19.1.2017   

MT

Il-Ġurnal Uffiċjali tal-Unjoni Ewropea

C 18/31

Notifika minn qabel ta’ konċentrazzjoni

(Il-Każ M.8283 — General Electric Company/LM Wind Power Holding)

(Test b'rilevanza għaż-ŻEE)

(2017/C 18/15)

1.

Fil-11 ta’ Jannar 2017, il-Kummissjoni rċeviet avviż ta’ proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li biha General Electric Company (“GE”, l-Istati Uniti tal-Amerika), takkwista l-kontroll waħdieni ta’ LM Wind Power Holding A/S (“LM”, id-Danimarka) fis-sens tal-Artikolu 3(1)(b) tar-Regolament dwar l-Għaqdiet, permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—

GE hija kumpanija dinjija ta’ manifattura, teknoloġija u servizzi li hija magħmula minn għadd ta’ unitajiet tan-negozju, kull wieħed minnhom bid-diviżjonijiet tiegħu stess. In-negozju ta’ GE, GE Renewable Energy, jipproduċi u jforni turbini tar-riħ għal użu fuq l-art u lil hinn mill-kosta fuq bażi dinjija. Hija tagħmel manutenzjoni ta’ turbini tar-riħ, primarjament għall-flotta installata tagħha stess.

—

LM hija kumpanija attiva f’dak li jirrigwarda d-disinn, l-ittestjar, il-manifattura u l-fornitura ta’ xfafar tat-turbini tar-riħ, kemm fiż-ŻEE u kemm madwar id-dinja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bir-referenza M.8283 — General Electric Company/LM Wind Power Holding, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).