“5)    Iċ-ċentru ta’ evalwazzjoni

Għal din il-fażi, se jiġi mistieden għadd ta’ kandidati li ma jkunx iktar minn tliet (3) darbiet l-ammont ta’ kandidati ta’ suċċess imfittxija għal kull qasam. Jekk tissodisfa r-rekwiżiti tal-eliġibbiltà skont id-data fl-applikazzjoni online tiegħek u jekk għandek waħda mill- ogħla marki totali fis-selezzjoni abbażi tal-kwalifiki, se tiġi mistieden sabiex tagħmel ġurnata waħda jew diversi ġranet f’ċentru ta’ evalwazzjoni (online jew personalment) bil-lingwa 2 tiegħek. Innota li l-istudju tal-każ jista’ jiġi organizzat f’wieħed miċ-ċentri tat-testijiet akkreditati tal-EPSO jew mill-bogħod. Aktar dettalji u struzzjonijiet jiġu inklużi fl-ittra ta’ stedina tiegħek.

Jekk it-testijiet MCQ bil-kompjuter deskritti fil-punt 2 ma jkunux ġew organizzati minn qabel , tagħmilhom waqt il-fażi taċ-ċentru ta’ evalwazzjoni jew f’wieħed miċ-ċentri akkreditati tal-EPSO jew mill-bogħod. Il-marki miksuba ma jiżdidux mal-marki ta’ testijiet oħra li jsiru fiċ-ċentru ta’ evalwazzjoni fil-kalkolu tal-punteġġ totali tiegħek.

Sakemm ma tingħatax struzzjonijiet oħra, ikollok ittella’ kopji skennjati tad-dokumenti ta’ sostenn tiegħek fil-kont tal-EPSO tiegħek. Aktar dettalji u struzzjonijiet jiġu inklużi fl-ittra ta’ stedina tiegħek.

Fiċ-ċentru ta’ evalwazzjoni se jiġu ttestjati tmien (8) kompetenzi ġenerali, kif ukoll il-kompetenzi relatati mal-qasam meħtieġa għal kull qasam, permezz ta’ tliet (3) testijiet kif deskritt fiż-żewġ matriċi li ġejjin:

Kompetenza	Testijiet
1. Analiżi u soluzzjoni tal-problemi	Studju tal-każ
2. Komunikazzjoni	Studju tal-każ
3. Twassil tal-kwalità u tar-riżultati	Studju tal-każ
4. Tagħlim u żvilupp	Intervista bbażata fuq il-kompetenzi sitwazzjonali
5. Prijoritizzazzjoni u organizzazzjoni	Studju tal-każ
6. Reżiljenza	Intervista bbażata fuq il-kompetenzi sitwazzjonali
7. Ħidma mal-oħrajn	Intervista bbażata fuq il-kompetenzi sitwazzjonali
8. Ħiliet ta’ tmexxija	Intervista bbażata fuq il-kompetenzi sitwazzjonali

Kull kompetenza ġenerali tiġi mmarkata minn 1 sa 10 punti. Ma jkun hemm l-ebda marka minima meħtieġa għal kull kompetenza. Madankollu, trid tilħaq il-marka minima meħtieġa ta’ mill-inqas 40/80 b’kollox.

Kompetenza	Test
Kompetenzi relatati mal-qasam	Intervista relatata mal-qasam

Marka minima meħtieġa: 50/100”