11.9.2013   

MT

Il-Ġurnal Uffiċjali tal-Unjoni Ewropea

C 262/5

Notifika minn qabel ta' konċentrazzjoni

(Każ COMP/M.7009 – Holcim/Cemex West)

(Test b’relevanza għaż-ŻEE)

2013/C 262/04

1.

Fit-3 ta’ Settembru 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Holcim Beteiligungs GmbH (il-Ġermanja), ikkontrollata minn Holcim Ltd (“Holcim”, l-Isvizzera), takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll ta' partijiet tal-attivitajiet tal-Grupp Cemex (“Cemex”, il-Messiku) fis-siment, konkrit mħallat lest, aggregati u materjali bis-siment fil-Ġermanja tal-Punent, inkluż għadd żgħir ta' impjanti u siti li jinsabu fi Franza u fil-Pajjiżi l-Baxxi (flimkien “Cemex West”), permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

għal Holcim: fornitur globali ta' siment, konkrit imħallat lest, aggregati kif ukoll asfalt u servizzi relatati,

—

għal Cemex West: il-produzzjoni u l-forniment ta' siment, konkrit imħallat lest u aggregati minn postitjiet fil-Ġermanja tal-Punent (b'mod partikolari fin-North Rhine-Westphalia) kif ukoll fi Franza u fil-Pajjiżi l-Baxxi.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.7009 – Holcim/Cemex West, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).