9.9.2011   

MT

Il-Ġurnal Uffiċjali tal-Unjoni Ewropea

C 265/19

Notifika minn qabel ta' konċentrazzjoni

(Każ COMP/M.6361 – ZF/Hansen)

(Test b’relevanza għaż-ŻEE)

2011/C 265/03

1.

Fis-26 ta' Awwissu 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża ZF Friedrichshafen AG (“ZF”, il-Ġermanja) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll tal-intier ta' Hansen Transmissions International NV (“Hansen”, il-Belġju) permezz tax-xiri ta' ishma b'riżultat ta' offerta ta' flus likwidi mħabbra fil-25 ta’ Lulju 2011 u impustata lill-Azzjonisti u d-detenturi tal-Warrants ta' Hansen fit-18 ta’ Awwissu 2011.

2.

L-attivitajiet kummerċjali tal-impriżi kkonċernati huma:

—

għall-impriża ZF: fornitur awtomottiv dinji għal teknoloġija driveline u tax-chassis, attiv ukoll fil-forniment ta' komponenti għall-avjazzjoni u l-industrija marittima,

—

għall-impriża Hansen: disinjatur, manifattur u fornitur globali ta' gearboxes tat-turbini tar-riħ, attiva b'mod partikolari fit-turbini tar-riħ bil-gerijiet u li għandhom saħħa ta' bosta megawatts.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6361 – ZF/Hansen, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).