12.11.2016   

MT

Il-Ġurnal Uffiċjali tal-Unjoni Ewropea

C 418/4

Notifika minn qabel ta’ konċentrazzjoni

(Il-Każ M.8264 — Michelin/Limagrain/Exotic Systems)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2016/C 418/04)

1.

Fl-4 ta’ Novembru 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Compagnie Générale des Etablissements Michelin (“CGEM”, Franza), permezz tas-sussidjarja Spika li hija proprjetà tagħha kollha kemm hi, u Limagrain Group (“Limagrain”, Franza), permezz tas-sussidjarja tiegħu Vilmorin & Cie, jakkwistaw fis-sens tal-Artikolu 3(1)(b) tar-Regolament dwar l-Għaqdiet il-kontroll konġunt ta’ Exotic Systems (Franza) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

CGEM hija kumpanija azzjonarja ta’ Michelin Group. Michelin huwa grupp Franċiż li jimmanifattura t-tyres għall-karozzi, vannijiet, trakkijiet, makkinarju tal-biedja, gaffe, muturi, scooters, roti, ajruplani, ferroviji ta’ taħt l-art u trammijiet. Michelin huwa attiv fis-settur tal-manifattura tat-tyres kif ukoll fis-settur tad-distribuzzjoni tat-tyres, permezz tal-ħwienet u online networks,

—

Limagrain huwa grupp agro-indutrijali internazzjonali li jispeċjalizza fiż-żrieragħ għall-għelieqi, żrieragħ tal-ħxejjex u prodotti taċ-ċereali. Vilmorin & Cie hija kkontrollata minn Limagrain u responsabbli għar-riċerka, it-tnissil, il-produzzjoni u l-bejgħ ta’ żrieragħ għas-settur professjonali,

—

Exotic Systems hija ditta Franċiża ta’ konsulenti tal-inġinerija li tispeċjalizza fid-disinn u l-manifattura ta’ apparati kkonnettjati.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bir-referenza M.8264 — Michelin/Limagrain/Exotic Systems, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.