att imsemmi fil-punt 111 tal-Prti 1.2 tal-Kapitolu I tal-Anness I tal-Ftehim ŻEE (id-Deċiżjoni tal-Kummissjoni 2001/812/KE tal-21 ta' Novembru 2001 li tistabbilixxi r-rekwiżiti għall-approvazzjoni ta' postijiet ta' spezzjoni tal-fruntiera responsabbli għal kontrolli veterinarji ta' prodotti li jidħlu fil-Komunità minn pajjiżi terzi (2)), kif emendat, u partikolarment l-Artikolu 3(5) tiegħu,

Kif adattat għall-Ftehim ŻEE minn punt 4(d) tal-Protokoll 1 tal-Ftehim ŻEE u l-Artikoli 1(2) u 3 tal-Protokoll 1 tal-Ftehim dwar is-Sorveljanza u l-Qorti,

Billi:

Permezz ta' ittra tad-19 ta' Jannar 2015 (Dok Nru 742451, IS ref. Mast14090047/0.2.7.0), mill-Awtorità tal-Ikel u Veterinarja Iżlandiża (MAST) infurmat lill-Awtorità li l-post ta' spezzjoni fil-fruntiera Húsavik (IS HUS 1) kien ingħalaq. MAST għalhekk talbet li l-post ta' spezzjoni fil-fruntiera jiġu mneħħija mil-lista ta' postijiet ta' spezzjoni fuq il-fruntiera fl-Iżlanda u fin-Norveġja miftiehma għal verifiki veterinarji fuq annimali ħajjin u fuq prodotti tal-annimali minn pajjiżi terzi.

Skont id-Direttiva 97/78/KE, l-Awtorità għandha tfassal u tippubblika lista ta' postijiet ta' spezzjoni fil-fruntiera approvati li jistgħu sussegwentement jiġu emendati jew supplimentati biex jirriflettu l-bidliet fil-listi nazzjonali. Il-lista attwali ta' postijiet ta' spezzjoni tal-fruntiera approvati ġiet adottata mill-Awtorità fis-17 ta' Lulju 2013 permezz tad-Deċiżjoni Nru 311/13/COL.

Huwa għalhekk l-obbligu tal-Awtorità li temenda l-lista tal-postijiet ta' spezzjoni fil-fruntiera fl-Iżlanda u fin-Norveġja u biex tippubblika lista ġdida, li tirrilfetti l-bidla fil-post ta' spezzjoni fil-fruntiera li tikkonċerna Húsavik.

L-Awtorità, bid-Deċiżjoni tagħha Nru 65/15/COL irreferiet il-kwistjoni lill-Kumitat Veterinarju u Fitosanitarju li jassisti l-Awtorità ta' Sorveljanza tal-EFTA. Il-Kumitat approva unanimament il-modifika proposta tal-lista. Għaldaqstant, l-abbozz tal-miżuri huma konformi mal-opinjoni tal-Kumitat.

Skont il-punt 6 tad-Deċiżjoni tal-Awtorità ta' Sorveljanza tal-EFTA Nru 494/13/COL tal-11 ta' Diċembru 2013, il-Membru tal-Kulleġġ b'responsabbiltà speċjali għal kwistjonijiet veterinarji u fitosanitarji għandu s-setgħa li tadotta abbozz tal-miżuri li temenda l-lista ta' postijiet ta' spezzjoni fil-fruntiera fi Stat tal-EFTA miftiehma għal verifiki veterinarji fuq annimali ħajjin u fuq prodotti tal-annimali minn pajjiżi terzi jekk l-abbozz tal-miżuri huma konformi mal-opinjoni tal-Kumitat Veterinarju u Fitosanitarju tal-EFTA li jassisti lill-Awtorità ta' Sorveljanza tal-EFTA.

ADOTTAT DIN ID-DEĊIŻJONI:

(1)  ĠU L 24, 30.1.1998, p. 9.

(2)  ĠU L 306, 23.11.2001, p. 28.