27.4.2017   

MT

Il-Ġurnal Uffiċjali tal-Unjoni Ewropea

C 133/8

1.

Fil-21 ta’ April 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Safran Landing Systems SAS of France u China Eastern Airlines Co. Ltd taċ-Ċina jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ kumpanija ġdida li tikkonsisti f’joint venture (JV) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal Safran Landing Systems SAS: il-manifattura ta’ sistemi ta’ roti u brejkijiet tal-ajruplani; Safran Landing Systems SAS tappartjeni lil Safran SA ta’ Franza.

—   għal China Eastern Airlines Co. Ltd: il-provvista ta’ servizzi tat-trasport bl-ajru fuq rotot internazzjonali, domestiċi u reġjonali; China Eastern Airlines Co. Ltd tappartjeni lill-intrapriża statali China Eastern Air Holding.

—   Għall-joint venture: Il-provvista ta’ servizzi ta’ manutenzjoni, tiswija u eżami bir-reqqa fiċ-Ċina tar-roti tal-ajruplani kummerċjali li għandhom kuridur wieħed (single-aisle).

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8411 — Safran Group/China Eastern Air Holding, f’dan l-indirizz: