14.11.2015   

MT

Il-Ġurnal Uffiċjali tal-Unjoni Ewropea

C 380/9

Notifika minn qabel ta’ konċentrazzjoni

(Il-Każ M.7832 — Gunvor Group/Kuwait Petroleum Europoort)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 380/08)

1.

Fis-6 ta’ Novembru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Sandscape BV, bażikament ikkontrollata minn Gunvor Group Ltd (“Gunvor” ta’ Ċipru) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll uniku tal-impriża Kuwait Petroleum Europoort BV kollha kemm hi (“KPE” tal-Pajjiżi l-Baxxi) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

Gunvor hija l-kumpanija azzjonarja prinċipali tal-Gunvor Group li huwa attiv fis-servizzi ta’ provvista bl-ingrossa upstream u l-irfinar taż-żejt mhux maħdum, u l-bejgħ ta’ wara r-raffinerija ta’ prodotti raffinati taż-żejt;

—

KPE tħaddem raffinerija bbażata fil-port ta’ Rotterdam u attiva fir-raffinar taż-żejt mhux raffinat u prodotti taż-żejt raffinat tal-bejgħ ta’ wara r-raffinerija.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7832 — Gunvor Group/Kuwait Petroleum Europoort, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.