22.11.2011   

MT

Il-Ġurnal Uffiċjali tal-Unjoni Ewropea

C 341/6

Notifika minn qabel ta' konċentrazzjoni

(Każ COMP/M.6321 – Buitenfood/Ad van Geloven Holding/JV)

(Test b’relevanza għaż-ŻEE)

2011/C 341/07

1.

Fis-16 ta’ Novembru 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi NPM Capital N.V. (“NPM”, il-Pajjiżi l-Baxxi), proprjetà sussidjarja ta' SHV Holdings N.V. (“SHV”, il-Pajjiżi l-Baxxi) u Lion Capital LLP (“Lion”, ir-Renju Unit) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet kontroll konġunt tal-impriża konġunta ġdida (“il-JV”, il-Pajjiżi l-Baxxi) li tikkontrolla Buitenfood B.V. (“Buitenfood”, il-Pajjiżi l-Baxxi), li qabel kienet proprjetà ta' NPM, u Ad van Geloven Holding B.V. (“AvG”, il-Pajjiżi l-Baxxi), li qabel kienet proprjetà ta' Lion, permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal NPM: investiment f'ekwità privata f'diversi setturi tal-industrija,

—

għal SHV: il-kummerċ u d-distribuzzjoni tal-gass likwifikat miż-żejt, il-kummerċ ta' oġġetti tal-ikel u mhux għall-konsumatur, l-għoti ta' ekwità privata, l-esplorazzjoni u l-produzzjoni taż-żejt u l-gass, l-irfigħ tqil u l-enerġija rinnovabbli,

—

għal Lion: investimenti f'ekwità privata, prinċipalment fil-kumpaniji li jkunu involuti fil-produzzjoni u/jew il-bejgħ ta' prodotti tal-konsum tad-ditta,

—

għal Buitenfood: il-produzzjoni u l-bejgħ ta' snacks iffriżati għas-suq tal-konsumaturi u għas-suq tat-take aways; il-produzzjoni ta' prodotti ta' snacks iffriżati b'tikketta privata għall-kummerċjanti bl-imnut u bl-ingrossa fis-suq tat-take aways,

—

għal AvG: il-produzzjoni u l-bejgħ ta' snacks iffriżati għas-suq tal-konsumaturi u għas-suq tat-take aways; il-produzzjoni ta' prodotti ta' snacks iffriżati b'tikketta privata għall-kummerċjanti bl-imnut u bl-ingrossa fis-suq tat-take aways,

—

għall-JV: il-produzzjoni u l-bejgħ ta' snacks iffriżati prinċipalment fil-Pajjiżi l-Baxxi u l-Belġju.

3.

Wara eżami preliminari, il-Kummissjoni ssib li l-operazzjoni nnotifikata tista’ taqa’ fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6321 – Buitenfood/Ad van Geloven Holding/JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).