9.5.2012   

MT

Il-Ġurnal Uffiċjali tal-Unjoni Ewropea

C 135/21

Notifika minn qabel ta' konċentrazzjoni

(Każ COMP/M.6454 – Limagrain/KWS/Genective JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 135/10

1.

Fil-25 ta’ April 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Vilmorin & Cie SA (“VCO”, Franza) ikkontrollata minn Groupe Limagrain Holding (“Limagrain”, Franza) u KWS SAAT AG (“KWS”, il-Ġermanja) jakkwistaw, fi ħdan it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Genective SA (“Genective”, Franza) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal Limagrain: attivitajiet fil-qasam agroindustrijali inklużi żrieragħ, żerriegħa tal-ħaxix u prodotti taċ-ċereali,

—

għal VCO: riċerka, trobbija, produzzjoni u bejgħ ta’ żerriegħa għas-settur professjonali,

—

għal KWS: riċerka, trobbija, produzzjoni u bejgħ ta’ żerriegħa għal uċuh agrikoli,

—

għal Genective: riċerka u żvilupp ta’ avvenimenti prekummerċjali li jkun fihom tratt transġeniku wieħed, jew aktar, u l-liċenzjar ta’ avvenimenti bħal dawn.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6454 – Limagrain/KWS/Genective JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).