12.1.2013   

MT

Il-Ġurnal Uffiċjali tal-Unjoni Ewropea

C 8/10

Notifika minn qabel ta' konċentrazzjoni

(Każ COMP/M.6746 – Mitsui/Severstal/Severstal-SSC-Vsevolozhsk JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2013/C 8/05

1.

Fit-3 ta’ Jannar 2013, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Mitsui & Co. Ltd (“Mitsui”, il-Ġappun) u OAO Severstal (“Severstal”, ir-Russja), li hija ta' MAA Group (ir-Russja) jiksbu, skont it-tifsira tal-Artikolu 3(1)(b) tar-Regolament dwar l-Għaqdiet, kontroll konġunt ta' Severstal-SSC-Vsevolozhsk permezz ta’ xiri ta' ishma f’kumpanija ġdida li tikkostitwixxi impriża konġunta.

2.

L-attivitajiet kummerċjali tal-impriżi kkonċernati huma:

—

għal Mitsui: il-bejgħ, id-distribuzzjoni, ix-xiri, il-kummerċjalizzazzjoni u l-provvista ta' ħadid, azzar, metalli mhux ferrużi, komponenti elettroniċi u kimika, kif ukoll il-bejgħ ta’ vetturi bil-mutur, muturi u oġġetti simili,

—

għal Severstal: il-produzzjoni u l-kummerċjalizzazzjoni ta' prodotti tal-azzar u operat ta' minjieri relatat mal-azzar,

—

għal Severstal-SSC-Vsevolozhsk: manifattura, ħżin u distribuzzjoni ta’ prodotti varji tal-azzar proċessat prinċipalment għall-produtturi tal-karozzi.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6746 – Mitsui/Severstal/Severstal-SSC-Vsevolozhsk JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).