23.6.2016   

MT

Il-Ġurnal Uffiċjali tal-Unjoni Ewropea

C 227/27

Notifika minn qabel ta’ konċentrazzjoni

(Il-Każ M.8075 — Partners Group/Infrared Capital Partners/Merkur Offshore)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2016/C 227/10)

1.

Fil-15 ta’ Ġunju 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Partners Group (Guernsey) Limited (“PG”, Channel Islands) u Infrared Capital Partners Limited (“IRCP”, ir-Renju Unit) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta’ Merkur Offshore GmbH (“Merkur”, Ġermanja), permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

PG hija sussidjarja proprjetà kollha kemm hi ta’ Partners Group Holding AG tal-Isvizzera, fond ta’ investiment attiv f’investimenti tal-ekwità u d-dejn f’kumpaniji privati, il-proprjetà immobbli u proġetti tal-infrastruttura fuq livell dinji,

—

IRCP hija fond ta’ investiment attiv f’investimenti fil-proprjetà immobbli u proġetti tal-infrastruttura fuq livell dinji,

—

Merkur se tkun attiva għall-bini u għall-ġestjoni sussegwenti ta’ park eoliku fil-Baħar tat-Tramuntana.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8075 — Partners Group/Infrared Capital Partners/Merkur Offshore, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.