26.3.2014   

MT

Il-Ġurnal Uffiċjali tal-Unjoni Ewropea

C 87/15

Notifika minn qabel ta' konċentrazzjoni

(Każ COMP/M.7134 – Volvo Construction Equipment/Terex Construction Limited)

(Test b’relevanza għaż-ŻEE)

2014/C 87/10

1.

Fit-18 ta’ Marzu 2014, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsil (KE) Nru 139/2004 (1) li permezz tagħha l-impriża Volvo Construction Equipment AB (l-Isvezja) u ċerti sussidjarji u affiljati oħrajn, kull waħda fl-aħħar ikkontrollata minn AB Volvo (l-Isvezja), se takkwista il-kontroll ta' Terex Equipment Limited (ir-Renju Unit) u assi oħrajn relatati man-negozju tat-trakkijiet mhux tat-toroq għar-rimi ta' materjal proprjetà ta' Terex Corporation (tal-Istat Uniti tal-Amerika).

2.

L-attivitajiet kummerċjali tal-impriżi kkonċernati huma:

—

Għal Volvo Construction Equipment AB: il-produzzjoni ta' tagħmir għall-bini,

—

Għal Terex Equipment Limited: il-produzzjoni ta' trakkijiet mhux tat-toroq għar-rimi ta' materjal.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.7134 – Volvo Construction Equipment/Terex Construction Limited, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).