13.4.2013   

MT

Il-Ġurnal Uffiċjali tal-Unjoni Ewropea

C 107/7

1.

Skont id-Deċiżjoni Nru 1351/2008/KE tal-Parlament Ewropew u tal-Kunsill tas-16 ta’ Diċembru 2008 li tistabbilixxi programm Komunitarju pluriennali dwar il-ħarsien tat-tfal li jużaw l-Internet u t-teknoloġiji l-oħrajn tal-komunikazzjoni (1) (Internet Aktar Sikur), il-Kummissjoni Ewropea b’dan qed tistieden proposti għal azzjonijiet biex jiġu ffinanzjati permezz tal-programm.

Il-programm “Internet Aktar Sikur” huwa bbażat fuq erba’ azzjonijiet:

Il-programm huwa s-suċċessur tal-programm Internet Aktar Sikur plus (Safer Internet plus) (bejn l-2005 u l-2008).

2.

F'konformità mal-Artikolu 3 tad-Deċiżjoni tal-Parlament Ewropew u tal-Kunsill, il-Kummissjoni Ewropea fasslet Programm ta' Ħidma (2) biex iservi ta' bażi għall-implimentazzjoni tal-programm fl-2013. Il-Programm ta’ Ħidma fih aktar informazzjoni dwar l-għanijiet, il-prijoritajiet, il-baġit indikattiv u t-tipi ta’ azzjonijiet imsemmija f'dan l-avviż tas-sejħa u r-regoli tal-eliġibbiltà għall-parteċipazzjoni fih.

3.

Il-Gwida għall-Proponenti fiha informazzjoni dwar kif għandhom jitħejjew u jitressqu l-proposti u dwar il-proċess tal-evalwazzjoni (3).

Din id-dokumentazzjoni, flimkien mal-Programm ta’ Ħidma u ma’ kwalunkwe informazzjoni oħra marbuta ma’ din is-sejħa, jistgħu jinkisbu mingħand il-Kummissjoni Ewropea fuq dan l-indirizz li ġej:

4.

Jistgħu jsiru proposti għall-partijiet tas-sejħa identifikati hawn taħt. L-applikanti li jixtiequ jressqu proposti għal aktar minn parti waħda tas-sejħa għandhom iressqu proposti separati għal kull parti.

5.

Il-baġit totali indikattiv disponibbli għal din is-sejħa taħt il-baġit tal-2013 huwa ta’ EUR 2 275 600 tal-kontribuzzjoni tal-UE (4).

L-għotjiet għall-proposti mressqa bi tweġiba għal din is-sejħa se jingħataw permezz ta’ ftehimiet ta’ għotja.

L-evalwazzjoni tal-proposti se twassal għal lista ta’ proposti li għandhom jiġu ffinanzjati. Din il-lista tista’ tiġi kkumplimentata minn lista ta’ riżerva ta’ proposti ta’ kwalità suffiċjenti, li għandhom jiġu ffinanzjati jekk il-baġit jippermetti.

6.

Is-sejħa għall-proposti f’dan il-Programm ta’ Ħidma hija miftuħa għall-entitajiet legali kollha stabbiliti fl-Istati Membri. Hija miftuħa wkoll għall-parteċipazzjoni ta’ entitajiet legali stabbiliti fl-Istati EFTA li huma partijiet kontraenti tal-Ftehim taż-ŻEE (in-Norveġja, l-Islanda u l-Liechtenstein).

Is-sejħa hija miftuħa wkoll għall-parteċipazzjoni ta’ entitajiet legali stabbiliti f’pajjiżi oħra skont il-kundizzjonijiet stipulati fl-Artikolu 2 tad-Deċiżjoni tal-Programm (5), dejjem jekk ikun iffirmat ftehim bilaterali. Jekk il-proposti mressqa mill-entitajiet legali minn dawn il-pajjiżi jintgħażlu għall-finanzjament, il-ftehim tal-għotja se jiġi ffirmat biss ladarba jkunu ttieħdu l-passi meħtieġa sabiex il-pajjiż ikkonċernat jissieħeb fil-Programm permezz tal-iffirmar ta’ ftehim bilaterali. L-informazzjoni aġġornata dwar liema pajjiżi huma msieħba fil-Programm hija disponibbli fuq is-sit tal-internet tal-Programm http://ec.europa.eu/saferinternet

Entitajiet legali stabbiliti f’pajjiżi li mhumiex fl-UE, minbarra dawk imsemmija hawn fuq, kif ukoll organizzazzjonijiet internazzjonali, jistgħu jieħdu sehem fil-proġetti kollha bi spejjeż tagħhom stess.

7.

Identifikatur: 1.1. PJATTAFORMI PILOTA GĦAL ĊENTRI TAL-INTERNET AKTAR SIKUR

Il-Programm jistieden proposti għal proġett pilota bl-għanijiet li ġejjin:

Il-kundizzjonijiet u r-rekwiżiti speċifiċi għal dan il-proġett pilota huma stipulati f’iktar dettall fil-Programm ta’ Ħidma.

L-utenti aħħarin potenzjali/il-grupp fil-mira tal-pjattaforma pilota għandhom ikunu tal-inqas 10 Ċentri tal-Internet Aktar Sikur.

Il-proġett pilota għandu jintemm indikattivament sa Ottubru 2014.

Il-proġett pilota se jitwettaq bħala netwerk integrat u l-koordinaturi se jirċievu sa 100 % tal-ispejjeż diretti eliġibbli (kif inhu spjegat fil-mudell tal-ftehim tal-għotja) ħlief għall-ispejjeż indiretti (overheads).

8.

Identifikatur: 3.1. NETWERK TEMATIKU: NETWERK TA’ NGO GĦALL-PROTEZZJONI TAT-TFAL FUQ L-INTERNET

Il-programm jistieden l-istabbiliment ta’ netwerk tematiku għall-protezzjoni tat-tfal fuq l-internet sabiex jiżgura li l-protezzjoni u d-drittijiet tat-tfal se jiġu inklużi fl-aġenda fejn jiġu diskussi kwistjonijiet marbuta mal-amministrazzjoni fuq l-internet, iċ-ċiberkriminalità u l-internet u s-sikurezza/sigurtà fuq l-internet, mill-atturi nazzjonali u internazzjonali rilevanti.

Il-kundizzjonijiet u r-rekwiżiti speċifiċi għal dan in-netwerk tematiku huma stipulati f’iktar dettall fil-Programm ta’ Ħidma.

L-ispejjeż tal-koordinatur tan-netwerk għall-koordinazzjoni u l-implimentazzjoni tan-netwerk huma koperti f’rata sa 100 % tal-ispejjeż diretti eliġibbli (kif spjegat fil-mudell tal-ftehim tal-għotja), bl-esklużjoni tal-ispejjeż indiretti (overheads). Il-membri tan-netwerk ikopru l-ispejjeż amministrattivi tagħhom ħlief l-ivvjaġġar għal-laqgħat tan-netwerk, li jistgħu jiġu rimborżati taħt il-baġit tan-netwerk.

—

Li l-proposta tkun waslet għand il-Kummissjoni fid-data u l-ħin tal-iskadenza stabbiliti fis-sejħa jew qabel.

—

Li l-proposta tkun kompluta. Il-proposti li ma jkunux kompluti b’mod sostanzjali – jiġifieri li fihom il-formoli ma jkunux jinkludu biżżejjed informazzjoni biex jiġu identifikati is-sħab u l-istatus legali tagħhom u biex jiġi evalwat l-ambitu tal-proġett propost – ser jiġu esklużi.

12.

Il-proposti jridu jitħejjew fuq il-formoli mogħtija fil-Gwida għall-proponenti, u jridu jintbagħtu lill-Kummissjoni f’forma stampata waħda (1) oriġinali u ħames (5) kopji, akkumpanjati minn kopja elettronika fuq CD-Rom, fl-indirizz li ġej:

13.

Id-data u l-ħin tal-iskadenza għat-tressiq tal-proposti kollha: it-23 ta’ Mejju 2013 fil-17:00 (ħin lokali tal-Lussemburgu).

Il-proposti li jaslu wara l-iskadenza, jew li jintbagħtu permezz tal-feks jew permezz tal-posta elettronika mhux se jitqiesu.

14.

L-iskeda indikattiva tal-evalwazzjoni u tal-għażla: l-evalwazzjoni se ssir fi żmien xahrejn mid-data tal-iskadenza ta’ din is-sejħa. L-applikanti se jiġu informati dwar ir-riżultati tal-applikazzjoni tagħhom wara li tkun seħħet l-evalwazzjoni (tentattivament f’Settembru) u l-ftehim tal-għotja se jiġi ffirmat sal-aħħar tal-2013. Iż-żmien ta’ xi proġetti ġodda se jikkunsidra l-ftehimiet tal-għotja eżistenti sabiex jiżgura li ma jkunx hemm trikkib ma’ attivitajiet simili kif ukoll l-kontinwità tal-attivitajiet. F’tali każijiet l-applikanti jistgħu jitolbu li l-azzjoni tibda bejn id-data ta’ sottomissjoni tal-proposta tagħhom u l-firma tal-ftehim tal-għotja.

15.

Għall-korrispondenza kollha marbuta ma’ din is-sejħa (pereżempju meta tintalab xi informazzjoni jew meta tintbagħat proposta), jekk jogħġobkom żguraw li ssemmu l-identifikatur tal-parti tas-sejħa applikabbli.

Meta jressqu proposta, l-applikanti jkunu qed jaċċettaw il-proċeduri u l-kundizzjonijiet kif deskritti f’din is-sejħa u fid-dokumenti li jirreferu għaliha.

Il-proposti kollha li jaslu għand il-Kummissjoni Ewropea se jiġu ttrattati b'mod strettament kunfidenzjali.

L-Unjoni Ewropea tapplika politika ta’ opportunitajiet ugwali u, f’dan il-kuntest, in-nisa huma mħeġġa b’mod partikulari biex iressqu proposti jew biex jinvolvu ruħhom fit-tressiq tagħhom.