9.7.2013   

MT

Il-Ġurnal Uffiċjali tal-Unjoni Ewropea

C 196/3

Notifika minn qabel ta' konċentrazzjoni

(Każ COMP/M.6969 – Valeant Pharmaceuticals International/Bausch & Lomb Holdings)

(Test b’relevanza għaż-ŻEE)

2013/C 196/04

1.

Fl-1 ta’ Lulju 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Valeant Pharmaceuticals International, Inc. (“Valeant”), kumpanija pubblika stabbilita skont il-liġijiet tal-Kanada, takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Bausch & Lomb Holdings Incorporated (“Bausch & Lomb”), kumpanija privata bil-kwartieri f'Rochester, NY, l-Istati Uniti tal-Amerika, permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

għal Valeant: l-iżvilupp, il-manifattura u l-kummerċjalizzazzjoni ta’ prodotti farmaċewtiċi ta’ speċjalità primarjament fl-oqsma tad-dermatoloġija, in-newroloġija u ġeneriċi tad-ditta,

—

għal Bausch & Lomb: l-iżvilupp, il-manifattura u l-kummerċjalizzazzjoni ta’ prodotti oftalmiċi, tal-kirurġija u tal-vista.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6969 – Valeant Pharmaceuticals International/Bausch & Lomb Holdings, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).