12.9.2013   

MT

Il-Ġurnal Uffiċjali tal-Unjoni Ewropea

C 263/11

Notifika minn qabel ta' konċentrazzjoni

(Każ COMP/M.6979 – DSM R&D Solutions/Maastricht UMC-Holding/Device Company JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2013/C 263/12

1.

Fil-5 ta’ Settembru 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi DSM R&D Solutions BV (“DSM R&D Solutions”, il-Pajjiżi l-Baxxi), li huma parti mill-grupp Koninklijke DSM NV (“DSM”, il-Pajjiżi l-Baxxi), u Maastricht UMC-Holding BV (“Maastricht UMC-Holding”, il-Pajjiżi l-Baxxi) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża Device Company BV (“Device Company JV”, il-Pajjiżi l-Baxxi) permezz tax-xiri ta' ishma f'kumpanija ġdida li tikkostitwixxi impriża konġunta.

2.

L-attivitajiet kummerċjali tal-impriżi kkonċernati huma:

—

għal DSM: nutrizzjoni tal-bniedem u tal-annimali, farmaċewtiċi, materjali ta' prestazzjoni u kimiċi industrijali,

—

għal Maastricht UMC-Holding: il-ħolqien u ż-żamma ta' entitajiet legali bil-għan li jikkummerċjalizzaw skoperti xjentifiċi li jkunu saru fl-oqsma tas-saħħa, tan-nutrizzjoni u tal-materjali,

—

għal Device Company JV: il-produzzjoni u l-bejgħ ta' apparati infrared mobbli kapaċi li jkejlu l-elementi kostitwenti ta' farmaċewtiċi, drogi u prodotti oħrajn potenzjali, bħala alternattiva għar-riċerka fil-laboratorju.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6979 – DSM R&D Solutions/Maastricht UMC-Holding/Device Company JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).