3.6.2014   

MT

Il-Ġurnal Uffiċjali tal-Unjoni Ewropea

C 166/17

1.

Fit-23 ta’ Mejju 2014 il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Vodafone Group plc (“Vodafone”, ir-Renju Unit) takkwista skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tal-impriża Grupo Corporativo ONO (“ONO”, Spanja) permezz tax-xiri ta’ ishma.

2.

L-attivitajiet tan-negozju tal-impriżi kkonċernati huma:

—   Vodafone: provvista ta’ telefonija bil-mowbajl u dik fissa, servizzi ta’ broadband u televiżjoni mad-dinja kollha.

—   ONO: provvista ta’ telefonija fissa, servizzi ta’ broadband u televiżjoni fi Spanja.

3.

Wara analiżi preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301), bl-e-Mail lil COMP-MERGER-REGISTRY@ec.europa.eu jew bil-posta, bin-numru ta’ referenza M.7231 — Vodafone/ONO, fl-indirizz li ġej: