26.11.2010   

MT

Il-Ġurnal Uffiċjali tal-Unjoni Ewropea

C 321/12

Notifika minn qabel ta' konċentrazzjoni

(Każ COMP/M.5961 – Bertrand Restauration/Inbev France/Bars&Co)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2010/C 321/07

1.

Fid-19 ta’ Novembru 2010, il-Kummissjoni rċeviet notifika ta’ konċentrazzjoni proposta, skont l-Artikolu 4 tar-Regolament (KE) Nru 139/2004 tal-Kunsill (1), li permezz tagħha l-impriża Groupe Bertrand Restauration (“Bertrand Restauration”, Franza), ikkontrollata minn Groupe Bertrand (“Groupe Bertrand”, Franza) u Groupe LVMH (“LVMH”, Franza), u AB Inbev France (“Inbev France”, Franza), ikkontrollata minn Anheuser-Bush Inbev (“Groupe Inbev”, il-Belġju) jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Bars&Co, permezz ta’ impriża konġunta li għadha kemm inħolqot u msemmija Bars&Co Développement Franchises (“BCDF”, Franza).

2.

L-attivitajiet kummerċjali tal-impriżi kkonċernati huma:

—

Bertrand Restauration hija speċjalizzata fis-settur tal-kejtering (postijiet fejn jinbiegħu is-sandwiches, kafetteriji, fast food),

—

Groupe Bertrand, b’żieda ma’ Bertrand Restauration, hija presenti fis-settur tal-ħami tal-ħobż u fit-tqassim tax-xorb destinati għall-kċejjen-lukandi-kejtering,

—

LVMH hija waħda mill-gruppi Franċiżi ewlenin speċjalizzati fl-industrija tal-lussu (inbejjed, spirti, moda, oġġetti tal-ġilda, fwejjaħ, ġoiellerija),

—

Il-Groupe Anheuser-Busch Inbev huwa attiv fis-setturi tal-produzzjoni u t-tqassim tal-birrer u xorb mhux alkoliku,

—

Bars&CO bħalissa qed tmexxi, fi ħdan Inbev France, in-netwerks b’konċessjonijiet ta’ bars u pubs b’tema tal-grupp Anheuser-Busch Inbev taħt l-ismijiet “Au Bureau”, “Belgian Beer Café”, “Brussel's Café”, “Café Leffe” u “Irish Corner” fit-territorju Franċiż,

—

BCDF hija kumpanija ġdida maħluqa għall-bżonnijiet tal-operazzjoni, u li se tiġi ddedikata għall-iżvilupp tan-netwerks ta’ bars, pubs u kejtering b’konċessjoni permezz ta’ Bars&Co.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5961 – Bertrand Restauration/Inbev France/Bars&Co, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).