7.7.2016   

MT

Il-Ġurnal Uffiċjali tal-Unjoni Ewropea

C 246/17

Notifika minn qabel ta’ konċentrazzjoni

(Il-Każ M.8116 — Macquarie/Swiss Life/SGI Italia)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2016/C 246/09)

1.

Fid-29 ta’ Ġunju 2016 il-Kummisssjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha MEIF 4 Lussemburgu C. Holdings SàRL, bażikament proprjetà ta’ Macquarie Group Limited (“Macquarie”, l-Awstralija) u Swiss Life GIO II Eur Holding Sàrl, bażikament proprjetà ta’ Swiss Life Holding AG (“Swiss Life”, l-Isvizzera), jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta’ Società Gasdotti Italia Holding SpA (“SGI Italia”, l-Italja) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—

Macquarie hija fornitur dinji ta’ servizzi bankarji, finanzjarji, servizzi ta’ konsulenza, servizzi ta’ investiment, ta’ fondi u ta’ ġesjoni,

—

Swiss Life hija attiva fl-assigurazzjoni tal-ħajja, fir-riskju, fil-pensjonijiet, fl-assigurazzjoni tas-saħħa u fil-ġestjoni tal-assi,

—

SGI Italia hija operatur indipendenti tas-sistema tat-trasport (transport system operator, TSO) li hija s-sid ta’ parti limitata tan-netwerk Taljan tal-gass bi pressjoni għolja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8116 — Macquarie/Swiss Life/SGI Italia, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.