21.12.2016   

MT

Il-Ġurnal Uffiċjali tal-Unjoni Ewropea

C 477/4

Avviż minn qabel ta’ konċentrazzjoni

(Il-Każ M.8307 — EP Investment/EP Investment II/EPH)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2016/C 477/06)

1.

Fl-14 ta’ Diċembru 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha EP Investment S.à.r.l. (“EP Investment”, il-Lussemburgu) u EP Investment II S.à.r.l. (“EP Investment II”, il-Lussemburgu), jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdieni ta’ Energetický a průmyslový holding, a.s. kollha kemm hi (“EPH”, ir-Repubblika Ċeka), permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

EP Investment u EP Investment II huma kumpaniji azzjonarji li l-attivitajiet tagħha huma biss (u se jkunu) biex iżżomm l-ishma fl-EPH. EP Investment u EP Investment II huma proprjetà totali u kkontrollati minn Daniel Křetínský li l-grupp tiegħu għandu attivitajiet f’diversi setturi, fosthom fl-enerġija, l-infrastruttura tat-trasport, fil-karozzi u fil-midja.

—

EPH hija kumpanija tal-utilitajiet b’diversi attivitajiet fosthom it-tħaffir għal-linjite, il-produzzjoni tal-elettriċità u tas-sħana, id-distribuzzjoni u l-forniment kif ukoll it-trażmissjoni, id-distribuzzjoni, il-ħażna u l-provvista tal-gass.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8307 — EP Investment/EP Investment II/EPH, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.