ANNESS IV
|
19.2.2016 |
MT |
Il-Ġurnal Uffiċjali tal-Unjoni Ewropea |
CA 64/1 |
Avviż ta' pożizzjoni vakanti CONS/AD/120
(2016/C 064 A/01)
INFORMAZZJONI ĠENERALI
|
Dipartiment |
Direttorat Ġenerali A, Direttorat għall-Bini u l-Loġistika |
|
Post tax-xogħol |
Brussell |
|
Titlu tal-pożizzjoni |
Direttur tal-Bini u l-Loġistika |
|
Grupp tal-funzjoni u grad |
AD 14 |
|
Approvazzjoni tas-sigurtà meħtieġa |
SECRET UE/EU SECRET |
|
DATA TAL-GĦELUQ GĦALL-APPLIKAZZJONIJIET |
11 ta’ Marzu 2016 |
MIN AĦNA
Is-Segretarjat Ġenerali tal-Kunsill (SĠK) jipprovdi assistenza lill-Kunsill tal-UE u lill-Kunsill Ewropew. Fid-Direttorat Ġenerali għall-Amministrazzjoni (DĠ A), id-DĠ A2 huwa mmexxi minn Deputat Direttur Ġenerali responsabbli mill-protokoll, il-laqgħat, il-bini u l-loġistika. Fil-prattika, id-DĠ A2 huwa responsabbli milli jagħmel is-servizzi u l-infrastrutturi (minbarra tal-IT) disponibbli għall-Kunsill Ewropew, il-President tiegħu, il-Kunsill u l-korpi tiegħu kif ukoll is-SĠK biex jiżgura li l-attivitajiet tagħhom jimxu b'mod tajjeb u effiċjenti. Id-DĠ A2 huwa magħmul minn żewġ direttorati: id-Direttorat għall-Protokoll u l-Laqgħat (DĠA 2A) u d-Direttorat għall-Bini u l-Loġistika (DĠA 2B). Id-DĠA 2B – li għalih qed nirreklutaw Direttur – huwa magħmul minn tliet unitajiet: Il-Bini, il-Loġistika u l-Finanzi. Il-missjoni tiegħu hi li jipprovdi infrastrutturi materjali (bini, installazzjonijiet u tagħmir tekniku) u servizzi loġistiċi (manutenzjoni, ġarr, trasport) li jippermettu lill-Kunsill Ewropew, lill-Kunsill, il-korpi tiegħu u s-SĠK iwettqu l-funzjonijiet tagħhom f’kull sitwazzjoni u ċirkostanza, inkluż f’sitwazzjonijiet straordinarji ta' emerġenza jew kriżi. Id-DĠ A2B huwa responsabbli minn baġit ta’ madwar €60 miljun kif ukoll minn għadd kbir ta’ kuntratti ta’ servizzi u għandu jiżgura li l-prodotti u s-servizzi jinxtraw skont il-proċeduri stabbiliti.
X'QEGĦDIN INFITTXU
Qegħdin nirreklutaw manager, li għandu ħiliet ta’ tmexxija, biex imexxi u jimmotiva tim ta’ 155 membru tal-persunal, li joperaw l-aktar f’oqsma tekniċi, f’ambjent internazzjonali u multilingwi.
Il-maniġer għandu jipprovdi direzzjoni u superviżjoni tat-tmexxija ta' faċilitajiet, proġetti loġistiċi u operazzjonijiet inklużi l-inġinerija, ir-rinnovazzjonijiet, il-kostruzzjoni, il-manutenzjoni, l-ippjanar tal-ispazju u l-ġestjoni tal-inventarju u għandu jagħti pariri dwar il-bini tal-Kunsill u l-politika ambjentali u dwar l-għażliet tekniċi b’impatt finanzjarju għoli.
Il-kandidat li jirnexxi ser ikun qed jittratta kwistjonijiet kumplessi kemm min-naħa teknika kif ukoll min-naħa legali u ser ikun responsabbli mill-ġestjoni ta' baġit importanti. Fehim ġenerali tajjeb ta’ kwistjonijiet tekniċi relatati ma’ bini u loġistika kif ukoll il-kapaċità tajba li jingħata valur għall-flus huma ħiliet essenzjali għal din il-kariga, flimkien mal-kapaċità li jittieħdu deċiżjonijiet intelliġenti u effettivi. Min ikun fil-kariga ser imexxi wkoll ir-relazzjonijiet mal-fornituri u mal-awtoritajiet lokali li joperaw fil-qasam tal-ippjanar urban u ambjentali. Għalhekk, ħiliet tajbin fil-komunikazzjoni kif ukoll il-kapaċità li jintlaħqu kompromessi huma elementi ewlenin f’din il-pożizzjoni.
Il-kandidat ideali għandu jkollu sfond professjonali f'pożizzjonijiet ta' tmexxija f'livell għoli, f'ambjent internazzjonali u taħlita ta' edukazzjoni, esperjenza u taħriġ f'diversi oqsma minn dawn li ġejjin: tmexxija ta' proġetti fuq skala kbira, l-infrastrutturi, tmexxija tal-binjiet, l-inġinerija, l-arkitettura, il-kostruzzjoni u l-iżvilupp ta' politiki ambjentali sostenibbli u ekoloġiċi.
Peress li s-SĠK jinkoraġġixxi kultura ta' mobbiltà, il-kandidati għandhom ikunu lesti u kapaċi jaħdmu f’oqsma differenti ta' attività matul il-karriera tagħhom.
GĦAN ĠENERALI TAL-KARIGA
|
— |
Taħt l-awtorità tad-Direttur Ġenerali/Viċi Direttur Ġenerali, imexxi d-Direttorat tiegħu u jagħti pariri fl-oqsma ta' kompetenza tad-Direttorat |
|
— |
Jipprovdi pariri, analiżi u rakkomandazzjonijiet ta’ politika u proċedurali ta’ livell għoli, bil-fomm u bil-miktub, lill-maniġers f’livell għoli u s-Segretarju Ġenerali, il-presidenzi tal-Kunsill Ewropew u tal-Kunsill, dwar il-kwistjonijiet kollha li jaqgħu fil-kompetenza tad-Direttorat. |
|
— |
Jipprovdi tmexxija strateġika u jiżviluppa politiki, kunċetti u soluzzjonijiet innovattivi dwar il-kwistjonijiet kollha fil-kompetenza tad-Direttorat għall-Bini u l-Loġistika |
KOMPITI
|
— |
Taħt l-awtorità tad-Direttur Ġenerali/Viċi Direttur Ġenerali, imexxi d-Direttorat tiegħu, jorganizza l-attivitajiet tiegħu u jappoġġa u jimmotiva l-persunal f'xogħlu |
|
— |
Jiddefinixxi l-objettivi li għandhom jintlaħqu u jikkontribwixxi biex jintlaħqu billi jistabbilixxi l-programm ta' ħidma tad-Direttorat u jiżgura l-monitoraġġ xieraq tal-implimentazzjoni tiegħu |
|
— |
Jirrappreżenta s-servizz tiegħu fil-livell tad-Diretturi kemm fis-SĠK kif ukoll esternament, b'mod partikolari fir-relazzjonijiet tiegħu mal-Presidenza b'rotazzjoni, u mal-istituzzjonijiet l-oħra |
|
— |
Jiżgura l-kwalità tas-servizzi u l-prodotti pprovduti mid-Direttorat |
|
— |
Jiżgura l-ġestjoni professjonali tar-riżorsi tad-Direttorat |
|
— |
Jiżgura l-komunikazzjoni effettiva u l-kooperazzjoni kemm fid-Direttorat kif ukoll mas-servizzi l-oħra tas-SĠK |
|
— |
Jipprovdi pariri professjonali fl-ogħla livell dwar il-politika tal-bini u ambjentali tal-Kunsill u dwar l-għażliet tekniċi b’impatt finanzjarju għoli |
|
— |
Imexxi inizjattivi u politiki bil-għan li jtejbu s-sostenibbiltà ambjentali tas-SĠK |
|
— |
Jistabbilixxi relazzjonijiet mill-qrib mal-partijiet ikkonċernati esterni (l-amministrazzjonijiet, il-ministeri u dipartimenti oħra tal-pajjiż ospitanti) li joperaw fl-ippjanar urban u ambjentali |
|
— |
Jiżgura rappurtar professjonali u ġestjoni tajba tal-baġit tad-Direttorat |
|
— |
Jissorvelja numru kbir ta’ kuntratturi f’oqsma varjati ħafna (tindif, tekniki tal-HVAC, elettriku, liftijiet, sigurtà) |
|
— |
Jiżgura li jitħarsu r-regoli u l-proċeduri li għandhom jiġu applikati fl-oqsma rilevanti tad-Direttorat |
AMBJENT TAX-XOGĦOL
|
— |
Post tax-xogħol: Justus Lipsius u bini ieħor tal-Kunsill u tal-Kunsill Ewropew |
KOMPETENZI SPEĊIFIĊI
Kompetenzi professjonali
|
— |
Peress li l-Franċiż u l-Ingliż jintużaw b’mod estensiv għall-komunikazzjoni interna fis-SĠK, huma meħtieġa għarfien tajjeb tal-Franċiż u tal-Ingliż u l-kapaċità ta' komunikazzjoni biż-żewġ lingwi. L-għarfien ta' lingwi uffiċjali oħra tal-UE huwa ta' vantaġġ (1). |
|
— |
Fehim tajjeb tal-isfidi ambjentali |
|
— |
Sensibilizzazzjoni tal-prinċipji li jirregolaw l-għoti u l-ġestjoni tal-kuntratti fis-settur pubbliku tal-UE |
|
— |
Sensibilizzazzjoni tar-regoli baġitarji u/jew finanzjarji u tal-proċeduri fl-istituzzjonijiet tal-UE |
|
— |
Għarfien tajjeb fil-qasam tal-bini u tal-ġestjoni tal-uffiċċji |
|
— |
Kapaċità li jinstabu u jiġu implimentati soluzzjonijiet li jiksbu l-aħjar taħlita ta’ kwalità u effettività, bl-inqas infiq |
|
— |
Kapaċità li jidentifika u jipprijoritizza kwistjonijiet ewlenin |
Twettiq ta' kompiti u ksib ta' riżultati
|
— |
Kapaċità tajba ta' ppjanar u organizzazzjoni tax-xogħol u li jinkisbu riżultati (kompetenza ewlenija) |
|
— |
Ħiliet tajba fil-ġestjoni tal-proġetti |
|
— |
Kapaċità ta' innovazzjoni u simplifikazzjoni tal-proċessi tan-negozju |
Kwalitajiet personali
|
— |
Kapaċità li jaħdem f’oqsma differenti ta’ attività matul il-karriera tiegħu fis-SĠK |
Ħiliet interpersonali
|
— |
Ħiliet ta’ komunikazzjoni interpersonali tajbin ħafna, bil-kapaċità li jinbnew relazzjonijiet ta’ ħidma b’fiduċja mal-partijiet ikkonċernati interni u esterni rilevanti f’livell għoli |
Kompetenzi Maniġerjali
|
— |
Ġestjoni tax-xogħol u r-riżorsi, għarfien tal-organizzazzjoni, teħid ta' deċiżjonijiet, ħila fit-tmexxija u żvilupp tal-persunal |
MIN JISTA' JAPPLIKA
Fil-mument tal-applikazzjoni l-applikanti għandhom jissodisfaw il-kondizzjonijiet li ġejjin għall-ammissjoni:
|
a) |
Kondizzjonijiet ġenerali
|
|
b) |
Kondizzjonijiet speċifiċi
|
KUMMENTI
|
— |
Is-Segretarjat Ġenerali tal-Kunsill huwa impjegatur li jħaddan il-prinċipju ta' opportunitajiet indaqs u jilqa' applikazzjonijiet minn kandidati rġiel u nisa mill-bażi ġeografika l-aktar wiesgħa possibbli fost l-Istati Membri tal-UE. Is-SĠK joffri miżuri għar-rikonċiljazzjoni tal-ħajja professjonali mal-ħajja privata u jista' jipprovdi aġġustamenti fuq il-post tax-xogħol għal persuni b'diżabbiltà (għal aktar informazzjoni ara l-anness I). Minħabba r-rappreżentanza baxxa ta' nisa fil-livelli maniġerjali superjuri, ikun partikolarment sodisfatt b'applikazzjonijiet minn kandidati nisa għal din il-pożizzjoni. |
|
— |
Din il-pożizzjoni teħtieġ awtorizzazzjoni tas-sigurtà li tippermetti aċċess għad-dokumenti klassifikati (livell SECRET EU/EU SECRET). Dawk li japplikaw għall-kariga jiddikjaraw li jkunu lesti jgħaddu minn investigazzjoni ta' sigurtà skont id-Deċiżjoni tal-Kunsill 2013/488/UE (3). Il-ħatra għal din il-pożizzjoni ser tidħol fis-seħħ biss bil-kondizzjoni li l-kandidat magħżul ikun kiseb ċertifikat validu ta' approvazzjoni tas-sigurtà. Kandidat mingħajr awtorizzazzjoni tas-sigurtà ser jiġi offrut kuntratt temporanju sakemm jinkiseb ir-riżultat tal-proċedura tal-approvazzjoni tas-sigurtà. |
|
— |
Il-kumitat konsultattiv tal-għażla ser ikollu l-appoġġ ta' ċentru ta’ valutazzjoni. Ir-rapporti stabbiliti miċ-ċentru ta’ valutazzjoni jibqgħu validi għal sentejn. Il-kumitat konsultattiv ta’ għażla inizjalment ser jevalwa u jqabbel il-kwalifiki, l-esperjenza u l-motivazzjoni tal-applikanti kollha. Abbażi ta’ dik l-evalwazzjoni komparattiva, il-bord konsultattiv ta’ għażla ser jagħmel lista ristretta tal-aktar kandidati adatti, li fl-opinjoni tagħhom, għandhom jiġu mistiedna għall-ewwel intervista. Peress li din l-ewwel għażla hija bbażata fuq valutazzjoni komparattiva tal-applikazzjonijiet, l-ilħuq tar-rekwiżiti ta’ dan il-post vakanti ma jiggarantix stedina għall-ewwel intervista. Fost il-kandidati intervistati, il-bord konsultattiv ta' għażla ser jagħmel preselezzjoni tal-kandidati biex jipparteċipaw f'ċentru ta' valutazzjoni mmexxi minn konsulenti esterni tar-reklutaġġ, kif ukoll fit-tieni intervista mal-bord konsultattiv ta' għażla. L-ippjanar proviżorju tal-għażla huwa kif ġej:
|
|
— |
Pożizzjoni vakanti ppubblikata skont l-Artikolu 29 (2) tar-Regolamenti tal-Persunal (pożizzjoni maniġerjali superjuri). |
KIF TAPPLIKA
Id-data tal-għeluq għall-applikazzjonijiet hija l-11 ta’ Marzu 2016.
L-applikazzjonijiet għandhom jintbagħtu bil-posta elettronika indirizzata lil Selection.of.Officials-Applications.Management.Posts@consilium.europa.eu sa mhux aktar tard mid-data tal-għeluq.
Biex ikunu validi, l-applikazzjonijiet iridu jinkludu:
|
a) |
il-formola tal-applikazzjoni (Anness IV) mimlija u datata kif xieraq; il-formola tal-applikazzjoni elettronika tinstab fuq is-sit web tal-Kunsill minn dan il-link: http://www.consilium.europa.eu/mt/general-secretariat/jobs/job-opportunities/ |
|
b) |
ittra ta' motivazzjoni flimkien ma' curriculum vitae dettaljat, bl-Ingliż jew bil-Franċiż, preferibbilment fil-format Europass (http://europass.cedefop.europa.eu), li jkopri l-karriera kollha tal-applikant, u jelenka, fost l-oħrajn, il-kwalifiki, l-għarfien lingwistiku, l-esperjenza u d-dmirijiet attwali tal-applikant; u |
|
c) |
fotokopji tad-diplomi li jiċċertifikaw l-edukazzjoni u fotokopji tad-dokumenti u ċ-ċertifikati relatati mal-esperjenza professjonali. Id-dokumenti ta' prova jridu jinħarġu minn parti terza u mhux biżżejjed li sempliċiment tintbagħat is-CV msemmija f'(b). |
Id-dokumenti kollha ta' prova mehmuża mal-applikazzjoni jridu jkunu f'format ta' test Word, pdf jew jpg, jingħataw isem (bl-EN jew bil-FR) u jkunu nnumerati f'sekwenza (Anness 1, 2, eċċ.). Trid tiġi mehmuża wkoll lista tal-annessi kollha. Applikazzjonijiet li jintbagħtu permezz ta' soluzzjoni ta' ħżin ta' data bbażata fuq cloud jew pjattaformi għall-kondiviżjoni tal-fajls mhumiex ser jiġu kkunsidrati.
Il-kandidat magħżul għall-pożizzjoni ser jintalab jipprovdi l-verżjoni oriġinali tad-dokumenti msemmija qabel.
RIEŻAMI TAL-APPLIKAZZJONIJIET
Il-proċeduri relatati mat-talbiet għal rieżami, appelli u riferimenti għall-Ombudsman Ewropew jinsabu fl-Anness II ta' dan l-avviż ta' pożizzjoni vakanti.
PROTEZZJONI TAD-DATA
Ir-regoli għall-ipproċessar ta' data personali b'rabta ma' din il-proċedura tal-għażla jinsabu fl-Anness III ta' dan l-avviż ta' pożizzjoni vakanti.
(1) Il-lingwi tal-UE huma: il-Bulgaru, iċ-Ċek, id-Daniż, l-Estonjan, il-Finlandiż, il-Franċiż, il-Ġermaniż, il-Grieg, l-Ingliż, l-Irlandiż, il-Kroat, il-Latvjan, il-Litwan, il-Malti, l-Olandiż, il-Pollakk, il-Portugiż, ir-Rumen, is-Slovakk, is-Sloven, l-Ispanjol, it-Taljan, l-Ungeriż, l-Iżvediż.
(2) L-Artikolu 5(3) tar-Regolamenti tal-Persunal għall-Uffiċjali tal-Unjoni Ewropea (ir-Regolamenti tal-Persunal) jesiġi li l-applikanti jkollhom mill-inqas:
|
(i) |
livell ta' edukazzjoni li jikkorrispondi ma' studji universitarji kompluti, iċċertifikati b'diploma meta t-tul ta' żmien normali tal-edukazzjoni universitarja jkun ta' erba' snin jew aktar, jew |
|
(ii) |
livell ta' edukazzjoni li jikkorrispondi ma' studji universitarji kompluti, iċċertifikati b'diploma u esperjenza professjonali adegwata ta' mill-inqas sena meta t-tul ta' żmien normali tal-edukazzjoni universitarja jkun ta' mill-inqas tliet snin. |
(3) ĠU L 274, 15.10.2013, p. 1.
ANNESS I
Opportunitajiet Indaqs fis-Segretarjat Ġenerali tal-Kunsill
Bħala dak li jħaddem, is-SĠK huwa responsabbli biex jiżgura opportunitajiet indaqs bejn l-irġiel u n-nisa u li jipprojbixxi d-diskriminazzjoni fuq kwalunkwe bażi.
L-għanijiet ewlenin tal-politika tiegħu ta' Opportunitajiet Indaqs huma li:
|
— |
jiżgura li l-politika tiegħu dwar ir-riżorsi umani u l-ġestjoni tal-persunal tirrispetta l-prinċipji tal-ugwaljanza u n-nondiskriminazzjoni; |
|
— |
jikseb rappreżentanza bbilanċjata ta' rġiel u nisa, speċjalment f'pożizzjonijiet maniġerjali; |
|
— |
itejjeb is-sitwazzjoni tal-persuni b'diżabbiltà, fir-rigward tal-aċċessibbiltà tal-bini tiegħu u ta' ambjent tax-xogħol li jkun inklużiv u adattat għall-ħtiġijiet tagħhom: L-aġġustamenti għall-persuni b'diżabbiltà (“akkomodazzjoni raġonevoli”) jistgħu jinvolvu l-arranġament mill-ġdid tal-kompiti jew ir-responsabbiltajiet, l-għoti ta' għajnuniet tekniċi u aġġustamenti oħra tal-ambjent tax-xogħol. Miżuri bħal dawn ser jittieħdu dment li dawn ma jimponux piż żejjed fuq ir-riżorsi tal-istituzzjoni. |
|
— |
jipproteġi l-persunal tiegħu minn fastidju fuq il-post tax-xogħol; |
|
— |
jieħu kont tal-ħtiġijiet tal-persunal li jinstab bilanċ bejn l-impenji tax-xogħol u dawk familjari tagħhom billi joffri pakkett tajjeb ta' miżuri favur il-familja, inkluż ħinijiet flessibbli ta' xogħol, telexogħol u kondiviżjoni ta' xogħol. |
Miżuri ta' bilanċ bejn il-ħajja professjonali u dik privata
Fis-SĠK kollu titħaddem sistema ta' ħinijiet flessibbli tax-xogħol konformi ma' ġimgħa ta' 40 siegħa xogħol, fejn il-persunal mhux maniġerjali jista' jieħu leave flessibbli. F'bosta ambjenti ta' xogħol, jista' jsir qbil dwar skeda tal-ħin individwali fi ħdan is-sigħat qafas mis-07:00 sat-20:00.
Jista' jingħata impjieg part-time, pereżempju għall-indukrar ta' tfal dipendenti sal-età ta' 12-il sena, jew 14-il sena meta l-uffiċjal ikun ġenitur waħdu.
Il-leave statutorju tal-maternità huwa ta' 20 ġimgħa u meta l-omm terġa' lura għax-xogħol tista' tingħata sa sagħtejn kuljum għat-treddigħ. Il-missirijiet għandhom id-dritt għal leave tal-paternità mħallas ta' għaxart ijiem. Jista' jingħata leave tal-ġenituri għal perijodu sa sitt xhur għal kull wild, jew sa tnax-il xahar għal ġenitur waħdu, bil-ħlas ta' indennizz b'rata fissa. Fil-każ ta' mard serju jew diżabbiltà ta' wild, il-leave tal-maternità, tal-paternità u tal-ġenituri huma itwal. Jista' jingħata wkoll leave tal-familja bil-ħlas ta' indennizz b'rata fissa fil-każ ta' membri tal-familja b'mard serju jew diżabbiltà. Jingħata leave speċjali f'każijiet bħal żwieġ, twelid jew adozzjoni ta' wild, u mewt jew mard serju ta' membru tal-familja. F'ċirkostanzi eċċezzjonali, jista' jingħata leave bla ħlas għal raġunijiet personali (CCP).
Skont il-kompiti u l-ambjent tax-xogħol, jista' jkun possibbli t-telexogħol taħt l-iskema ta' telexogħol standard (60 % mid-dar u 40 % mill-uffiċċju) jew taħt l-iskema ta' telexogħol okkażjonali (sa 20 jum fis-sena).
Il-faċilitajiet għall-indukrar tat-tfal li ġejjin huma disponibbli għall-persunal bit-tfal, skont kriterji ta' prijorità: Il-crèche tas-SĠK għat-tfal minn 0 sa 4 snin, indukrar wara l-ħin tal-iskola u faċilitajiet fi żmien il-vaganzi organizzati mill-Kummissjoni Ewropea u attivitajiet wara l-ħin tal-iskola fl-iskejjel Ewropej.
Għal aktar informazzjoni, ibgħat posta elettronika indirizzata lil egalite-des-chances@consilium.europa.eu.
ANNESS II
TALBA GĦAL RIEŻAMI – PROĊEDURI TAL-APPELLI — ILMENTI LILL-OMBUDSMAN EWROPEW
Jekk, f'xi stadju tal-proċedura tal-għażla, inti tqis li xi deċiżjoni tolqtok b'mod negattiv, tista' tuża l-mezzi li ġejjin:
|
— |
Titlob rieżami tad-deċiżjonijiet meħuda mill-bord konsultattiv tal-għażla Fi żmien għaxart ijiem mid-data tal-ittra li tgħarrfek bid-deċiżjoni meħuda mill-bord konsultattiv tal-għażla, inti tista' tressaq talba bil-miktub għal rieżami ta' tali deċiżjoni, u tagħti r-raġunijiet tat-talba tiegħek, lil:
|
|
— |
Proċedura tal-appell
|
|
— |
Ilmenti lill-Ombudsman Ewropew Bħal kull ċittadin ieħor tal-Unjoni, inti tista' tressaq ilment lil:
skont l-Artikolu 228(1) tat-Trattat dwar il-Funzjonament tal-Unjoni Ewropea u f'konformità mal-kondizzjonijiet stabbiliti fid-Deċiżjoni 94/262/KEFA, KE, Euratom tal-Parlament Ewropew tad-9 ta' Marzu 1994 rigward ir-regolamenti u l-kondizzjonijiet ġenerali li jirregolaw it-twettiq tal-obbligi tal-Ombudsman (1). Għandek tinnota li lmenti mressqa lill-Ombudsman Ewropew ma għandhom ebda effett sospensiv fuq il-perijodu ta' żmien stabbilit fl-Artikolu 90(2) u l-Artikolu 91 tar-Regolamenti tal-Persunal biex jiġu ppreżentati lmenti jew appelli quddiem it-Tribunal tal-Unjoni Ewropea għas-Servizz Pubbliku skont l-Artikolu 270 tat-Trattat dwar il-Funzjonament tal-Unjoni Ewropea. |
ANNESS III
PROTEZZJONI TAD-DATA
Bħala l-istituzzjoni responsabbli għall-organizzazzjoni tal-proċedura tal-għażla, is-Segretarjat Ġenerali tal-Kunsill jiżgura li d-data personali tal-applikanti tiġi pproċessata konformement mar-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Unjoni Ewropea u dwar il-moviment liberu ta' dik id-data (1).
Il-bażi legali għall-proċedura tal-għażla hija r-Regolamenti tal-Persunal għall-Uffiċjali tal-Unjoni Ewropea u d-Deċiżjoni tal-Kunsill tat-23 ta' Settembru 2013 dwar ir-regoli ta' sigurtà għall-protezzjoni ta' informazzjoni klassifikata tal-UE (2013/488/UE). Il-proċedura ta' għażla titmexxa taħt ir-responsabbiltà tad-Direttorat tar-Riżorsi Umani (DĠ A 1A), Unità tal-Persunal u Mobbiltà, u l-kontrollur huwa l-kap ta' dik l-unità. L-informazzjoni pprovduta mill-applikanti ser tkun aċċessibbli għall-membri tal-uffiċċju għall-għażla ta' uffiċjali u l-ġerarkija ta' superjuri tagħhom, għall-membri tal-Kumitat Konsultattiv tal-Għażla, u, jekk meħtieġ, għall-unità tal-konsulenti legali. L-informazzjoni amministrattiva li tidentifika l-applikant u/jew l-organizzazzjoni prattika tal-proċedura jistgħu jintbagħtu lil ċentru ta' valutazzjoni.
L-għan tal-operazzjoni ta' pproċessar huwa l-ġbir ta' data li tidentifika l-applikanti kollha għal pożizzjoni mas-Segretarjat Ġenerali tal-Kunsill u li jintgħażel wieħed minn dawk l-applikanti.
Id-data inkwistjoni hija:
|
— |
data personali li tippermetti l-identifikazzjoni tal-applikanti (kunjom, isem, data tat-twelid, sess, ċittadinanza); |
|
— |
informazzjoni pprovduta mill-applikanti biex tiffaċilita l-organizzazzjoni prattika tal-proċedura (indirizz postali, indirizz elettroniku, numru tat-telefon); |
|
— |
informazzjoni pprovduta mill-applikanti biex ikun jista' jiġi vvalutat jekk huma jissodisfawx il-kondizzjonijiet għall-ammissjoni stabbiliti fl-avviż ta' pożizzjoni vakanti (ċittadinanza; lingwi; kwalifiki tal-applikanti u s-sena meta nkisbu, tip ta' diploma/lawrja, isem l-istituzzjoni minn fejn inkisbu; esperjenza professjonali); |
|
— |
fejn japplika, informazzjoni dwar it-tip u t-tul ta' żmien tal-awtorizzazzjoni tas-sigurtà tal-applikanti; |
|
— |
ir-riżultati tat-testijiet tal-għażla li l-applikanti ser jagħmlu, inkluż l-evalwazzjonijiet magħmula mill-konsulenti taċ-ċentru ta' valutazzjoni f'isem il-bord tal-għażla. |
L-ipproċessar jibda mid-data meta tkun waslet l-applikazzjoni. L-applikazzjonijiet jiġu ffajljati u jinħażnu fl-arkivji għal sentejn.
L-applikanti kollha jistgħu jeżerċitaw id-dritt tagħhom ta' aċċess u d-dritt li jirrettifikaw id-data personali. Talbiet sostanzjati għandhom jintbagħtu b'posta elettronika lill-uffiċċju għall-għażla tal-uffiċjali fl-indirizz Selection.of.officials@consilium.europa.eu.
L-applikanti jistgħu jirrikorru fi kwalunkwe mument għand il-Kontrollur Ewropew għall-Protezzjoni tad-Data (edps@edps.europa.eu).
ANNESS IV