4.8.2015   

MT

Il-Ġurnal Uffiċjali tal-Unjoni Ewropea

C 255/6

1.

Fit-28 ta' Lulju 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Arthur Daniels Midland Company (“ADM”) tal-Istati Uniti tal-Amerika takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll uniku ta' Eaststarch CV kollha kemm hi (“Eaststarch”) tan-Netherlands permezz ta' xiri ta' ishma.

2.

L-attivitajiet kummerċjali tal-impriżi kkonċernati huma:

—   għal ADM: l-ipproċessar ta’ żrieragħ taż-żejt, qamħirrum, qamħ, kakaw u prodotti agrikoli oħra, u l-manifuttura ta’ smida tal-proteina, żejt veġetali, dolċifikant magħmul mill-qamħirrum, dqiq, bijodiżil, etanol u ikel u ingredjenti tal-għalf oħrajn b'valur b'miżjud,

—   għal Eaststarch: il-manifattura u l-bejgħ ta' lamti b'bażi tal-qamħirrum, dolċifikanti likwidi, ingredjenti tal-ikel oħrajn, koprodotti tal-qamħirrum u alkoħol agrikolu.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301), bl-email lil COMP-MERGER-REGISTRY@ec.europa.eu jew bil-posta, bin-numru ta' referenza M.7661 — Archer Daniels Midland Company/Eaststarch, f' dan l-indirizz: