(1)

Fl-4 ta' Novembru 1998, l-Awtorità adottat 'Il-Qafas multisettorjali dwar l-għajnuna reġjonali għal proġetti kbar ta' investiment (1). Il-qafas multisettorali sar applikabbli mill-1 ta' Jannar 1999 għal perjodu inizjali ta' prova għal tliet snin. Il-validità tiegħu ġiet estiża fl-2001 sal-31 ta' Diċembru 2002.

(2)

Dan il-Qafas japplika biss għall-għajnuna reġjonali, kif inhi definita mill-Linjigwida dwar l-Għajnuna Nazzjonali Reġjonali (2), li l-għan tagħhom huwa li jippromwovu investiment inizjali, inkluż il-ħolqien ta' impjiegi marbuta ma' l-investiment inizjali, fuq il-bażi ta' l-Artikolu 61(3)(a) u (c) tal-Ftehim taż-ŻEE. Dan il-Qafas huwa mingħajr preġudizzji għall-valutazzjoni ta' proposti għall-għajnuna skond dispożizzjonijiet oħra tal-Ftehim taż-ŻEE bħal mhu l-Artikolu 61(3)(b). Għas-setturi ta' l-azzar u l-fibri sintetiċi, japplika wkoll għall-għotjiet kbar ta' għajnuna individwali lill-impriżi żgħar u ta' daqs medju li m'humiex eżentati minn dispożizzjonijiet oħra. Dan il-Qafas ma japplikax għall-każijiet ta' għajnuna għar-ristrutturar, li se jibqgħu jkunu koperti mill-Linjigwida ta' l-Awtorità għall-għajnuna Statali għas-salvataġġ u r-ristrutturar ta' intrapriżi li jinsabu f'diffikultajiet finanzjarji (3). Bl-istess mod, dan il-Qafas ma jaffettwax il-ħidma ta' l-oqfsa orizzontali eżistenti, bħal mhu l-qafas ta' l-Awtorità għall-għajnuna Statali għar-riċerka u l-iżvilupp (4), kif ukoll il-Linjigwida ta' l-Awtorità dwar l-għajnuna Statali għall-ħarsien ta' l-ambjent (5).

(3)

L-intensità ta' l għajnuna għall-investiment reġjonali li m'hijiex eżentata mill-obbligu ta' notifika stabbiliti fl-Artikolu 1(3) tal-Protokoll 3 tal-Ftehim dwar is-Sorveljanza u l-Qorti, se tkun limitata fuq il-bażi tal-kriterji stabbiliti f'dan il-Qafas.

(4)

Skond dan il-Qafas, ma hi meħtieġa l-ebda notifika minn qabel ta' għajnuna taħt ċerti limiti għal proġetti kbar ta' l-investiment, sakemm dik l-għajnuna tkun mogħtija skond skema ta' għajnuna approvata mill-Awtorità. Madankollu, dan il-Qafas ma jaffettwax l-obbligu ta' l-Istati ta' l-EFTA li jgħarrfu għajnuna ġdida individwali (ad hoc) li mhix eżentata mill-obbligu ta' notifika stabbilita fl-Artikolu 1(3) tal-Protokoll 3 tal-Ftehim dwar is-Sorveljanza u l-Qorti. Ir-regoli stabbiliti f'dan il-Qafas japplikaw ukoll għall-valutazzjoni ta' miżuri individwali (ad hoc) bħal dawn għall-għajnuna Statali.

(1)

Il-limiti massimi għall-għajnuna stabbilita mill-Awtorità għaż-żoni kollha eliġibbli għall-għajnuna reġjonali huma ġeneralment imfassla sabiex jipprovdu livell xieraq ta' inċentiv meħtieġ għall-iżvilupp tar-reġjunijiet megħjuna. Madankollu, peress illi l-limitu massimu huwa uniformi, fil-każ ta' proġetti kbar il-livelli stabbiliti normalment ikunu ogħla mill-ispejjeż determinati mill-iżvantaġġi reġjonali. L-għan ta' dan il-Qafas hu li jillimita l-livell ta' inċentiv disponibbli għall-proġetti kbar għal wieħed li jevita kemm jista' jkun tfixkil bla bżonn tal-kompetizzjoni.

(2)

L-investimenti l-kbar jistgħu jagħtu kontribut, b'mod effettiv, għall-iżvilupp reġjonali, per eżempju billi jattiraw intrapriżi oħrajn lejn ir-reġjun u b'hekk idaħħlu teknoloġiji avvanzati kif ukoll billi jagħtu kontribut għat-taħriġ tal-ħaddiema. Madankollu, dawn l-investimenti huma inqas affettwati minn problemi gravi u speċifiċi tar-reġjun fiż-żoni żvantaġġati. L-ewwelnett, l-investimenti l-kbar jistgħu jipproduċu ekonomiji ta' skala li jnaqqsu l-ispejjeż inizjali li huma relatati mal-lok b'mod speċifiku. It-tieni, f'ħafna rispetti, dawn m'humiex marbuta mar-reġjun fejn fiżikament iseħħ l-investiment. L-investimenti l-kbar faċilment jistgħu jiksbu kapital u kreditu fuq swieq globali u m'humiex limitati mill-offerta aktar ristretta ta' servizzi finanzjarji f'reġjun partikolari żvantaġġjat. Aktar minn hekk, il-kumpaniji li jagħmlu investimenti kbar jistgħu jkollhom aċċess għal forza ta' ħaddiema mifruxa fuq medda ġeografikament usa', u jistgħu jittrasferixxu l-ħaddiema tas-sengħa għall-post magħżul b'mod iżjed faċli.

(3)

Fl-istess ħin, jekk investimenti kbar jirċievu ammonti kbar ta' għajnuna Statali billi jibbenefikaw minn limiti reġjonali massimi, ikun hemm aktar riskju illi l-kummerċ ikun affettwat b'konsegwenza ta' tfixkil akbar vis-a-vis l-kompetituri fi Stati oħra taż-ŻEE. Dan hu minħabba l-fatt illi l-benefiċjarju ta' l-għajnuna wisq probabbli jkollu rwol sinifikanti fis-suq ikkonċernat u, b'hekk, l-investiment li għalih tingħata l-għajnuna jista' jimmodifika l-kondizzjonijiet tal-kompetizzjoni f'dak is-suq.

(4)

Barra minn hekk, intrapriżi li jidħlu għal investimenti kbar normalment ikollhom saħħa konsiderevoli biex jinnegozjaw fil-konfront ta' l-awtoritajiet li jagħtu l-għajnuna. Fil-fatt, investituri fi proġetti kbar sikwit jikkunsidraw siti alternattivi fi Stati differenti taż-ŻEE, li jistgħu jwasslu għal spiral ta' wegħdiet għal għajnuna dejjem aktar ġenerużi, u jistgħu jwasslu wkoll għal livell ferm ogħla minn dak meħtieġ biex jiġu kkumpensati l-iżvantaġġi reġjonali.

(5)

Huwa probabbli li r-riżultat ta' sussidji bl-irkant bħal dawn ikun illi l-investimenti l-kbar jirċievu intensitajiet ta' għajnuna li jaqbżu l-ispejjeż addizzjonali li huma relatati ma' l-għażla tal-post għall-investiment f'żona żvantaġġjata.

(6)

L-ammont ta' għajnuna li jaqbeż il-minimu meħtieġ biex jikkumpensa għall-iżvantaġġi reġjonali probabbilment ikun il-kaġun ta' ħafna effetti negattivi (għażliet ineffiċjenti ta' lok), ta' tfixkil akbar fil-qasam kompetittiv u, peress illi l-għajnuna hija trasferiment għali ta' flus minn bwiet dawk illi jħallsu t-taxxi għal dawk li jirċievu l-għajnuna, ukoll ta' telf nett tal-benesseri.

(7)

L-esperjenza riċenti turi illi l-proġetti l-kbar ta' investiment li jgawdu mill-għajnuna reġjonali ta' investiment għandhom intensità akbar ta' kapital milli għandhom il-proġetti ż-żgħar. Bħala riżultat, trattament aktar favorevoli ta' proġetti ta' investiment iżgħar ifisser trattament aktar favorevoli fiż-żoni megħjuna ta' proġetti li jirrikjedu ħafna ħaddiema, li b'hekk jagħtu kontribut għal ħolqien tax-xogħol u t-tnaqqis ta' l-qgħad.

(8)

Jista' jkun illi ċerti tipi ta' investiment huma kawża ta' tfixkil serju fil-qasam kompetittiv, u l-effett vantaġġjuz tagħhom fuq ir-reġjun involut huwa dubjuż. B'mod partikolari, dan huwa l-każ fejn għandhom x'jaqsmu investimenti f'setturi fejn intrapriża waħda biss għandha sehem kbir fis-suq, jew fejn il-kapaċità eżistenti għal produzzjoni settorjali tiżdied b'mod sinifikattiv, mingħajr żieda korrispondenti fid-domanda għall-prodotti kkonċernati. B'mod aktar ġenerali, it-tfixkil tal-kompetizzjoni huwa probabbli f'setturi li jbatu minn problemi strutturali, fejn il-kapacità eżistenti għal produzzjoni diġà taqbeż id-domanda għall-prodott fis-suq, jew fejn id-domanda għall-prodotti kkonċernati qiegħda dejjem tonqos.

(1)

Mingħajr preġudizzju għall-kriterji ta' kompatibilità stabbiliti fil-Linjigwida għall-Għajnuna Nazzjonali Reġjonali, u mingħajr preġudizzju għall-obbligu ta' notifika stabbilita fil-punt (4) fit-taqsima 26A.3 jew għar-regoli tranżizzjonali stabbiliti fit-taqsima 26A.8, l-għajnuna reġjonali għall-investiment li għandha x'taqsam ma' investimenti li jinvolvu spiża eliġibbli (6) għall-limiti mfassla hawn taħt għandhom ikunu soġġetti għal limitu massimu mnaqqas ta' għajnuna reġjonali, fuq il-bażi ta' din l-iskala li ġejja:

(2)

B'hekk, l-ammont ta' għajnuna permess għal proġett 'il fuq minn 50 miljun EUR għandu jkun ikkalkolat skond il-formula: ammont massimu ta' għajnuna = R*(50 + 0.50 B + 0.34 C); fejn R huwa l-limitu reġjonali mhux aġġustat; B huwa n-nefqa eliġibbli bejn il-50 miljun EUR u l-100 miljun EUR; u C huwa n-nefqa eliġibbli 'l fuq minn 100 miljun EUR, jekk ikun hemm (7).

(3)

Bħala eżempju, għal kumpanija kbira li qed tinvesti 80 miljun EUR f'żona megħjuna fejn il-limitu mhux aġġustat ta' għajnuna reġjonali huwa 25 % ta' l-ekwivalenti nett ta' l-għajnuna (NGE), l-ammont massimu ta' għajnuna permess ikun 16.25 miljun EUR NGE, li jikkorrispondi għal intensità ta' għajnuna ta' 20.3 % NGE. Għal kumpanija kbira li qed tinvesti 160 miljun EUR fl-istess żona, l-ammont massimu ta' għajnuna permess ikun ta' 23.85 miljun EUR NGE, li jikkorrispondi għal intensità ta' għajnuna ta' 14.9 % NGE.

(4)

Madankollu, l-Istati ta' l-EFTA huma mitluba jinnotifikaw kull każ ta' għajnuna reġjonali ta' investiment jekk l-għajnuna proposta tkun aktar mill-ammont massimu ta' għajnuna permess li investiment ta' 100 miljun EUR jista' jikseb skond l-iskala u r-regoli stabbiliti fil-punt 26A.3.(1) (8). Proġetti li huma notifikabbli individwalment m'humiex eliġibbli għall-għajnuna ta' investiment fl-ebda waħda minn dawn iż-żewġ sitwazzjonijiet:

Ir-responsabbiltà biex ikun ipprovat li s-sitwazzjonijiet li għalihom jirreferu l-punti (a) u (b) ma nkisbux, hija ta' l-Istat ta' l-EFTA (9). Bil-għan li jkunu applikati l-punti (a) u (b) il-konsum apparenti jiġi identifikat fil-livell xieraq tal-klassifika ta' PRODCOM (10) fiż-ŻEE, jew, jekk din l-informazzjoni m'hijiex disponibbli, fuq il-bażi ta' kwalunkwe segmentazzjoni oħra tas-suq ġeneralment aċċettata għall-prodotti kkonċernati u li dwarhom hemm data ta' statistika disponibbli faċilment.

(1)

Fir-rigward ta' l-industrija ta' l-azzar kif identifikata fl-Anness B ta' dan il-Qafas (11), l-Awtorità tinnota illi għal perjodu ta' żmien kemmxejn twil, il-kumpaniji ta' l-azzar ta' l-ECSC ħadmu mingħajr rikors għall-għajnuna ta' l-investiment li kienet disponibbli għall-bqija tas-setturi industrijali. Il-kumpaniji ta' l-azzar integraw dan il-fattur fl-istrateġiji tagħhom u huma mdorrija jaħdmu b'dan il-mod. Minħabba l-karatteristiċi speċifiċi tas-settur ta' l-azzar (b'mod partikolari l-istruttura tiegħu, il-kapaċità żejda eżistenti fuq livell Ewropew u dinji, in-natura tiegħu ta' attività b'intensità għolja ta' kapital, il-lok tal-biċċa l-kbira ta' l-impjanti ta' l-azzar f'reġjunijiet eliġibbli għall-għajnuna reġjonali, l-ammonti sostanzjali ta' fondi pubbliċi ddedikati għar-ristrutturar tas-settur ta' l-azzar, u l-konverzjoni taż-żoni ta' l-azzar) u l-esperjenza miksuba meta regoli anqas stretti dwar għajnuna Statali kienu applikati fil-passat, tidher ġustifikata t-tkomplija tal-projbizzjoni ta' għajnuna għall-investiment għal dan is-settur, irrispettivament mid-daqs ta' l-investiment. Skond dan, l-Awtorità tqis li l-għajnuna reġjonali għall-industrija ta' l-azzar m'hijiex kompatibbli mas-suq komuni. Dan in-nuqqas ta' kompatibbilità japplika wkoll għal għajnuniet individwali ta' ammonti kbar mogħtija lill-intrapriżi ż-żgħar u ta' daqs medju li m'humiex eżentati permezz ta' dispożizzjonijiet oħra.

(1)

Fil-passat, l-Awtorità kienet tqis b'mod konsistenti illi meta jsir investiment f'setturi li jsofru, jew li jistgħu jsofru minn kapaċità żejda serja jew tnaqqis persistenti fid-domanda jiżdied ir-riskju tat-tfixkil tal-kompetitizzjoni, mingħajr ma jinkisbu l-benefiċċji ta' kontrabilanċ meħtieġa fir-reġjun ikkonċernat. Il-mod xieraq kif jingħaraf illi dawn l-investimenti huma ta' inqas benefiċċju minn perspettiva reġjonali huwa jekk titnaqqas l-għajnuna għal investiment għal proġetti f'setturi fejn jeżistu problemi strutturali, għal livell inqas minn dak permess għal setturi oħrajn.

(2)

S'issa, diversi setturi industrijali sensittivi kienu suġġetti għal regoli speċifiċi u aktar stretti dwar l-għajnuna Statali (12) Skond punt 3 f'taqsima 26.1 tal-qafas multisettorjali preċedenti, dawn ir-regoli speċifiċi settorjali għadhom japplikaw.

(3)

Wieħed mill-għanijiet tal-qafas multisettorjali preċedenti kien il-provvediment tal-possibilità li r-regoli eżistenti settorjali jiġu sostitwiti minn strument wieħed. Bla ħsara għar-regoli tranżitorji msemmija fit-taqsima 26A.8 hawn taħt, l-Awtorità tixtieq tinkludi dawn is-setturi industrijali sensittivi fi ħdan il-Qafas, permezz tar-reviżjoni preżenti.

(4)

Sal-31 ta' Diċembru, is-setturi fejn jeżistu problemi strutturali serji jistgħu jkunu speċifikati f'Lista ta' setturi li għandha tkun mehmuża mal-Qafas. L-ebda għajnuna lil investiment reġjonali ma hi se tkun awtorizzata f'dawn is-setturi, suġġetta għad-dispożizzjonijiet stabbiliti f'din it-taqsima.

(5)

Għall-għan tat-tfassil tal-Lista ta' setturi, fil-prinċipju għandhom jitqiesu problemi strutturali serji fuq il-bażi ta' data ta' konsum apparenti, fuq il-livell xieraq tal-klassifika CPA (13) fiż-ŻEE, jew, jekk tagħrif bħal dan m'huwiex disponibbli, fuq il-bażi ta' kwalunkwe segmentazzjoni tas-suq ġeneralment aċċettata għall-prodotti kkonċernati u li għalihom hemm data ta' statistika disponibbli faċilment. Jitqies li hemm problemi serji meta s-settur involut qiegħed imur lura (14). Il-Lista ta' setturi għandha tkun aġġornata perjodikament, bi frekwenza li għandha tkun determinata fiż-żmien meta l-Lista ta' setturi tkun deċiża.

(6)

Sa mill-1 ta' Jannar 2004, u għas-setturi inklużi fil-Lista ta' setturi li għandhom problemi strutturali serji, l-għajnuna kollha ta' investiment reġjonali li għandha x'taqsam ma' proġett ta' investiment li jinvolvi nfiq eliġibbli aktar minn ammont li għandu jkun deċiż mill-Awtorità fiż-żmien meta titfassal Lista ta' setturi (15), għandha tkun notifikata individwalment lill-Awtorità. L-Awtorità għandha teżamina dawn in-notifiki skond dawn ir-regoli li ġejjin: l-ewwelnett, il-proġett li lilu tingħata għajnuna għandu jkun konformi mal-kriterji ta' valutazzjoni ġenerali stabbiliti fil-linjigwida dwar l-għajnuna reġjonali nazzjonali; it-tieni, l-infiq eliġibbli kif inhu identifikat taħt il-punt 26A.11.(3) li jaqbeż l-ammont li għandu jkun deċiż mill-Awtorità fiż-żmien meta titfassal il-Lista ta' Setturi ma jkunx eliġibbli għall-għajnuna ta' investiment ħlief fil-każijiet li hemm referenza għalihom fil-punt 26A.5.(7).

(7)

B'deroga mill-punt 6 fit-taqsima 26A.5., l-Awtorità tista' tawtorizza għajnuna ta' investiment għas-setturi inklużi fil-Lista ta' setturi fuq il-bażi ta' l-intensitajiet ta' għajnuna stabbiliti fit-taqsima 26A.3. ta' dan il-Qafas, sakemm l-Istat ta' l-EFTA juri illi, għalkemm is-settur hu meqjus li qed imur lura, is-suq għall-prodott ikkonċernat qed jikber malajr (16).

(1)

Fit-tfassil ta' dan il-Qafas, l-Awtorità għamlet ħilitha biex tiżgura illi, kemm jista' jkun, dan ikun ċar, mhux ambigwu, prevedibbli u effiċjenti u li l-piż żejjed amministrattiv li jinvolvi, jinżamm fuq livell minimu.

(2)

Sabiex ikunu żgurati t-trasparenza u l-monitoraġġ effettiv, huwa xieraq li jitwaqqaf format standard li permezz tiegħu l-Istati EFTA għandhom jipprovdu l-Awtorità b'tagħrif sommarju fil-forma stabbilita fl-Anness A, kull meta l-għajnuna għall-investimenti l-fuq minn 50 miljun EUR tingħata skond dan il-Qafas. Ladarba titwettaq l-għajnuna li taqa' taħt dan il-Qafas, l-Istati ta' l-EFTA għandhom, fi żmien 20 jum ta' xogħol li jibdew ma' l-għotja ta' l-għajnuna mill-awtorità kompetenti, jibagħtu dan it-tagħrif sommarju lill-Awtorità.

(3)

L-Istati ta' l-EFTA għandhom iżommu reġistri ddettaljati rigward l-għoti ta' għajnuna individwali li taqa' taħt dan il-Qafas. Dawn ir-reġistri għandhom jinkludu l-informazzjoni kollha meħtieġa biex turi li l-intensità massima ta' l-għajnuna deċiża taħt dan il-Qafas, tiġi osservata. L-Istati ta' l-EFTA għandhom iżommu reġistru rigward l-għajnuna individwali għal 10 snin mid-data meta tkun ingħatat. Fuq talba bil-miktub, l-Istat ta' l-EFTA kkonċernat għandu jagħti lill-Awtorità, fi żmien 20 jum ta' xogħol jew perjodu itwal li jista' jkun stabbilit fit-talba, l-informazzjoni kollha li l-Awtorità tqis bħala meħtieġa biex tevalwa jekk id-dispożizzjonijiet ta' dan il-Qafas ikunux ġew osservati.

(1)

Dan il-Qafas se jkun applikabbli għal perjodu li jintemm fil-31 ta' Diċembru 2009. Qabel il-31 ta' Diċembru 2009, l-Awtorità se tanalizza l-Qafas. L-Awtorità tista' temenda dan il-Qafas qabel il-31 ta' Diċembru 2009 fuq il-bażi ta' kunsiderazzjonijiet importanti ta' politika tal-kompetitizzjoni sabiex tqis il-politiki taż-ŻEE jew impenji internazzjonali. Madankollu, din ir-reviżjoni ma taffettwax il-projbizzjoni ta' għajnuna għal investiment għall-industrija ta' l-azzar.

(2)

Fejn għandu x'jaqsam is-settur ta' l-azzar kif inhu identifikat fl-Anness B, id-dispożizzjonijiet tal-Qafas se jiġu applikati mill-1 ta' Jannar 2003. Ir-regoli settorjali speċifiċi eżistenti għal ċerti setturi ta' l-azzar li ma kienux koperti mit-Trattat tal-KEFA (17), jieqfu milli jkunu applikabbli minn dik id-data. Fejn għandu x'jaqsam is-settur tal-karrozzi kif inhu identifikat fl-Anness C, u s-settur ta' fibri sintetiċi kif inhu identifikat fl-Anness D, id-dispożizzjonijiet tal-Qafas se jiġu applikati mill-1 ta' Jannar 2003. Madankollu, notifiki reġistrati mill-Awtorità qabel l-1 ta' Jannar 2003 għas-settur tal-karrozzi u s-settur ta' fibri sintetiċi għandhom ikunu eżaminati fid-dawl tal-kriterji fis-seħħ fiż-żmien tan-notifika.

(3)

Fejn għandhom x'jaqsmu s-setturi barra dawk imsemmija fil-punt 26A.7.(2), id-dispożizzjonijiet ta' dan il-Qafas se jiġu applikati mill-1 ta' Jannar 2004. Il-qafas multisettorjali preċedenti għandu jibqa' applikabbli sa' l-31 ta' Diċembru 2003. Madankollu, notifiki reġistrati mill-Awtorità qabel l-1 ta' Jannar 2004 għandhom ikunu eżaminati fid-dawl tal-kriterji fis-seħħ fiż-żmien tan-notifika.

(4)

L-Awtorità għandha teżamina l-kompatibilità mal-Ftehim taż-ŻEE dwar l-għajnuna ta' investiment mogħtija mingħajr l-awtorizzazzjoni tagħha:

(1)

Sad-data ta' l-applikabbilità tal-Lista ta' setturi li għalihom jirreferi l-punt 26A.5.(4):

(2)

Qabel id-data ta' l-applikabilità tal-Lista ta' setturi li l-punt 26A.5.(4) jirreferi għaliha, l-Awtorità għandha tiddeċiedi jekk u sa liema punt is-settur tal-karrozzi kif inhu identifikat fl-Anness C u s-settur tal-fibri sintetiċi kif inhu identifikat fl-Anness D għandhom ikunu inklużi fil-Lista ta' Setturi.

(3)

Fejn għandu x'jaqsam is-settur tal-bini tal-vapuri, ir-regoli eżistenti taħt id-Deċiżjoni Konġunta tal-Kumitat taż-ŻEE Nru 12/99 se jidħlu fis-seħħ sal-31 ta' Diċembru 2003. Qabel din id-data, l-Awtorità tkun analizzat jekk l-għajnuna għas-settur tal-bini tal-vapuri għandhiex tkun koperta minn dan il-Qafas u inkluża fil-Lista ta' setturi.

(1)

Sabiex ikun żgurat it-twettiq tar-regoli stabbiliti f'dan il-Qafas, l-Awtorità se tipproponi miżuri xierqa fi ħdan it-tifsira ta' l-Artikolu 1(1) tal-Protokoll 3 għall-Ftehim dwar is-Sorveljanza u l-Qorti. Dawn il-miżuri xierqa se jinkludu dawn li ġejjin:

(2)

L-emendi meħtieġa għandhom isiru mill-Istati ta' l-EFTA fi żmien li jispiċċa fil-31 ta' Diċembru 2003, minbarra dawk il-miżuri li għandhom x'jaqsmu mas-settur ta' l-azzar, li għalihom l-emendi għandhom isiru b'effett mill-1 ta' Jannar 2003, u rigward emendi fis-settur tal-fibri sintetiċi u s-settur tal-karrozzi, dawn għandhom isiru b'effett mill-1 ta' Jannar 2003. L-Istati ta' l-EFTA huma mistiedna jagħtu l-approvazzjoni espliċita tagħhom għall-miżuri xierqa proposti fi żmien 20 jum ta' xogħol mid-data meta l-ittra tkun notifikata lilhom. Fin-nuqqas ta' kwalunkwe risposta, l-Awtorità se tassumi illi l-Istat ta' l-EFTA kkonċernat ma jaqbilx mal-miżuri proposti.

(1)

L-Istati ta' l-EFTA huma mistiedna jagħmlu użu mill-formola tan-notifika mehmuża ma' dan il-Qafas (Anness E) bil-għan li jinnotifikaw il-proposti ta' għajnuna skond dan il-Qafas.

(1)

Id-definizzjonijiet tat-termini li jintużaw f'dan il-Qafas, u li japplikaw, huma dawn li ġejjin:

(2)

‘Proġett ta' investiment’ ifisser investiment inizjali fi ħdan it-tifsira tat-Taqsima 25.4 tal-Linjigwida dwar l-Għajnuna Reġjonali Nazzjonali. Proġett ta' l-investiment m'għandux ikun diviż b'mod artifiċjali f'sub-proġetti sabiex jevita d-dispożizzjonijiet ta' dan il-Qafas. Għall-għan ta' dan il-qafas, proġett ta' l-investiement jinkludi l-investimenti kolla fissi fuq sit, li saru permezz ta' intrapriża waħda jew aktar, f'perjodu ta' 3 snin. Għall-għan ta' dan il-Qafas, sit ta' produzzjoni hija serje ekonomikament indiviżibbli ta' oġġetti ta' kapital fiss, li jissodisfaw funzjoni teknika preċiża, marbuta permezz ta' rabta fiżika jew funzjonali, u li għandhom miriet li huma identifikati b'mod ċar, bħal ma hi l-produzzjoni ta' prodott identifikat. Meta żewġ prodotti jew aktar ikunu maħduma mill-istess materja prima, l-unitajiet ta' produzzjoni ta' dawn il-prodotti jiġu meqjusa bħala parti minn sit wieħed biss ta' produzzjoni.

(3)

‘In-nefqa eliġibbli’ għandha tkun determinata skond ir-regoli stabbiliti fil-Linjigwida dwar l-Għajnuna Reġjonali Nazzjonali għal dan il-għan.

(4)

‘Il-limitu ta' għajnuna reġjonali’ jirreferi għall-intensità massima ta' għajnuna awtorizzata għall-intrapriżi l-kbar fiż-żona megħjuna kkonċernata fi żmien l-għotja ta' l-għajnuna.

L-intensitajiet massimi ta' għajnuna huma ddeterminati skond il-Linjigwida dwar l-Għajnuna Reġjonali Nazzjonali, fuq il-bażi tal-Mappa Reġjonali ta' l-Għajnuna approvata mill-Awtorità.

(5)

‘Il-prodott ikkonċernat’ ifisser il-prodott previst mill-proġett ta' investiment u, fejn ikun xieraq, is-sostituti tiegħu kkunsidrati hekk, jew mill-konsumatur (minħabba l-karatteristiċi tal-prodott, il-prezzijiet u l-użu maħsub) jew mill-produttur (permezz ta' flessibilità ta' l-istallazzjonijiet tal-produzzjoni). Meta l-proġett jinvolvi prodott intermedjat u parti sinifikanti tal-produzzjoni ma tinbiegħx fis-suq, il-prodott ikkonċernat jiġi meqjus li jinkludi l-prodotti pproċessati.

(6)

‘Il-konsum apparenti’ tal-prodott ikkonċernat huwa l-produzzjoni flimkien ma' l-importazzjoni meta titnaqqas l-esportazzjoni.

(5)

Meta l-Awtorità tiddeċiedi skond dan il-Qafas it-tkabbir medju annwali tal-konsum apparenti tal-prodott ikkonċernat, titqies ukoll, fejn ikun xieraq, kwalunkwe bidla sinifikanti f'dik it-tendenza.

(8)

Meta l-proġett ta' l-investiment għandu x'jaqsam ma' settur ta' servizz, u sabiex ikun iddeterminat id-daqs u l-evoluzzjoni tas-suq, l-Awtorità minflok ma tagħmel użu mill-konsum apparenti, tagħmel użu mid-dħul tas-servizzi kkonċernati fuq il-bażi tas-segmentazzjoni tas-suq aċċettata ġeneralment għas-servizzi kkonċernati u li id-data statistika għalihom hija disponibbli faċilment.

—

Titolu ta' l-iskema (jew indika jekk hix għajnuna ‘ ad hoc ’)

—

Entità pubblika li tipprovdi l-għajnuna

—

Jekk il-bażi legali tkun skema ta' għajnuna approvata mill-Awtorità, ipprovdi d-data ta' l-approvazzjoni u n-numru ta' referenza tal-każ ta' għajnuna Statali

—

Ippreċiża r-reġjun u l-muniċipalità

—

Ippreċiża l-isem tal-kumpanija, jekk hija SME jew kumpanija kbira u, jekk rilevanti, l-isem tal-kumpaniji prinċipali (parent) tagħha

—

Ippreċiża t-tip ta' proġett u jekk hux stabbiliment ġdid jew espansjoni ta' kapaċità jew xi ħaġa oħra

—

Ippreċiża l-ispiża totali u l-ispiża eliġibbli tan-nefqa kapitali li se tkun investita matul l-attwazzjoni tal-proġett

—

L-ammont nominali ta' appoġġ u l-ekwivalenti bħala għotja grossa u netta tagħha

—

Agħti l-kondizzjonijiet marbuta mal-pagament ta' l-għajnuna proposta, jekk hemm

—

Prodotti jew servizzi kkonċernati u n-nomenklatura PRODCOM tagħhom jew in-nomenklatura CPA għal proġetti fis-setturi tas-servizz

(a)

Karrozzi

It-terminu ‘karrozzi’ ifisser karrozzi tal-passiġġieri, vannijiet, trakkijiet, trakters tat-triq, karrozzi tal-linja, coaches u karrozzi kummerċjali oħra. Ma jinkludix karozzi għat-tlielaq, karrozzi maħsuba għall-użu barra mit-triq (per eżempju, karozzi ddiżinjati għall-użu fuq is-silġ jew li jġorru n-nies fuq il-korsijiet tal-golf), muturi, trejlers, trakters għall-agrikolturajew għall-forestrija, karavans, karrozzi għal użu speċjali (per eżempju, karrozzi għat-tifi tan-nar, trakkijiet straddle carrier u trakkijiet bi pjattaforma) u karozzi militari maħsuba għal armati.

(b)

Magni għal karozzi

It-terminu ‘magni tal-karozzi’ ifisser magni ta' kompressjoni u bi spark ignition kif ukoll magni elettriċi u magni turbini, gass, ibridi jew magni oħra għal karozzi.

(ċ)

Moduli u sub-sistemi

‘Modulu’ jew ‘sub-sistema’ jfisser sett ta' komponenti primarji maħsuba għal vettura jew magna li hija prodotta, immuntata jew mgħammra minn fornitur ta' komponent ta' l-ewwel livell u fornuta permezz ta' sistema ta' ordni kompjuterizzata jew fuq bażi spontanja. Il-provvista loġistika u s-sistemi ta' ħażna u operazzjonijiet sħaħ sotto-kuntrattati li jagħmlu parti mill-katina ta' produzzjoni, bħal ma hi ż-żebgħa tas-sub-immuntar, għandhom jiġu kklassifikati bl-istess mod fost dawn il-moduli u s-sub-sistemi.

(d)

Fornituri ta' komponenti ta' l-ewwel livell

‘Fornitur ta' komponenti ta' l-ewwel livell’ ifisser fornitur, indipendenti jew mhux, li jforni manifattur, iqassam ir-responsabbilità għad-disinn u l-iżvilupp (12), u l-manifattura, l-immuntar u l-provvediment ta' manifattur tal-karozzi matul il-fażi ta' manifattura jew immuntar mas-sub-immuntar jew il-modjuli. Bħala sħab industrijali, fornituri bħal dawn sikwit huma marbuta ma' manifattur permezz ta' kuntratt ta' madwar l-istess tul ta' l-attwazzjoni tal-mudell (per ezempju, sakemm il-mudell huwa ddisinjat mill-ġdid). Fornitur ta' komponiment ta' l-ewwel livell jista' wkoll jipprovdi servizzi ta' provvista, b'mod speċjali servizzi loġistiċi, bħal mhi t-tmexxija ta' ċentru ta' provvista.

(e)

Proġett ġenerali

Manifattur jista', fuq is-sit attwali ta' l-investiment jew f'wieħed jew fid-diversi żoni industrijali f'prossimità ġeografika qrib (13), jintegra wieħed jew aktar mill-proġetti ta' fornituri ta' komponimenti ta' l-ewwel livell għall-provvediment ta' modjuli jew sub-sistemi għall-karozzi jew magni li qed jiġu prodotti. ‘Proġett ġenerali’ jfisser proġett li jgħaqqad flimkien proġetti bħal dawn. Proġett ġenerali jdum għat-tul kollu tal-proġett ta' investiment ta' min immanifattura l-karozza. Investiment tal-fornitur wieħed ta' komponiment ta' l-ewwel livell huwa integrat fi ħdan id-definizzjoni ta' proġett globali jekk mill-inqas nofs mir-riżultat minn dak l-investiment huwa kkonsenjat lill-manifattur involut fil-pjanta kkonċernata.

—

estrużjoni/testuriżazzjoni tat-tipi ġeneriċi kollha ta' fibra u ħjut bbażati fuq il-poliester, il-poliamide, l-akriliku jew il-polipropelin, irrispettivament mill-għanijiet tagħhom,

jew

—

il-polimerizzazzjoni (inkluża l-polikondensazzjoni) fejn hi integrata ma' l-estrużjoni skond il-makkinarju li jintuża,

jew

—

proċess anċillari marbut ma' l-installazzjoni kontemporanju tal-kapaċità ta' l-estrużjoniil-kapaċita tat-testuriżazzjoni mill-benefikarju prospettiv jew minn xi kumpanija oħra fil-grupp tiegħu u li, fl-attività speċifika ta' negozju kkonċernat, ġeneralment huwa integrat ma' din il-kapaċità skond il-makkinarju li ntuża.