28.7.2011   

MT

Il-Ġurnal Uffiċjali tal-Unjoni Ewropea

C 222/19

Notifika minn qabel ta' konċentrazzjoni

(Każ COMP/M.6302 – F2i/AXA Funds/G6 Rete Gas)

(Test b’relevanza għaż-ŻEE)

2011/C 222/13

1.

Fit-18 ta’ Lulju 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi F2i Fondi Italiani per le Infrastrutture S.G.R. SpA (“F2i”, l-Italja), f’isem F2i – Fondo Italiano per le Infrastrutture, u tliet fondi ta’ investiment – jiġifieri AXA Infrastructure Investissement SAS, AXA UK Infrastructure Investment SAS, u AXA Infrastructure Partners FCPR (kollettivament imsejħa “AXA Funds”) – indirettament ġestiti minn AXA Private Equity (“AXA PE”, Franza), li huma parti mill-Grupp AXA, jakkwistaw fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta' G6 Rete Gas SpA (“G6 Rete Gas”, l-Italja), li bħalissa hija proprjetà ta’ GDF Suez Energia Italia SpA, li hija parti mill-Grupp GDF Suez, permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal F2i: kumpanija ta' ġestjoni ta’ assi,

—

għal AXA PE: attiva fin-negozju tal-ġestjoni ta’ assi u parti mill-Grupp AXA,

—

għal G6 Rete Gas: il-provvista tad-distribuzzjoni tal-gass u ta’ servizzi anċillari, kumpanija possedenti ta’ permessi ta’ distribuzzjoni f’474 muniċipju Taljan.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6302 – F2i/AXA Funds/G6 Rete Gas, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).