ANNESS I

DMIRIJIET TIPIĊI

Dan l-Anness jippreżenta eżempji ta’ dmirijiet tipiċi li l-kandidati li għaddew minn din il-kompetizzjoni jistgħu jintalbu jwettqu.

1.   QASAM 1 — L-INDUSTRIJA TAD-DIFIŻA

1.1.   Amministraturi fil-qasam tal-industrija tad-difiża (AD 7)

1.	It-tfassil, l-abbozzar, il-monitoraġġ u l-analiżi tal-politika industrijali tal-UE u l-politika tas-suq intern tal-UE fil-qasam tad-difiża, inklużi l-leġiżlazzjoni u programmi ta’ finanzjament u attivitajiet ta’ appoġġ. It-twettiq ta’ analiżijiet legali, finanzjarji u ekonomiċi relatati.

2.	Il-kontribut għall-istabbiliment tal-prijoritajiet ta’ finanzjament, l-abbozzar ta’ dokumenti leġiżlattivi u t-tfassil ta’ proċeduri li jappoġġaw l-implimentazzjoni tal-programmi Ewropej tad-difiża.

3.

Il-parteċipazzjoni fl-evalwazzjoni tal-proposti ta’ finanzjament għar-riċerka u l-iżvilupp (R&D) kollaborattivi fil-qasam tad-difiża; in-negozjar, it-tħejjija, il-monitoraġġ u s-superviżjoni tal-implimentazzjoni ta’ ċerti proġetti kollaborattivi ta’ riċerka u żvilupp li għandhom jiġu ffinanzjati mill-programmi Ewropej tad-difiża.

4.	Il-monitoraġġ u l-analiżi tat-teknoloġija u x-xejriet tas-suq rilevanti għad-difiża.

5.	L-iżvilupp u l-implimentazzjoni ta’ proċeduri u sistemi (inklużi tal-IT) biex tiġi żgurata l-ġestjoni ta’ informazzjoni sensittiva, inkluża informazzjoni klassifikata tal-UE.

6.	It-tfassil u l-monitoraġġ ta’ attivitajiet ta’ appoġġ għall-intraprenditorija u l-industrija relatati mad-difiża tal-UE, speċjalment biex jiġu appoġġati negozji ġodda u intrapriżi żgħar u ta’ daqs medju.

1.2.   Esperti fil-qasam tal-industrija tad-difiża (AD 9)

L-esperti fil-qasam tal-industrija tad-difiża jwettqu dmirijiet ekwivalenti għal dawk assenjati lill-amministraturi f’dan il-qasam (ara t-Taqsima 1.1. hawn fuq). Minbarra dawk id-dmirijiet, l-esperti huma responsabbli għal dan li ġej:

1.	In-negozjar u l-monitoraġġ ta’ ftehimiet legali u amministrattivi kumplessi ma’ organizzazzjonijiet li jappoġġaw lill-Kummissjoni fl-implimentazzjoni tal-programmi Ewropej tad-difiża.

2.

Ir-rappreżentanza tal-Kummissjoni f’diskussjonijiet u negozjati mal-partijiet ikkonċernati ewlenin fis-settur tad-difiża u mal-atturi interistituzzjonali u l-gruppi ta’ ħidma rilevanti, inklużi l-ministeri tad-difiża tal-Istati Membri tal-UE, in-NATO, il-Kunsill tal-UE, il-Parlament Ewropew u r-rappreżentanti tal-industrija.

3.	Il-koordinazzjoni u s-superviżjoni tat-timijiet li jaħdmu fuq id-dmirijiet tipiċi msemmija hawn fuq fil-qasam tal-industrija tad-difiża.

2.   QASAM 2 — L-ISPAZJU

2.1.   Amministraturi fil-qasam tal-ispazju (AD 7)

1.	Il-kontribut għall-ħolqien u l-iżvilupp tal-politika spazjali tal-UE, fl-oqsma tal-aċċess tal-UE għall-ispazju, l-infrastrutturi spazjali, u s-servizzi bbażati fl-ispazju.

2.	Il-kontribut għall-implimentazzjoni tal-Programm Spazjali tal-UE u programmi futuri relatati mal-ispazju, kif ukoll ir-riċerka spazjali tal-UE, prinċipalment għall-promozzjoni tal-innovazzjoni.

3.	Is-superviżjoni tal-attivitajiet tal-Programm Spazjali implimentati permezz ta’ entitajiet inkarigati, inkluż l-akkwist ta’ sistemi spazjali tal-UE, u l-kontribuzzjoni għat-twassil ta’ servizzi assoċjati.

4.	It-tfassil ta’ azzjonijiet innovattivi u attivitajiet ta’ monitoraġġ għall-appoġġ tal-intraprenditorija u l-industrija tal-UE relatati mal-ispazju (speċjalment b’appoġġ għall-ekosistema industrijali spazjali ġdida Ewropea) permezz tal-Inizjattiva ta’ Intraprenditorija Spazjali Ġdida “CASSINI.”

5.	It-tfassil ta’ azzjonijiet innovattivi u attivitajiet ta’ monitoraġġ biex tiġi żviluppata aktar u tespandi l-adozzjoni mis-suq tad-data, l-applikazzjonijiet u s-servizzi spazjali tal-UE.

6.	It-tfassil, l-iżvilupp u l-monitoraġġ ta’ azzjonijiet biex jissaħħu s-sinerġiji tal-politika u l-Programm spazjali tal-UE ma’ politiki oħra tal-Unjoni, inkluż mas-settur tad-difiża.

7.

Ir-rappreżentanza tal-Kummissjoni u l-interazzjoni ma’ istituzzjonijiet Ewropej oħra, Stati Membri tal-UE, pajjiżi terzi, organizzazzjonijiet internazzjonali rilevanti, u partijiet ikkonċernati oħra (eż. organizzazzjonijiet tal-industrija), inklużi attivitajiet ta’ sensibilizzazzjoni u komunikazzjoni.

2.2.   Esperti fil-qasam tal-ispazju (AD 9)

L-esperti fil-qasam tal-ispazju jwettqu dmirijiet ekwivalenti għal dawk assenjati lill-amministraturi f’dan il-qasam (ara t-Taqsima 2.1 hawn fuq). Minbarra dawk id-dmirijiet, l-esperti huma responsabbli għal dan li ġej:

1.	In-negozjar u l-monitoraġġ ta’ ftehimiet kumplessi ta’ kontribuzzjoni legali u amministrattiva ma’ organizzazzjonijiet li jappoġġaw lill-Kummissjoni fl-implimentazzjoni tal-attivitajiet relatati mal-programmi spazjali Ewropej.

2.	Il-koordinazzjoni u s-superviżjoni tat-timijiet li jaħdmu fuq id-dmirijiet tipiċi msemmija hawn fuq fil-qasam tal-ispazju.

Tmiem l-ANNESS I, agħfas hawnhekk biex tmur lura għat-test prinċipali

ANNESS II

REGOLI ĠENERALI LI JIRREGOLAW IL-KOMPETIZZJONIJIET ĠENERALI

INFORMAZZJONI ĠENERALI

Kull referenza, fil-qafas ta’ proċeduri ta’ selezzjoni organizzati mill-EPSO, għal persuna ta’ ġeneru speċifiku trid tkun ikkunsidrata wkoll li tikkostitwixxi referenza għal persuna ta’ kull ġeneru ieħor.

Jekk kandidati jiksbu l-istess marka għall-aħħar post disponibbli f’kull stadju tal-kompetizzjoni, dawn kollha jgħaddu għall-istadju li jmiss tal-kompetizzjoni. Kull kandidat imdaħħal mill-ġdid wara appell b’suċċess jiġi mistieden għall-istadju li jmiss.

Jekk kandidati jkunu kisbu l-istess marka għall-aħħar post disponibbli fil-lista ta’ riżerva, dawn jiġu inklużi kollha fil-lista ta’ riżerva. Kull kandidat imdaħħal mill-ġdid wara appell b’suċċess f’dan l-istadju tal-proċedura jiżdied ukoll mal-lista ta’ riżerva.

1.   MIN JISTA’ JAPPLIKA?

1.1.   Il-kundizzjonijiet ġenerali u speċifiċi

Il-kundizzjonijiet ġenerali u speċifiċi (inkluż l-għarfien tal-lingwi) għal kull qasam jew profil huma indikati fit-Taqsima “Jien eliġibbli?”.

Il-kundizzjonijiet speċifiċi rigward il-kwalifiki, l-esperjenza professjonali u l-għarfien tal-lingwi jvarjaw skont il-profil mitlub. Fl-applikazzjoni tiegħek, jenħtieġ li tinkludi kemm jista’ jkun informazzjoni dwar il-kwalifiki u l-esperjenza professjonali tiegħek (fejn meħtieġ) kif deskritt fit-Taqsima “Jien eliġibbli?” ta’ dan l-Avviż li tkun rilevanti għad-dmirijiet .

(a)

Diplomi u/jew ċertifikati: Diplomi, kemm jekk maħruġa f’pajjiżi tal-UE u kemm jekk le, iridu jiġu rikonoxxuti minn korp uffiċjali ta’ Stat Membru tal-UE, pereżempju Ministeru għall-Edukazzjoni ta’ Stat Membru tal-UE. Il-Bord tas-Selezzjoni jqis id-differenzi bejn is-sistemi tal-edukazzjoni. Għall-edukazzjoni postsekondarja u taħriġ tekniku, professjonali jew speċjalizzat, indika s-suġġetti koperti, it-tul ta’ żmien u jekk dan kienx kors full-time, kors part-time jew kors ta’ filgħaxija.

(b)

L-esperjenza professjonali (jekk meħtieġa), titqies biss jekk tkun rilevanti għall-funzjonijiet meħtieġa u tkun: — tikkostitwixxi xogħol ġenwin u effettiv; — tkun imħallsa; — tkun tinvolvi relazzjoni ta’ subordinazzjoni jew il-forniment ta’ servizz; kif ukoll — tkun suġġetta għall-kundizzjonijiet li ġejjin: — ħidma volontarja: jekk imħallsa u tinvolvi ħinijiet fil-ġimgħa u tul bħal impjieg normali; — apprendistati: jekk imħallsa; — servizz militari obbligatorju: magħmul qabel jew wara d-diploma meħtieġa għal perjodu li ma jaqbiżx it-tul ta’ żmien statutorju fl-Istat Membru tiegħek; — liv tal-maternità/paternità/adozzjoni: jekk kopert minn kuntratt ta’ impjieg; — dottorat: għal perjodu massimu ta’ tliet snin, bil-kundizzjoni li d-dottorat ikun effettivament inkiseb, u jekk ix-xogħol kienx imħallas jew le; kif ukoll — xogħol part-time: ikkalkulat pro rata skont in-numru ta’ sigħat maħduma, pereżempju half-time għal sitt xhur ikun jiswa daqs tliet xhur.

1.2.   Dokumenti ta’ prova

Fl-istadji differenti tal-proċedura tas-selezzjoni, ikollok tipprovdi dokument uffiċjali li juri ċ-ċittadinanza tiegħek (pereżempju passaport jew karta tal-identità) li jrid ikun validu fid-data tal-għeluq tal-applikazzjoni tiegħek (id-data tal-għeluq tal-ewwel parti tal-applikazzjoni tiegħek fil-każ ta’ xenarju ta’ applikazzjoni b’żewġ partijiet).

Il-perjodi kollha ta’ attività professjonali jridu jkunu koperti minn oriġinali jew fotokopji ċċertifikati ta’:

—	dokumenti minn impjegatur(i) tal-passat u impjegatur(i) attwali li jiddikjaraw in-natura u l-livell tad-dmirijiet imwettqa, id-dati tal-bidu u tat-tmiem, it-timbru uffiċjali tal-kumpanija u l-isem u l-firma tal-persuna responsabbli; jew

—	il-kuntratt(i) tax-xogħol flimkien mal-ewwel u l-aħħar irċevuta tal-paga, b’deskrizzjoni dettaljata tad-dmirijiet imwettqa;

—	(għal xogħol mingħajr paga fissa pereżempju impjieg għal rasek jew professjonijiet liberali) fatturi jew formoli ta’ ordnijiet li jiddeskrivu x-xogħol imwettaq jew kull dokument uffiċjali ta’ prova ieħor rilevanti;

—	(għall-interpreti tal-konferenzi, meta l-esperjenza professjonali tkun meħtieġa) dokumenti li juru l-għadd ta’ ġranet, u minn liema u lejn liema lingwi seħħet l-interpretazzjoni, relatati speċifikament mal-interpretazzjoni tal-konferenzi.

B’mod ġenerali, ma huma meħtieġa l-ebda dokumenti ta’ prova sabiex tipprova l-għarfien tiegħek tal-lingwi, minbarra għal ċerti kompetizzjonijiet għal lingwisti jew speċjalisti.

Tista’ tintalab informazzjoni jew dokumenti addizzjonali f’kull stadju tal-proċedura. L-EPSO jinfurmak liema dokumenti ta’ prova għandek bżonn tipprovdi u meta.

1.3.   Opportunitajiet indaqs u aġġustamenti raġonevoli

Jekk għandek diżabbiltà jew kundizzjoni medika li tista’ tfixkel l-abbiltà tiegħek li tagħmel it-testijiet, indika dan fl-applikazzjoni tiegħek u għarrafna bit-tip ta’ aġġustament raġonevoli li għandek bżonn. Jekk diżabbiltà jew kundizzjoni tiżviluppa wara li tkun ivvalidajt l-applikazzjoni tiegħek, trid tinforma lill-EPSO malajr kemm jista’ jkun billi tuża l-informazzjoni indikata hawn taħt.

Innota li jkollok tibgħat ċertifikat mill-awtorità nazzjonali tiegħek jew ċertifikat mediku lill-EPSO sabiex it-talba tiegħek tittieħed inkunsiderazzjoni. Id-dokumenti ta’ prova tiegħek jiġu eżaminati, b’tali mod li l-aġġustament raġonevoli jista’ jsir meta dan ikun meħtieġ.

Jekk tiltaqa’ ma’ xi kwistjonijiet ta’ aċċessibbiltà, jew jekk għandek bżonn aktar informazzjoni, ikkuntattja t-tim tal-aċċessibbiltà tal-EPSO:

—	posta elettronika (EPSO-accessibility@ec.europa.eu); jew

—	posta: Uffiċċju Ewropew għas-Selezzjoni tal-Persunal (EPSO) AĊĊESSIBBILTÀ TAL-EPSO L107 02/DCS 1049 Bruxelles/Brussel BELGIQUE/BELGIË

2.   MINN MIN NIĠI VVALUTAT?

Jiġi maħtur Bord tas-Selezzjoni biex iqabbel lill-kandidati u jagħżel l-aħjar fosthom fuq il-bażi tal-kompetenzi, il-ħiliet u l-kwalifiki tagħhom fid-dawl tar-rekwiżiti stabbiliti f’dan l-Avviż tal-Kompetizzjoni. Il-membri tiegħu jiddeterminaw ukoll il-livell ta’ diffikultà tat-testijiet tal-kompetizzjoni u japprovaw il-kontenut tagħhom fuq il-bażi tal-proposti magħmula mill-EPSO.

Sabiex tiġi garantita l-indipendenza tal-Bord tas-Selezzjoni, huwa strettament ipprojbit għall-kandidati jew kull persuna barra mill-bord li tipprova tagħmel kuntatt ma’ wieħed mill-membri tiegħu, ħlief fil-kuntest tat-testijiet li jeħtieġu interazzjoni diretta bejn il-kandidati u l-bord.

Il-kandidati li jixtiequ jesprimu l-fehma tagħhom jew jaffermaw id-drittijiet tagħhom għandhom jagħmlu dan bil-miktub, billi jindirizzaw il-korrispondenza għall-attenzjoni tal-bord tas-selezzjoni lill-EPSO, li mbagħad jgħaddiha lill-bord. L-interventi kollha diretti jew indiretti tal-kandidati li jsiru mingħajr ma jiġu segwiti dawn il-proċeduri huma pprojbiti u jistgħu jwasslu għall-esklużjoni mill-kompetizzjoni.

L-eżistenza ta’ relazzjoni familjari jew rabta ġerarkika bejn kandidat u membru tal-bord tas-selezzjoni, b’mod partikolari, tagħti lok għal konflitt ta’ interess. Il-Bordijiet tas-Selezzjoni huma mitluba jiddikjaraw kull sitwazzjoni bħal din lill-EPSO immedjatament meta jsiru jafu bihom. L-EPSO jevalwa kull każ individwalment u jieħu l-miżuri xierqa. In-nuqqas ta’ rispett tar-regoli msemmija hawn fuq jista’ jagħmel lill-membri tal-ġurija suġġetti għal azzjoni dixxiplinarja u jirriżulta fi skwalifika mill-kompetizzjoni għall-kandidati (ara t-Taqsima 4.4).

L-ismijiet tal-membri tal-Bord tas-Selezzjoni jkunu ppubblikati fil-websajt tal-EPSO (www.eu-careers.eu) qabel il-bidu taċ-ċentru/tal-fażi ta’ valutazzjoni.

3.   KOMUNIKAZZJONI

3.1.   Komunikazzjoni mal-EPSO

Jenħtieġ li tikkonsulta l-kont tal-EPSO tiegħek tal-inqas darbtejn fil-ġimgħa biex iżżomm kont tal-progress tiegħek matul il-kompetizzjoni. Jekk ma tkunx tista’ tagħmel dan minħabba problema teknika min-naħa tal-EPSO, trid tinnotifika lill-EPSO immedjatament u esklussivament permezz tas-sit web tal-EPSO (https://epso.europa.eu/help_mt).

L-EPSO jirriżerva d-dritt li ma jagħtix informazzjoni li diġà hija ddikjarata b’mod ċar f’dan l-Avviż tal-kompetizzjoni, fl-annessi tiegħu jew fis-sit web tal-EPSO inkluż fil-“mistoqsijiet li jsiru ta’ spiss”.

F’kull korrispondenza relatata ma’ xi applikazzjoni, semmi ismek kif jidher fil-kont EPSO tiegħek, in-numru tal-applikazzjoni tiegħek u n-numru ta’ referenza tal-proċedura tas-selezzjoni.

L-EPSO jirriżerva d-dritt li jwaqqaf kull korrispondenza mhux xierqa (jiġifieri ripetittiva, abbużiva u/jew irrilevanti).

3.2.   Aċċess għall-informazzjoni

Il-kandidati għandhom drittijiet speċifiċi ta’ aċċess għal ċerta informazzjoni li tikkonċerna lilhom personalment, mogħtija fid-dawl tal-obbligu ta’ motivazzjoni, sabiex ikun jista’ jsir appell kontra deċiżjoni ta’ rifjut.

Dan l-obbligu ta’ motivazzjoni jrid ikun ibbilanċjat mal-kunfidenzjalità tal-proċedimenti tal-bord tas-selezzjoni, li jiżgura l-indipendenza tal-bord u l-oġġettività tas-selezzjoni. Minħabba l-kunfidenzjalità, l-attitudnijiet adottati mill-membri tal-bordijiet tas-selezzjoni dwar il-valutazzjonijiet individwali jew komparattivi tal-kandidati ma jistgħux jiġu żvelati.

Dawn id-drittijiet ta’ aċċess huma speċifiċi għall-kandidati f’kompetizzjoni ġenerali u l-leġiżlazzjoni dwar l-aċċess pubbliku għad-dokumenti tista’ ma tagħtihomx drittijiet usa’ minn dawk speċifikati f’din it-taqsima.

3.2.1.    Żvelar awtomatiku

Se tirċievi awtomatikament l-informazzjoni li ġejja permezz tal-kont tiegħek tal-EPSO wara kull stadju tal-proċess ta’ selezzjoni organizzat għal kompetizzjoni partikolari:

—	It-testijiet MCQ: ir-riżultati tiegħek u tabella bit-tweġibiet tiegħek u t-tweġibiet korretti skont in-numru ta’ referenza/l-ittra. L-aċċess għat-test tal-mistoqsijiet u t-tweġibiet huwa eskluż b’mod espliċitu;

—	eliġibbiltà: jekk ġejtx ammess; jekk le, il-kundizzjonijiet tal-eliġibbiltà li ma kinux issodisfati;

—	Talent screener: ir-riżultati tiegħek u tabella bil-piżijiet tal-mistoqsijiet, il-punti mogħtija għat-tweġibiet tiegħek u l-punteġġ totali tiegħek;

—	testijiet preliminari: ir-riżultati tiegħek;

—	testijiet intermedji: ir-riżultati tiegħek jekk ma tkunx fost il-kandidati mistiedna għall-fażi li jmiss;

—	fażi/ċentru ta’ evalwazzjoni: jekk ma tkunx skwalifikat, il-passaport tal-kompetenza tiegħek li juri l-marki globali tiegħek għal kull kompetenza u l-kumment tal-Bord tas-Selezzjoni li jipprovdi rispons kwantitattiv u kwalitattiv dwar il-prestazzjoni tiegħek fiċ-ċentru/fil-fażi ta’ evalwazzjoni.

Bħala regola, l-EPSO ma jikkomunika lil kandidati l-ebda testi sors jew eżerċizzji tat-test, billi dawn huma intiżi biex jintużaw mill-ġdid f’kompetizzjonijiet futuri. Għal ċerti testijiet, madankollu, f’ċerti eċċezzjonijiet ikun jista’ jippubblika t-testi sors jew eżerċizzji fuq is-sit web tiegħu jekk:

—	it-testijiet ikunu tlestew;

—	ir-riżultati jkunu ġew stabbiliti u kkomunikati lill-kandidati; kif ukoll

—	it-testi sors/l-eżerċizzji mhumiex intiżi biex jintużaw mill-ġdid f’kompetizzjonijiet futuri.

3.2.2.    Informazzjoni wara talba

Tista’ titlob kopja mhux ikkoreġuta tat-tweġibiet tiegħek fit-testijiet bil-miktub fejn il-kontenut mhux maħsub biex jerġa’ jintuża f’kompetizzjonijiet futuri. Dan jeskludi b’mod espliċitu tweġibiet għal eżerċizzji tal-e-tray u studji ta’ każijiet.

Il-karti tat-tweġibiet ikkoreġuti u d-dettalji tal-immarkar, b’mod partikolari, huma koperti mis-segretezza tal-proċedimenti tal-Bord tas-Selezzjoni u ma jiġux żvelati.

L-EPSO jagħmel l-almu tiegħu biex jagħmel l-iżjed informazzjoni possibbli disponibbli għall-kandidati kollha, skont l-obbligu ta’ motivazzjoni, in-natura kunfidenzjali tal-proċedimenti tal-Bord tas-Selezzjoni u r-regoli dwar il-protezzjoni tad-data personali. It-talbiet kollha għall-informazzjoni jiġu evalwati fid-dawl ta’ dawn l-obbligi.

Kull talba għal informazzjoni jenħtieġ li tkun mibgħuta permezz tas-sit web tal-EPSO (https://epso.europa.eu/help_mt) fi żmien 10 ijiem kalendarji mill-jum li fih ir-riżultati tiegħek jiġu ppubblikati fuq il-kont EPSO tiegħek.

4.   ILMENTI U KWISTJONIJIET

4.1.   Kwistjonijiet tekniċi u organizzattivi

Jekk, f’kull stadju tal-proċedura tas-selezzjoni, tiltaqa’ ma’ problema teknika jew organizzattiva serja, sabiex inkunu nistgħu ninvestigaw il-kwistjoni u nieħdu miżuri korrettivi, informa lill-EPSO, esklussivament permezz tas-sit web tal-EPSO (https://epso.europa.eu/help_mt).

F’kull korrispondenza, indika ismek (kif jidher fil-kont tal-EPSO tiegħek), in-numru tal-applikazzjoni tiegħek u n-numru ta’ referenza tal-proċedura tas-selezzjoni.

Jekk il-problema tinqala’ f’ċentru tat-testijiet jew waqt ittestjar mill-bogħod:

—	avża minnufih lill-inviġilaturi sabiex tkun tista’ tiġi investigata soluzzjoni. F’kull każ, itlobhom jirreġistraw l-ilment tiegħek bil-miktub; kif ukoll

—	ikkuntattja lill-EPSO mhux iktar tard minn tlett ijiem kalendarji wara t-testijiet tiegħek permezz tas-sit web tal-EPSO (https://epso.europa.eu/help_mt) b’deskrizzjoni qasira tal-problema.

Għal problemi li jseħħu barra miċ-ċentri tat-testijiet (pereżempju prinċipalment dwar il-proċess tal-ibbukkjar tat-test), segwi l-istruzzjonijiet fil-kont EPSO tiegħek u fuq is-sit web tal-EPSO jew ikkuntattja lill-EPSO minnufih permezz tas-sit web tal-EPSO (https://epso.europa.eu/help_mt).

Għal kwistjonijiet bl-applikazzjoni tiegħek, trid tikkuntattja lill-EPSO immedjatament u f’kull każ qabel l-iskadenza għall-applikazzjonijiet permezz tas-sit web tal-EPSO (https://epso.europa.eu/help_mt). Mistoqsijiet mibgħuta inqas minn ħamest ijiem tax-xogħol qabel l-iskadenza għall-applikazzjonijiet jistgħu ma jitweġbux qabel l-iskadenza.

4.2.   Proċeduri ta’ reviżjoni interna

4.2.1.    Żball fil-mistoqsijiet b’għażla multipla bbażati fuq il-kompjuter (MCQs)

Il-bażi tad-data MCQ hija suġġetta għal kontroll ta’ kwalità fil-fond permanenti mill-EPSO u l-Bordijiet tas-Selezzjoni.

Jekk temmen li żball f’waħda jew aktar MCQs affettwa l-abbiltà tiegħek li twieġeb, għandek id-dritt li titlob li l-mistoqsija/ijiet tiġi/jiġu rieżaminata/i mill-Bord tas-Selezzjoni (bil-proċedura ta’ “newtralizzazzjoni”).

B’din il-proċedura, il-bord tas-selezzjoni jista’ jiddeċiedi li jannulla l-mistoqsija li fiha l-iżball u li jqassam il-punti mal-mistoqsijiet l-oħra tat-test. Dawk il-kandidati li jkunu rċevew din il-mistoqsija biss jiġu affettwati minn dan il-kalkolu mill-ġdid. L-immarkar tat-testijiet jibqa’ kif imsemmi fit-taqsimiet rilevanti ta’ dan l-Avviż tal-Kompetizzjoni.

L-arranġamenti għall-ilmenti dwar it-testijiet MCQs huma kif ġej:

—	proċedura: ikkuntattja lil EPSO biss permezz tas-sit web tal-EPSO (https://epso.europa.eu/help_mt);

—	id-data ta’ skadenza: fi żmien 3 ijiem kalendarji mid-data tat-testijiet tiegħek ibbażati fuq il-kompjuter;

—	tagħrif addizzjonali: iddeskrivi fuqiex kienet il-mistoqsija (il-kontenut) sabiex tiġi/jiġu identifikata/i l-mistoqsija/ijiet ikkonċernata/i, u spjega n-natura tal-iżball allegat b’mod ċar kemm jista’ jkun.

Ma jiġux ikkunsidrati lmenti li jaslu wara l-iskadenza, jew li ma jiddeskrivux b’mod ċar il-mistoqsija(ijiet) ikkontestata/i u l-allegat żball.

B’mod partikolari, l-ilmenti li jindikaw biss allegati problemi ta’ traduzzjoni, u li ma jispeċifikawx b’mod ċar il-problema, ma jiġux ikkunsidrati.

L-istess proċedura ta’ eżami mill-ġdid tapplika fir-rigward ta’ żbalji fl-eżerċizzju tal-e-tray.

4.2.2.    Talbiet għal rieżami

Tista’ titlob rieżami ta’ kull deċiżjoni meħuda mill-Bord tas-Selezzjoni jew mill-EPSO li tistabbilixxi r-riżultati tiegħek u/jew tiddetermina jekk tistax tipproċedi għall-istadju li jmiss tal-kompetizzjoni jew tiġix eskluż.

It-talbiet għal rieżami jistgħu jkunu bbażati fuq:

—	irregolarità materjali fil-proċess tal-kompetizzjoni; u/jew

—	nuqqas ta’ konformità, mill-bord tas-selezzjoni jew l-EPSO, mar-Regolamenti tal-Persunal, l-Avviż tal-Kompetizzjoni, l-annessi tiegħu u/jew il-ġurisprudenza.

Innota li ma tistax tikkontesta l-validità tal-valutazzjoni tal-Bord tas-Selezzjoni dwar il-kwalità tal-ħidma tiegħek fit-test jew ir-rilevanza tal-kwalifiki u l-esperjenza professjonali tiegħek. Din il-valutazzjoni hija ġudizzju ta’ valur magħmul mill-bord u jekk ma taqbilx ma’ din l-evalwazzjoni tat-testijiet, tal-esperjenza u/jew tal-kwalifiki tiegħek ma jfissirx li dan huwa prova ta’ żball min-naħa tiegħu. It-talbiet għal rieżami ppreżentati fuq din il-bażi ma jwasslux għal riżultat pożittiv.

L-arranġamenti għal talbiet għal rieżami huma kif ġej:

—	proċedura: ikkuntattja lil EPSO biss permezz tas-sit web tal-EPSO (https://epso.europa.eu/help_mt);

—	id-data ta’ skadenza: fi żmien 10 ijiem kalendarji mid-data li fiha d-deċiżjoni kkontestata tkun ġiet ippubblikata fil-kont EPSO tiegħek;

—	tagħrif addizzjonali: indika b’mod ċar id-deċiżjoni li tixtieq tikkontesta, u fuq liema bażi.

It-talbiet li jaslu wara l-iskadenza ma jiġux ikkunsidrati.

Tirċievi rikonoxximent tal-irċevuta fi żmien 15-il jum tax-xogħol. Il-korp li ħa d-deċiżjoni kkontestata (jew il-Bord tas-Selezzjoni jew l-EPSO) janalizza u jiddeċiedi dwar it-talba tiegħek u tirċievi tweġiba motivata malajr kemm jista’ jkun.

Jekk ir-riżultat ikun pożittiv, terġa’ tiddaħħal fil-proċess tas-selezzjoni fl-istadju li fih ġejt eskluż, irrispettivament minn kemm imxiet il-kompetizzjoni sadanittant.

4.3.   Forom oħra ta’ kontestazzjoni

4.3.1.    Ilmenti amministrattivi

Bħala kandidat f’kompetizzjoni miftuħa, għandek id-dritt li tindirizza lment amministrattiv lid-Direttur tal-EPSO bħala l-awtorità tal-ħatra.

Tista’ tippreżenta lment kontra deċiżjoni, jew in-nuqqas tagħha, li direttament u immedjatament taffettwa l-istatus legali tiegħek bħala kandidat, biss jekk ir-regoli li jirregolaw il-proċedura tas-selezzjoni ġew miksura b’mod ċar. Id-Direttur tal-EPSO ma jistax ibiddel ġudizzju ta’ valur magħmul minn Bord tas-Selezzjoni (ara t-Taqsima 4.2.2).

L-arranġamenti għal ilmenti amministrattivi huma kif ġej:

—	proċedura: ikkuntattja lil EPSO biss permezz tas-sit web tal-EPSO (https://epso.europa.eu/help_mt);

—	id-data ta’ skadenza: fi żmien tliet xhur min-notifika tad-deċiżjoni kkontestata jew mid-data li d-deċiżjoni kellha tittieħed qabilha;

—	tagħrif addizzjonali: indika b’mod ċar id-deċiżjoni li tixtieq tikkontesta, u fuq liema bażi.

L-ilmenti li jaslu wara l-iskadenza ma jiġux ikkunsidrati.

4.3.2.    Appelli ġudizzjarji

Bħala kandidat f’kompetizzjoni miftuħa, għandek id-dritt tippreżenta appell ġudizzjarju lill-Qorti Ġenerali, skont l-Artikolu 270 tat-Trattat dwar il-Funzjonament tal-Unjoni Ewropea u l-Artikolu 91 tar-Regolamenti tal-Persunal.

Innota li l-appelli kontra d-deċiżjonijiet meħuda mill-EPSO minflok milli mill-bord tas-selezzjoni ma jkunux ammissibbli quddiem il-Qorti Ġenerali biss jekk ikun ippreżentat ilment amministrattiv skont l-Artikolu 90(2) tar-Regolamenti tal-Persunal (ara t-Taqsima 4.3.1). B’mod partikolari, dan huwa l-każ bid-deċiżjonijiet li jirrigwardaw il-kriterji ġenerali tal-eliġibbiltà, li huma meħuda mill-EPSO u mhux mill-bord tas-selezzjoni.

L-arranġamenti għal appelli ġudizzjarji huma kif ġej:

—	proċedura: jekk jogħġbok ikkonsulta s-sit web tal-Qorti Ġenerali (https://curia.europa.eu/jcms/).

4.3.3.    Ombudsman Ewropew

Iċ-ċittadini u r-residenti kollha tal-UE jistgħu jippreżentaw ilment lill-Ombudsman Ewropew.

Qabel ma tippreżenta lment lill-Ombudsman, l-ewwel trid tieħu l-passi amministrattivi xierqa mal-istituzzjonijiet u l-korpi kkonċernati (ara t-Taqsimiet 4.1-4.3).

L-ilment lill-Ombudsman ma jestendix l-iskadenzi għat-tressiq ta’ lmenti jew appelli ġudizzjarji amministrattivi.

L-arranġamenti għall-ilmenti lill-Ombudsman huma kif ġej:

—	proċedura: ikkonsulta s-sit tal-Ombudsman Ewropew (https://www.ombudsman.europa.eu/).

4.4.   Skwalifika mill-proċedura ta’ selezzjoni

Tista’ tiġi skwalifikat f’kull stadju ta’ proċedura tas-selezzjoni jekk l-EPSO jiskopri li:

—	ħloqt iktar minn kont tal-EPSO wieħed;

—	applikajt għal oqsma jew profili inkompatibbli;

—	ma tissodisfax il-kundizzjonijiet kollha ta’ eliġibbiltà;

—	għamilt dikjarazzjonijiet foloz jew dikjarazzjonijiet mhux sostnuti minn dokumenti xierqa;

—	ma weġibx għal xi waħda mill-mistoqsijiet tat-Talent Screener;

—	ma kkonformajtx mat-termini u l-kundizzjonijiet għat-testijiet organizzati mill-bogħod;

—	ma bbukkjajtx jew ma għamiltx wieħed jew iżjed mit-testijiet tiegħek;

—	qarraqt waqt it-testijiet;

—	ma ddikjarajtx fil-formola ta’ applikazzjoni tiegħek il-lingwi meħtieġa f’dan l-Avviż ta’ Kompetizzjoni, jew ma ddikjarajtx il-livell(i) minimu/i meħtieġ(a) għal dawn il-lingwi;

—	ippruvajt tikkuntattja membru tal-bord tas-selezzjoni b’mod mhux awtorizzat;

—	inqast milli tinnotifika lill-EPSO b’possibilità ta’ kunflitt ta’ interess ma’ membru tal-bord tas-selezzjoni;

—

bgħatt l-applikazzjoni tiegħek b’lingwa differenti minn dik/dawk speċifikati fl-Avviż tal-Kompetizzjoni (jistgħu jsiru konċessjonijiet rigward l-użu ta’ lingwa oħra uffiċjali għal nomi proprji, titoli uffiċjali u titoli tal-impjiegi kif indikat fid-dokumenti ta’ prova jew tikketti/titoli ta’ diplomi); u/jew

—	iffirmajt jew ktibt marka distintiva fuq testijiet immarkati b’mod anonimu bil-miktub jew prattiċi.

Barra minn hekk, jekk ma ħadtx sehem fil-prova tal-konnettività iżda sussegwentement ħadt sehem f’testijiet mill-bogħod u esperjenzajt problemi ta’ konnettività, l-EPSO jirriżerva d-dritt li ma jagħtikx ħin ieħor għat-test.

Il-kandidati għar-reklutaġġ mill-istituzzjonijiet tal-UE jridu juru l-ogħla livell possibbli ta’ integrità. Il-frodi jew it-tentattivi ta’ frodi jistgħu jesponuk għal penalitajiet u jippreġudikaw l-eliġibbiltà tiegħek għal kompetizzjonijiet futuri.

5.   APPROVAZZJONI TAS-SIGURTÀ

Il-persunal li jittratta informazzjoni sensittiva u klassifikata li teħtieġ livell għoli ta’ kunfidenzjalità (informazzjoni “klassifikata tal-UE”) għandu jkollu l-livell xieraq ta’ awtorizzazzjoni ta’ sigurtà.

Konsegwentement, il-kandidati li għaddew minn kompetizzjoni jistgħu jintalbu, għal ċerti karigi, li jkollhom jew ikunu f’pożizzjoni li jiksbu, fi żmien debitu, ċertifikat validu ta’ approvazzjoni tas-sigurtà tal-persunal.

Dan jista’ jimplika li, bħala prerekwiżit għar-reklutaġġ f’ċerti karigi, il-kandidati magħżula jistgħu jkunu meħtieġa jgħaddu mill-proċedura ta’ approvazzjoni tas-sigurtà li titwettaq mill-awtorità nazzjonali kompetenti fl-Istat Membru tan-nazzjonalità tagħhom.

Qabel ma japplikaw għal din l-għażla, nagħtu parir li l-kandidati jinfurmaw ruħhom dwar din il-kompetizzjoni.

Rekwiżiti bħal dawn se jiġu indikati b’mod ċar fl-avviż ta’ pożizzjoni vakanti għall-pożizzjoni kkonċernata.

6.   PROTEZZJONI TAD-DATA

Id-data personali tiegħek tiġi pproċessata f’konformità mar-Regolament (UE) 2018/1725 tal-Parlament Ewropew u tal-Kunsill (1).

Ara wkoll id-Dikjarazzjoni speċifika ta’ privatezza dwar il-protezzjoni tad-data personali fil-qafas ta’ kompetizzjoni miftuħa (2).

Tmiem l-ANNESS II, agħfas hawnhekk biex terġa’ tmur għat-test prinċipali

---

(1)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39)

(2)  https://epso.europa.eu/content/specific-privacy-statement-personal-data-protection-within-framework-open-competition_mt.

ANNESS III

EŻEMPJI TA’ KWALIFIKI MINIMI SKONT L-ISTAT MEMBRU U R-RENJU UNIT U SKONT IL-GRADI LI, FIL-PRINĊIPJU, JIKKORRISPONDU GĦAL DAWK MITLUBA MILL-AVVIŻI TA’ KOMPETIZZJONI

Agħfas hawn għal verżjoni li tinqara faċilment ta’ dawn l-eżempji

PAJJIŻ	Minn AST-SC 1 sa AST-SC 6 Minn AST 1 sa AST 7	Minn AST 3 sa AST 11	Minn AD 5 sa AD 16
	Edukazzjoni sekondarja (li tagħti aċċess għall-edukazzjoni postsekondarja)	Edukazzjoni postsekondarja (kors postsekondarju iżda mhux universitarju jew kors universitarju qasir ta’ perjodu ta’ mill-inqas sentejn)	Edukazzjoni ta’ livell universitarju (mill-anqas tliet snin)	Edukazzjoni ta’ livell universitarju (erba’ snin jew aktar)
Belgique — België — Belgien	Certificat de l’enseignement secondaire supérieur (CESS)/Diploma secundair onderwijs Diplôme d’aptitude à accéder à l’enseignement supérieur (DAES)/Getuigschrift van hoger secundair onderwijs Diplôme d’enseignement professionnel/Getuigschrift van het beroepssecundair onderwijs	Candidature/Kandidaat Graduat/Gegradueerde Bachelor/Professioneel gerichte Bachelor	Bachelor académique (180 crédits) Academisch gerichte Bachelor (180 ECTS)	Licence/Licentiaat Master Diplôme d’études approfondies (DEA) Diplôme d’études spécialisées (DES) Diplôme d’études supérieures spécialisées (DESS) Gediplomeerde in de Voortgezette Studies (GVS) Gediplomeerde in de Gespecialiseerde Studies (GGS) Gediplomeerde in de Aanvullende Studies (GAS) Agrégation/Aggregaat Ingénieur industriel/Industrieel ingenieur Doctorat/Doctoraal diploma
България	Диплома за завършено средно образование	Специалист по …		Диплома за висше образование Бакалавър Магистър
Česko	Vysvědčení o maturitní zkoušce	Vysvědčení o absolutoriu (Absolutorium) + diplomovaný specialista (DiS.)	Diplom o ukončení bakalářského studia (Bakalář)	Diplom o ukončení vysokoškolského studia Magistr Doktor
Danmark	Bevis for: Studentereksamen Højere Forberedelseseksamen (HF) Højere Handelseksamen (HHX) Højere Afgangseksamen (HA) Bac pro: Bevis for Højere Teknisk Eksamen (HTX)	Videregående uddannelser = Bevis for = Eksamensbevis som (erhvervsakademiuddannelse AK)	Bachelorgrad (BA eller BS) Professionsbachelorgrad Diplomingeniør	Kandidatgrad/Candidatus Master/Magistergrad (mag.art) Licenciatgrad ph.d.-grad
Deutschland	Abitur/Zeugnis der allgemeinen Hochschulreife Fachabitur/Zeugnis der Fachhochschulreife		Fachhochschulabschluss Bachelor	Hochschulabschluss/Fachhochschulabschluss/Master Magister Artium/Magistra Artium Staatsexamen/Diplom Erstes Juristisches Staatsexamen Doktorgrad
Eesti	Gümnaasiumi lõputunnistus + riigieksamitunnistus Lõputunnistus kutsekeskhariduse omandamise kohta	Tunnistus keskhariduse baasil kutsekeskhariduse omandamise kohta	Bakalaureusekraad (min 120 ainepunkti) Bakalaureusekraad (< 160 ainepunkti)	Rakenduskõrghariduse diplom Bakalaureusekraad (160 ainepunkti) Magistrikraad Arstikraad Hambaarstikraad Loomaarstikraad Filosoofiadoktor Doktorikraad (120–160 ainepunkti)
Éire/Ireland	Ardteistiméireacht, Grád D3, I 5 ábhar/Leaving Certificate Grade D3 in 5 subjects Gairmchlár na hArdteistiméireachta (GCAT)/Leaving Certificate Vocational Programme (LCVP)	Teastas Náisiúnta/National Certificate Gnáthchéim bhaitsiléara/Ordinary bachelor degree Dioplóma náisiúnta (ND, Dip.)/National diploma (ND, Dip.) Ardteastas (120 ECTS)/Higher Certificate (120 ECTS)	Céim onóracha bhaitsiléara (3 bliana/180 ECTS) (BA, B.Sc, B.Eng)/Honours bachelor degree (3 years/180 ECTS) (BA, B.Sc, B.Eng)	Céim onóracha bhaitsiléara (4 bliana/240 ECTS)/Honours bachelor degree (4 years/240 ECTS) Céim ollscoile/University degree Céim mháistir (60-120 ECTS)/Master’s degree (60-120 ECTS) Dochtúireacht/Doctorate
Ελλάδα	Απολυτήριο Γενικού Λυκείου Απολυτήριο Κλασικού Λυκείου Απολυτήριο Τεχνικού Επαγγελματικού Λυκείου Απολυτήριο Ενιαίου Πολυκλαδικού Λυκείου Απολυτήριο Ενιαίου Λυκείου Απολυτήριο Τεχνολογικού Επαγγελματικού Εκπαιδευτηρίου	Δίπλωμα επαγγελματικής κατάρτισης (ΙΕΚ)		Πτυχίο ΑΕΙ (πανεπιστημίου, πολυτεχνείου, ΤΕΙ) Μεταπτυχιακό Δίπλωμα Ειδίκευσης (2ος κύκλος) Διδακτορικό Δίπλωμα (3ος κύκλος)
España	Bachillerato + Curso de Orientación Universitaria (COU) Bachillerato BUP Diploma de Técnico especialista	FP grado superior (Técnico superior)	Diplomado/Ingeniero técnico	Licenciatura Máster Ingeniero Título de Doctor
France	Baccalauréat Diplôme d’accès aux études universitaires (DAEU) Brevet de technicien	Diplôme d’études universitaires générales (DEUG) Brevet de technicien supérieur (BTS) Diplôme universitaire de technologie (DUT) Diplôme d’études universitaires scientifiques et techniques (DEUST)	Licence	Maîtrise Maîtrise des sciences et techniques (MST), maîtrise des sciences de gestion (MSG), diplôme d’études supérieures techniques (DEST), diplôme de recherche technologique (DRT), diplôme d’études supérieures spécialisées (DESS), diplôme d’études approfondies (DEA), master 1, master 2 professionnel, master 2 recherche Diplôme des grandes écoles Diplôme d’ingénieur Doctorat
Hrvatska	Svjedodžba o državnoj maturi Svjedodžba o završnom ispitu	Stručni pristupnik/pristupnica	Baccalaureus/Baccalaurea (sveučilišni prvostupnik/prvostupnica)	Baccalaureus/Baccalaurea (sveučilišni prvostupnik/prvostupnica) Stručni specijalist Magistar struke Magistar inženjer/magistrica inženjerka (mag. ing) Doktor struke Doktor umjetnosti
Italia	Diploma di maturità (vecchio ordinamento) Perito ragioniere Diploma di superamento dell’esame di Stato conclusivo dei corsi di studio di istruzione secondaria superiore	Diploma universitario (DU) Certificato di specializzazione tecnica superiore Attestato di competenza (4 semestri)	Diploma di laurea — L (breve)	Diploma di laurea (DL) Laurea specialistica (LS) Master di I livello Dottorato di ricerca (DR)
Κύπρος	Απολυτήριο	Δίπλωμα = Programmes offered by Public/Private Schools of Higher Education (for the latter accreditation is compulsory) Higher Diploma		Πανεπιστημιακό Πτυχίο/Bachelor Master Doctorat
Latvija	Atestāts par vispārējo vidējo izglītību Diploms par profesionālo vidējo izglītību	Diploms par pirmā līmeņa profesionālo augstāko izglītību	Bakalaura diploms (min. 120 kredītpunktu)	Bakalaura diploms (160 kredītpunktu) Profesionālā bakalaura diploms Maģistra diploms Profesionālā maģistra diploms Doktora grāds
Lietuva	Brandos atestatas	Aukštojo mokslo diplomas Aukštesniojo mokslo diplomas	Profesinio bakalauro diplomas Aukštojo mokslo diplomas	Aukštojo mokslo diplomas Bakalauro diplomas Magistro diplomas Daktaro diplomas Meno licenciato diplomas
Luxembourg	Diplôme de fin d’études secondaires et techniques	BTS Brevet de maîtrise Brevet de technicien supérieur Diplôme de premier cycle universitaire (DPCU) Diplôme universitaire de technologie (DUT)	Bachelor Diplôme d’ingénieur technicien	Master Diplôme d’ingénieur industriel DESS en droit européen
Magyarország	Gimnáziumi érettségi bizonyítvány Szakközépiskolai érettségi-képesítő bizonyítvány	Felsőfokú szakképesítést igazoló bizonyítvány (Higher Vocational Programme)	Főiskolai oklevél Alapfokozat (Bachelor degree 180 credits)	Egyetemi oklevél Alapfokozat (Bachelor degree 240 credits) Mesterfokozat (Master degree) (Osztatlan mesterképzés) Doktori fokozat
Malta	Advanced Matriculation or GCE Advanced level in 3 subjects (2 of them grade C or higher) Matriculation certificate (2 subjects at Advanced level and 4 at Intermediate level including Systems of Knowledge with overall grade A-C) + Passes in the Secondary Education Certificate examination at Grade 5 2 A Levels (passes A-C) + a number of subjects at Ordinary level, or equivalent	MCAST diplomas/certificates Higher National Diploma	Bachelor’s degree	Bachelor’s degree Master of Arts Doctorate
Nederland	Diploma VWO Diploma staatsexamen (2 diploma’s) Diploma staatsexamen voorbereidend wetenschappelijk onderwijs (Diploma staatsexamen VWO) Diploma staatsexamen hoger algemeen voortgezet onderwijs (Diploma staatsexamen HAVO)	Kandidaatsexamen Associate degree (AD)	Bachelor (WO) HBO bachelor degree Baccalaureus of «Ingenieur»	HBO/WO Master’s degree Doctoraal examen/Doctoraat
Österreich	Matura/Reifeprüfung Reife- und Diplomprüfung Berufsreifeprüfung	Kollegdiplom/Akademiediplom	Fachhochschuldiplom/Bakkalaureus/Bakkalaurea	Universitätsdiplom Fachhochschuldiplom Magister/Magistra Master Diplomprüfung, Diplom-Ingenieur Magisterprüfungszeugnis Rigorosenzeugnis Doktortitel
Polska	Świadectwo dojrzałości Świadectwo ukończenia liceum ogólnokształcącego	Dyplom ukończenia kolegium nauczycielskiego Świadectwo ukończenia szkoły policealnej	Licencjat/Inżynier	Magister/Magister inżynier Dyplom doktora
Portugal	Diploma de Ensino Secundário Certificado de Habilitações do Ensino Secundário		Bacharel Licenciado	Licenciado Mestre Doutorado
România	Diplomă de bacalaureat	Diplomă de absolvire (colegiu universitar) Învățământ preuniversitar	Diplomă de licenţă	Diplomă de licenţă Diplomă de inginer Diplomă de urbanist Diplomă de master Certificat de atestare (studii academice postuniversitare) Diplomă de doctor
Slovenija	Maturitetno spričevalo (spričevalo o poklicni maturi) (spričevalo o zaključnem izpitu)	Diploma višje strokovne šole	Diploma o pridobljeni visoki strokovni izobrazbi	Univerzitetna diploma Magisterij Specializacija Doktorat
Slovensko	Vysvedčenie o maturitnej skúške	Absolventský diplom	Diplom o ukončení bakalárskeho štúdia (Bakalár)	Diplom o ukončení vysokoškolského štúdia Bakalár (Bc.) Magister Magister/Inžinier ArtD.
Suomi/Finland	Ylioppilastutkinto tai peruskoulu + kolmen vuoden ammatillinen koulutus – Studentexamen eller grundskola + treårig yrkesinriktad utbildning Todistus yhdistelmäopinnoista (Betyg över kombinationsstudier)	Ammatillinen opistoasteen tutkinto – Yrkesexamen på institutnivå	Kandidaatin tutkinto – Kandidatexamen/Ammattikorkeakoulututkinto – Yrkeshögskoleexamen (min. 120 opintoviikkoa – studieveckor)	Maisterin tutkinto – Magisterexamen/Ammattikorkeakoulututkinto – Yrkeshögskoleexamen (min. 160 opintoviikkoa – studieveckor) Tohtorin tutkinto (Doktorsexamen) joko 4 vuotta tai 2 vuotta lisensiaatin tutkinnon jälkeen – antingen 4 år eller 2 år efter licentiatexamen Lisensiaatti/Licentiat
Sverige	Slutbetyg från gymnasieskolan (3-årig gymnasial utbildning)	Högskoleexamen (80 poäng) Högskoleexamen, 2 år, 120 högskolepoäng Yrkeshögskoleexamen/Kvalificerad yrkeshögskoleexamen, 1–3 år	Kandidatexamen (akademisk examen omfattande minst 120 poäng, varav 60 poäng fördjupade studier i ett ämne + uppsats motsvarande 10 poäng) Meriter på grundnivå: Kandidatexamen, 3 år, 180 högskolepoäng (Bachelor)	Magisterexamen (akademisk examen omfattande minst 160 poäng, varav 80 poäng fördjupade studier i ett ämne + uppsats motsvarande 20 poäng eller två uppsatser motsvarande 10 poäng vardera) — Licentiatexamen — Doktorsexamen Meriter på avancerad nivå: — Magisterexamen, 1 år, 60 högskolepoäng — Masterexamen, 2 år, 120 högskolepoäng Meriter på forskarnivå: — Licentiatexamen, 2 år, 120 högskolepoäng — Doktorsexamen, 4 år, 240 högskolepoäng
United Kingdom	General Certificate of Education Advanced level — 2 passes or equivalent (grades A to E) BTEC National Diploma General National Vocational Qualification (GNVQ), advanced level Advanced Vocational Certificate of Education, A level (VCE A level)	Higher National Diploma/Certificate (BTEC)/SCOTVEC Diploma of Higher Education (DipHE) National Vocational Qualifications (NVQ) Scottish Vocational Qualifications (SVQ) level 4	(Honours) Bachelor degree NB: Master’s degree in Scotland	Honours Bachelor degree Master’s degree (MA, MB, MEng, MPhil, MSc) Doctorate
	NOTE: UK diplomas awarded in 2020 (until 31 December 2020) are accepted without an equivalence. UK diplomas awarded as from 1 January 2021 must be accompanied by an equivalence issued by a competent authority of an EU Member State.

Tmiem l-ANNESS III, agħfas hawnhekk biex terġa’ tmur għat-test prinċipali

ANNESS IV

TALENT SCREENER: KRITERJI U PROĊEDURA TAS-SELEZZJONI

A.   KRITERJI TAS-SELEZZJONI

A.1.   Kriterji tas-selezzjoni għall-qasam 1 — l-industrija tad-difiża

A.1.1.    Oqsma rilevanti tal-industrija tad-difiża

Il-kandidati għall-qasam 1 għandu jkollhom għarfien espert u esperjenza ppruvati f’wieħed jew aktar mill-oqsma li ġejjin:

1.	Il-monitoraġġ u l-analiżi tat-teknoloġija u tas-suq għad-difiża.

2.	L-iżvilupp tal-politika industrijali u tas-suq intern tad-difiża.

3.	Ir-riċerka dwar id-difiża u/jew l-iżvilupp teknoloġiku u/jew l-iżvilupp immexxi mill-kapaċità.

4.	Programmi ta’ difiża kollaborattivi multinazzjonali.

5.	L-ekonomija u l-finanzjament tad-difiża.

6.	L-akkwist pubbliku fil-qasam tad-difiża.

7.	L-ippjanar tad-difiża u t-teħid tad-deċiżjonijiet, inkluż l-iżvilupp tal-kapaċitajiet.

8.	Il-liġi u/jew l-etika militari.

9.	Il-leġiżlazzjoni relatata mad-difiża, inkluż il-kontroll tal-esportazzjoni.

A.1.2.    Kriterji tas-selezzjoni għall-amministraturi fil-qasam tal-industrija tad-difiża (AD 7)

Se jiġu applikati mill-Bord tas-Selezzjoni l-kriterji tas-selezzjoni segwenti fil-fażi tat-talent screener tal-kompetizzjoni:

1.	Esperjenza professjonali fl-iżvilupp, l-implimentazzjoni u l-monitoraġġ ta’ politika, leġiżlazzjoni, u/jew studji, f’wieħed jew aktar mill-oqsma elenkati fit-Taqsima A.1.1. hawn fuq.

2.	Esperjenza professjonali fil-monitoraġġ u l-analiżi tat-teknoloġija u x-xejriet industrijali tas-suq rilevanti għad-difiża.

3.	Esperjenza professjonali fil-preżentazzjoni ta’ kwistjonijiet kumplessi f’wieħed jew aktar mill-oqsma elenkati fit-Taqsima A.1.1. hawn fuq b’mod li jinftiehem minn dawk mhux speċjalizzati li jieħdu d-deċiżjonijiet u/jew mill-pubbliku ġenerali.

4.	Esperjenza professjonali fit-trattament ma’ istituzzjonijiet pubbliċi u partijiet ikkonċernati, inkluża l-industrija, f’wieħed jew aktar mill-oqsma elenkati fit-Taqsima A.1.1. hawn fuq.

5.	Esperjenza professjonali fil-ġestjoni ta’ programmi jew proġetti kollaborattivi ta’ riċerka u żvilupp fil-qasam tad-difiża.

6.	Esperjenza professjonali fix-xogħol f’ambjenti sensittivi għas-sigurtà f’wieħed jew aktar mill-oqsma elenkati fit-Taqsima A.1.1. hawn fuq.

7.	Speċjalizzazzjoni akkademika miksuba f’wieħed jew aktar mill-oqsma elenkati fit-Taqsima A.1.1. hawn fuq fit-tħejjija għal lawrja universitarja (Master jew PhD).

A.1.3.    Kriterji tas-selezzjoni għall-esperti fl-industrija tad-difiża (AD 9)

Se jiġu applikati mill-Bord tas-Selezzjoni l-kriterji tas-selezzjoni segwenti fil-fażi tat-talent screener tal-kompetizzjoni:

1.	Esperjenza professjonali fl-iżvilupp, l-implimentazzjoni u l-monitoraġġ ta’ politika, leġiżlazzjoni, u/jew studji, f’wieħed jew aktar mill-oqsma elenkati fit-Taqsima A.1.1. hawn fuq.

2.	Esperjenza professjonali fil-monitoraġġ u l-analiżi tat-teknoloġija u x-xejriet industrijali tas-suq rilevanti għad-difiża.

3.	Esperjenza professjonali fil-preżentazzjoni ta’ kwistjonijiet kumplessi ta’ wieħed jew aktar mill-oqsma elenkati fit-Taqsima A.1.1. hawn fuq b’mod li jinftiehem minn dawk mhux speċjalizzati li jieħdu d-deċiżjonijiet u/jew mill-pubbliku ġenerali.

4.	Esperjenza professjonali fit-trattament u ż-żamma ta’ network professjonali mal-istituzzjonijiet pubbliċi u l-partijiet ikkonċernati, inkluża l-industrija, inkluż dwar kwistjonijiet politiċi sensittivi f’wieħed jew aktar mill-oqsma elenkati fit-Taqsima A.1.1. hawn fuq.

5.	Esperjenza professjonali fil-ġestjoni ta’ programmi jew proġetti multinazzjonali kollaborattivi ta’ riċerka u żvilupp tad-difiża.

6.	Esperjenza professjonali fix-xogħol f’ambjenti sensittivi għas-sigurtà f’wieħed jew aktar mill-oqsma elenkati fit-Taqsima A.1.1. hawn fuq.

7.	Esperjenza professjonali fin-negozjar ta’ arranġamenti legali u amministrattivi kumplessi f’wieħed jew aktar mill-oqsma elenkati fit-Taqsima A.1.1. hawn fuq.

8.	Esperjenza professjonali b’responsabbiltajiet ta’ koordinazzjoni tat-tim.

9.	Speċjalizzazzjoni akkademika miksuba f’wieħed jew aktar mill-oqsma elenkati fit-Taqsima A.1.1. hawn fuq fit-tħejjija għal lawrja universitarja (Master jew PhD).

A.2.   Kriterji tas-selezzjoni għall-qasam 2 — l-ispazju

A.2.1.    Oqsma rilevanti fil-qasam tal-ispazju

Il-kandidati għall-qasam 2 għandu jkollhom għarfien espert u esperjenza ppruvati f’wieħed jew aktar mill-oqsma li ġejjin:

1.

L-industrija spazjali.

2.

L-inġinerija ajruspazjali, inklużi sistemi satellitari.

3.

L-inġinerija tal-IT, dik diġitali u tat-telekomunikazzjoni, inkluża l-konnettività sigura.

4.

Il-liġi tal-ajru u tal-ispazju.

5.

L-ekonomija u l-kummerċjalizzazzjoni spazjali.

6.

Relazzjonijiet internazzjonali ta’ organizzazzjonijiet u korpi spazjali.

7.

L-osservazzjoni tal-art.

8.

In-navigazzjoni bis-satellita u l-pożizzjonament globali.

9.

L-għarfien tas-sitwazzjoni spazjali.

10.

Ir-riċerka dwar l-ispazju.

A.2.2.    Kriterji tas-selezzjoni għall-amministraturi fil-qasam tal-ispazju (AD 7)

Se jiġu applikati mill-Bord tas-Selezzjoni l-kriterji tas-selezzjoni segwenti fil-fażi tat-talent screener tal-kompetizzjoni:

1.

Esperjenza professjonali u/jew akkademika f’wieħed jew aktar mill-oqsma elenkati fit-Taqsima A.2.1. hawn fuq, fit-twettiq ta’ wieħed jew aktar mill-kompiti li ġejjin: (a) l-amministrazzjoni tal-programm, (b) l-iżvilupp ta’ politika u leġiżlazzjoni, jew l-implimentazzjoni ta’ leġiżlazzjoni eżistenti, jew il-ġestjoni tal-leġiżlazzjoni u l-evoluzzjoni tagħha, (c) it-twettiq/l-iżvilupp ta’ studji xjentifiċi, soċjoekonomiċi jew politiċi, (d) id-disinn jew il-kontribuzzjoni għad-disinn ta’ sistemi, (e) l-iżvilupp u/jew is-sorveljanza ta’ proċessi ta’ sigurtà u l-akkreditazzjoni ta’ sistemi industrijali pubbliċi u privati.

2.	Esperjenza professjonali fil-ħidma f’ambjenti politikament sensittivi u sensittivi għas-sigurtà f’wieħed jew aktar mill-oqsma elenkati fit-Taqsima A.2.1. hawn fuq.

3.	Esperjenza professjonali (minbarra attivitajiet tal-awditjar) fil-monitoraġġ u l-kontribuzzjoni għal attivitajiet regolatorji internazzjonali (pereżempju, l-iżvilupp ta’ standards u ftehimiet internazzjonali) f’wieħed jew aktar mill-oqsma elenkati fit-Taqsima A.2.1. hawn fuq.

4.

Esperjenza professjonali fil-preżentazzjoni ta’ kwistjonijiet teknoloġiċi kumplessi ta’ wieħed jew aktar mill-oqsma elenkati fit-Taqsima A.2.1. hawn fuq b’mod li jinftiehem għal dawk mhux speċjalizzati li jieħdu d-deċiżjonijiet u/jew għall-pubbliku ġenerali, eż. parteċipazzjoni f’konsultazzjonijiet pubbliċi, abbozzar ta’ rapporti jew tgħarrif.

5.	Esperjenza professjonali f’wieħed jew aktar mill-oqsma elenkati fit-Taqsima A.2.1. hawn fuq fit-trattament ta’ istituzzjonijiet pubbliċi u partijiet ikkonċernati, inkluża l-industrija, fin-negozjati, u/jew fiż-żamma ta’ network professjonali.

6.	Speċjalizzazzjoni akkademika miksuba f’wieħed jew aktar mill-oqsma elenkati fit-Taqsima A.2.1. hawn fuq fit-tħejjija għal lawrja universitarja (Master jew PhD).

A.2.3.    Kriterji tas-selezzjoni għall-esperti fil-qasam tal-ispazju (AD 9)

Se jiġu applikati mill-Bord tas-Selezzjoni l-kriterji tas-selezzjoni segwenti fil-fażi tat-talent screener tal-kompetizzjoni:

1.

Esperjenza professjonali u/jew akkademika f’wieħed jew aktar mill-oqsma elenkati fit-Taqsima A.2.1. hawn fuq, fit-twettiq ta’ wieħed jew aktar mill-kompiti li ġejjin: (a) l-amministrazzjoni tal-programm, (b) l-iżvilupp ta’ politika u leġiżlazzjoni, jew fl-implimentazzjoni ta’ leġiżlazzjoni eżistenti, jew fil-ġestjoni tal-leġiżlazzjoni u l-evoluzzjoni tagħha, (c) it-twettiq/l-iżvilupp ta’ studji xjentifiċi, soċjoekonomiċi jew politiċi, (d) id-disinn jew il-kontribuzzjoni għad-disinn ta’ sistemi, (e) l-iżvilupp u/jew is-sorveljanza ta’ proċessi ta’ sigurtà u l-akkreditazzjoni ta’ sistemi industrijali pubbliċi u privati.

2.	Esperjenza professjonali fil-ħidma f’ambjenti politikament sensittivi u sensittivi għas-sigurtà f’wieħed jew aktar mill-oqsma elenkati fit-Taqsima A.2.1. hawn fuq.

3.	Esperjenza professjonali (minbarra attivitajiet tal-awditjar) fil-monitoraġġ u l-kontribuzzjoni għal attivitajiet regolatorji internazzjonali (pereżempju, l-iżvilupp ta’ standards u ftehimiet internazzjonali) f’wieħed jew aktar mill-oqsma elenkati fit-Taqsima A.2.1. hawn fuq.

4.

Esperjenza professjonali fil-preżentazzjoni ta’ kwistjonijiet teknoloġiċi kumplessi ta’ wieħed jew aktar mill-oqsma elenkati fit-Taqsima A.2.1. hawn fuq b’mod li jinftiehem għal dawk mhux speċjalizzati li jieħdu d-deċiżjonijiet u/jew għall-pubbliku ġenerali, eż. il-parteċipazzjoni f’konsultazzjonijiet pubbliċi, l-abbozzar ta’ rapporti, l-abbozzar ta’ aġġornamenti jew dokumenti oħra.

5.	Esperjenza professjonali f’wieħed jew aktar mill-oqsma elenkati fit-Taqsima A.2.1. hawn fuq fit-trattament ma’ istituzzjonijiet pubbliċi u partijiet ikkonċernati, inkluża l-industrija, fin-negozjati, u/jew fiż-żamma ta’ network professjonali.

6.	Esperjenza professjonali b’responsabbiltajiet ta’ koordinazzjoni tat-tim.

7.	Speċjalizzazzjoni akkademika miksuba f’wieħed jew aktar mill-oqsma elenkati fit-Taqsima A.2.1. hawn fuq fit-tħejjija għal lawrja universitarja (Master jew PhD).

B.   PROĊEDURA

B.1.   Iddeterminar tal-ordni li fih se jiġu vvalutati l-applikazzjonijiet

1.

Il-kandidati, meta jimlew it-Taqsima “Professional Experience” (Esperjenza Professjonali) tal-applikazzjoni tagħhom, għal kull entrata jridu jindikaw il-perċentwal ta’ ħin iddedikat għal “task(s)” (kompitu/i) wieħed jew aktar minn lista partikolari li fil-biċċa l-kbira tikkorrispondi għall-kriterji tas-selezzjoni elenkati fit-Taqsima A aktar ’il fuq. Dan jippermetti li jiġi kkalkulat it-tul kumplessiv ta’ esperjenza (f’jiem) f’kompitu partikolari.

2.

Għal kull kompitu u għal kull mistoqsija fl-ambitu tat-talent screener (ara l-paragrafu 1 fit-Taqsima B.2 aktar ’l isfel), il-Bord tas-Selezzjoni jassenja piż li jirrifletti l-importanza relattiva tagħhom (1 sa 3).

3.

L-għadd kumplessiv ta’ jiem iddedikati għal kompitu partikolari (ara l-paragrafu 1 aktar ’il fuq) imbagħad jiġi mmultiplikat bil-piż attribwit għal dak il-kompitu mill-Bord tas-Selezzjoni. Dan jipproduċi, għal kull kandidat(a), punteġġ għal kull kompitu kif ukoll il-punteġġ aggregat għall-kompiti kollha.

4.

Tiġi stabbilita klassifikazzjoni f’ordni dekrexxenti tal-punteġġi aggregati tal-kandidati.

5.

Il-punteġġi u l-klassifikazzjonijiet stabbiliti skont din it-taqsima mhumiex se jitqiesu għall-finijiet tad-deċiżjoni dwar liema kandidati jistgħu jipproċedu għall-fażi segwenti tal-kompetizzjoni. Id-deċiżjoni dwar liema kandidati għandhom jiġu mistiedna għall-fażi segwenti tal-kompetizzjoni tittieħed mill-Bord tas-Selezzjoni esklużivament abbażi tal-punteġġi mogħtija skont il-piż skont it-Taqsima B.2.

B.2.   Selezzjoni tal-kandidati permezz ta’ talent screener

1.

Meta jimlew it-Taqsima “Talent Screener” tal-formola tal-applikazzjoni, il-kandidati kollha jridu jwieġbu l-istess sett ta’ mistoqsijiet u jipprovdu l-informazzjoni mitluba. Dawn il-mistoqsijiet se jkunu bbażati fuq il-kriterji tas-selezzjoni elenkati fit-Taqsima A aktar ’il fuq. Is-selezzjoni abbażi tal-kwalifiki ssir bl-użu biss tal-informazzjoni pprovduta fit-taqsima “Talent Screener”. Il-kandidati jridu jinkludu l-informazzjoni rilevanti kollha fit-tweġibiet tagħhom fit-Taqsima “Talent Screener”, anki jekk l-istess informazzjoni tkun diġà ġiet inkluża f’taqsimiet oħra tal-formola tal-applikazzjoni tagħhom. Kull referenza għad-dokumenti mtellgħin fil-kont tal-EPSO tal-kandidati jew referenzi oħra (bħal ħolqiet għal siti web) mhumiex se jiġu kkunsidrati. Se jiġi kkunsidrat biss it-test li jimlew il-kandidati fl-entrati xierqa, bi tweġiba għall-mistoqsijiet fl-ambitu tat-talent screener.

2.	Il-Bord tas-Selezzjoni jipproċedi, f’ordni dekrexxenti tal-klassifikazzjoni stabbilita skont it-Taqsima B.1, biex jivvaluta t-tweġibiet tal-kandidati fit-Taqsima “Talent Screener” tal-applikazzjoni.

3.

Il-Bord tas-Selezzjoni se jeżamina t-tweġibiet tat-talent-screener tal-kandidati kollha u jagħti minn 0 sa 4 punti għal kull tweġiba. Dawn il-punti mbagħad jiġu mmultiplikati bil-piż stabbiliti mill-Bord tas-Selezzjoni għal kull mistoqsija fl-ambitu tat-talent screener (ara t-Taqsima B.1, il-paragrafu 2 aktar ’il fuq). Fl-aħħar nett, il-punti mogħtija skont il-piż għal kull mistoqsija fl-ambitu tat-talent screener, jingħaddu flimkien, biex jingħata punteġġ kumplessiv.

4.	Il-Bord tas-Selezzjoni jfassal lista ta’ kandidati fl-ordni tal-punteġġi globali mogħtija skont il-paragrafu 3.

5.	Il-kandidati bl-ogħla punteġġi jiġu mistiedna għall-fażi segwenti tal-kompetizzjoni.

Tmiem l-ANNESS IV, agħfas hawnhekk biex terġa’ tmur għat-test prinċipali.