29.10.2013   

MT

Il-Ġurnal Uffiċjali tal-Unjoni Ewropea

C 314/8

Notifika minn qabel ta' konċentrazzjoni

(Każ COMP/M.7057 – Suntory/GlaxoSmithKline (Ribena & Lucozade Soft Drinks Business))

(Test b’relevanza għaż-ŻEE)

2013/C 314/08

1.

Fit-22 ta’ Ottubru 2013, il-Kummisjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Suntory Beverage & Food Limited (“SBF”, il-Ġappun), fl-aħħar ikkontrollata minn Suntory Holdings Limited (“Suntory”, il-Ġappun), takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tan-negozju tax-xarbiet minerali ta' Ribena u Lucozade (“in-Negozju fil-Mira”, ir-Renju Unit) minn GlaxoSmithKline plc (ir-Renju Unit) permezz tax-xiri ta' assi.

2.

L-attivitajiet kummerċjali tal-impriżi kkonċernati huma:

—

għal Suntory: il-produzzjoni, il-manifattura u d-distribuzzjoni ta' prodotti tax-xarbiet minerali,

—

għan-Negozju fil-Mira: il-manifattura, id-distribuzzjoni u l-bejgħ ta' prodotti tax-xarbiet minerali tad-ditti Lucozade u Ribena.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.7057 – Suntory/GlaxoSmithKline (Ribena & Lucozade Soft Drinks Business), fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).