25.6.2014   

MT

Il-Ġurnal Uffiċjali tal-Unjoni Ewropea

C 195/4

1.

Fit-18 ta’ Ġunju 2014, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha NV Bekaert SA (“Bekaert”, il-Belġju) u Officine Maccaferri S.p.A. (“Maccaferri”, l-Italja), sussidjarja li hija proprjetà kollha kemm hi ta’ S.E.C.I. S.p.A., jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta’ impriża ġdida li tikkonstitwixxi joint venture (“JV”, il-Belġju) permezz ta’ xiri ta’ ishma.

2.

L-attivitajiet kummerċjali tal-impriżi konċernati huma:

—   għal Bekaert: trasformazzjoni ta’ wajer tal-azzar u kisjiet,

—   għal Maccaferri: inġinerija ambjentali,

—   għall-JV: bejgħ u distribuzzjoni ta’ diversi prodotti ta’ taħt l-art u tħaffir ta’ mini u soluzzjonijiet.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, d-deċiżjoni finali dwar dan il-punt hija riżervata. Skont l-Avviż mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301), bil-posta elettronika lil COMP-MERGER-REGISTRY@ec.europa.eu jew bil-posta, bin-numru ta’ referenza M.7190 — Bekaert/Maccaferri/JV, f’dan l-indirizz: