8.7.2014   

MT

Il-Ġurnal Uffiċjali tal-Unjoni Ewropea

C 213/9

Avviż minn qabel ta’ konċentrazzjoni

Il-Każ M.7284 — Siemens / John Wood Group / Rolls-Royce Combined ADGT Business / RWG

(Test b'rilevanza għaż-ŻEE)

2014/C 213/05

1.

Fis-27 ta’ Ġunju 2014, il-Kummissjoni rċeviet notifika ta’ konċentrazzjoni proposta skont l-Artikolu 4 tar- Regolament tal-Kunsill (KE) Nru 139/2004 (1) li permezz tagħha Siemens AG (“Siemens”, il-Ġermanja) takkwista fit-tifsira tal- Artikolu 3(1)(b) tar-Regolament dwar l-Għaqdiet, il-kontroll sħiħ ta’ partijiet minn Rolls-Royce plc (“Rolls-Royce”, ir-Renju Unit), jiġifieri n-negozju tat-turbini tal-gass aeroderivattivi ta’ Rolls-Royce, l-attivitajiet ta’ kumpressur ta’ Rolls Royce u n-negozju tas-servizzi ta’ wara l-bejgħ ta’ Rolls-Royce (flimkien “in-negozju kkombinat ADGT ta’ Rolls-Royce”); kif ukoll (ii) is-sehem ta’ 50 % ta’ Rolls-Royce (u b’hekk il-kontroll konġunt ta’) Rolls Wood Group Limited (“RWG”), attwalment ażjenda konġunta bejn Rolls-Royce u John Wood Group plc (“WG”, ir-Renju Unit), permezz ta’ xiri ta’ ishma u xiri ta’ assi.

2.

L-attivitajiet kummerċjali tal-impriżi kkonċernati huma:

—

għal Siemens: is-setturi tal-enerġija, tal-kura tas-saħħa, tal-industrija, tal-infrastruttura u l-ibliet, tan-negozju transversali u tas-servizzi finanzjarji u tal-proprjetà immobbli. In-negozju tat-turbini industrijali tal-gass ta’ Siemens huwa parti mid-diviżjonijiet tal-ġenerazzjoni tal-enerġija u tas-servizzi tal-enerġija tas-settur tal-enerġija. Jinsab preżenti f’numru ta’ pajjiżi Ewropej,

—

In-negozju kkombinat ADGT ta’ Rolls-Royce jinkludi: (i) in-negozju ADGT ta’ Rolls Royce, li jinkludi t-tfassil, il-manifattura, il-bejgħ u l-istallazzjoni ta’ turbini tal-gass aeroderivattivi; (ii) l-attivitajiet ta’ kumpressur ta’ Rolls-Royce, li jinkludu t-tfassil, il-manifattura, il-bejgħ u l-installazzjoni ta’ kumpressuri mibjugħa minn Rolls-Royce flimkien mat-turbini tal-gass aeroderivattivi tagħha; kif ukoll (iii) in-negozju tas-servizzi ta’ Rolls-Royce, li jipprovdi servizzi ta’ wara l-bejgħ għall-operaturi u l-klijenti ta’ turbini tal-gass aeroderivattivi u kompressuri li jkunu installati,

—

RWG hija impriża konġunta bejn Rolls-Royce u WG. Il-kumpanija tipprovdi manutenzjoni, servizzi ta’ tiswija u reviżjoni ġenerali għal ċerti turbini tal-gass aeroderivattivi u kumpressuri ta’ Rolls-Royce,

—

WG hija kumpanija ta’ servizzi ta’ enerġija li tipprovdi firxa ta’ servizzi ta’ inġinerija, appoġġ għall-produzzjoni, ġestjoni ta’ manutenzjoni u servizzi ta’ reviżjoni u tiswija lill-industriji taż-żejt u tal-gass u tal-ġenerazzjoni tal-enerġija madwar id-dinja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni b’faks (+32 22964301) b’email lil COMP-MERGER-REGISTRY@ec.europa.eu jew bil-posta, bin-numru ta’ referenza M.7284 — Siemens / John Wood Group / Rolls-Royce Combined ADGT Business / RWG, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).