21.9.2013   

MT

Il-Ġurnal Uffiċjali tal-Unjoni Ewropea

C 273/17

Notifika minn qabel ta' konċentrazzjoni

(Każ COMP/M.7040 – CVC/Domestic & General Group Holdings)

(Test b’relevanza għaż-ŻEE)

2013/C 273/10

1.

Fis-16 ta’ Settembru 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha CVC Capital Partners SICAV-FIS SA (“CVC”, il-Lussemburgu) tiksebil-kontroll uniku ta' Domestic & General Group Holdings (ir-Renju Unit) skont l-Artikolu 3(1)(b) tar-Regolament dwar l-Għaqdiet permezz tax-xiri tal-ishma.

2.

L-attivitajiet kummerċjali tal-impriżi kkonċernati huma:

—

għal CVC: konsulenza għal fondi ta' investiment u l-ġestjoni tal-istess fondi. Il-fondi ġestiti minn CVC jikkontrollaw, b'mod uniku jew konġunt, għadd ta’ kumpaniji, fosthom Acromas Holdings Ltd, is-sid tal-Grupp AA u Saga. Il-Grupp AA u Saga huma t-tnejn attivi f'servizzi ta' tiswija lil hinn mill-garanzija permezz tal-għoti ta’ pjanijiet ta’ protezzjoni għas-sistemi tal-bojlers u tisħin ċentrali,

—

għal Domestic & General Group Holdings: l-għoti ta’ garanziji estiżi għal apparat domestiku lil hinn mill-garanzija oriġinali tal-manifattur.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.7040 – CVC/Domestic & General Group Holdings, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).