5.3.2016   

MT

Il-Ġurnal Uffiċjali tal-Unjoni Ewropea

C 89/11

1.

Fid-29 ta' Frar 2016, il-Kummissjoni rċeviet avviż ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Computer Science Corporation (“CSC”, l-Istati Uniti tal-Amerika) takkwista fit-tifsira tal-Artikolu 3(1)(b) tar-Regolament tal-Għaqdiet il-kontroll tal-impriża Xchaning plc kollha kemm hi (“Xchanging”, ir-Renju Unit) permezz ta' offerta pubblika mħabbra fid-9 ta' Diċembru 2015.

2.

L-attivitajiet kummerċjali tal-impriżi kkonċernati huma:

—   għal CSC: il-provvista fuq skala dinjija ta' servizzi tal-IT fuq firxa ta' industriji li jkopru l-kimiċi, l-enerġija u r-riżorsi naturali, is-servizzi finanzjarji, il-kura tas-saħħa, l-agrikoltura u l-manifattura, is-servizzi tas-settur pubbliku u t-teknoloġija għal klijenti fis-settur privat u dak pubbliku;

—   għal Xchanging: il-provvista ta' ipproċessar tan-negozju, teknoloġija u servizzi ta' akkwist internazzjonalment għal klijenti fis-setturi tal-kontabilità u l-akkwist, tas-servizzi finanzjarji u tal-assikurazzjoni.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.7937 — Computer Science Corporation/Xchanging, f'dan l-indirizz: