5.7.2016

Il-Ġurnal Uffiċjali tal-Unjoni Ewropea

C 244/19

Notifika minn qabel ta’ konċentrazzjoni

(Il-Każ M.8032 — RAM/Termica Milazzo)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2016/C 244/06)

Fis-27 ta’ Ġunju 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Permezz ta’ din l-operazzjoni, Raffineria di Milazzo S.C.p.A. (“RAM”, l-Italja), ikkontrollata b’mod konġunt minn Eni S.p.A. (“Eni”, l-Italja) u Kuwait Petroleum Italia S.p.A. (“Kupit”, l-Italja) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll ta’ Termica Milazzo s.r.l. kollha kemm hi (“Termica Milazzo”, l-Italja) permezz ta’ akkwist tal-100 % tal-kapital.

L-attivitajiet kummerċjali tal-impriżi kkonċernati huma:

—	RAM hija konsorzju li tħaddem ir-raffinerija ta’ prodotti taż-żejt f’Milazzo fi Sqallija (l-Italja),

—	ENI hija kumpanija attiva fil-livell dinji f’diversi setturi, bħal pereżempju l-estrazzjoni u l-produzzjoni tal-gass naturali u taż-żejt, u l-ġenerazzjoni u l-forniment tal-enerġija elettrika,

—	Kupit, kumpanija affiljata Taljana ta’ Kuwait Petroleum Corporation, hija attiva fis-settur tar-raffinerija, il-kummerċjalizzazzjoni u d-distribuzzjoni ta’ prodottu taż-żejt,

—	Termica Milazzo hija kumpanija attiva fis-settur tal-enerġija u tħaddem impjant tal-enerġija termoelettrika biċ-cikli f’Milazzo fi Sqallija (l-Italja).

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+ 32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8032 — RAM/Termica Milazzo, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.