EPSO/AST/135/15 – KAPIJIET TA' AMMINISTRAZZJONI (AST 4) F'DELEGAZZJONIJIET TAL-UE

Id-data tal-għeluq għar-reġistrazzjoni: it-12 ta' Mejju 2015 f'12:00 (nofsinhar), ħin ta' Brussell.

L-Uffiċċju Ewropew għas-Selezzjoni tal-Persunal (EPSO) qed jorganizza kompetizzjoni miftuħa, ibbażata fuq kwalifiki u testijiet, sabiex tinħoloq lista ta’ riżerva ta’ 30 kandidat li għaddew mill-kompetizzjoni li minnha s-Servizz Ewropew ta' Azzjoni Esterna se jirrekluta membri ġodda tas-servizz pubbliku bħala “kapijiet ta' amministrazzjoni” (grupp ta’ funzjoni AST).

Dan l-Avviż ta' Kompetizzjoni, flimkien mar-Regoli Ġenerali applikabbli għall-Kompetizzjonijiet Miftuħa ppubblikati f' Il-Ġurnal Uffiċjali tal-Unjoni Ewropea C 70 A tas-27 ta' Frar 2015 (http://eur-lex.europa.eu/legal-content/MT/TXT/?uri=OJ:C:2015:070A:TOC), jiffurmaw il-qafas legalment vinkolanti għal din il-proċedura tas-selezzjoni.

Il-Kapijiet tal-Amministrazzjoni jgħinu lill-Kapijiet tad-Delegazzjonijiet tal-UE biex iwettqu l-mandat tagħhom fir-rigward ta’ kuljum tad-delega skont ir-regoli u r-regolamenti eżistenti.

Fost l-oħrajn, il-Kapijiet ta' Amministrazzjoni jikkoordinaw ix-xogħol tat-taqsima tal-amministrazzjoni u huma responsabbli għal oqsma differenti:

Ara ANNESS I għal aktar informazzjoni dwar id-dmirijiet tipiċi li għandhom jiġu mwettqa.

Inti trid tissodisfa dawn il-kundizzjonijiet KOLLHA meta tivvalida l-applikazzjoni tiegħek:

Ara ANNESS II għal informazzjoni addizzjonali dwar lingwi f’kompetizzjonijiet tal-UE.

1) Testijiet ta' Mistoqsijiet b’Għażla ta' Tweġibiet (MCQ) fuq il-kompjuter

Jekk in-numru ta’ kandidati li japplikaw jeċċedi ċertu limitu , li jkun definit mill-EPSO li jaġixxi bħala Awtorità tal-Ħatra, il-kandidati kollha li vvalidaw l-applikazzjoni sad-data ta’ għeluq ikunu mistiedna jattendu sensiela ta’ testijiet ta’ mistoqsijiet b’għażla ta' tweġibiet fuq il-kompjuter f’wieħed miċ-ċentri akkreditati tal-EPSO.

Jekk in-numru ta’ kandidati jkun taħt il-limitu , dawn l-eżamijiet jiġu minflok organizzati fiċ-Ċentru ta’ Evalwazzjoni (punt 3).

Dawn it-testijiet huma eliminatorji u ma jingħaddux għat-testijiet l-oħra li jsiru fiċ-Ċentru ta’ Valutazzjoni.

L-ewwel, ir-rekwiżiti ta’ eliġibbiltà se jiġu ċċekkjati abbażi ta' informazzjoni pprovduta fl-applikazzjoni onlajn tal-kandidati. Hemm 2 xenarji possibbli:

It-tieni nett, għall-kandidati eliġibbli biss magħżula kif spjegat hawn fuq; is-selezzjoni abbażi tal-kwalifiki ssir bl-użu tal-informazzjoni pprovduta mill-kandidati fit-taqsima Evalwazzjoni tal-Kapaċitajiet (Talent Screener/Evaluateur de Talent/talentfilter) tal-formola tal-applikazzjoni. Il-bord ta' selezzjoni jassenja piż lil kull kriterju ta' selezzjoni li jirrifletti l-importanza relattiva tiegħu (1 sa 3) u t-tweġibiet ta’ kull kandidat jingħataw bejn 0 u 4 punti.

Il-bord tas-selezzjoni jimmultiplika l-punti bil-piż ta’ kull kriterju u jgħoddhom flimkien biex jiġu identifikati dawk li l-profil tagħhom jissodisfa l-aħjar id-dmirijiet li se jwettqu.

Massimu ta’ tliet darbiet in-numru ta’ kandidati magħżula se jiġu mistiedna għal din il-fażi. Jekk inti ksibt waħda mill- ogħla marki totali fl-għażla abbażi tal-kwalifiki, se tkun mistieden f’Ċentru ta’ Evalwazzjoni għal jum jew tnejn, x’aktarx fi Brussell , fejn isirulek testijiet bil- lingwa 2 tiegħek.

Jekk it-testijiet ta’ mistoqsijiet b’għażla ta' tweġibiet fuq il-kompjuter deskritti f'punt 1 ma kinux organizzati bil-quddiem , int tagħmilhom fiċ-Ċentru ta' Evalwazzjoni.

Seba’ kompetenzi ġenerali u l-kompetenzi speċifiċi meħtieġa għal din il-kompetizzjoni taċ-ċentru tal-evalwazzjoni se jiġu ttestjati permezz ta’ erba' testijiet (intervisti bbażati fuq kompetenzi ġenerali u speċifiċi, eżerċizzju fi grupp u studju ta’ każ) kif deskritt fil-matriċi li ġejjin:

Wara li jiġu ċċekkjati d-dokumenti ta’ sostenn tal-kandidati, il-bord tal-għażla jistabbilixxi lista ta’ riżerva tal-kandidati eliġibbli li ġabu l-ogħla marki wara ċ-Ċentru ta’ Evalwazzjoni sakemm jintlaħaq in-numru meħtieġ ta’ kandidati li għaddew. L-ismijiet jiġu elenkati f'ordni alfabetiku.

ANNESS I

DMIRIJIET

Is-Servizz Ewropew għall-Azzjoni Esterna (SEAE) qed ifittex persunal esperjenzat, b'bosta talenti u motivat sew biex jaħdem fid-Delegazzjonijiet tal-Unjoni Ewropea bħala Kapijiet ta' Amministrazzjoni, potenzjalment b’missjonijiet ta' taħriġ qabel fis-servizzi ta’ appoġġ fil-Kwartieri Ġenerali tas-SEAE.

Uffiċjali tas-SEAE matul il-karriera se jalternaw bejn reġjuni ġeografiċi differenti u l-kwartieri ġenerali u/jew funzjonijiet tax-xogħol skont id-Deċiżjoni tal-Kunsill tas-SEAE li tiddisponi li l-membri tal-persunal tas-SEAE għandhom ikunu soġġetti għal livell għoli ta’ mobilità (It-test sħiħ dwar id-Deċiżjoni tal-Kunsill tas-SEAE jinsab fil-Ġurnal Uffiċjali L 201 tat-3.8.2010: http://eur-lex.europa.eu/legal-content/MT/TXT/HTML/?uri=CELEX:32010D0427).

Id-Delegazzjonijiet tal-UE huma taħt l-awtorità tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, li huwa wkoll il-Viċi President tal-Kummissjoni Ewropea.

Il-Kap tal-Amministrazzjoni jassisti lill-Kap ta’ Delegazzjoni tal-UE fit-twettiq tal-mandat tiegħu/tagħha fir-rigward tat-tmexxija ta' kuljum tad-Delegazzjoni skont regoli u regolamenti eżistenti, b’mod partikolari f’dak li jirrigwarda l-ġestjoni korretta ta’ baġit amministrattiv, riżorsi umani, loġistika, sikurezza u sigurtà tad-Delegazzjoni.

Taħt is-superviżjoni tal-Kap tad-Delegazzjoni, il-Kap tal-Amministrazzjoni jikkoordina x-xogħol tat-Taqsima tal-Amministrazzjoni. Flimkien, huma responsabbli għall-implimentazzjoni ġenerali amministrattiva u finanzjarja tal-baġit tad-Delegazzjoni, inklużi proċeduri ta’ akkwist, li jittrattaw kwistjonijiet tal-persunal (barranin u lokali), il-bini tad-Delegazzjoni, ir-residenza tal-Ambaxxatur tal-UE u l-akkomodazzjoni tal-persunal espatrijat. Huma responsabbli għal-loġistika, il-provvisti u s-servizzi u sabiex jiżguraw is-sigurtà u s-sikurezza tal-persunal. Il-Kap tal-Amministrazzjoni jaħdem flimkien mat-tim ta’ ġestjoni tad-Delegazzjoni biex jiżguraw il-funzjonament tajjeb tad-Delegazzjoni.

Id-dmirijiet jinkludu:

—

Baġit u Finanzi It-tħejjija ta’ stimi għall-baġit operattiv annwali tad-Delegazzjoni; is-segwitu, l-aġġustament u l-verifika tal-implimentazzjoni tal-baġit awtorizzat; kontabilità; il-verifika ta' konformità mar-Regolament Finanzjarju u rekwiżiti legali u regolatorji oħrajn; kwistjonijiet tat-teżor bi ftehim mal-Uffiċjali Awtorizzanti.

—

Riżorsi Umani: Il-monitoraġġ ta’ bżonnijiet ta’ riżorsi, l-applikazzjoni korretta ta’ proċeduri ta’ għażla u/jew reklutaġġ ta' persunal lokali u barrani f’koordinazzjoni mal-maniġers responsabbli, il-kalkolu u l-ħlas lokali ta’ salarji inklużi benefiċċji, l-istabbiliment ta’ rapporti tal-persunal, proċeduri ta’ promozzjoni u bżonnijiet ta’ taħriġ.

—

Għajnuna loġistika: Il-kontroll ta’ assi fiżiċi tad-Delegazzjoni (uffiċċji, residenza, akkomodazzjonijiet, vetturi bil-mutur, għamara, tagħmir għad-djar u għall-uffiċċju, tagħmir tal-IT, eċċ...); l-amministrazzjoni tal-infrastruttura tas-sigurtà tad-Delegazzjoni, superviżjoni tal-implimentazzjoni ta’ kuntratti tas-sigurtà (f’koordinazzjoni mal-koordinatur tas-sigurtà tad-Delegazzjoni); l-organizzazzjoni ta' proċeduri ta’ akkwist.

—

Amministrazzjoni Ġenerali: Pjanar effettiv u koordinazzjoni tal-attivitajiet inkluż it-tmexxija ta’ kuljum tat-taqsima amministrattiva, tħejjija ta’ rapporti, l-amministrazzjoni ta’ liv u l-ippjanar tal-missjonijiet tal-persunal kollu fid-Delegazzjoni; superviżjoni ta’ persunal tal-IT u persunal ieħor tekniku u ta’ appoġġ; it-trattament ta’ informazzjoni sensittiva jew klassifikata u d-dokumenti għat-trażmissjoni li jinkludi l-manutenzjoni tat-tagħmir użat u s-superviżjoni ta’ trattament xieraq tal-boroż diplomatiċi.

—

Rappreżentazzjoni u Negozjar: Attendenza f’isem il-Kap tad-Delegazzjoni f’laqgħat mal-awtoritajiet tal-pajjiż ospitanti, organizzazzjonijiet pubbliċi u privati u missjonijiet diplomatiċi oħra; b’mod partikolari, l-attendenza u l-presidenza ta' laqgħat ta’ missjonijiet diplomatiċi lokali tal-UE dwar kwistjonijiet amministrattivi lokali, konsulari jew materji relatati ma’ Schengen; abbozzar tajjeb u segwitu ta’ komunikazzjonijiet mal-awtoritajiet lokali dwar kwistjonijiet amministrattivi għad-Delegazzjoni u l-persunal diplomatiku.

Kull min japplika jaċċetta li ser jintalab jgħaddi minn kontroll ta’ sigurtà permezz tal-Istat Membru tiegħu jekk hu ma jkollux diġà awtorizzazzjoni tas-sigurtà f’livell xieraq, b’konformità mad-dispożizzjonijiet ta’ sigurtà rilevanti.

Bil-validazzjoni tal-applikazzjoni, l-applikant jaqbel li jaċċetta l-obbligu li jservi f’delegazzjoni tal-Unjoni Ewropea.

Dawk reklutati għandhom ikunu lesti jaċċettaw l-ewwel kollokament f’delegazzjoni f’pajjiż fejn il-kundizzjonijiet ta’ ħajja u ta’ sigurtà jistgħu jkunu diffiċli.

Id-delegazzjonijiet jinsabu f’pajjiżi fejn dawn il-lingwi li ġejjin huma l-aktar mitkellma: Il-Franċiż, l-Ingliż, il-Portugiż u l-Ispanjol.

Tmiem tal-ANNESS I, ikklikkja hawnhekk biex tmur lura għat-test prinċipali

ANNESS II

IL-LINGWI

L-EEAS hija istituzzjoni multilingwa u r-regoli lingwistiċi li skonthom tiffunzjona huma definiti fil-Politika Estera u ta’ Sigurtà Komuni.

L-għażliet tal-lingwa għal testijiet fiċ-ċentru ta’ evalwazzjoni jirriflettu l-ħtiġijiet tas-servizz u partikularment il-ħtiġijiet ta' kopertura lingwistika tal-Politika Estera u ta’ Sigurtà Komuni (PESK). L-Ingliż u l-Franċiż huma l-lingwi ta’ ħidma tal-PESK użati fil-kuntest tar-Relazzjonijiet Esterni. Għarfien tajjeb tal-Ingliż jew tal-Franċiż (inkluż il-kapaċità għall-abbozzar) hu għalhekk essenzjali sabiex tiġi żgurata kollaborazzjoni effettiva u skambju ta’ informazzjoni internament u mal-awtoritajiet tal-Istati Membri u pajjiżi li mhumiex fl-UE.

Minħabba n-natura speċifika ta’ din il-kompetizzjoni, il-kompetenzi ġenerali u f'oqsma speċifiċi tal-kandidati se jiġu vvalutati bl-Ingliż jew bil-Franċiż (il-lingwa 2 tal-kompetizzjoni). Dan huwa b’eċċezzjoni għall-għażliet lingwistiċi li normalment japplikaw għaċ-Ċentru ta’ Evalwazzjoni (l-Ingliż, il-Franċiż jew il-Ġermaniż). Minħabba r-restrizzjonijiet fuq il-ħidma ta’ Kapijiet tal-Amministrazzjoni f’Delegazzjonijiet tal-UE, huwa raġonevoli li wieħed jippermetti lill-kandidati sabiex jagħmlu t-testijiet ta' kompetenza ġenerali bl-Ingliż jew bil-Franċiż, peress li dan joffri garanzija aħjar li l-kandidati reklutati ser ikunu tal-ogħla kalibru f’termini ta’ kapaċità u effiċjenza f’dik il-lingwa.

Tmiem tal-ANNESS II, ikklikkja hawn biex tmur lura għat-test prinċipali

ANNESS III

KRITERJI TAL-GĦAŻLA

Il-bord tal-għażla jikkunsidra l-kriterji li ġejjin għall-għażla bbażata fuq il-kwalifiki:

1.	Esperjenza professjonali ta’ mill-inqas sentejn fl-amministrazzjoni ta’ kuljum ta' riżorsi, minbarra dik meħtieġa għall-aċċess għall-kompetizzjoni;

2.	Esperjenza professjonali fis-superviżjoni ta’ membri tat-tim f'kuntest diplomatiku/konsulari jew ta' NGO jew f’organizzazzjoni internazzjonali;

3.	Esperjenza professjonali ta’ mill-inqas sena fl-amministrazzjoni f’ambjent multikulturali f’pajjiż mhux tal-UE;

4.	Esperjenza professjonali fit-twaqqif ta’ tim jew uffiċċju f’pajjiż jew fil-ġestjoni ta' bidla konsiderevoli fl-istabbiliment f’dak il-pajjiż taħt ċirkostanzi diffiċli;

5.	Esperjenza professjonali fit-twettiq ta’ baġit operattiv annwali, inkluż it-tħejjija, l-aġġustament jew il-monitoraġġ tal-eżekuzzjoni tiegħu;

6.	Esperjenza professjonali fis-segwitu, aġġustament jew il-verifika tal-eżekuzzjoni ta' baġit awtorizzat u pre-stabbilit;

7.	Esperjenza professjonali fil-ġestjoni ta’ proprjetà immobbli inkluż l-organizzazzjoni ta' xogħlijiet ta’ manutenzjoni fis-settur tal-bini (elettriku, faċilitajiet sanitarji u idrawliċi, strutturi ta' akkomodazzjoni u ta' uffiċċju, eċċ.);

Esperjenza professjonali ta’ ġestjoni loġistika inġenerali, infrastruttura, tagħmir jew provvisti inkluża l-organizzazzjoni tal-manutenzjoni u t-tiswija ta’ tagħmir tad-djar (ġeneraturi, invertituri, kondizzjonaturi tal-arja, eċċ.) jew ta’ tagħmir tal-uffiċċju (skanners, fotokopjaturi, PABX, magni għat-tqattigħ tal-karti, stallazzjonijiet ta’ sigurtà eċċ.) kif ukoll il-ġestjoni tal-provvisti (oġġetti ta’ konsum, provvisti tal-uffiċċju, parts tal-bdil eċċ.);

9.	Esperjenza professjonali fil-ġestjoni ta’ proċeduri ta’ sejħa għall-offerti, jew fit-tħejjija u l-implimentazzjoni ta' kuntratti;

10.	Diploma jew esperjenza professjonali fl-akkwist pubbliku;

11.	Esperjenza professjonali fin-negozjati;

12.

Għarfien ippruvat ta’ waħda jew aktar minn dawn il-lingwi (differenti mil-lingwa 1 jew 2 tiegħek): L-Ingliż, il-Franċiż, il-Portugiż jew l-Ispanjol (livell minimu meħtieġ: B2 tal-Qafas Komuni Ewropew ta’ Referenza għal-Lingwi (https://europass.cedefop.europa.eu/mt/resources/european-language-levels-cefr)).

Tmiem tal-ANNESS III, ikklikkja hawn biex tmur lura għat-test prinċipali

Testijiet	Lingwa	Mistoqsijiet	Tul ta' ħin	Minimu meħtieġ
Raġunar verbali	Lingwa 1	20 mistoqsija	35 min	10/20
Raġunar numeriku	Lingwa 1	10 mistoqsijiet	20 min	Numeriku + astratt flimkien: 10/20
Raġunar astratt	Lingwa 1	10 mistoqsijiet	10 min	Numeriku + astratt flimkien: 10/20

Kompetenzi	It-test
Kompetenzi f'oqsma speċifiċi	Intervista bbażata fuq kompetenzi speċifiċi
Minimu meħtieġ	50/100
L-ippeżar tal-kompetenzi speċifiċi	55 % tal-marka globali