28.10.2010   

MT

Il-Ġurnal Uffiċjali tal-Unjoni Ewropea

C 292/28

Notifika minn qabel ta' konċentrazzjoni

(Każ COMP/M.6012 – CD&R/CVC/Univar)

(Test b’relevanza għaż-ŻEE)

2010/C 292/10

1.

Fid-19 ta’ Ottubru 2010, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Clayton, Dubilier & Rice, LLC, (“CD&R”, l-Istati Uniti tal-Amerika), permezz ta' waħda mill-fondi tagħha, u fondi tal-investiment b'konsultazzjoni ta' CVC Capital Partners SICAV-FIS SA u s-sussidjarji u l-affiljati tagħha (“CVC”, l-Istati Uniti tal-Amerika), jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt Univar Inc. (“Univar”, l-Istati Uniti tal-Amerika), permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

CD&R: grupp ta' investiment ta' ekwità privata li joriġina, jistruttura u jaġixxi bħala investitur ta' ekwità f'xiri ta' kumpaniji mill-maniġers tagħhom stess, investimenti ta' ekwità b'minoranza strateġika u investimenti strateġiċi oħra,

—

CVC: grupp ta' investiment ta' ekwità privata, li jipprovdi pariri dwar l-investimenti lil u/jew jimmaniġġja l-investimenti f'isem fondi ta' investiment f'kumpaniji attivi fost varji industriji li jinkludu dawk tal-kimika, l-utilitajiet, il-manifattura, bejgħ bl-imnut u d-distribuzzjoni,

—

Univar: id-distribuzzjoni ta' prodotti kimiċi.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6012 – CD&R/CVC/Univar, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).