12.4.2014   

MT

Il-Ġurnal Uffiċjali tal-Unjoni Ewropea

C 111/17

1.

Fl-4 ta’ April 2014, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Visteon Corporation (“Visteon”, l-Istati Uniti) takkwista skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tan-negozju ta' elettronika għas-settur awtomomobilistiku li bħalissa huwa miżmum minn Johnson Controls, Inc. (“JCI”, l-Istati Uniti), permezz tax-xiri ta’ ishma.

2.

L-attivitajiet ta' negozju tal-impriżi konċernati huma:

—   għal Visteon: il-provvista ta’ sistemi tal-klima, tal-elettronika u tal-partijiet ta’ ġewwa, moduli u komponenti għal manifatturi ta' apparat oriġinali tal-awtovetturi (OEMs),

—   għal JCI: operazzjonijiet teknoloġiċi u industrijali fl-effiċjenza tal-kostruzzjoni; soluzzjonijiet ta' provvista u ta' enerġija għas-settur awtomobilistiku,

—   għan-Negozju ta' Elettronika Għas-Settur Awtomobilistiku ta' Johnson Controls, Inc.: il-provvista lil OEMs fis-settur awtomobilistiku ta' prodotti elettroniċi ta' informazzjoni għas-sewwieq u għall-karrozzerija.

3.

Wara analiżi preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta' applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

5.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301) jew bl-email lil COMP-MERGER-REGISTRY@ec.europa.eu jew bil-posta, bin-numru ta' referenza COMP/M.7182 — Visteon Corporation/In-Negozju ta' Elettronika Għas-Settur Awtomobilistiku ta' Johnson Controls, f'dan l-indirizz: