4.7.2012   

MT

Il-Ġurnal Uffiċjali tal-Unjoni Ewropea

C 196/18

Notifika minn qabel ta' konċentrazzjoni

(Każ COMP/M.6622 – Banco Santander/Kredyt Bank/Zagiel)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 196/11

1.

Fil-21 ta’ Ġunju 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Banco Santander (“Banco Santander”, Spanja) takkwista, fi ħdan it-tifsira tal-Artikolu 3(1)(b) tar-Regolament dwar l-Għaqdiet, il-kontroll kollu tal-impriżi Kredyt Bank SA (“KB”, il-Polonja) u Zagiel SA (“Zagiel”, il-Polonja), it-tnejn preżentement ikkontrollati minn KBC bank NV (l-Olanda), permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

għal Banco Santander: il-kumpanija ewlenija ta’ grupp internazzjonali ta' banek u kumpaniji finanzjarji li joperaw fi Spanja u internazzjonalment,

—

għal KB: bank universali Pollakk li jipprovdi firxa sħiħa ta’servizzi lil klijenti individwali u korporattivi, kif ukoll bħala servizzi ta’ kustodja u attivitajiet ta’ investiment,

—

għal Zagiel: intermedjaru li jsellef li joffri lill-konsumaturi self fi flus kontanti u permezz ta' pagamenti.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6622 – Banco Santander/Kredyt Bank/Zagiel, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).