Kooperazzjoni għall-Iżvilupp u Maniġment tal-Għajnuna lil Pajjiżi li mhumiex fl-UE (AD 7)

Id-data tal-għeluq għar-reġistrazzjoni: id- 9 ta' Ġunju 2015 f'12.00 (nofsinhar), ħin ta' Brussell

L-Uffiċċju Ewropew għas-Selezzjoni tal-Persunal (EPSO) qed jorganizza kompetizzjoni miftuħa, ibbażata fuq kwalifiki u testijiet, sabiex tinħoloq lista ta’ riserva ta’ 60 kandidat li jgħaddu mill-kompetizzjoni u li minnha l-Kummissjoni Ewropea tirrekluta membri ġodda tas-servizz pubbliku bħala “ amministraturi ” (grupp ta’ funzjoni AD).

Dan l-Avviż ta' Kompetizzjoni, flimkien mar-Regoli Ġenerali li jirregolaw il-Kompetizzjonijiet Miftuħa li huma ppubblikati f'Il-Ġurnal Uffiċjali tal-Unjoni Ewropea tas-27 ta' Frar 2015 (http://eur-lex.europa.eu/legal-content/MT/TXT/?uri=OJ:C:2015:070A:TOC) jifforma l-qafas legalment vinkolanti għal din il-proċedura ta' selezzjoni.

L-amministraturi jappoġġjaw l-aktar lil dawk li jieħdu d-deċiżjonijiet fl-istituzzjonijiet tal-Unjoni Ewropea fejn jaħdmu. Din il-kompetizzjoni tal-AD 7 tiffoka fuq il-kooperazzjoni għall-iżvilupp u l-maniġment tal-għajnuna lil pajjiżi li mhumiex fl-UE.

Jekk inti tiġi impjegat wara din il-kompetizzjoni tibda tagħmel ħames tipi prinċipali ta’ xogħlijiet bħala parti f’tim:

Barra minn hekk, jekk inti tiġi impjegat x’aktarx li tqatta' parti mill-karriera tiegħek taħdem f’delegazzjoni tal-UE f’pajjiżi fejn il-kondizzjonijiet tal-għajxien jistgħu jkunu diffiċli.

Ara l-ANNESS I għal aktar informazzjoni dwar id-dmirijiet tipiċi li għandhom jitwettqu.

Inti trid tissodisfa dawn il-kundizzjonijiet KOLLHA meta tivvalida l-applikazzjoni tiegħek:

It-tieni lingwa magħżula trid tkun l-Ingliż, il-Franċiż jew il-Ġermaniż. Dawn huma l-lingwi ta' ħidma prinċipali użati fl-istituzzjonijiet tal-UE u, fl-interessi tas-servizz, ir-rekluti l-ġodda jridu jkunu kapaċi li jibdew jaħdmu u jikkomunikaw mal-ewwel b’mod effiċjenti fix-xogħol tagħhom ta’ kuljum f’mill-inqas waħda minn dawn il-lingwi.

Ara l-ANNESS II għal aktar informazzjoni dwar il-lingwi f’kompetizzjonijiet tal-UE.

Jekk l-għadd ta’ kandidati jaqbeż ċertu limitu definit mill-EPSO li jaġixxi bħala Awtorità tal-Ħatra, il-kandidati kollha li jkunu vvalidaw l-applikazzjoni sad-data ta’ għeluq se jkunu mistiedna jattendu sensiela ta’ testijiet MCQ bil-kompjuter f’waħda miċ-ċentri akkreditati tal-EPSO.

Jekk l-għadd ta’ kandidati jkun taħt il-limitu , dawn it-testijiet se jiġu organizzati fiċ-Ċentru ta’ Valutazzjoni (punt 3) minflok.

Dawn it-testijiet huma eliminatorji u ma jpattux għat-testijiet l-oħrajn li jsiru fiċ-Ċentru ta’ Valutazzjoni.

L-ewwel nett, ir-rekwiżiti ta’ eliġibbiltà se jiġu vverifikati fuq il-bażi tad-dejta pprovduta fl-applikazzjoni onlajn tal-kandidati. Hemm żewġ xenarji possibbli:

It-tieni nett, għall-kandidati eliġibbli biss magħżula kif spjegat hawn fuq; is-selezzjoni abbażi tal-kwalifiki ssir bl-użu tal-informazzjoni pprovduta mill-kandidati fit-taqsima Evalwazzjoni tal-Kapaċitajiet (EN – Talent Screener, FR – évaluateur de talent, DE – Talentfilter) tal-formola tal-applikazzjoni. Il-bord ta' selezzjoni jassenja piż lil kull kriterju ta' selezzjoni li jirrifletti l-importanza relattiva tiegħu (1 sa 3) u t-tweġibiet ta’ kull kandidat jingħataw bejn 0 u 4 punti.

Imbagħad, il-bord ta' selezzjoni jimmultiplika l-punti bil-piż ta’ kull kriterju u jgħoddhom sabiex jidentifika dawk li l-profili tagħhom jaqbel l-aktar mad-dmirijiet li għandhom jitwettqu.

Għal din il-fażi jiġu mistiedna massimu tat-triplu tal-għadd ta’ kandidati li jgħaddu mill-kompetizzjoni. Jekk inti tikseb waħda mill- ogħla marki totali fis-selezzjoni abbażi tal-kwalifiki, int tkun mistieden f’Ċentru ta’ Valutazzjoni għal jum jew tnejn, x’aktarx fi Brussell , fejn isiru t-testijiet bil- lingwa 2 tiegħek.

Jekk it-testijiet MCQ bil-kompjuter deskritti fil-punt 1 ma jkunux organizzati minn qabel , inti tagħmilhom fiċ-Ċentru tal-Valutazzjoni.

Fiċ-Ċentru ta' Valutazzjoni jiġu ttestjati tmien kompetenzi ġenerali u l-kompetenzi speċifiċi meħtieġa għal din il-kompetizzjoni permezz ta’ erba' testijiet (intervisti ġenerali u speċifiċi bbażati fuq il-kompetenza, eżerċizzju fi grupp u studju ta’ każ) kif deskritt fil-matriċi li ġejjin:

Wara li jiġu ċċekkjati d-dokumenti ta’ sostenn tal-kandidati, il-bord ta' selezzjoni joħloq lista ta’ riserva tal-kandidati eliġibbli li jġibu l-ogħla marki fiċ-Ċentru ta’ Valutazzjoni, sakemm jintlaħaq l-għadd meħtieġ ta’ kandidati li għaddew. L-ismijiet jiġu elenkati f'ordni alfabetiku.

ANNESS I

ID-DMIRIJIET

L-amministraturi tal-UE se jkunu mistennija jwettqu kompiti fil-qasam tal-kooperazzjoni għall-iżvilupp kif deskritt bħala indikazzjoni hawn taħt:

—	jikkontribwixxu għall-analiżi tal-kwistjonijiet u politiki relatati mal-iżvilupp, l-elaborazzjoni ta’ politiki nazzjonali u reġjonali għall-iżvilupp, inklużi politiki tas-settur, u djalogi ta’ politika mas-sħab u l-partijiet konċernati rilevanti,

—	jipparteċipaw fl-identifikazzjoni u l-formulazzjoni ta’ proġetti u programmi ta’ kooperazzjoni għall-iżvilupp li jinkludu t-tħejjija ta’ proposti u ftehimiet ta' finanzjament,

—

jipparteċipaw fl-immaniġġjar operazzjonali ta’ proġetti u programmi ta’ kooperazzjoni għall-iżvilupp, inkluż l-abbozzar ta’ termini ta’ referenza, is-sejħiet għall-offerti, l-ikkuntrattar u s-superviżjoni tal-implimentazzjoni ta’ kuntratti (l-awditjar, l-approvazzjoni ta’ rapporti, pagamenti u għeluq ta’ kuntratti),

—	jipparteċipaw fl-immaniġġjar operazzjonali tal-programmi ta’ appoġġ baġitarju għall-kooperazzjoni għall-iżvilupp,

—	jissorveljaw u jevalwaw il-proġetti u programmi ta’ kooperazzjoni għall-iżvilupp,

—	jaġixxu bħala ħolqa mal-atturi rilevanti kollha bħall-kontropartijiet governattivi, organizzazzjonijiet internazzjonali u reġjonali, l-Istati Membri u s-soċjetà ċivili fil-qasam tal-kooperazzjoni għall-iżvilupp,

—	jimmaniġġjaw tim ta' professjonisti.

L-applikant jaqbel, billi jivvalida l-formola ta' applikazzjoni, li jaċċetta l-obbligu ta' servizz f’delegazzjoni tal-Unjoni Ewropea (l-aktar fil-pajjiżi fil-fażi tal-iżvilupp).

Dawk reklutati jridu jkunu lesti jaċċettaw l-ewwel kollokament f’delegazzjoni f’pajjiż fejn il-kondizzjonijiet tal-għajxien jistgħu jkunu diffiċli.

Id-delegazzjonijiet jinsabu f’pajjiżi fejn dawn il-lingwi huma l-aktar mitkellma: il-Franċiż, l-Ingliż, il-Portugiż u l-Ispanjol.

Tmiem tal-ANNESS I, ikklikkja hawnhekk biex tmur lura għat-test prinċipali

ANNESS II

IL-LINGWI

Fid-dawl tas-sentenza mogħtija mill-Qorti tal-Ġustizzja tal-Unjoni Ewropea (Awla Manja) fil-Kawża C-566/10 P, l-Italja vs. il-Kummissjoni, l-istituzzjonijiet tal-UE jixtiequ jiddikjaraw ir-raġunijiet għal-limitu tal-għażla tat-tieni lingwa f'din il-kompetizzjoni għal għadd żgħir ta' lingwi uffiċjali tal-UE.

Il-kandidati huma infurmati li l-opzjonijiet tat-tieni lingwa f'din il-kompetizzjoni ġew definiti f'konformità mal-interess tas-servizz, li jeżiġu li r-rekluti l-ġodda jibdew jaħdmu minnufih u li jkunu kapaċi jikkomunikaw b'mod effiċjenti fil-ħidma tagħhom ta' kuljum. Jekk dan ma jkunx il-każ, ħidma effettiva tal-istituzzjonijiet tista' tiġi affettwata ħażin ħafna.

Il-prattika li jintużaw l-aktar l-Ingliż, il-Franċiż u l-Ġermaniż għall-komunikazzjoni interna fl-istituzzjonijiet tal-UE ilha ħafna u dawn huma wkoll il-lingwi li huma ta' spiss l-aktar meħtieġa fil-komunikazzjoni esterna u fil-ġestjoni tal-każijiet. Barra minn hekk, l-Ingliż, il-Franċiż u l-Ġermaniż huma l-lingwi l-aktar użati bħala t-tieni lingwa fl-Unjoni Ewropea u dawk l-aktar studjati bħala t-tieni lingwa. Dan jikkonferma l-livell ta' edukazzjoni u l-kompetenzi professjonali li attwalment wieħed jistenna mill-kandidati għal pożizzjonijiet mal-Unjoni Ewropea, jiġifieri l-għarfien ta' mill-inqas waħda minn dawn il-lingwi. Konsegwentement, sabiex ikun hemm bilanċ bejn l-interess u l-ħtiġijiet tas-servizz u l-ħiliet tal-kandidati, u minħabba l-qasam partikolari ta' din il-kompetizzjoni, ikun leġittimu li jiġu organizzati testijiet f'dawn it-tliet lingwi sabiex jiġi żgurat li l-kandidati kollha jkunu kapaċi jaħdmu f'mill-inqas waħda minnhom, tkun xi tkun l-ewwel lingwa uffiċjali tagħhom. Il-valutazzjoni tal-kompetenzi speċifiċi b'dan il-mod tippermetti li l-istituzzjonijiet jevalwaw il-kapaċità tal-kandidati li jibdew jaħdmu minnufih f'ambjent simili għal dak li se jsibu fl-impjieg.

Għall-istess raġunijiet, huwa raġonevoli li tiġi limitata l-lingwa ta' komunikazzjoni bejn il-kandidati u l-istituzzjoni, inkluża l-lingwa li biha jiġu abbozzati l-applikazzjonijiet. Barra minn hekk, dan jiżgura l-uniformità fit-tqabbil tal-kandidati u l-verifika tal-formoli tal-applikazzjoni tagħhom.

Sabiex jiġi żgurat trattament indaqs għall-kandidati kollha, kulħadd – inklużi dawk li l-ewwel lingwa uffiċjali tagħhom tkun waħda minn dawn it-tlieta – irid jagħmel xi testijiet fit-tieni lingwa tiegħu, magħżula minn fost dawn it-tliet lingwi.

Dan ma jaffettwax il-possibilità ta' taħriġ fil-lingwa aktar 'il quddiem li jippermetti li l-persunal jaħdem bit-tielet lingwa, kif meħtieġ skont l-Artikolu 45(2) tar-Regolamenti tal-Persunal.

Tmiem tal-ANNESS II, ikklikkja hawn biex tmur lura għat-test prinċipali

ANNESS III

KRITERJI TAL-GĦAŻLA

Il-bord ta' selezzjoni jikkunsidra l-kriterji li ġejjin għas-selezzjoni bbażata fuq il-kwalifiki:

Għarfien ippruvat ta’ waħda jew aktar minn dawn il-lingwi (dawn jistgħu jinkludu l-lingwa ewlenija tiegħek jew it-tieni lingwa kif iddikjarat fl-applikazzjoni): L-Ingliż, il-Franċiż, il-Portugiż jew l-Ispanjol (livell minimu meħtieġ: B2 tal-Qafas Komuni Ewropew ta’ Referenza għal-Lingwi (https://europass.cedefop.europa.eu/mt/resources/european-language-levels-cefr)).

Diploma jew ċertifikati f'wieħed minn dawn l-oqsma jew aktar, bħal: inġinerija, enerġija, żvilupp rurali, agronomija, saħħa/trobbija tal-annimali, sajd, sigurtà tal-ikel, tnaqqis tar-riskju ta’ diżastri, ġestjoni tal-foresti, ambjent, riżorsi naturali, tibdil fil-klima, edukazzjoni, saħħa, finanzi, ekonomija, amministrazzjoni tan-negozju, liġi, xjenzi soċjali, studji dwar l-iżvilupp, xjenza politika u relazzjonijiet internazzjonali.

3.	Esperjenza professjonali ta' ħidma fil-kwartieri ġenerali ta’ organizzazzjoni internazzjonali jew aġenzija/ministeru tal-għajnuna bilaterali.

4.	Esperjenza professjonali fil-maniġment ta’ proġetti jew programmi ta’ kooperazzjoni għall-iżvilupp fuq il-post (fil-pajjiż benefiċjarju).

5.	Esperjenza professjonali ta' ħidma f’rappreżentanza ta’ pajjiż għal organizzazzjoni bilaterali jew multilaterali (bħal delegazzjoni tal-UE, Ambaxxata/uffiċċju ta’ aġenzija għall-iżvilupp ta’ Stat Membru tal-UE, uffiċċju reġjonali tan-NU jew ekwivalenti).

6.	Esperjenza professjonali ta’ ħidma fuq kwistjonijiet relatati ma' pajjiżi f’sitwazzjonijiet ta’ kriżi u Stati fraġli.

7.	Esperjenza professjonali bħala kapijiet ta' tim.

8.	Esperjenza professjonali ta’ ħidma b'diversi modalitajiet ta’ għoti ta’ għajnuna bħal approċċ ta’ proġetti, programmi ta’ appoġġ f'politika settorjali, appoġġ baġitarju, taħliet ta' għotjiet u self jew strumenti finanzjarji oħrajn.

9.	Esperjenza professjonali f’analiżi tal-politika u l-iżvilupp, jew djalogu tal-politika.

10.	Esperjenza professjonali fl-abbozzar ta’ linji gwida għall-kooperazzjoni għall-iżvilupp.

11.

Esperjenza professjonali ta’ ħidma relatata ma’ kwistjonijiet trasversali bħal: demokrazija, ugwaljanza bejn il-ġeneri, sostenibbiltà ambjentali u tibdil fil-klima, governanza tajba u drittijiet tal-bniedem, drittijiet tat-tfal u tal-popli indiġeni, jew l-HIV/AIDS fi proġetti u programmi ta’ kooperazzjoni għall-iżvilupp.

12.

Esperjenza professjonali f’wieħed jew iktar minn dawn is-setturi, bħal: governanza, drittijiet tal-bniedem, elezzjonijiet, affarijiet parlamentari, ġudikatura, saħħa, edukazzjoni, kultura, komunikazzjoni, koeżjoni soċjali, ġeneru, protezzjoni tat-tfal, popli indiġeni, deċentralizzazzjoni u awtoritajiet lokali, makroekonomija, maniġment tal-finanzi pubbliċi, riforma tas-settur pubbliku, settur privat, kummerċ, integrazzjoni reġjonali, ambjent u riżorsi naturali, tibdil fil-klima, sigurtà tal-ikel, tnaqqis tar-riskju ta’ diżastri, żvilupp rurali, agrikoltura, saħħa/trobbija tal-annimali, forestrija, sajd, ilma, enerġija, infrastruttura, trasport.

13.	Esperjenza professjonali f’wieħed jew iktar minn dawn is-setturi: awditjar, valutazzjoni tar-riskju, monitoraġġ u evalwazzjoni ta’ proġetti u programmi għall-kooperazzjoni fl-iżvilupp.

14.	Esperjenza professjonali ta’ ħidma mas-settur privat f’kuntest ta’ żvilupp jew f’banek internazzjonali għall-iżvilupp.

Tmiem tal-ANNESS III, ikklikkja hawn biex tmur lura għat-test prinċipali

Testijiet	Lingwa	Mistoqsijiet	Tul ta' ħin	Minimu meħtieġ
Ir-raġunament verbali	Lingwa 1	20 mistoqsija	35 min	10/20
Ir-raġunament numeriku	Lingwa 1	10 mistoqsija	20 min	Numeriku + astratt flimkien: 10/20
Ir-raġunament astratt	Lingwa 1	10 mistoqsija	10 min	Numeriku + astratt flimkien: 10/20

Kompetenzi	Test
Kompetenzi speċifiċi	Intervista bbażata fuq il-kompetenzi speċifiċi
Marki minimi meħtieġa	50/100
L-ippeżar tal-kompetenzi speċifiċi	60 % tal-marka globali