28.6.2013   

MT

Il-Ġurnal Uffiċjali tal-Unjoni Ewropea

C 183/34

Notifika minn qabel ta' konċentrazzjoni

(Każ COMP/M.6970 – Blackstone/Multi Corporation)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2013/C 183/16

1.

Fl-20 ta’ Ġunju 2013, il-Kummissjoni rċeviet notifika ta' proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 li permezz (1) tagħha l-impriża The Blackstone Group L.P. (“Blackstone”, l-Istati Uniti tal-Amerika) takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ ta' Multi Corporation B.V. (“Multi”, il-Pajjiżi l-Baxxi) permezz tax-xiri tal-interessi ta' sħubija.

2.

L-attivitajiet kummerċjali tal-impriżi kkonċernati huma:

—

Blackstone hija amministratur tal-assi alternattiv u fornitur ta' servizzi ta’ konsulenza finanzjarja,

—

Multi hija attiva fis-settur tal-proprjetà immobbli f'bosta pajjiżi, inkluża l-Unjoni Ewropea. L-attività ewlenija ta' Multi hija l-iżvilupp tal-proprjetà immobbli. Barra minn hekk, Multi hija attiva sa ċertu punt fil-kiri tal-proprjetà immobbli kummerċjali. Il-portafoll ta' Multi jikkonsisti primarjament minn ċentri għax-xiri.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6970 – Blackstone/Multi Corporation, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).