9.7.2011

Il-Ġurnal Uffiċjali tal-Unjoni Ewropea

C 203/20

Notifika minn qabel ta' konċentrazzjoni

(Każ COMP/M.6232 – Allianz/Banco Popular/Popular Gestión)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2011/C 203/11

Fl-1 ta’ Lulju 2011, il–Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) 139/2004 (1) li permezz tagħha l-impriża Allianz SE (“Allianz”, il-Ġermanja) u Banco Popular Español SA (“BPE”, Spanja) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt Popular Gestión, SGIIC, SA (“PG”, Spanja) permezz ta’ xiri ta' ishma.

L-attivitajiet kummerċjali tal-impriżi kkonċernati huma:

—	għal Allianz: fornitriċi ta' assigurazzjoni internazzjonali u ta' servizzi finanzjarji,

—	għal BPE: servizzi bankarji kummerċjali, fatturament, ġestjoni ta’ assi, ġestjoni tal-fondi ta’ pensjoni, ġestjoni ta’ titoli u ta’ kambju, self fit-tul, u setturi ta’ assigurazzjoni,

—	għal PG: servizzi ta' ġestjoni ta' assi.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6232 – Allianz/Banco Popular/Popular Gestión, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2) ĠU C 56, 5.3.2005, p. 32 (“Avviż ta’ proċedura simplifikata”).