26.11.2013   

MT

Il-Ġurnal Uffiċjali tal-Unjoni Ewropea

C 345/22

Notifika minn qabel ta' konċentrazzjoni

(Każ COMP/M.7087 – Vitol/Carlyle/Varo)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2013/C 345/10

1.

Fit-18 ta’ Novembru 2013, il-Kummissjoni rċeviet notifika ta’ konċentrazzjoni proposta skont l-Artikolu 4 tar- Regolament tal-Kunsill (KE) Nru 139/2004 (1) li permezz tagħha l-Fondi ġestiti minn The Carlyle Group (“Carlyle”) mill-Istati Uniti, jiksbu l-kontroll konġunt, skont it-tifsira tal- Artikolu 3(1)(b) tar-Regolament dwar l-Għaqdiet ta' Varo Energy Holding SA (“Varo”) mill-Isvizzera. Varo hija bħalissa – u se tibqa' – ikkontrollata indirettament b'mod konġunt mill-Grupp Vitol BV (“Vitol Group”) mill-Pajjiżi l-Baxxi. Barra minn hekk, bħala parti minn din it-tranżazzjoni, Varo għandha l-intenzjoni li takkwista ċerti kumpaniji oħra mill-grupp Vitol fil-Ġermanja.

2.

L-attivitajiet kummerċjali tal-impriżi kkonċernati huma:

—

Carlyle huwa ġestur globali tal-assi alternattivi, li jiġġestixxi fondi li jinvestu globalment f'erba' dixxiplini ta' investiment: Ekwità privata korporattiva (akkwiżizzjoni u kapital għat-tkabbir), assi reali (proprjetà immobbli, infrastruttura u enerġija), strateġiji tas-suq globali (kreditu strutturat, mezzanine, distressed, hedge funds u dejn medju tas-suq) u soluzzjonijiet (fond ta’ ekwità privata ta’ fondi fil-programm u attivitajiet relatati ta' koinvestiment u attivitajiet sekondarji),

—

Vitol Refining Group jagħmel parti mill-Grupp Vitol li huwa attiv fil-kummerċ ta’ komoditajiet u ta' strumenti finanzjarji relatati b’mod partikolari maż-żejt u l-gass, it-tħaddim ta’ stazzjonijiet ta’ ħażna u l-esplorazzjoni u l-produzzjoni taż-żejt u tal-gass,

—

Varo topera raffinerija taż-żejt mhux raffinat fl-Isvizzera u hija attiva fil-ħażna u l-ikkumerċjalizzar bl-ingrossa ta’ prodotti tal-petroleum fl-Isvizzera,

—

Vitol Germany, bħalissa kkontrollata minn Vitol, hija prinċipalment attiva fil-bejgħ ta' prodotti raffinati tal-petroleum ta' distillati medji,

—

Petrotank, bħalissa kkontrollata minn Vitol, hija attiva fl-operazzjoni ta’ terminals bit-tankijiet tal-ħażna ta' prodotti taż-żejt minerali fil-Ġermanja.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.7087 – Vitol/Carlyle/Varo, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).