4.10.2011   

MT

Il-Ġurnal Uffiċjali tal-Unjoni Ewropea

C 291/9

Notifika minn qabel ta' konċentrazzjoni

(Każ COMP/M.6350 – Siemens/NEM Holding)

(Test b’relevanza għaż-ŻEE)

2011/C 291/05

1.

Fit-23 ta’ Settembru 2011 il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Siemens AG (“Siemens”, il-Ġermanja) takkwista indirettament, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ ta' NEM Holding (“NEM”, il-Pajjiżi l-Baxxi) permezz tax-xiri ta' ishma u assi.

2.

L-attivitajiet kummerċjali tal-impriżi kkonċernati huma:

—

għal Siemens: il-provvista ta' firxa wiesgħa ta' prodotti u servizzi lill-klijenti fil-biċċa l-kbira tagħhom mill-industrija fi tliet oqsma ta' negozju: industija, enerġija u kura tas-saħħa,

—

għal NEM: id-disinn, l-inġinerija, il-provvista u l-manutenzjoni ta' ekwipaġġament li jiġġenera l-istim, inkluż id-disinn, l-inġinerija u l-provvista ta' ġeneraturi tal-istim li jirkupraw is-sħana; kif ukoll id-disinn, l-inġinerija u l-provvista ta' bojlers mħaddma bil-gass u l-provvista ta' ċerti prodotti u servizzi relatati mal-bojlers.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6350 – Siemens/NEM Holding, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).