23.5.2013 |
MT |
Il-Ġurnal Uffiċjali tal-Unjoni Ewropea |
CA 143/1 |
AVVIŻ TA' KOMPETIZZJONI ĠENERALI
EPSO/AD/254/13
(2013/C 143 A/01)
L-Uffiċċju Ewropew għas-Selezzjoni tal-Persunal (EPSO) qed jorganizza din il-kompetizzjoni ġenerali permezz ta' kwalifiki u eżamijiet sabiex tinħoloq lista ta' riżerva għar-reklutaġġ ta'
KAP TAL-UNITÀ (1) (AD 12)
Unità “Diżattivazzjoni nukleari” (Ispra, l-Italja)
Iċ-Ċentru Konġunt tar-Riċerka, il-Kummissjoni Ewropea
L-għan ta' din il-kompetizzjoni hu li tinħoloq lista ta' riżerva maħsuba biex jimtela post vakanti fi ħdan il-Kummissjoni Ewropea.
Qabel tapplika, għandek taqra bir-reqqa l-gwida ppubblikata f'Il-Ġurnal Uffiċjali C 270 A tas-7 ta' Settembru 2012 u fuq il-websajt tal-EPSO, minbarra l-punti 4, 5.3, 5.4, 6.2 u 6.3. Il-punti 5.3, 5.4 u 6.2 huma sostitwiti bit-test li jidher fl-Anness.
Din il-gwida, li tagħmel parti integrali mill-avviż tal-kompetizzjoni, se tgħinek tifhem ir-regoli dwar il-proċeduri u l-kundizzjonijiet tal-applikazzjoni.
WERREJ
I. |
QAFAS ĠENERALI |
II. |
IN-NATURA TAD-DMIRIJIET |
III. |
IL-KUNDIZZJONIJIET TA' AMMISSJONI |
IV. |
L-AMMISSJONI GĦALL-KOMPETIZZJONI U S-SELEZZJONI ABBAŻI TAL-KWALIFIKI |
V. |
IĊ-ĊENTRU TA' EVALWAZZJONI U L-EŻAMIJIET |
VI. |
IL-LISTI TA' RIŻERVA |
VII. |
KIF TAPPLIKA? |
ANNESS |
I. QAFAS ĠENERALI
L-għadd ta' kandidati magħżula: 3
II. IN-NATURA TAD-DMIRIJIET
L-Unità ta' Diżattivazzjoni Nukleari hija responsabbli mill-immaniġġjar u mid-diżattivazzjoni (inkluża l-konservazzjoni sikura) tal-istallazzjonijiet u tal-impjanti nukleari kollha fis-sit tal-Ispra u mill-operazzjoni tal-faċilitajiet għall-immaniġġjar tal-iskart radjuattiv, f'konformità mal-obbligi tal-liċenzjar attwali. Il-programm għad-diżattivazzjoni u għall-immaniġġjar tal-iskart, li se jkopri aktar minn żewġ deċennji, bħalissa qed jiffoka prinċipalment fuq l-immaniġġjar tal-iskart u fuq l-attivitajiet ta' tħejjija għall-fażi tad-diżattivazzjoni. Wara dan, l-Unità ta' Diżattivazzjoni Nukleari se timplimenta l-miżuri kollha meħtieġa għad-diżattivazzjoni tal-istallazzjonijiet u tal-impjanti u għall-operazzjoni tal-infrastrutturi biex jipproċessaw, jorganizzaw, jittrattaw u jaħżnu l-iskart solidu/likwidu disponibbli fis-sit, kif ikun xieraq. L-objettiv aħħari huwa li jiġi eliminat il-passiv nukleari kollu, bil-għan li jkun permess l-użu mill-ġdid ta' binjiet u tal-art.
Il-Kap tal-Unità ta' Diżattivazzjoni Nukleari huwa responsabbli mill-immaniġġjar tal-impjanti u tal-liċenzji, f'konformità mal-liġi Taljana. Għaldaqstant, il-kandidati jridu jissodisfaw ir-rekwiżiti stipulati fil-leġiżlazzjoni Taljana sabiex ikunu jistgħu jakkwistaw l-“Attestato di idoneita alla Direzione tecnica degli impianti nucleari” skont id-“Decreto Presidente della Repubblica” tat-30.12.1970, n. 1450 hekk kif ġie emendat l-aħħar.
Hu/Hi jipprovdi/tipprovdi sostenn għall-attivitajiet kollha fis-sit tal-Ispra li jkunu meħtieġa biex jiġu ssodisfati r-rekwiżiti legali marbuta mar-radjuprotezzjoni u mal-protezzjoni ambjentali.
Id-dmirijiet tal-Kap tal-Unità essenzjalment jinvolvu l-organizzazzjoni tal-attivitajiet kollha relatati mad-diżattivazzjoni tal-istallazzjonijiet u tal-impjanti nukleari, u jinkludu:
— |
Li jipprogramma u jorganizza t-tħaddim tajjeb tal-Unità, inklużi l-aspetti kollha tekniċi u finanzjarji u r-riżorsi umani. |
— |
Li jiżgura li r-riżorsi jintużaw bl-aktar mod effikaċi, effettiv u ekonomiku possibbli. |
— |
Li jiddefinixxi l-istrateġija għall-implimentazzjoni tal-programm tal-Unità, f'konformità mal-missjoni tal-JRC, bl-objettiv aħħari li jerġa' jġib is-sit fi stadju li jippermetti l-użu mill-ġdid ta' binjiet u/jew tal-art. |
— |
Li jiżgura li l-attivitajiet jitwettqu f'konformità mal-obbligi legali relevanti kif ukoll mar-rekwiżiti applikabbli fil-qasam tas-sikurezza u tal-liċenzjar. |
— |
Li jiżgura t-tħaddim sikur tal-impjanti nukleari, inklużi l-prevenzjoni u d-detezzjoni tal-aċċidenti kif ukoll it-tmexxija tal-interventi, fejn meħtieġ. |
— |
Li jimmaniġġja l-iskart radjuattiv (it-trasport, il-ħażna, il-kontabbiltà, eċċ.). |
— |
Li jiżgura l-koordinazzjoni tal-proċeduri tal-liċenzjar. |
Bażikament id-dmirijiet maniġerjali/amministrattivi jistgħu jinqasmu fi tliet kategoriji:
Fil-livell operazzjonali:
— |
Jiġu definiti l-objettivi strateġiċi tal-unità u jiġi approvat il-programm ta' ħidma tagħha, f'konformità ma' dawk tal-JRC. |
— |
Jiġu ggarantiti l-organizzazzjoni u d-distribuzzjoni effiċjenti tax-xogħol fi ħdan l-unità, u jittieħdu deċiżjonijiet dwarhom, sabiex jinkisbu r-riżultati mistennija. |
— |
Jiġi vvalutat il-grad ta' twettiq tal-objettivi permezz tal-indikaturi adattati, u jitfasslu r-rapporti maniġerjali dwar ir-riżultati miksuba. |
— |
Jiġi vverifikat li d-deċiżjonijiet u l-operazzjonijiet jikkonformaw mar-regoli u mal-proċeduri uffiċjali. |
Fil-livell tal-immaniġġjar tar-riżorsi:
— |
Jiġi żgurat l-immaniġġjar effiċjenti tal-persunal fl-unità, f'konformità mal-politika tal-istituzzjoni f'dak li jirrigwarda r-riżorsi umani, bil-ħsieb li tiġi żviluppata unità b'rendiment għoli, animata bi spirtu qawwi ta' tim. B'mod partikolari, dan jinvolvi l-kapaċità li jiġu żviluppati l-ħiliet ta' kull individwu u li jiġu użati bl-aħjar mod, kif ukoll li jiġu antiċipati u mmaniġġjati kwalunkwe kunflitti li jistgħu jinbtu fit-tim. |
— |
Jiġu determinati l-ħtiġijiet ta' finanzjament u jiġu mmaniġġjati r-riżorsi tal-baġit annwali allokati lill-unità. |
Fil-livell tal-komunikazzjoni u tar-rappreżentazzjoni:
— |
Jiġi stabbilit u jinżamm djalogu interattiv fl-unità sabiex il-persunal ikun infurmat sewwa dwar l-aspetti strateġiċi u politiċi ewlenin u biex jirċievi rispons xieraq dwar ħidmietu. |
— |
Jitwettqu dmirijiet ta' konsulenza, koordinazzjoni u/jew negozjar ma' dipartimenti jew ma' istituzzjonijiet oħra dwar kwistjonijiet relatati max-xogħol tal-unità. |
— |
Tiġi rrappreżentata l-unità fil-kumitati, fil-gruppi ta' ħidma jew f'entitajiet oħra kemm fi ħdan l-istituzzjoni kif ukoll esternament. |
Dawn ir-responsabbiltajiet jirrikjedu kandidati li huma orjentati lejn is-servizz, li għandhom sens ta' dover u li jkunu lesti li jilqgħu l-bidla.
Meta jitqiesu n-natura u r-rekwiżiti tal-pożizzjoni, huwa essenzjali wkoll li l-kandidat ikollu għarfien tajjeb tal-lingwa Taljana, kemm fil-kitba kif ukoll fl-oral.
Il-kandidat irid ikollu minn tal-inqas ħmistax-il sena esperjenza professjonali multidixxiplinarja fil-qasam operazzjonali nukleari, inkluż fl-immaniġġjar ta' proġetti u kuntratti.
Irid ikollu ukoll bilfors ħames snin esperjenza fl-immaniġġjar u fil-koordinazzjoni ta' timijiet tekniċi multidixxiplinarji u multinazzjonali, kif ukoll il-kapaċità ppruvata li jmexxi, jimmotiva u li jiggwida lill-persunal tiegħu.
Il-Kap tal-Unità jwettaq kompiti amministrattivi u operazzjonali taħt l-awtorità tad-Direttur tal-Immaniġġjar tas-Sit ta' Ispra (ISM), li jinsab f'Ispra (l-Italja), li huwa wieħed mill-istabbilimenti taċ-Ċentru Konġunt tar-Riċerka tal-Kummissjoni Ewropea.
III. IL-KUNDIZZJONIJIET TA' AMMISSJONI
Fid-data tal-għeluq stabbilita għall-applikazzjoni elettronika, int għandek tissodisfa dawn il-kundizzjonijiet ġenerali u speċifiċi kollha li ġejjin:
|
|||||||||
|
|||||||||
|
|||||||||
2.1 |
Kwalifiki |
||||||||
|
Livell ta' edukazzjoni li jikkorrespondi ma' ċiklu komplut ta' studji universitarji, iċċertifikat b'diploma ta' tmiem l-istudji fl-oqsma relatati mad-dmirijiet inkwistjoni (inġinerija, fiżika jew kimika), meta l-perjodu ta' dawn l-istudji jkun ekwivalenti għal erba' snin jew iktar. jew Livell ta' edukazzjoni li jikkorrespondi ma' ċiklu komplut ta' studji universitarji, iċċertifikat b'diploma ta' tmiem l-istudji fl-oqsma relatati mad-dmirijiet inkwistjoni (inġinerija, fiżika jew kimika), segwit minn esperjenza professjonali adattata ta' mill-inqas sena, meta l-perjodu normali ta' dawn l-istudji jkun ekwivalenti għal tliet snin jew inqas. NB: L-esperjenza professjonali ta' mill-inqas sena tagħmel parti integrali mid-diploma u ma tistax tiġi kkunsidrata mal-għadd ta' snin ta' esperjenza professjonali meħtieġa hawn isfel. jew Livell ta' edukazzjoni li jikkorrespondi ma' ċiklu komplut ta' studji universitarji, iċċertifikat b'diploma ta' tmiem l-istudji, kif ukoll taħriġ postgradwatorju, iċċertifikat b'diploma f'oqsma relatati mad-dmirijiet inkwistjoni (inġinerija, fiżika jew kimika). |
||||||||
2.2 |
L-esperjenza professjonali |
||||||||
|
Irid ikollok mill-inqas 15-il sena esperjenza professjonali relatata man-natura tad-dmirijiet inkwistjoni, fosthom 5 snin fit-tmexxija u/jew fil-koordinazzjoni tal-persunal, b'responsabbiltajiet maniġerjali reali tal-persunal, kif deskritt f'dan l-avviż (ara t-Taqsima II). Sabiex tiġi vvalutata l-esperjenza fit-tmexxija, il-Bord ta' Selezzjoni se jqis l-elementi relevanti pprovduti mill-kandidati, bħalma huma:
Din l-esperjenza professjonali hija relevanti biss jekk tkun inkisbet wara l-għoti tad-diploma li tagħti aċċess għall-kompetizzjoni. |
||||||||
2.3 |
L-għarfien lingwistiku |
||||||||
Lingwa 1 |
|
||||||||
Lingwa 2 |
F'konformità mas-sentenza mogħtija mill-Qorti tal-Ġustizzja tal-Unjoni Ewropea (l-Awla Manja) fil-Kawża C-566/10 P, ir-Repubblika Taljana vs il- Kummissjoni, fil-kuntest ta' din il-kompetizzjoni, l-Istituzzjonijiet tal-Unjoni huma obbligati jiddikjaraw ir-raġunijiet li minħabba fihom jillimitaw l-għażla tat-tieni lingwa għal għadd ristrett ta' lingwi uffiċjali tal-Unjoni. Għaldaqstant il-kandidati huma infurmati li l-għażliet tat-tieni lingwa aċċettati għal din il-kompetizzjoni ġew definiti f'konformità mal-interess tas-servizz, li jeżiġi li dawk li jiġu rreklutati jkunu jistgħu jibdew jaħdmu mal-ewwel u jikkomunikaw b'mod effiċjenti fix-xogħol tagħhom ta' kuljum. Jekk dan ma jkunx il-każ, it-tħaddim effettiv tal-Istituzzjonijiet ikun affettwat ħażin ħafna. Abbażi tal-prassi tal-Istituzzjonijiet tal-Unjoni li ilha titħaddem fir-rigward tal-lingwi użati għal komunikazzjoni interna, u b'kunsiderazzjoni tal-ħtiġijiet tas-servizzi fil-qasam tal-komunikazzjoni esterna u l-ipproċessar tal-fajls, l-Ingliż, il-Franċiż u l-Ġermaniż jibqgħu l-aktar lingwi użati. Barra minn hekk, l-Ingliż, il-Franċiż u l-Ġermaniż bla dubju huma t-tieni lingwa l-aktar magħżula mill-kandidati tal-kompetizzjonijiet meta dawn ikollhom il-possibbiltà li jagħżlu t-tieni lingwa tagħhom. Dan jikkonferma l-livell ta' edukazzjoni u l-kompetenzi professjonali li attwalment wieħed jista' jistenna mill-kandidati f'pożizzjonijiet fl-Istituzzjonijiet tal-Unjoni, jiġifieri l-għarfien ta' mill-inqas waħda minn dawn il-lingwi. Konsegwentement, meta wieħed iqabbel l-interess tas-servizz u l-ħtiġijiet u l-kapaċitajiet tal-kandidati, meta jitqies il-qasam partikolari ta' din il-kompetizzjoni, huwa ġġustifikat li jiġu organizzati eżamijiet f'dawn it-tliet lingwi sabiex jiġi żgurat li, tkun xi tkun l-ewwel lingwa uffiċjali tagħhom, il-kandidati kollha jkunu jafu tajjeb mill-inqas waħda minn dawn il-lingwi uffiċjali fil-livell ta' lingwa ta' ħidma. Barra minn hekk, fl-interess ta' trattament ugwali tal-kandidati kollha, inklużi dawk li l-ewwel lingwa uffiċjali tagħhom hija waħda minn dawn it-tlieta, kulħadd huwa meħtieġ li jagħmel l-eżami fit-tieni lingwa tiegħu, magħżula minn fost dawn it-tliet lingwi. Il-valutazzjoni tal-kompetenzi speċifiċi b'dan il-mod tippermetti lill-Istituzzjonijiet tal-Unjoni jevalwaw il-kapaċità tal-kandidati li jkunu jistgħu jaħdmu minnufih f'ambjent simili għal dak li jsibu fl-impjieg. Dawn id-dispożizzjonijiet ma jaffettwawx it-tagħlim ulterjuri tat-tielet lingwa ta' ħidma, b'konformità mal-Artikolu 45(2) tar-Regolamenti tal-Persunal. |
IV. L-AMMISSJONI GĦALL-KOMPETIZZJONI U S-SELEZZJONI ABBAŻI TAL-KWALIFIKI
1. Proċedura
L-evalwazzjoni tal-kundizzjonijiet ġenerali u speċifiċi kif ukoll is-selezzjoni abbażi tal-kwalifiki l-ewwel isiru skont id-dikjarazzjonijiet li tkun ipprovdejt fl-applikazzjoni tiegħek.
(a) |
Ir-risposti tiegħek għall-mistoqsijiet dwar il-kundizzjonijiet ġenerali u speċifiċi se jkunu pproċessati sabiex jiġi ddeterminat jekk inti tagħmilx parti mil-lista tal-kandidati li jissodisfaw il-kundizzjonijiet kollha tal-ammissjoni għall-kompetizzjoni. |
(b) |
Imbagħad, il-Bord ta' Selezzjoni se jagħżel abbażi tal-kwalifiki sabiex jidentifika, fost il-kandidati li jissodisfaw il-kundizzjonijiet tal-ammissjoni għall-kompetizzjoni, dawk il-kandidati li għandhom l-iktar kwalifiki rilevanti (speċjalment diplomi u esperjenza professjonali) b'rabta man-natura tad-dmirijiet u mal-kriterji għas-selezzjoni deskritti f'dan l-Avviż ta' Kompetizzjoni. Din is-selezzjoni ssir biss abbażi tad-dikjarazzjonijiet tiegħek, ipprovduti fit-taqsima “Evalwazzjoni tal-Kapaċitajiet” (“Talent Screener”) u ssir f'żewġ stadji:
|
Imbagħad, il-Bord ta' Selezzjoni jistabbilixxi klassifika tal-kandidati skont dawn il-marki globali. L-għadd (2) ta' kandidati mistiedna (3) għaċ-ċentru ta' evalwazzjoni u għall-eżamijiet orali u bil-miktub jikkorrespondi għal mhux iktar minn 3 darbiet in-numru ta' kandidati magħżula. Dan in-numru se jkun ippubblikat fuq il-websajt tal-EPSO (http://blogs.ec.europa.eu/eu-careers.info/).
2. Verifika tad-dikjarazzjonijiet tal-kandidati
Meta joħorġu r-riżultati tal-eżamijiet orali u bil-miktub, u fid-dawl ta' dawn ir-riżultati, id-dikjarazzjonijiet li jsiru mill-kandidati fl-applikazzjoni elettronika tagħhom se jiġu vverifikati mill-EPSO għall-kundizzjonijiet ġenerali, kif ukoll mill-Bord ta' Selezzjoni għall-kundizzjonijiet speċifiċi abbażi tad-dokumenti ta' prova pprovduti mill-kandidati. Għall-evalwazzjoni tal-kwalifiki, id-dokumenti ta' prova se jkunu kkunsidrati biss biex jikkonfermaw ir-risposti diġà mogħtija fit-taqsima “Evalwazzjoni tal-Kapaċitajiet” (“Talent Screener”). Jekk matul din il-verifika jinstab li dawn id-dikjarazzjonijiet (4) mhumiex ikkonfermati mid-dokumenti ta' prova relevanti, il-kandidati kkonċernati se jkunu esklużi mill-kompetizzjoni.
Il-verifika ssir, f'ordni ta' mertu mill-ogħla wieħed sal-anqas wieħed, għall-kandidati li jkunu ġabu l-minimu meħtieġ u l-aħjar marki għall-eżamijiet orali u bil-miktub f'daqqa. Din il-verifika tibqa' ssir sakemm jintlaħaq l-għadd ta' kandidati li jistgħu jitniżżlu fil-lista ta' riżerva u li effettivament jissodisfaw il-kundizzjonijiet kollha tal-ammissjoni. Id-dokumenti ta' prova tal-kandidati li jikklassifikaw taħt dan in-numru, mhux se jiġu eżaminati.
3. Kriterji għas-selezzjoni
Fil-kuntest tas-selezzjoni abbażi tal-kwalifiki, il-Bord ta' Selezzjoni se jikkunsidra l-kriterji li ġejjin:
1. |
Esperjenza professjonali ta' mill-anqas 5 snin fl-immaniġġjar ta' impjanti nukleari. |
2. |
Esperjenza professjonali f'dak li jirrigwarda programmi ta' diżattivazzjoni nukleari. |
3. |
Esperjenza professjonali fit-trasport ta' materjal u ta' sustanzi nukleari. |
4. |
Esperjenza professjonali fl-immaniġġjar tal-iskart nukleari. |
5. |
Esperjenza professjonali fl-immaniġġjar ta' proġetti u ta' kuntratti b'portata kbira. |
6. |
Esperjenza professjonali fl-immaniġġjar u fil-koordinazzjoni ta' timijiet tekniċi multidixxiplinarji u multinazzjonali. |
7. |
Għarfien eċċellenti tal-leġiżlazzjoni internazzjonali, Ewropea u Taljana fil-qasam nukleari, kif ukoll tar-regoli Taljani dwar ir-radjazzjoni jonizzanti. |
8. |
Għarfien tad-dritt Ewropew fil-qasam tas-saħħa u tas-sigurtà fuq il-post tax-xogħol. |
9. |
Kwalunkwe taħriġ ieħor, minbarra dak meħtieġ skont il-punt 2.1 tat-Taqsima III, f'wieħed mill-oqsma ewlenin ta' attività tal-unità (hekk kif definit fit-Taqsima II — In-Natura tad-Dmirijiet), ippruvat b'ċertifikat/diploma. |
10. |
Għarfien sodisfaċenti tal-lingwa Taljana (il-livell minimu meħtieġ huwa B2 tal-Qafas Komuni Ewropew ta' Referenza għal-Lingwi). |
V. IĊ-ĊENTRU TA' EVALWAZZJONI U L-EŻAMIJIET
L-eżamijiet jinkludu:
Minħabba raġunijiet ta' organizzazzjoni, it-testijiet li jsiru fiċ-ċentru ta' evalwazzjoni u l-eżamijiet orali u bil-miktub se jsiru fi Brussell, normalment fuq ġranet konsekuttivi. |
|||||||||||||
|
Iċ-ċentru ta' evalwazzjoni se jsir biss bil-lingwa 2 tiegħek. Ir-rapport dwar it-testijiet se jiġi kkomunikat lill-Bord ta' Selezzjoni, li jservi ta' appoġġ espert u kontribut tekniku fil-proċess tat-teħid ta' deċiżjoni. Dawn it-testijiet jinkludu b'mod partikolari:
Minħabba li r-rapport taċ-ċentru ta' evalwazzjoni mhuwiex kopert mir-regoli dwar il-kunfidenzjalità applikabbli għall-ħidma tal-Bord ta' Selezzjoni, dan jingħatalek fi tmiem l-eżami orali. |
||||||||||||
|
Fl-intervista, il-Bord ta' Selezzjoni għandu l-għan li jevalwa:
Dan l-eżami jingħata minn 0 sa 100 punt (il-minimu meħtieġ: 60 punt). |
||||||||||||
|
L-għan tal-eżami bil-miktub huwa li jevalwa l-kompetenza tiegħek fil-lingwa Taljana u l-għarfien tiegħek fil-qasam. Dan l-eżami jinvolvi l-abbozzar ta' nota li fiha inti se tintalab tittratta xi dokumenti, wara li tkun analizzajt estratti mil-leġiżlazzjoni Taljana dwar is-settur nukleari u/jew ir-regoli Taljani dwar ir-radjuprotezzjoni. Dan l-eżami jingħata minn 0 sa 60 punt (il-minimu meħtieġ: 30 punt). Tul tal-eżami (mogħti biss għall-informazzjoni): 1h30min Dan l-eżami bil-miktub se jiġi kkoreġut biss għal dawk il-kandidati li jkunu kisbu l-minimu meħtieġ fl-intervista mal-Bord ta' Selezzjoni. |
VI. IL-LISTA TA' RIŻERVA
|
Il-Bord ta' Selezzjoni jniżżel ismek fil-lista ta' riżerva (6) jekk tkun wieħed mill-kandidati li jkunu kisbu l-minimu meħtieġ flimkien ma' waħda mill-aħjar marki fl-eżamijiet orali u bil-miktub. |
||
|
Il-lista tiġi stabbilita skont l-ordni alfabetiku. |
VII. KIF TAPPLIKA?
|
Għandek tapplika b'mod elettroniku billi ssegwi l-proċedura indikata fuq il-websajt tal-EPSO, u b'mod partikolari fil-Manwal tal-Applikazzjoni. Data tal-għ eluq (inkluża l-validazzjoni): il-25 ta' Ġunju 2013 f'12:00 (nofsinhar), ħin ta' Brussell |
|||||||
|
Flimkien mal-applikazzjoni elettronika, għandek tipprintja kopja tar-reġistrazzjoni elettronika tiegħek li tkun ivvalidajt, tiffirmaha u tibgħatha, mehmuża mad-dokumenti ta' prova relevanti, fl-indirizz li ġej:
Data tal-għeluq: il-25 ta' Ġunju 2013, it-timbru tal-posta jservi bħala prova Kundizzjonijiet: ara l-punt 6.1 tal-gwida applikabbli għall-kompetizzjonijiet ġenerali. |
(1) * F'dan l-avviż kull referenza għal persuna tas-sess maskil tirreferi wkoll għal persuna tas-sess femminil.
(2) Fil-każ li fl-aħħar post ikun hemm aktar minn kandidat wieħed li jġibu l-istess marka, dawn il-kandidati kollha jiġu mistiedna għaċ-ċentru ta' evalwazzjoni u għall-eżamijiet orali u bil-miktub.
(3) Il-kandidati li ma jiġux mistiedna għaċ-ċentru ta' evalwazzjoni u għall-eżamijiet orali u bil-miktub jirċievu r-riżultati tal-evalwazzjoni tagħhom kif ukoll il-piż ta' kull mistoqsija mingħand il-Bord ta' Selezzjoni.
(4) Din l-informazzjoni tiġi vverifikata, abbażi tad-dokumenti ta' prova, qabel ma tiġi stabbilita l-lista ta' riżerva (ara l-punt 1 tat-Taqsima VI u l-punt 2 tat-Taqsima VII).
(5) Il-kontenut huwa vvalidat mill-Bord ta' Selezzjoni.
(6) Fil-każ li fl-aħħar post ikun hemm aktar minn kandidat wieħed li jġibu l-istess marka, dawn il-kandidati kollha jitniżżlu fil-lista ta' riżerva.
ANNESS
Jekk jogħġbok innota li l-punti:
— |
5.3, |
— |
5.4 u |
— |
6.2 |
tal-gwida applikabbli għall-kompetizzjonijiet ġenerali, ippubblikata f'Il-Ġurnal Uffiċjali C 270 A tas-7 ta' Settembru 2012 ma japplikawx għal din il-kompetizzjoni.
— |
IL-PUNT 5.3 “ĊENTRU TA' EVALWAZZJONI” HUWA SOSTITWIT BIT-TEST SEGWENTI: “5.3 Iċ-ċentru ta' evalwazzjoni u l-eżami orali Jekk l-Avviż tal-Kompetizzjoni jipprevedi l-parteċipazjoni f'testijiet organizzati f'ċentru ta' evalwazzjoni qabel l-eżami orali, ir-riżultat ta' dawn it-testijiet se jkun ikkomunikat lill-Bord ta' Selezzjoni bl-uniku skop li jgħinhom fil-proċess tat-teħid ta' deċiżjoni. Dawn it-testijiet ma jingħatawx marki u toħodhom lura fi tmiem l-eżami orali. F'każijiet ta' force majeure u b'mod eċċezzjonali, huwa possibbli li tiġi kkunsidrata bidla fid-data tal-eżami orali jekk titlob għal dan b'raġuni debitament iġġustifikata, li mbagħad tiġi evalwata mill-Bord ta' Selezzjoni skont kif ikun xieraq. Madanakollu, din id-deċiżjoni tittieħed b'tali mod li ma tikkompromettix l-omoġeneità tal-evalwazzjoni tal-prestazzjoni tal-kandidati fl-eżami orali u li ma tkunx ta' ħsara għall-proċess tal-kompetizzjoni u għall-interess tas-servizz.” |
— |
IL-PUNT 5.4 “LISTI TA' RIŻERVA” HUWA SOSTITWIT BIT-TEST SEGWENTI: “Malli tintemm il-proċedura tal-kompetizzjoni, il-Bord ta' Selezzjoni jistabbilixxi lista ta' riżerva li tiġbor fiha l-ismijiet tal-kandidati magħżula f'din il-kompetizzjoni. Imbagħad din il-lista tintbagħat lill-istituzzjonijiet, li huma l-uniċi entitajiet responsabbli mir-reklutaġġ. Il-lista ta' riżerva kif ukoll id-data tal-iskadenza tagħha jiġu ppubblikati (1) f'Il-Ġurnal Uffiċjali tal-Unjoni Ewropea u fuq il-websajt tal-EPSO. F'ċerti każijiet, huwa possibbli li tiġi estiża l-iskadenza ta' din il-lista. Id-deċiżjoni dwar l-estensjoni tiġi ppubblikata biss fuq il-websajt tal-EPSO. |
— |
IL-PUNT 6.2 “AĊĊESS GĦALL-INFORMAZZJONI” HUWA SOSTITWIT BIT-TEST SEGWENTI: “Wara li tiġi stabbilita l-lista ta' riżerva mill-Bord ta' Selezzjoni tal-kompetizzjoni:
|
(1) Kandidat li jkun intgħażel jista' jitlob b'mod espliċitu li ismu ma jiġix ippubblikat. Din it-talba għandha tasal għand l-EPSO mhux aktar tard minn ġimagħtejn wara li jiġu kkomunikati r-riżultati.”