3.3.2015   

MT

Il-Ġurnal Uffiċjali tal-Unjoni Ewropea

C 74/10

Notifika minn qabel ta’ konċentrazzjoni

(Il-Każ M.7476 — Holtzbrinck Publishing Group/Springer Science + Business Media GP Acquisition SCA/JV)

(Test b'rilevanza għaż-ŻEE)

(2015/C 74/09)

1.

Fl-24 ta’ Frar 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Holtzbrinck Publishing Group (“HPG”, il-Ġermanja), ikkontrollata minn Georg von Holtzbrinck GmbH & Co. KG (“Holtzbrinck”, il-Ġermanja), u Springer Science+Business Media G.P. Acquisition SCA (“SSBM SCA”, il-Pajjiżi l-Baxxi), ikkontrollata minn BC Partners Holdings Limited (UK), jakkwistaw il-kontroll konġunt fit-tifsira tal-Artikolu 3(4) tar-Regolament dwar l-Għaqdiet tal-joint venture ġdid (il-“Joint Venture”) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

HPG hija kumpanija internazzjonali tal-midja attiva fil-kummerċ tal-pubblikazzjoni, l-edukazzjoni u x-xjenza, il-gazzetti u r-rivisti, kif ukoll il-midja u s-servizzi elettroniċi. HPG joffri servizzi ta’ pubblikazzjoni taħt tliet taqsimiet operattivi “Macmillan Science and Education” (xjenza u edukazzjoni), Macmillan Publishers (fittizji u mhux fittizji) u “Holzbrink Digital, Information & Services” (kumpaniji tal-Internet, il-midja tal-aħbarijiet u servizzi),

—

SSBM SCA hija l-kumpanija prinċipali ta’ SSBM Group, attiva prinċipalment fil-pubblikazzjoni ta’ ġurnali u kotba akkademiċi, primarjament fix-xjenza, it-teknoloġija u l-oqsma mediċi, u b’xi operazzjonijiet fil-qasam tal-bażijiet tad-dejta onlajn u għodda għall-volum tax-xogħol, u l-pubblikazzjoni professjonali u lingwistiċi lokali, fost oħrajn, fil-Ġermanja u l-Pajjiżi l-Baxxi,

—

Il-Joint Venture se tikkombina l-attivitajiet kollha ta’ SSBM SCA u l-biċċa l-kbira tal-attivitajiet tal-unità tan-negozju ta’ HPG, “Macmillan Science and Education”. Se tkun attiva primarjament f’pubblikazzjoni akkademiċi.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7476 — HPG/SSBM SCA/JV, fl-indirizz li ġej:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).